泰屋

營業中

休息中

因之前吃開的泰國菜館已結業，於是在網上找些好吃的泰國餐廳。在網上看到這間泰屋有很多好評，於是在母親節第一次惠顧，媽媽喜愛吃泰國菜，而這裏的地點亦算方便。但是，沒有遇期的美味，只有濃濃的失望，首先，點了的沙嗲串燒不是熱辣辣的，只可說是暖和，那些牛肉串燒完全沒有牛味而且非常煙韌，雞肉沙爹串還可以。我最愛的蒜蓉包更是「冷」的，像是放了很久，完全是難以置信。最令我印象難忘的是那個芒果軟貝殼蟹⋯⋯完全是「林啤啤」及勁甜，據媽媽的描述，這像是是只有甜味的「生炒骨」味道，那些芒果更是甜到漏，我完全想知到底是用了多少糖，而那些軟殼蟹，完全沒有軟殼蟹的味道，真的是我吃過最難吃的軟殼蟹，你能想像是吃一埋炸了的「生粉」加勁甜汁嗎？椰汁雞湯有點像「走辣味」的冬陰功湯，亦是完全沒有椰汁及雞味，只是「酸」。全餐最好的竟是那個椰青及生菜包，不明白不知是否沒有點了招牌菜才會這樣差，但實在是不會再光臨。

九龍城泰國🇹🇭菜就食得多，旺角原來都有正宗好食😋泰國菜。椰子🥥鷄湯：香港好多泰國餐廳都無，就算有都係辣，難得係唔辣👍🏻好香椰子味，配料好足。泰式生蝦：平時原來唔夠膽食😖今次朋友叫，又見個樣正正常常咁，試左都唔錯，無想像中生海鮮嘅腥味。泰式豬頸肉：肉質嫩、辣辣地黃叻喱牛腩：咖喱🍛唔似即食或者買返黎嘅野，食得出有好多香料，牛腩唔硬，唔會有渣薄餅：夠乾身，有麵粉香泰式炒通菜：啲菜好嫩、無咩渣（可能揀過），唔錯

晚餐去泰屋食泰國菜，6點去到不用排隊。冬陰公鮮蝦湯$108，我們兩個人叫了大份的冬陰公湯因不打算叫澱粉質類的粉面。味道正宗，甜酸辣香齊備，很開胃惹味。入面的蝦及菇份量不少，可以當一個餸了。泰式生蝦刺身$108，賣相擺設得很靚，蝦鮮蝦，爽滑，加上泰式辣將更加滋味。星洲咖哩牛根腩$98，牛根腩腍香，份量多，煮得很入味。星洲咖哩很特別，加入絲碎蛋白更有質感，即使我們沒有叫白飯，也把醬汁清得很乾淨。加上泰國椰青，清新爽俐呢。服務也很好，我朋友不吃辣的，店員也很願意特別配合。

餐廳面積夠大，空氣夠流通，環境企理，碗筷乾淨👍🏼六點半入座率大概五成，但七點開始已經爆場。冬蔭公鮮蝦炒飯 $85炒飯有蛋、蔥、草菇同鮮蝦，啲飯食落去粒粒分明，唔會濕。食落口冬蔭公味好香，唔會好濃又唔會淡，岩岩好👍🏼好開胃，帶少少辣🌶可以order個陣同員工講少辣馬拉盞炒通菜 $72好香好有鑊氣👍🏼少少咸香味，咸度適中唔會過咸，好岩用黎送飯，推介大家一定要試😌炭燒豬頸肉 $80豬頸肉份量都多，重點係個甜酸配醬，係出面未食過嘅味道，超級開胃😋試完一定有驚喜👍🏼醃肉碎生菜包 $85超大份！啲肉碎多到食唔晒，豬肉碎好香有肉汁👍🏼有好多塊生菜比你包住食，我每塊都包好多肉碎，最後啲肉碎都有剩🥳另外仲order左兩杯飲品，超解渴～正呀！

冬陰功、海南雞等有板有眼。冬陰功是已經熬好的豬骨湯底，再加南薑、香茅、檸檬葉、紅葱頭、指天椒及新鮮青檸榨汁煮成，入口鮮酸；海南雞入味嫩滑，醬汁鮮辣開胃，油飯油香而不過鹹。店內的紅咖喱、綠咖喱、黃咖喱都煮得出色，質感恰如其分，如配牛肉豬肉的紅咖喱就半稀，入味辣香：黃咖喱烹得較杰，炒海鮮特別滑溜，入口多了點椰香。乾咖喱收得乾身，配魚肉、海鮮就剛好。配飯撈麵都非常適合。豬手最為熱門，有滷水有脆炸做法，傳統滷水豬手就勝在入味腍滑，豬皮爽彈，豬手肉嫩滑；脆炸版本就先滷入味再炸，外皮香脆，肉質鹹香不過略嫌乾硬，但配上自家製的炸蝦片，是佐酒好物。

之前都有推介過呢間嘢嘅午餐，因為可以用茶記價食到泰國嘢，如果旺角返工真係推介你可以一試～而我今次就試埋晚市，都OK架。沙嗲串燒 $85：半打串燒兩款肉，收費合理～我揀咗雞同豬，質素都唔錯，尤其係雞肉，仲保持到好好嘅嫰度。生蝦 $108：都算新鮮，配埋辣汁入口又刺激又過癮。香葉炒海鮮 $108：好惹味嘅炒海鮮，有魷魚，青口同蝦，除咗份量略少之外，味道係幾高質嘅，海鮮質素都高。飲品：泰式奶茶唔會太死甜，有獨特茶香，算係完美還完到泰國飲到嘅風味；龍眼冰正常水準。埋單$400，CP值OK，環境舒服同服務都好，所以係幾好嘅泰國菜選擇噢！

#旺角 去旺角買完運動用品, 本想再到花墟一拼, 沿路抬頭望望附近有無樓上餐廳吸引! 行行下友人表示好耐無食泰菜….🤣.🦐香葉粉絲大頭蝦煲 $160 ~ 呢個蝦煲有分大細, 我哋呢個係細, 足有4隻大頭蝦! 🦐蝦鬚及腳已處理好, 食落好方便! 蝦頭超多糕, 蝦身肉爽滑, 粉絲軟硬適中, 已煮得非常入味, 炒得亦好乾身, 大讚! 👍🥩泰式燒羊架配青咖喱汁 $138 ~ 足足有3大件啊….仲要勁厚切! 羊肉唔羶, 肉質嫩滑, 外層燒得微微焦香, 啖啖肉! 🤤以鐵板上, 可選青咖喱或紅咖喱汁, 朋友唔太食得辣, 所以要青咖喱! 為免太大油煙味, 無即時倒咖喱汁落鐵板, 無咗個震撼的效果! 🌮印度油酥餅 $36 ~ 專門為沾青咖喱而設, 油酥餅完全唔油, 好鬆脆, 走有8片之多! 🥭鮮芒果糯米飯 $48 ~ 最後甜品當然唔少得, 芒果好香好甜, 應該係呂宋芒! 糯米飯用上紫及白糯米雙拼 (😘如果有特殊偏好的記住落單前提出), 糯米好煙靭，配上濃濃的椰漿, 為我們的晚餐畫上完美的句號。

朋友是要見的…悠閒逛逛再四處覓食, 朋友曾經來過午餐, 表示大件夾抵食, 是日一同試試晚餐吧! .🏝餐廳設計以綠及木色為主, 擺有不少石像, 滿有泰國風情🐟泰式青檸鮮魚壚 $178 ~ 因我們都不愛烏頭, 故而點選爐魚! 原個魚壚上, 爐下有火一直燒著, 🌶酸辣的魚湯滲透魚肉內, 每一啖也是熱呼呼的! 店家還附送一碗魚湯, 中途可加! 魚肉鮮嫩無腥味, 配上大量辣椒及蒜, 酸酸辣辣, 超級開胃! 🐷炭燒豬頸肉 $80 ~ 份量果真不少…外層燒得香脆, 將多餘油脂全數迫出, 再沾旁邊的特調醬汁, 開胃送酒之選….奈何我們要揸車, 啤酒留待下次吧! 既然不能飲酒, 就來杯 💃三色冰 $ 33及 泰屋特飲 $38! 2杯飲品看著底味有點類同, 不過特飲多少小西米及及新鮮芒果🥭! 

今日去旺角接朋友放工，佢推介一間泰國菜，我哋差唔多九點先去食飯，但係餐廳依然好多人，估唔到樓上鋪生意都咁好。一入門口已經見到好多泰式嘅擺設，好似去咗泰國咁，餐廳嘅裝修主要都係綠色為主，感覺上好精神。食泰國菜一定要食生蝦，呢度嘅生蝦係用杯裝住嘅，賣相都唔錯，生蝦好新鮮，最有驚喜嘅係佢嘅醬汁，雖然味道偏辣，但係配生蝦簡直係一流！炸蝦餅係識點即炸，上枱嘅時候好熱，食落去好彈牙，相當出色。佢嘅生菜包份量好多，調味啱啱好，唔會太辣，好友泰國嘅風味。蝦金邊粉有雞蛋網包住，入面仲有好多隻蝦，味道偏甜，係我鍾意食嘅口味。整體而言，呢度嘅菜式份量都比較大，我哋兩個人點左四道菜都多到食唔晒，而且個款菜式味道都相當之唔錯，性價比好高！

旺角呢間泰菜抵食又就腳，約朋友聚會都幾好😝。冬蔭公鮮蝦湯 $88夠酸夠辣好濃郁🥰蝦係有蝦膏嘅蝦，兩個人成碗飲哂！。原個椰盅海鮮焗飯 $88勁巨大😂椰奶同椰肉份量都好多，整體偏甜，成個椰盅入面都係三色豆飯😂。串燒沙嗲 $85揀左雞同豬，唔係即製的，但沙嗲醬都幾香，雞肉幾嫩滑。鮮芒果糯米飯 $48芒果超甜！糯米同椰奶都配搭得幾好。菠蘿沙冰 $38夏天的味道！好爽～～。凍泰式奶茶 $30好濃茶味～好正宗泰奶

沙嘩啲卡！🙏🏽1. 泰屋鴛鴦農夫包 $160入面有蟹肉粒同鳳尾蝦 個汁唔辣嘅 重椰香味 用黎點包無敵 索哂啲汁 個包又軟腍 仲要一切開入面啲汁爆曬出嚟 如果有飯撈飯食仲正2. 冬陰功海鮮蝦湯 $88酸酸地多過辣 啱哂我呢啲怕辣嘅人但又好想食泰國嘢 入面好多菇同蕃茄 仲有隻蝦 都大碗嘅 飲落口感好易入口 滑滑地咁 唔錯3. 馬拉盞炒通菜 $72咸香咸香 青菜爽口又健康 係咁一啖一啖咁食4. 迷你小食雙拼 $82有春卷蝦餅同魚餅揀 我就揀左後兩者 魚餅係有啲鯪魚餡 蝦餅就入面有啲蝦蓉 兩個都好香 點啲泰式辣醬一流5. 泰式鹹青檸雪碧 $33好耐冇飲 鹹鹹地幾開胃又解油膩 Overall推介指數：4/5泰菜來講喺旺角都幾抵食 上嘢食嘅速度又快 啲夥計都幾有熱誠 做野快手有禮貌 大家有機會經過可以一試

旺角質素泰國菜唔算多，泰屋之前食過都幾唔錯，CP值夠高。今日行完街只係6點鐘，但肚餓又想食泰國野，就黎左泰屋。諗住呢個鐘數無咩人啦，點知都已經半滿，而且進餐途中都好多人入座，好多滿座。如果假日黎食，大概要預先訂枱先唔會黎到冇得食。餐廳走泰式風格，簡單明亮，而且坐得舒服。餐牌選擇都唔少，無論小食、咖哩、泰式炒金邊粉、泰式炒飯、海鮮都五花八門。我地心大心細，揀左陣先落單，食物上菜速度都幾快，唔洗等太耐。千揀萬揀，我地揀左泰式沙嗲、黃咖哩豬、蒜蓉包同埋蟹肉炒飯。最快黎到既係椰汁冰，岩哂岩岩行完街想飲野既我地。杯椰汁冰大大杯，足料夠味夠甜。大大杯斟到滿，沙冰夠細滑，而且重點係真係好夠料。成杯都有濃厚既椰漿味，唔會覺得係溝左水同淡。跟住黎既係蟹肉炒飯。蟹肉炒飯聽落好清淡，但我地又叫左沙嗲又叫左咖喱，就想食番個清清地既。而個蟹肉炒飯黎到，睇落好似好plain咁，但睇真d 就會望到一束束蟹肉夾雜喺飯入面。炒飯都算有鑊氣，而且上黎熱辣辣，一放低就聞到有淡淡蟹肉既香味。飯粒軟硬適中，唔會濕立立痴埋一舊。簡單、清清地，但又唔會寡，呢個就係我地想要既炒飯。跟住沙嗲好快就接著黎左。沙嗲有半打，我地揀左雞搭豬。

呢間泰國菜之前都想黎食，放工時間非常之多人，今日星期日時間尚早就過嚟試吓。夜晚6點黎到，都仲有好多位，環境都坐得幾舒服。炭燒豬頸肉 ($80)豬頸肉份量都幾多，一份超過十塊，點佢嘅醬汁非常之開胃，呢個醬汁唔係普通嘅酸甜醬，係比較重檸檬味。醃肉碎生菜包 ($85)肉碎生菜包一上枱非常大份，食落極之惹味，食得出泰國嘅香料味好足夠，如果可以辣多少少就仲正啦。馬拉盞炒椰菜苗 ($82)炒通菜就食得多，椰菜苗唔係間間餐廳都有。呢碟菜火候炒得啱啱好，椰菜苗都好嫩。印尼海鮮炒貴刁 ($88)碟貴刁炒得好有鑊氣，海鮮方面有蝦，青口同魷魚都各有兩件。仲有我真係好鍾意佢呢個闊嘅河粉，食落超滋味。泰國椰青 ($42)黎泰國餐廳點少得椰青。原個椰青超清甜，入面嘅椰青水好多，上枱差啲滿出黎咁制，飲完啲椰青再用匙羹食埋佢啲椰青肉，畫上一個完美嘅句號。我同友人食完大概七點半左右，全場超過一半滿晒，呢間泰菜餐廳幾值得推介。

今日同朋友去開旺角度行街，行到晏晝嘅時候想搵間餐廳平平哋又好味嘅醫下肚，俾我哋見到彌敦道有間性價比勁高嘅樓上泰國菜，於是過嚟試吓😚估唔到有幾好味！今日公眾假期，但係都繼續有下午套餐，仲要免+1👍🏻叫咗一個泰式牛肉炒河粉河粉炒得好入味，而且唔會油，仲要落咗勁多牛肉！勁足料，而且牛肉肉質都好鮮嫩，好嫩口😛我朋友叫咗一個冬陰功湯（雞河粉）果然係正宗冬陰公湯，睇個人好似好啦，但係食落一啲都唔辣，而且仲有好多雞肉喺裏面💕另外仲叫咗一個小食酸辣鳳爪呢個都係另一樣必食小食，味道好正宗，酸酸辣辣好過癮🤩餐仲可以配嘢飲，我哋叫咗一杯熱阿華田，另外一杯凍嘅椰汁冰 （+$10）幾十蚊嗰餐仲要有埋嘢飲，勁抵😋

媽咪帶我哋去試食泰國嘢第一次嚟到依間餐廳覺得都唔錯幾大間舒服環境幾好、食物方便生菜包整得幾好食夠辣同埋夠乾身炒得！另外金邊粉都吵得好好食唔會太濕，金邊粉上邊仲有個單薄嘅蛋皮包住，賣相好唔錯好靚！炒飯方便就主要係叫俾小朋友食因為唔會辣！個炸蝦餅都好好食😋小朋友食完話想再食多啲...價錢方便正常啦，有加一服務費！唔算好抵食，但味道都唔錯，值得一試嘅！個蒜蓉包就小朋友都非常鍾意食，但係就冇嗌到咖喱點嚟食，就咁食已經好好味😋