泰屋

營業中

休息中

泰屋❤️🇹🇭位於旺角超級方便的樓上泰國菜，環境悠閒舒適，仲有免費wifi任用，價錢親民仲要唔收加一服務費，但留意番如果午餐或下午茶時段最低消費一份餐喔～💡不設加一服務費◾️海南雞油飯 $68"份量幾多喎又 雞肉幾嫩滑 記得食既時候一定要點佢地既醬食"◾️乾炒泰國金邊粉 $50"炒得好有鑊氣 金邊粉配料係海鮮黎 配料幾多 酸辣味洽到好處 唔錯"◾️泰式奶茶"茶底味濃 成杯奶茶飲落好香 滿滿泰式風味"💡🙆‍♀️#卡娜仔提提你如果食下午茶餐的話，會有飲品無限添飲喔～

同班同學仔好耐無見,大家各有各忙,加上天氣熱,唔多想出去戶外!不如今次食下泰菜開個胃!由於我呢台男人比較多,都多得佢地,我先試到唔同ge野!生蝦刺身同平時見到d好唔同,佢係一杯杯比你啪入口!生蝦肥美,最緊要係個醬!微辣!正炸蝦餅呢樣係以前一齊讀書成日食ge野,所以對住我地黎講係必叫! 彈牙脆口!青咖哩好香好香的香茅味,小辣,但襯個蒜蓉包一流!連我唔特別好咖哩的人都食多左!燒豬頸肉有脆邊口感再加炭火味道,好快比人清晒!!燒白鱔唔係好多地方有得食,炭火香味加入口即溶魚肉,點忍到口!芒果糯米飯有齊紫米同糯米飯,紫米米味濃,糯米飯有咬口,芒果香甜,所以叫左3碟,但唔記得影相店員服務態度仲勁友善!搞笑!岩晒一大班人/三五知己聚會!

平日去的，竟然等了一個鐘，青咖哩雜菜，只有幾根西蘭花花菜和芥蘭，有點不實在，竟然要70💰，豬頸肉朋友不太喜歡，我倒是覺得不錯，蝦餅我也覺得ok的，豬肉碎也不差，飲料小小甜

Great food and generous portion— would love to try more dishes the next time I come here. Nice selection of vegetarian options (there’s a full page on the menu of veggie food so I didn’t have to dig through the entire menu). The environment is clean and spacious. Amazing service— the staff are very helpful, friendly, and efficient. Highly recommended

星期五晚上要和朋友見面大家都不約而同表示想吃泰國菜便選了這家位於旺角的泰屋🍴菠蘿海鮮炒飯原個菠蘿裏面盛滿了飯配料有蝦、青口、魷魚、菠蘿粒、三色豆、肉鬆和腰果飯味道酸甜開胃 只略嫌不夠乾身 🍴串燒（牛、豬）兩塊串燒熱辣辣 沙爹醬惹味但肉質有點過軟 懷疑加太多鬆肉粉 🍴燒豬頸肉有一大塊 不算十分入味內裏有肉汁 但表面偏乾柴🍴蝦餅蝦味不算突出 調味也偏淡加上炸皮偏硬 不太好吃🍴青木瓜沙律青木瓜沙律是全晚最高質的一道酸酸辣辣 清爽可口🍴椒鹽鮮魷同樣剛炸起熱辣辣可惜同樣兩個問題調味偏淡 炸粉偏硬🍴馬拉盞通菜通菜份量頗多馬拉盞如果可重手一點會更惹味這家味道和價錢尚可但有幾道菜叫人失望同價錢在旺角有很多更好的選擇

🌟🌟🌟🌟🌟🌟🌟🌟🌟🌟🌟🌟🌟🌟🍽 泰屋 Sawadee Thai📍旺角彌敦道726號2樓🌟🌟🌟🌟🌟🌟🌟🌟🌟🌟🌟🌟🌟🌟自從麵麵執咗以後，就有一段時間冇去過旺角彌敦道726號了，今日有朋友帶路，話呢間泰國嘢質素幾好，就同我過嚟食，而且價錢好平呀！泰式滷豬手 HKD88骨膠原控必食😋我就最鍾意食豬手，呢一個豬手都冇令我失望，而且份量都算多，不過如果啲汁少啲就好啦😆泰式青檸明爐盲鰽 HKD178要等一段時間㗎，大家都要耐心等待。肉質非常之細嫩，而且獨有嘅魚味都算濃，泰式青檸就有少少酸酸辣辣咁，好開胃，充滿泰國特色！沙嗲串燒 HKD85我哋叫咗半打 ，揀咗雞+豬😆2款肉骨都好嫩滑，加上少少醬汁，十分惹味！咖啡榴連沙冰 HKD38咖啡榴連配搭好少見，所以就忍唔住叫咗，口感豐富，味道特別，我會返去有好強烈嘅榴連味，之後飲到去最尾就會係個喉嚨到feel到咖啡味😻😻✨如果喜歡我的文章，可以關注我及讚好以作鼓勵喔✨

同朋友來食想睇下可唔可以REPLACE到九龍城風味-冷氣好夠同埋都好多人食飲左個椰汁冰都覺得好好飲夠濃味同埋唔會太奶-食左生蝦就好的式囉每人都係得一隻半隻食同埋價錢都唔平我覺得佢呢度sauce既口味真係比較岩hk人如果真係想食泰式辣個d人真係唔係好岩食v_v-豬頸肉都乾乾地同埋好薄,唔係好有咬口, 味道就一般般啦-個蝦餅就好正常同埋上台都係熱辣辣同埋脆口算係甘啦-食左個魚都唔錯個sauce都好味,不過同樣都係唔spicy個口味唔係好岩我食-炒菜好香蒜味可以一吃但overall份量都係比較小-位置係mk係方便d但都係九龍城果d thaifood好味d

如果唔係上openrice搵都唔識呢度，裝修幾舒服，有啲草木裝飾，唔錯。「泰國金邊粉」$50跟碗冬蔭公湯，酸辣味尚可，偏咸。金邊粉既份量都幾大份，好快上菜，佢溫度唔熱既，但啲料都幾足幾多，我個人比較鍾意蕃茄味重既金邊粉，所以呢度既我唔太鐘意，覺得太淡。「青咖哩雞配法包」$55呢個我地等左超耐先到，可能漏單。青咖哩太過水，好稀，掛唔好法包，雞肉有四五舊，咖哩味微辣有椰香，烘法包好香脆，有三片都夠送咖哩。埋單人均$60幾，尚可，中等價位，不過下次唔會再來食，未有太驚喜。

而家放假成日唔知有咩做😂放假出旺角行下街，行到攰又要搵地方食野，諗左好耐真係唔知有咩好食😅睇Openrice擇左呢間評價好高既泰國菜。.假期既夜晚真係好full, 預左等位，但好彩2個人食飯，比較易等，等左15分鐘左右就入座。餐廳都係正宗泰國菜style, 天氣太熱，最緊要叫野飲😂即刻叫左「泰國椰青$42」同「象啤$36 」。椰青好嫩口，食晒椰青肉好滿足🙈。.食物價錢都算幾中價，難怪咁多人等位😅叫左「黃咖哩羊腩$88」、「印度油酥餅$36/2件」、「飛天炒通菜$72」同甜品「椰汁芒果西米露$30 」，最驚喜係個羊腩，好少泰國餐廳有羊腩賣，加上黃咖哩汁更加提昇左羊腩既香酥味。呢度亦有油酥餅可以點咖喱食🥳亦飛天通菜味道偏甜，應該主要以泰式蠔油作調味。最後整返個芒果西米露，椰香味十足，粒粒芒果好滿足。

泰國金柚鮮蝦沙律🦐泰國金柚好甜，個沙律汁酸酸甜甜好開胃，依間餐廳有加少少椰汁，個味道好特別。好好吃😂泰式青檸鮮爐魚🐟我哋今次揀咗烏頭，啲肉超級滑😍😍😍條魚都好新鮮個湯dd辣同加咗d青檸 好有去泰國嘅感覺，去唔到旅行唯有幻想下啦食咗當去咗呢個超級推薦👍🏻👍🏻👍🏻沙嗲泰式串燒（牛雞🐮🐤）唔會燒得好乾，雞肉仲好嫩滑，牛肉都唔會好乾 芒果糯米飯🥭泰國餐廳唔少得嘅甜品。芒果好甜😍😍另外都要講吓，今次叫咗菠蘿沙冰同西瓜沙冰，係用真正菠蘿同西瓜去整嘅沙冰，冇落好多額外嘅添加糖水，抵讚👍🏻👍🏻總括嚟講，今次慕名而來都冇令我失望，呢個價錢呢個質素真係好抵食。今次點嘅嘢食每一樣都冇令我失望，會再嚟試其他。不過提提大家若果要來食就最好book左位先，因為真係好多人慕名而來

今晚同男朋友去旺角行街之後上樓食飯，望左幾間，到呢間見都幾多人，相信唔錯，即管一試。椰汁大頭蝦湯份量都幾多，每人都有2-3碗，好香唔辣，有冬蔭公味，又有椰汁清香，不過大頭蝦得一隻，開左邊，每人一邊，隻蝦都幾多糕，不過肉質就唔爽，呢度有少少失望。農夫包咖喱焗海鮮睇見餐牌相已經決定叫呢個，的確冇令大家失望，賣相吸引，打卡一流，麵包像個碗裝住青口、蝦球、魷魚，重點個咖喱係好香，點麵包一流，食完d海鮮之後，再切開個包來食，很好味。蟹肉炒飯蟹肉好多好多，有d驚喜，令人意想不到既係加上農夫包嘅咖喱撈埋d飯一齊食，同d蟹肉味好夾，非常好味。芋頭糕呢個甜品係熱食㗎，本身只係打算點一件試吓，上枱來左2件，一問之下原來只係一件，大件之餘，亦真材實料，食得出全是芋頭，沒有加粉，加上椰汁香甜，很好吃。整體來說，一路食一路都有人入嚟同排隊等枱，生意唔錯，好在我地剛好有枱，建議先book 枱。

朋友帶路今晚去旺角TOP隔離棟大廈食泰菜，雖然樓上餐廳座位不少，但晚上7點來幾乎滿座。相信大家為食而來，味道滿意留到食客心。美食選擇多一時花多眼亂，點了幾款都咁好食，而且價錢經濟，回頭指數相當高。泰國金柚鮮蝦沙律 $98爽口大蝦四隻，金柚份量唔少，味道清甜飽滿多汁，撈左酸甜醬汁加椰漿，美味開胃。泰式沙嗲 (半打) $85 雞豬各三串，大大串啖啖肉，而且好入味，醮埋沙嗲濃郁惹味。冬陰公鮮蝦湯 (細) $88 二人份量有多，湯味香濃酸甜開胃，湯料有大頭蝦和大量秀珍菇都好足料。印尼海鮮炒貴刁 $88賣相普通味道又唔錯喎，貴刁大大片索汁好夠味，份量唔少配料十足，海鮮青口魷魚大蝦皆見，仲有粟米芯、紅椒青椒絲、蛋絲、洋蔥樣樣有，都幾好味。

今晚想吃exotic一點，想刺激一下味蕾，於是就選擇了泰國菜。椒鹽鮮魷 - 椒鹽炒鮮魷加入了泰式的炸洋蔥，感覺似crossover的菜式。炒得很香，鮮魷十分彈牙。粉絲什菜豆腐湯 - 通常去泰式餐廳通常飲冬陰功湯，今次就想清清地飲下什菜湯，材料豐富有粉絲什菜及玉子豆腐，清清地好解渴。原個菠蘿海鮮炒飯 - 用完個菠蘿上，首先是視覺的衝擊！香葉炒肉碎 - 可以選擇豬肉或雞肉，炒得很入味，偏向港式的味道。.去到的時候要排隊，十分熱鬧，不過服務很好，很快就可以入座了，所以建議大家先訂位。

上星期朋友約我吃泰菜，選了位於太多旺角之間彌敦道段，叫泰屋sawadee Thai 的泰菜，七點已經差不多滿座，餐廳非常熱鬧。我們點了4道菜，包括冷盤生蝦刺身、醃肉碎生菜包、馬拉盞炒通菜及原個菠蘿海鮮炒飯。生蝦刺身賣相十分吸引，用shot杯上，一客6件，每件蝦都有蒜片及辣椒片，蝦肉彈牙冰凍，配上辣醬十分好味。醃肉碎生菜包十分大碟，肉碎惹味份量多，有香葉散發香氣，生菜也有很多片，生菜來肉碎清新美味，特別適合夏天食。馬拉盞炒通菜惹味夠鑊氣，少少微辣，通菜嫰滑冇渣，夠大碟。原個菠蘿海鮮炒飯有驚喜，賣相吸引，而且十分多料，面上鋪滿蛋絲及肉鬆，而且有酸甜汁魷魚、腰果、提子乾，有咬口，口感非常有層次。

我鍾意食濃味重口味嘢，泰國咖喱啱晒我，朋友帶我去食泰式咖喱農夫包，未食已經好期待。醃肉碎生菜包$85先來個小食前菜，呢個生菜包肉碎好惹味，少少辣，少少泰式香茅香料味，加上一啲紫洋蔥，用爽口生菜包住食，好開胃。農夫包咖喱軟殼蟹$208呢個有個小插曲，本來我哋係叫農夫包咖喱焗海鮮，但係佢上菜上錯咗，不過唔緊要啦軟殼蟹我都鍾意食。講返個賣相先，好吸引，咖喱金黃色加上農夫包圓轆轆脹卜卜，上面鋪滿軟殼蟹。軟殼蟹好大隻，炸得香脆，炸粉薄薄，裏面啖啖蟹膏蟹肉。農夫包焗得外脆內軟，沾上咖喱蛋花醬汁，好滋味，咖喱香濃，又有椰奶香滑，好邪惡但又好好味。原個椰盅海鮮焗飯$88呢個有驚喜，白雪雪嘅椰汁望落驚會膩，但係原來個味幾清新，充滿椰汁清香，配炒飯一齊食真係忍唔住一啖接一啖係咁食。成個焗飯裏面材料豐富，海鮮有青口、大蝦、魷魚，海鮮都新鮮，蝦肉幾爽口，魷魚就爽滑。炒飯有啲蔬菜配料，仲有啲清新爽滑嘅椰子肉添。芋頭糕$13/件雖然已經好飽，但係都要食返個甜品，呢個芋頭糕係熱食嘅，芋頭粉糯，加上椰汁清香，質感有啲煙韌軟滑，唔太甜幾好食。