泰屋

營業中

休息中

行開旺角想食泰國嘢，上網搵到呢間泰國餐廳都唔少正評，所以同女友嚟試下佢！.呢度午市有各式各樣嘅lunchset，粉麵、飯類等等應有盡有~ 價錢都係$40至$60左右，都幾化算~.豬頸肉飯配青咖喱汁 ($55) 🐷 ✨青咖喱汁有好香椰香味，豬頸肉燒得表面焦香，食落有肉汁~✨白飯係偏乾身唔會濕，溝埋青咖喱汁食啱啱好~冬蔭公湯薯粉(配雞肉) ($48) 🐔 ✨冬蔭公有椰香，唔辣帶酸味，夠開胃~✨薯粉彈牙，幼身夠掛湯~✨雞肉係雞柳，份量幾多~ 青木瓜沙律 ($36) 🍈🥗✨青木瓜食落有陣陣木瓜味，醬汁帶點酸，叫咗小辣所以唔係好辣~珍多冰 (+$10) 🥤 ✨珍多冰有濃濃椰汁味，珍多質感爽滑味道清甜~青檸梳打 (+$6) 🍹 ✨味道鹹中帶酸，夠晒醒神~呢度食物質素唔錯又唔係貴，想食泰國菜都算係一個唔錯嘅選擇~

11月真係好難捱，依家先過咗兩個星期😭Chur到連飯都無心情食，不過肚仔點都要醫嘅，呢日趁無咁忙去咗食泰國菜🇹🇭想令自己cheer up返少少·<串燒沙嗲> ʜᴋᴅ 85一份有6串，可以揀兩種肉類，我哋揀咗牛同雞。雞肉幾嫩同入味🐥牛肉就有少少乾，但都唔會太韌🐂沙嗲醬偏甜，如果花生醬濃味啲就好🥜串燒size亦比想像中大，幾抵食😜·<香葉炒肉碎> ʜᴋᴅ 78攰到頭腦唔清醒嘅我叫咗呢個炒肉碎以為會跟埋生菜🥬但嗰個叫做生菜包！不過炒肉碎都非常惹味😋調味主要用豉油，帶點微辣，非常好餸飯🍚·<黃咖喱雞> ʜᴋᴅ 82食泰國菜無理由唔食咖哩，店員話黃咖喱係最唔辣嗰款，真係無呃我哋😂甜甜哋嘅咖喱又係非常好餸飯，入面嘅雞肉份量都好多，食得好滿足😗·<印度油酥餅> ʜᴋᴅ 36專登叫嚟蘸咖喱🍛都知道只係加熱半成品，不過覺得可以再煎得耐啲咁就會香啲，酥脆度有待改善🤨·<泰式粉絲什菜煲> ʜᴋᴅ 78唔太泰式嘅什菜煲，什菜有齊娃娃菜、芥蘭、西蘭花、椰菜花等🥦粉絲份量都好多，炒得都非常香口😋·餐廳晚市都頗旺場，食物質素都唔錯，可以

放工後約了朋友來到旺角彌敦道726的「泰屋」食晚飯，這間泰國餐廳已光顧了好幾次，不單出品好，價錢也合理，環境舒適，服務周到，是我和朋友食泰國菜的首選。《迷你小食拼盤》魚餅和春卷 $82必食的拼盤，今次選了魚餅和春卷，春卷炸得香脆可口，魚餅咬落彈牙，正。《香菇炒椰菜苗》$82在街市很少見到椰菜苗，這也是泰國菜特色之一。椰菜苗幼嫩，加香菇一起炒更美味。《原個菠蘿海鮮炒飯》$98朋友對菠蘿炒飯情有獨鍾，我也很喜歡，每次食泰國菜都必叫的，最喜歡飯上面的肉鬆，超多。炒飯裝到滿滿的，未食已感到滿足。《泰式牛腩湯河》$55泰式河粉是一塊塊的，並不是一條條，這碗湯河有牛腩也有牛筋，煮得軟腍入味，好吃。《蒜蓉法包》$36蒜蓉包焗得香脆，蒜蓉和牛油恰到好處

性價幾唔錯既一間泰國菜，而且坐落去地方夠晒大又唔洗同人逼！淨係環境都已經加晒分俾佢，再加上服務態度非常好真係推薦呢間泰國菜啊！想講多啲既係佢哋既豬頸肉，就算係燒完既豬頸肉都唔會話好乾或者燒到好似豬肉乾咁！佢係由放低果下已經聞到一陣好香既燒烤味道。食落去果陣除左外皮係脆卜卜之外，咬落去仲一好多肉汁。份量仲足夠我哋過口癮，唔會話得一兩舊。真係食完都好想再食多次。仲叫左菠蘿炒飯同椰汁紅豆冰。先講下個炒飯，用全過菠蘿外殼裝住，食果時仲係熱辣辣，加上唔會太乾😋椰汁冰就係冰多左少少，但係整體都好夠香甜同埋濃味。記得特別推薦既係佢哋嘅燒豬頸肉同埋菠蘿炒飯。

早幾日老公在旺角放工，在彌敦道726大樓覓食，佢又好抵讚，一早搵定位，過了6點半就好多人等位。黃咖哩牛根腩黃咖哩唔算太辣，岩曬我哋口味，咖啡加了cream,好香滑，牛根腩份量都多，牛腩切粒，肉質尚算滑口，牛根已經煮得夠稔熟，滿滿的膠原。炭燒豬頸肉豬頸肉切成薄片，點上微辣醬汁，很惹味。豬頸肉油脂唔算太多，熱辣辣都很香口泰式炸蝦餅蝦餅有四件，全部切半，蝦肉結實彈牙，點上甜酸醬，很醒胃。鮮芒果糯米飯可以揀黑糯米，黑糯米補腎氣，加上滑溜的椰汁，很香口又香甜。加上多汁的芒果，切粒又夠大，泰式甜品最愛食呢款。椰青食了太多香口食物，飲返椰青下火氣，椰青即叫即開，清甜涼快。

假日得閒緊要滿足下我個寶貝仔的，一句媽咪我好耐冇食過金邊粉，就立馬同你去泰屋食了 ☺⚛ 香蔥蒜蓉包 ～ 去親食泰國菜只要叫咖哩就必點一客蒜蓉包來配搭的，呢到蒜蓉包超級香脆，點咖哩汁食都好正。⚛ 黃咖哩牛 ～ 用左嫩牛肉，有d什菜係底下，黃咖哩屬少辣帶微甜，所以好適合我和謙謙依。⚛ 泰式沙嗲 ～ 雞和牛各3串， 沾上佢地自家制的沙嗲醬好惹味，串燒燒得唔錯唔會乾柴肉質嫩滑。⚛ 蒜蓉炒什菜 ～ 做阿媽緊想個仔食多d菜呢款什菜就最岩我地，因有我喜愛的粟米芯，有謙謙超愛的菇類，所以簡單蒜蓉炒已經美味。⚛ 泰式蛋包金邊粉伴蝦 ～ 重頭戲係謙謙最愛的金邊粉 ，每次都霸住成碟食，好彩佢都乖會留d 大蝦比我食。

喺旺角行街行到攰，向來鍾意食泰國嘢嘅我哋去左SawadiThai度食個飯，充完電再行街！地點喺旺角道天橋隔嚟，好方便，一啲都唔難搵！上到2樓就見到佢個門口。入去之後服務員帶我地坐低，有sofa位。餐廳樓底高，室內環境都唔錯~依家咁熱緊係叫個原飯椰青消下暑！加埋杯泰式龍眼冰，正！我哋叫左個迷你小食拼盤，有魚餅、蝦餅同素菜春卷（3揀2）我哋揀左魚餅同蝦餅。兩款都好好味！炸得啱啱好，好有蝦同魚味，份量又足，抵食！ 跟坐叫左個餐廳推介嘅黃咖喱牛腩，牛腩份量足，牛肉煙韌牛筋好冧好正！個黃咖喱好滑好足味！跟住叫左個蝦醬炒飯，個飯炒得好香，蝦醬足料香氣撲鼻，滿足晒我地嘅味蕾～叫咁多嘢又有原個即開椰青人均都係$200，勁抵食！十分推介！

四人去食飯，侍應話要每人午餐餐牌一個餐，我地揀左2份小食，1個lunch set，再加正餐牌一份野食，侍應一黎就態度差，話一定要跟lunch set揀，俾錢買難受。心諗叫嘅野食夾堆嘅價錢都唔會平過個lunch set 。餐牌又唔寫不包小食。除開呢啲，食物質素都麻麻地，金邊粉濕，青咖哩水，冬蔭功湯有冬蔭功味嘅但都幾蕃茄湯。

今日睇戲前同朋友食餐晚飯快靚正之選一定係nathan726號依座大廈有非常多選擇今次黎左泰屋環境好舒服 使用青色主色好特別龍眼冰非常清甜解暑 龍眼肉非常多而且好香甜冬蔭公鮮蝦湯夠香濃 辣味適中 兩個人每人都夠飲到2-3碗泰式生蝦刺身非常新鮮彈牙 夾埋蒜頭辣椒片一齊食最正辣椒膏炒花甲辣膏辣度剛好唔會蓋過花甲嘅鮮甜泰式 辣汁炸盲鰽炸得香脆 唔油膩魚肉外脆內軟 醬汁酸酸甜甜中帶辛辣好惹味整體黎講好滿意食物選擇多 而且有質素

泰式炭燒豬頸肉 😋一放低個豬頸肉已經聞佢嘅炭香味， 分量都幾多， 每一片厚薄適中唔會太薄 。食落非常可口 。唔肥，有少少彈牙，燒到皮脆內嫩剛剛好，唔會乾柴皮。 配合佢嗰汁， 酸辣甜集於一身，更加突顯豬頸肉嘅肉味。一流👍🏻小食拼盤雞翼春捲魚餅蝦餅， 炸到金黃酥脆，外脆內嫩，裡面好濕潤，唔會炸得太乾👍🏻然後個濕炒河同泰式金柚鮮蝦沙律都ok好食。係旺角嘅樓上舖坐位非常舒適寬敞。 食物質素有水準。 而且冇加一服務費 ，推介。

《旺角泰抵食》思鄉病又發作🤣🤣今個晚上餓底去食泰國菜🌴餐廳近地鐵站 易搵就腳👍裝橫色調柔和 非常綠色🪑必點#冬陰功鮮蝦湯湯底夠酸微辣 🥥味濃大頭蝦味鮮有🦐膏 吸到啜啜聲😆開胃前菜梗係要食#青木瓜沙律酸甜帶辣夠醒胃😚唔想淨食菜就叫#雜菜粉絲煲多款菜菜🥕🥦 鋪係面 粉絲多多夠惹味😋加上香辣惹味#黃咖哩牛筋腩好辣嘅我哋要加辣🌶🌶🌶牛筋腩軟腍 帶筋位QQ有咬口配多個沾汁食嘅#印度香酥餅🤤透心涼飲品#菠蘿沙冰好~~🍍🍍🍍#薄荷青檸梳打一般般👌每樣菜都泰足料 泰飽太飽la~~🤪

🥰旺角726一向都有唔少餐廳，位置方便，就近旺角中心，所以有時都會去覓食。今次去咗人氣泰菜，假日夜晚去坐滿人。🥥原個椰盅海鮮焗飯 $82餐廳推介，望住餐牌嘅照片已經被吸引住，結果無令人失望。滿滿嘅椰汁快傾漏而出，每粒飯粒都沾滿香濃椰子味，軟糯入味。上層鋪滿2大隻青口同大蝦，側面仲有魷魚條。三色蔬菜粒拌炒飯，色澤更為吸引。🥬馬拉盞炒通菜 $72味道鹹香可口，幾有鑊氣。🍢泰式沙嗲$82豬/牛/雞任選兩款，共六串我們選咗牛同雞，每串都啖啖肉，點埋香濃嘅沙嗲醬，趁熱食都幾惹味。雞肉會比牛肉更嫩滑啲。🥥泰國椰青 $40椰青水清甜多汁，仲可以刮出超多嘅果肉。

生日月所以都枕住有飯食4條女咩都想食叫下叫下叫左8樣野食4杯野飲(仲有個海南雞米粉同青檸soda 唔記得影我又太飽無食)埋單$731 都算抵, 碟碟都幾大份，最後食唔晒嘥左。(原本想叫芒果糯米飯但太飽叫唔到)以下係每樣野既comment蠔仔炒蛋：個人覺得最好味，蠔仔都唔細漲卜卜，仲多過蛋，正豬肉炒粉絲：炒得幾香最鐘意舊蛋，但擺左陣未食晒d粉絲可能凍左痴埋一舊舊咁，最好快d食左先炸蝦餅：正正常常ok油酥餅同蒜蓉多士：叫黎點咖喱，份量都唔少油酥餅ok,但多士我太飽無食,不過fd話正常黃咖哩雞：唔辣，不過少少稀，雞肉都唔鞋，正常，點油酥餅同蒜蓉多士good馬拉盞炒椰菜苗：炒得香既味都ok,不過d菜好大著好長，平時食開出面嗰d細舊d圓轆轆d咁,唔知有咩唔同椰汁冰:其實上到黎係椰汁加冰，good fit for me 因平時真係椰汁冰太凍,但又無得就咁叫椰汁,不過記得叫佢少冰咖啡榴槤冰:好特別，我兩樣都好但覺得merge 埋一齊應好怪唔敢試,不過我fd試左,我就畢左啖試,好神奇佢個味係分開架頭一啖得榴槤味，飲完個餘韻係咖啡味，完全無重叠，點做到架

明明等左一個半鐘之後因為後面客人比我的多先給別人食還要我再等呢啲服務態度好差，完全冇好好處理，係一個半小時裏面一個服務員都冇理你好似問空氣，完全係只照顧人多欺客小嘅餐廳

今次揾左呢間餐廳星期五晚食飯，菜單選擇多，而且味道好🤤一開頭黎個小食拼盤，入面有雞翼，魚餅，蝦餅同春卷，雞翼味道正常，香口，魚餅都無咩特別，蝦餅就比較失望，食落似粉既感覺，無咩口感，春卷就係素饀豬頸肉既份量我覺得都算多，同埋香口同有口感，值得一試🥰呢個係金邊粉，賣多好特別，有蛋包住，雖然味道唔係特別出眾，不過炒得夠乾身，唔會好油，可以encore粉絲雜菜煲，有唔同既菜，煮得幾入味，如果食得太多肉可以叫呢個煲中和下飲品試左阿華田沙冰，呢個真係唔係到到有，而且阿華田味濃，個人覺得好味，絕對會想再黎多杯！最後甜品係芒果糯米飯，香甜既芒果配上熱既糯米飯，感覺幾正宗，都好食😆同埋呢間價值唔會好貴，性格比唔錯，又有咁既質素，如果想食泰國野絕對值得試下！