泰嘟嘟

營業中

休息中

呢日午飯打算同飯腳門試d未去過既餐廳。見呢間餐廳咁hit，而且大角咀港鐵站行去都不遠，所以就決定黎試下。我地偷偷早左5分鐘出黎 ，黎到12點3左右，所以吾洗排隊直入，但去到1點左右就要等位。一睇就覺得正，食完都無失望 ，軟殼蟹炸到脆而不油膩，黃咖喱濃厚有層次，口感同味道都有驚喜。咋咋聲，香噴噴，份量又多。望落有少少油，但食落調味適中，有肉有菜，吾錯。起左骨望落都大大份，雞皮好骨，肉吾算鞋，仲送左兩條菜，值得一試。以為舊芒果會偏酸，點知又幾清甜喎。糯米飯分左兩大舊，方便share，椰汁味幾濃，甜度適中，飯後再食呢個甜品都吾會話食吾落。好少見泰國餐廳有芝士沙冰，呢度有芒果、菠蘿、西瓜、火龍果配芝士沙冰，幾有新意。

大角嘴雖然地理位置上有啲隔涉，但我好鍾意喺大角嘴搵野食。因為特色小店多，好多選擇。今日12點半左右到呢頭，見到間泰國餐廳未試過就入去試下。餐廳設計幾有特色，見到啲鐵通同霓虹燈令我諗起泰國既tuk tuk，兩邊牆掛滿泰國國旗，仲有好多各式各樣既物品，例如塗鴉、結他、波衫、泰拳褲、拳套...... 唔知係咪老闆私人珍藏 XD。佢啲set lunch 唔貴，5X-6X 蚊有交易。另外有二人、四人同六人套餐同埋單點餐牌，選擇多菜式又吸引。於是散叫左幾樣食物﹕海南雞半隻 – 隻雞唔算肥，亦冇皮同肉之間既啫喱，但雞肉依然嫩滑，而且啖啖肉，點埋個泰式醬汁好啱我口味。小食拼盤 (大) – 有6款小食 ( 包括蝦餅、春卷、串燒、雞翼、香葉包雞、魚餅 )，好似我地呢啲人數唔多，但又貪心想食好多唔同野食既人必點。野食夠熱，春卷好脆，味道正常冇特別。芒果糯米飯 – 上枱時見個芒果咁淺色，對佢冇乜期望。點知食落清甜多汁，糯米飯好軟糯，椰汁甜度適中，以呢個甜品作結非常完满。火龍果芝士沙冰 – 芝士味唔濃亦唔會膩，火龍果味都唔特出，勝在夠凍可消暑解渴。值得一讚係店員服務唔錯，會主動比細碟我地share 食，見食完又

重回曼谷夜市之旅天氣熱熱地，約埋朋友一齊去食泰國菜，喺利奧坊嗰邊有間新餐廳，見到都幾多人排隊，所以我地又試埋一份，大約等左15分鐘就有位入到去氣氛一流，好似去左Bangkok night market, 有幾張卡位設計成Tuk Tuk 車，勁想坐，可惜餐廳太多人，我惟有等嗰張枱既人食飽快手影張相食物方面，揀左個四人餐$408，可以揀五款小菜，另外，叫左套餐可以半價加野飲，超值泰式鐵板蠔仔炒蛋蠔仔新鮮嫩滑，唔會煮到過熟，配合甜酸醬，非常醒胃泰式菠蘿海鮮炒飯配料和份量十足，炒飯粒粒分明，醬汁入曬味 招牌焗黄咖喱麵包軟殼蟹必食推介，麵包香脆，軟殼蟹好大份，黄咖喱味道鮮明，唔辣，適合食唔到辣既人小食拼盤(小)泰式明爐花甲鍋超超超有泰式風味，適合食得辣既朋友，佢地話夠曬正宗，上菜時個爐仲係好熱，一邊食一邊keep warm 馬拉盞炒通菜（$58)芒果芝士沙冰

身為一個鍾意食泰菜嘅大角咀街坊，一直都想試晒呢頭所有泰國餐廳，今日輪到依間泰嘟嘟~ 舖頭座位唔多，我地兩個人大約八點前到，好好彩唔洗等位坐到最後一張吉枱一見到二人餐只係$248就可以揀三道菜，當中仲有海鮮，我地都二話不説揀咗花甲鍋，小食拼盤同菠蘿海鮮炒飯~ 加埋兩杯野飲同芒果糯米飯，真係好彩我哋兩個都好肚餓先勉強食得晒餐廳嘅二人餐份量絕對夠三個人食首先花甲鍋都有十幾隻花甲，隻隻鮮甜多肉，湯底酸辣惹味，加埋少少粉絲，索味一流~ 小食拼盤啖啖肉，我同男友都食到讚不絕口菠蘿海鮮炒飯真係名副其實，落咗好多波蘿肉同海鮮，絕對足料，份量仲大到其實兩個細食嘅人share 呢碟飯都夠飽~ 芒果糯米飯都非常出色，芒果肉好甜結果我地兩個人都捧腹而回，連男友本身唔係特別鍾意食泰菜都話抵食又好食，絕對值得encore最後我地臨走都大約8:45pm, 仲見到有人等位，所以如果大家要來食嘅話，記得早少少會好啲

食盡大角咀之泰國菜 — 泰嘟嘟————————————————————— Lunch Time約左係奧運站番工既朋友黎到呢間泰野餐廳食飯，發現呢間餐廳都幾受歡迎而且個二人餐好抵食🤯二人餐三款餸 $248🔸 泰式小食拼盤（小）呢個泰式拼盤雖然係細份但係份量一啲都唔少😅， 有春捲，蝦餅，炸雞翼同燒雞串，好豐富而且味道唔錯！😋🔸 招牌局黃咖哩麵包軟殼蟹黃咖哩味道係甜而唔辣， 撈埋啲麵包食， 再加埋沾滿醬汁嘅軟殼蟹，我已經飽得很滿足了🤣🔸 鮮蝦炒金邊粉蝦既數量正常，但係金邊粉嘅份量都唔係講笑， 金邊粉炒得幾惹味唔會話過咸😙🔸 椰青水 椰青水又出現了🤣 咁熱既嘅天飲清甜解渴既椰青水冇得輸！🥳💭Overall comment:lunch time出面都keep住有外賣嘅人龍， 相信呢間嘢喺附近都幾出名， 二人餐抵食到爆，不過份量多個人認為係三個人食先食得曬😂😂🍽食物: 6.5/10🌌環境: 7/10👔服務: 7/10🎖CP值: 8/10

今晚一行四人去食下久違嘅泰國菜，揀咗呢間大角嘴附近嘅小店。淨係睇門面同裝修已經甚有泰國風味，見餐牌選擇好多，價錢亦好抵食。套餐分二人（$248）、四人（$408）及六人（$608），菜式選擇好多。我哋四人行，揀咗個四人套餐。套餐本身包五個自選小菜，四杯飲品，另外加咗個印尼薄餅同馬拉盞炒通菜。五個自選小菜特別要推介下- 「招牌焗黃咖喱麵包軟殼蟹」同「泰式鐵板煎蠔仔炒蛋」。首先賣相已經好吸睛，咖喱汁好香，配埋麵包同軟殼蟹食真係一流，份量亦都相當多。蠔仔炒蛋嘅蠔仔大大隻，足料，炒得好香口，推介呀。其他菜式- 小食拼盤、菠蘿海鮮炒飯、花甲鍋等，都整得相當出色好味。特別花甲同馬拉盞炒通菜，整得相當惹味，啱晒鍾意食辣嘅朋友。飲品方面可以用半價upgrade特飲，我哋叫咗芝士芒果沙冰、泰式奶茶同青檸梳打，每杯都係加$13，抵飲呀。特別要讚下個芝士芒果沙冰，味道好清新，充滿芒果嘅香味。餐廳佈置相當有心思，充滿泰國風情， 卡位仲用咗tuk tuk車設計，打卡一流，食完當去咗轉泰國旅行。

今日朋友說想吃泰國菜，所以就來了這裡吃泰國菜。這裡裝修好新咁，都幾特別。招牌焗黃咖哩麵包軟殼蟹（$168）：一上碟果下已經聞到好香咖哩味，超好食！個黃咖哩好香好甜，唔辣的，然後軟殼蟹索哂d咖哩汁，超好食！佢仲有個麵包，麵包係空心，入面裝滿咖哩，可以盡情食！麵包點埋d咖哩一齊食都一樣好惹味。不愧為招牌菜。泰式菠蘿海鮮炒飯（$98）：菠蘿好鮮甜好好食，海鮮份量都多，都幾抵食，唔錯。小食拼盤（小）：有蝦餅，春卷，串燒，雞翼 （$108）蝦餅幾彈牙，配埋佢個泰式辣醬，少少辣，酸酸甜甜的，都幾好味。春卷點另一隻沙嗲醬都唔錯，幾脆。雞翼都炸得幾香口，串燒有燒烤味，燒得都香口。跟餐加多左杯凍奶茶埋單$436，價錢合理，食物質素好，唔錯。

上網見到這個餐廳套餐餐牌, 覺得真心抵食, 即刻約朋友一齊去食. 星期六&日沒有訂座服務, 餐廳晚市五點半開門, 我們六點鐘到達. 當時餐廳未有客人, 所以便可選擇坐篤篤卡位.餐廳套餐分別有二人/四人/六人用, 還可用半價換購飲品. 我們四人叫了四人餐$408,可選擇5個菜式, 另加$78叫了海鮮冬蔭公湯. 泰式肉碎生菜包新鮮唐生菜爽口清脆, 配泰式肉碎, 少辣, 有檸檬汁&香茅味, 味道非常惹味😋👍. 招牌去骨豬手煲豬手夠淋, 不過肉質偏瘦&味道偏淡. 泰式經典明爐烏頭明爐烏頭一貫水準, 不過烏頭size偏細. 內有粉絲墊底, 加魚汁一齊食, 正. 招牌焗黄咖哩麵包軟殼蟹黃咖哩味道不錯. 麵包外殼偏韌, 不是脆口, 麵包內軟. 軟殼蟹質素一般, 似是整咗一段時間, 所以不是脆口, 口感有點硬. 豬頸肉啫啫馬拉盞通菜煲這個菜式主力是馬拉盞通菜, 味道ok. 豬頸肉比較細片. 海鮮冬蔭功湯海鮮冬陰功湯, 酸辣度適中, 海鮮材料豐富有海蝦, 青口, 魷魚. 味道真不錯😋👍店舖細細, 有幾個泰式篤篤卡位, 牆上有塗鴉&裝飾, 真的好有泰國feel😚😚 到繁忙晚市時段人流多, 套餐抵食, 服務

Happy holiday!! 終於開始我的中秋長假期了🎉Book咗食泰國菜作為第一日的慶祝活動😎 我地準時到達餐廳，晚市全場full哂😬 餐廳嘅裝修有心思，唔講仲以為自己去咗泰國一轉😝一開始我地好興奮咁選擇菜式，之後見到另一個餐牌原來有套餐😗 價錢平好多之餘，仲可以半價加飲品🫢我哋係椰子的fans🥥🥥，所以又叫椰青，又叫椰汁冰🤪 一杯清甜、一杯香濃，實在太正🤪主菜方面首推黃咖喱牛筋腩煲🥸 可以選擇唔辣，非常好👍🏻 牛筋腩真係好淋，配合埋帶點椰汁味嘅咖喱，真係可以撈幾碗飯🤪🤪雖然我哋冇叫白飯，但都叫咗個菠蘿海鮮炒飯🙃 炒飯炒得乾身，有少少提子乾同腰果做配菜，當然仲有份量合適嘅海鮮粒😬😬見到好多客人都有叫小食拼盤，當然都要一試😆 一d都唔細份😗 炸蝦餅、串燒、炸雞翼仲有炸春卷，一人一件啱啱好😆最後兩味菜式係相對較清淡嘅炒雜菜同海南雞😬😬 同樣係大碟+好味🤓🤓整體感覺非常抵食👍🏻 人均$200有找，可再黎食過👻👻

近呢幾年大角咀發展得好快，好多新嘅小店進駐，之前聽朋友講呢間泰嘟嘟好有水準，今次就book咗枱先， 近七點嘅時間已經大概六成滿座。佢哋有唔同嘅二人四人同六人餐，價錢都幾抵架，不過我同朋友想食啲新嘢，所以就散嗌咗啦。每次食泰國嘢，小食拼盤都係我嘅情意結，有啲拼盤可以好貴，呢一度嘅大拼盤都係賣緊$148，有蝦餅，春卷，串燒，雞翼，香葉包雞，魚餅。首先擺盤已經贏晒，好有心機，而且每一樣嘅咋物都係即叫即炸，上菜之後仲感受到個熱力嘅，春卷蝦餅同魚餅都揸得好趣，而且蝦餅好彈口點買甜酸汁食真係一流。雞翼有落去都好多汁，唔會炸得太乾身。馬拉盞炒椰菜苗($68)，好夠鑊氣，而且炒得好香，雖然有大嚿嘅辣椒，但係食落都似係微辣，絕對惹味，令我諗起喺泰國路邊攤式嘅正宗泰國菜！最後呢個重頭戲，要等耐少少嘅，因為係即叫即焗，就係蕉葉烤焗烏頭($108)。本身以為焦味會幾濃，但係上碟嘅時候就唔太聞到，烏頭烤得啱啱好，唔會太乾。最緊要就係魚身上面嘅醬料， 食到入邊有香茅同埋檸檬草，鹹鹹甜甜咁樣好惹味，呢個絕對要一讚，平時喺泰國菜餐廳食嘢都可能係明爐燒烏頭，雖然呢度都有，不過個人覺得呢一道菜比較有特色！泰國奶茶就不過不

落住紛紗細雨,黎到大角咀,同朋友選左“泰嘟嘟”做落腳點.入到去,個侍應都幾有禮貌,仲給左個靚位我地坐.雖然鋪面細D,但都幾骨子,仲整埋個”RED BULL”,幾得意.所以話場不怕舊,最緊要環境要好.今晚同朋友食左好多好野,有”招牌咖哩大花蝦”, “泰國金柚子蝦沙律”,” 泰式明爐花甲鍋”, “去骨海南鷄配油飯”,另加兩杯特飲” 椰青”同”火龍果芝士沙冰”.一定要講下個” 泰式明爐花甲鍋”,酸辣有序,麻辣同步,極速上口, 麻到停不到口,係愛辣人士至愛,D花甲浸晒D麻辣,食到停不到口,當然太辣亦未必人人頂得順.我朋友就要靠杯特飲回氣.杯”火龍果芝士沙冰”有火龍果肉, 我朋友讚口不住,更話明係及時雨.當然平民化就係優點,如果能夠再更多優化食物,多D多元化更好.始終應該要有自己既鎮店菜式先可以壓場.

📍泰嘟嘟💛 - #YFF大角咀 💎【全港性價比最高的良心泰國餐館｜泰式酒吧裝潢氣氛十足】❝四人套餐❞ —$408 / 5道菜⧐ 招牌焗黃咖喱麵包軟殼蟹大大隻的軟殼蟹把挖空的方包磚填得滿滿，香脆的軟殼蟹以黃咖哩炒過，咖哩汁濃郁微辣，椰汁味頗重，是較貼近港人口味的味道。濃稠的醬汁跟澱粉質果然是絕配，麵包吸盡黃咖哩汁的精華，非常香濃惹味，以招牌為名果非浪得虛名，必點推介。⧐ 炭燒豬頸肉一片片的豬頸肉整齊擺放在舖了錫箔紙的鐵架上，鐵架下是一座放了蠟燭的石燒爐，能保持溫度之餘又不會令豬頸肉燒焦，非常貼心的做法。豬頸肉的肥瘦比例剛好，表面燒得香甜焦脆，肉質爽口彈牙，沾點特調的泰式酸辣汁更添滋味。⧐ 小食拼盤（小)拼盤包括了泰式蝦餅、串燒、炸春卷以及酥炸雞翼，每款大概各有2-4件，種類豐富，份量挺足，適合有選擇困難症的大家。其中泰式蝦餅最為出色，外皮炸得酥脆，口感彈牙，配上酸酸甜甜的泰式醬汁，令人一件接一件吃不停口。串燒的味道亦不錯，烤得香口惹味，肉質亦算嫩滑。至於春卷及雞翼則較為遜色，略嫌炸皮有點厚，而且炸得不夠乾爽，油感較重。⧐ 泰式經典明爐鳥頭坊間定價上百元的菜式，在這裡不用一百塊就能吃到，性

已經差唔多停飛咗三年，對香港人同piggy嚟講真係一件不可思議嘅事🤪 無得去旅行嘅時候食下外國菜，都可以解到少少相思之苦，如果個裝修有外國風情就更加好啦，就好似呢間泰國菜咁， 佢就整咗兩架泰國的士篤篤嘅卡位，真係一坐上去就所有回憶返曬嚟🤣 再整埋個明爐青檸汁烏頭，烏頭新鮮無泥味，個青檸汁真係要一讚，piggy叫咗小辣 ，個酸辣度剛剛好，粉絲喺底索曬啲汁超好味，差啲想叫佢加粉絲添🤣🤣另外仲有黃咖哩菠蘿炒花甲超大碟，一上枱piggy俾佢嚇親，花甲好大隻， 黃咖哩汁覺得好好椰汁香濃，可惜piggy太飽喇唔係可以叫多個薄餅點哂啲汁佢🤪，最尾食埋個芒果糯米飯，芒果清甜，為呢個短暫嘅泰國之旅畫上完美嘅句號🤗

今晚約咗去個朋友屋企玩狗狗🐶🐶差唔多度食飯時間 於是就嗌外賣呢間喺大角咀利得街嘅「泰嘟嘟」係好出名食泰國嘢🇹🇭我哋喺外賣App落定單 都要等大概一個鐘🥺小食拼盤 $148🍱拼盤內容係好豐富包括蝦餅🍤春卷🥠串燒🍢雞翼🐤香葉包雞同魚餅🐠可以見到基本上全部都係炸物咁濟（今次肥死）🤭我自己就比較鍾意串燒 因為好重香茅味🍃但得豬同雞各一串 有少少唔夠大家食蝦醬炒通菜 $58🥬食泰國野叫個蝦醬炒通菜係基本😎之前會叫馬拉盞炒菜苗 今日大家都想食通菜 就換個口味 通菜葉顏色無過老 通菜幼嫩 質感爽脆👍🏻蝦醬調味比較淡 如果多啲蝦醬會更加好泰式柚子蝦沙律 🍐柚子肉份量係好多既蝦肉爽彈但無咩蝦味 🍤調味酸酸辣辣 係開胃前菜但係我嫌柚子太多 蝦太少同埋柚子有啲苦苦地 😩呢個下次唔會再叫 泰式菠蘿海鮮炒飯 $98我哋以為成個菠蘿送上嚟😂😂菠蘿炒飯嘅配料有魷魚🦑青口 菠蘿粒 提子乾 蝦肉 三色豆 豬肉鬆等雖然好多種材料 但唔係咁多餸 炒得唔夠火候 冇咩味呢個就一般 冇特別串燒沙嗲 $88🍢見過app剩係得串燒 冇特別去揀點知全部都係雞🐔 串燒燒得好香口 亦保留到肉汁沙嗲醬比較偏甜 感覺還好炭燒豬頸肉 $78呢

抵食夾大份仲要熱辣辣最鐘意個咖哩軟榖蟹包大個得黎，咖哩夠晒香點住面包食正到爆烏頭斬好好食用火熱住上，唔怕凍左會變腥連怕左烏頭既朋友都拍晒手掌6人餐仲要抵到爆😂下次朋友聚會一定會再黎