河內越式料理 (西洋菜南街)

營業中

休息中

今日早放工仲可以買下午茶返屋企食，河內越式料理，平時食晏都會食，食物份量夠多，質素又好，而家下午茶時段仲抵。👍🏻😋越式河內三寶飯$58有香茅豬扒、香茅雞翼、扎肉，可以一次過品嘗三款美食，超級抵食🍻豬扒外脆肉嫩，啖啖肉好好味👍🏻雞翼肥大肉厚🐥而扎肉正常發揮✨生熟牛肉湯河粉$52越南餐廳最重要係Pho好食，尼間餐廳既Pho做得十分好，湯底一流👍🏻😋而且生熟牛肉份量多，口感豐富🐮河粉同湯分開，攞到返屋企都唔會冧✨越式炸蝦餅$28下午茶只需加$28話有大大塊炸蝦餅🍤外脆裡面彈牙🦐沾埋泰式醬一流。👍🏻最後重可以加$10就有一杯特色飯品🥤龍眼冰同三色冰都係非常唔錯🧋✨

放工經過西洋菜南街河內越式料理，嗌咗外賣返屋企食，記得係尖沙咀都食過，價錢親民，Order左一個香茅豬扒飯，出餐勁有效率，店員服務態度好好，另外追加左2隻雞翼！香茅豬扒醃得好入味，每啖入口附有陣陣香茅味，就算外賣攞到返屋企，豬扒同雞翼都仍然香口，豬扒厚身而且肉質軟腍Juicy，配上一些蔥油鼓汁更惹味，仲有隻流黃煎蛋，加埋配菜，真係勁正，雞翼外皮酥香而且滿滿香茅味，皮脆肉嫩又多汁，色香味俱全，成個晚餐好豐富滿足，份量夠曬多絕對抵食，外賣都keep到水準！

呢日黃昏時候喺旺角，同朋友一齊，大家都冇乜時間，想快快趣食碗麵，路過呢度，越南🇻🇳小店，可以食碗河粉又得、飯又得，咁就唔再諗啦，嗱嗱聲入去開餐😆我哋叫咗呢啲嘢😆- $69 嘅「極品牛🐂三寶湯河粉」：「極品牛🐂三寶」有牛肉、牛丸、牛𦟌，全部都幾好牛味😋；湯底濃郁仲有少少辣，大大碗，食得飽😋- $64 嘅「順化蕃茄🍅蟹肉🦀扎肉湯檬」：蕃茄🍅湯底都係味道濃郁😊；扎肉就梗係有越南🇻🇳風味啦😆- $20 嘅「香茅雞翼（2件）」：外皮脆脆哋，簡單幾好食😋- $10 嘅「椰汁🥥紅豆冰🫘」：唔係好甜，都幾多紅豆🫘，加埋椰汁🥥，凍冰冰幾好飲😋- $3 嘅「熱檸水🍋」：清熱消滯😆

「河内越式料理」在太子花園街的分店，嘆返裝修簡潔明亮，感覺乾淨衛生～餐廳主打越式湯粉、撈檬、飯類等等，價錢親民。順化蝦餅撈檬 $62 必試的蝦餅👍🏼外層炸得酥脆，內層彈牙滋味。順化蕃茄蟹肉扎肉湯檬$64蕃茄湯底濃郁，加上原粒的清香桔仔，酸酸甜甜非常開胃，配菜及麵的份量都相當豐富。越式炸春卷 $20 香脆可口，調味恰當。鮮芒果西米露 (+$10)真的是新鮮芒果製成，一杯飲品就可以滿足埋吃甜品的慾望。蜂蜜柚子梳打 (+10)梳打非常夠氣，不會過甜。

天氣熱唔想食咁重口味 想食啲清淡啲一諗就諗起越南生牛肉湯河❣️ 生牛肉湯河粉 $46份量都幾大碗🥩都好多 勁有牛肉香 唔知湯底係咪熬咗好耐呢 加埋配送嘅辣椒🌶️ 鮮甜得嚟有啲辣辣地好惹味 完全係可以當前菜餐湯咁飲❣️香茅豬扒撈檬 $48豬扒一大塊切成4份 一塊大概3 4啖左右 上枱嘅時候仲係熱辣辣 唔會太油膩太重味精 檬粉索埋啲酸辣汁 熱辣辣得嚟帶幾分清新🍋❣️ 越式炸蝦餅(細）$28份量唔細但食落好似冇乜味咁 食唔出🦐味或者任何海鮮味 但又唔會太粉 最後點泰式酸辣醬食埋佢❣️ 招牌越式三文治 $40超級無敵多🥒 扎肉細細塊 法包食落好香脆 包埋一齊食好厚好大份 未至於好正宗但都幾好食 之前食嗰啲芫荽勁多好彩呢間無啫

叫左兩碗撈檬粉牛丸撈檬春卷撈檬都幾足料呀👍🏼但個汁好似太多味精？🤔🤔皆因食完好口渴同埋有一陣鹹既味道停留口腔好耐～外賣出街食 難免有味精問題不過調味控制方面可以拿捏得更好🤏🤏

星期五晚，去左旺角呢間越南餐廳買外賣，上朋友屋企食。 無論堂食定係網上外賣平台個d都幾多人叫，我地都等左一段時間先拎到。叫左個河內三寶飯，有雞翼，豬扒同扎肉，仲有d蔥油同酸蘿蔔絲。d雞翼同豬扒醃得都幾入味，幾送飯。順化牛肉撈檬，牛肉係肥牛黎，份量都算多，但醃料唔太似越式，魚露我覺得可以再酸d,整體還好啦～加左個春卷，都炸得唔錯，幾香脆。飲品係青檸梳打同埋青檸可樂，都係正常可以預計到嘅味道～住附近又想食越南野可以試吓。

一向都鍾意食越南嘢，經開旺角見到呢間都幾多人幫襯，就立即衝左入去😆餐牌都好多選擇，有飯、麵同多款小食，價錢亦都相當合理。極品牛三寶湯河（$69）～三寶嘅意思係牛肉片、牛丸、牛展，可以一次過食到三種唔同風味，當中最愛牛展，嫩滑之餘，食得到牛展嘅質感，而湯底亦都非常濃郁，突顯牛味。越式河內三寶飯（$68）～扎肉、香茅雞翼、香茅豬扒，呢三樣絕對算得上係越南必食item，一次過滿足晒我三個願望，豬扒夠晒林，雞翼非常入味，扎肉亦都很地道👍🏻越式豬頸肉（加配$29）～一上枱感覺賣相非常靚，絕對冇馬虎，本身已經非常夠味，沾上酸辣汁，更覺惹味！龍眼冰（$26）～龍眼冰除咗香濃嘅龍眼甜味之外，仲加上杞子，真心養生。椰汁紅豆冰（$26）～紅豆非常大粒，而且煲到淋晒，加上椰汁嘅香味，絕配。

行完花園街，搵嘢食醫肚先。朋友話不如食越南嘢，好想食越南湯河😋行過西洋菜街，搵到間河內越南PHO,好似幾正宗🤭我就簡左碗牛腩片湯河，朋友簡扎肉湯河，越南河湯底好緊要，這間湯底好香牛肉味，夠濃夠熱，河粉夠滑，加香葉，洋蔥芽菜，材料豐富，份量足😋食越南嘢肯定要叫多份小食同佢地啲特飲，炸蝦餅，好彈牙，有口感，炸得幾香脆。見幾張枱都係點芒果西米露，我都整番杯，唔錯，唔會太甜，有芒果西米，有啲似食緊甜品😋朋友就行到好熱，叫杯青檸梳打，降降溫先，夠凍，清清地酸酸地，幫助消化👍

越南食品給人的印象是简单而味道清纯，不濃不烈不油，今日去試下西洋菜街河内越式料理。食lunch時間，都幾多人在門外排隊，好彩早一步入內有位，店内裝修keep得幾好，新净舒服，有靠牆位也有可泊埋的雙人枱。🌟生牛肉湯河粉$56🍜牛肉河是越南食物必叫的，最能見到厨司的功力，湯碗很巨形足10吋直徑，湯的份量cover得晒D河粉，夠熱，味道也錯但不是最好，越南河粉不太淋有韌度，碗内有芽菜、洋葱絲和其他香菜，惜份量過少，生牛肉有5，6 片，偏瘦有些"鞋"冇乜味道，這碗粉正正常常啦，可接受的但是outstanding🙂🌟醎零七$10 (跟餐優惠，原價$26)醎醎甜甜，又凍又有汽，味道幾特別，夏日消暑佳品。總括來說，不過不失，普普通通啦🙂🙂🙂

正好路過旺角，於是想打包晚飯回家，分別點了一份豬頸肉撈檬粉，以及一個香茅豬肉返，另外加了一對雞翅，整體來說撈檬酸甜開胃，豬頸肉Q彈，不過香茅飯就比較普通了，凍檸茶也自然不如港式茶餐廳

這天晚餐吃越式食品。我吃的是越式河內三寶飯，加點了蝦餅及杞子龍眼茶。越式三寶飯即是扎肉雞翼豬扒飯，它不花俏，但很美味、很豐富，很滿足！這是一個份量十足的啖啖肉飯盒，加配一份小食的話，我覺得份量足夠讓兩個女生分享。這個蝦餅不是非常彈牙的那款蝦餅，但質感、味道都很好！而且經歷了接近半小時的搬運時間，蝦餅外皮還是很香脆！至於杞子龍眼茶則非常足料。它味道很清潤、甜蜜，我很喜歡。一杯飲品裡頭有7-8粒龍眼，吃著龍眼肉覺得很滿足！整體來說，我覺得這家餐廳的食物味道很好，而且份量十足！

疫情之後，我同屋企人都慣咗外賣呢個形式。呢日去到呢間越南餐廳，見到好好生意，好多人排隊，所以我哋就嗌咗外賣返屋企食。打開餐牌，見到佢啲嘢食都幾抵食。我哋一人點咗一個主食，分別係西貢咖喱牛腩飯同埋會安雞絲撈檬，再加錢要左香茅雞翼。雞絲撈檬啲撈檬汁係我嘅至愛，酸酸地，食落去好開胃。撈檬嘅份量都夠大，一定夠飽。仲有呢個惹味嘅咖喱牛腩飯！香茅雞翼好香脆，就算外賣都keep到一樣咁好食。飲品方面，我哋點咗凍嘅越式滴漏咖啡同埋菜蜜。

呢晚同女友行完街，嚟到「河內越式料理」，嗌兩個好想食好耐嘅餐🤤，味道唔錯：.🥢612順化蕃茄牛腩飯 $59紅噹噹嘅表面零舍吸引😍，蕃茄汁表面嘅洋蔥增強咗蔬菜嘅甜味，蕃茄汁調味出眾，酸酸甜甜味道開胃，令人充滿食慾。.🥢309極品牛三寶湯河粉(生牛肉、牛展、牛丸) $69湯底濃郁，充滿牛肉味。由於預先放咗洋蔥🧅落去，食落有少少洋蔥甜味。.生牛肉、牛展肉味濃郁，牛丸比起想像中彈牙，皆為上品。河粉都好夠滑，吸晒湯底好惹味😋。.🥤228越式青檸冰 +$10消暑得嚟唔會太甜，青檸清香。.🥤216凍咸檸七喜 +$10甜中帶鹹，仲有檸檬嘅清爽，每次食越式河內都會嗌嚟飲🤗。

一段時間無食越南菜，呢日去開太子，經過呢間河內越式料理，見到午市套餐價錢相宜，客人又唔少，就入去試下！原先最想試蝦餅，不過12點幾去到已經無晒，唯有試下其他。極品牛三寶湯河粉($69)一碗有齊生牛肉，牛展及牛丸，啱晒鍾意樣樣都試吓嘅我。生牛肉剛剛熟，肉質嫩滑細緻。牛丸肉味算濃，清湯放咗香蔥，羅勒同青檸，更添風味！順化豬肉卷撈檬($62)未食過順化豬肉卷，原來有D似腸仔。撈檬上仲放咗甘筍絲、青瓜絲、芽菜及芫荽碎，澆滿酸酸甜甜嘅醬汁，消暑清新，非常醒胃！不過醬汁則略嫌鹹咗少少，如果酸甜度突出d就更好啦。越式香茅豬扒($23)豬扒肉質軟腍鬆化，醃得入味。越南滴漏咖啡(+$18)老公一見到有越南滴漏咖啡，即刻好有興趣！越南咖啡最大嘅特色，就係用煉奶代替牛奶去調味。我試飲咗一啖，越南咖啡同意大利咖啡嘅風味非常唔同，好特別，不過要留意煉奶唔好一下子落太多，如果唔係真係會好甜呢！椰汁三色冰(+$10)呢個係我最愛嘅特色飲品，已經好耐冇飲過，難得出街食飯，對自己好少少，放肆一下！呢排天氣熱，特別解渴消暑呀！