影片
更多
2024-05-14
1447 瀏覽
今年3月中去咗一轉越南芽莊，輕鬆渡吓假，由於芽莊喺個沿海城市，海產豐富，所以，嗰幾日我哋食海鮮居多，反而越湯粉就較少食。今晚兩公婆就懶煮，出嚟尋味搵食支持吓本土經濟，近近哋揀「河內越式料理」，貪佢一出地鐵站口附近就喺，加上風評不俗，定價實惠。雖然鋪仔細細，但裝修都幾骨子，偏向摩登嘅設計，唔多見啲傳統嘅越南擺設，反而有啲藝術嘅裝飾，個人嚟講，最緊要喺乾淨企理，坐落感覺舒服。食物嘅選擇都幾多種類，包括越式湯粉、越式撈檬、飯類、越式三文治、米紙卷類、沙律類、濱海類、小食、廚師推介、精選菜式……等等，最抵食喺個「優惠二人餐」，不過，啲湯粉選擇唔喺好啱老婆心水，加上佢有唔喺必須嗌嘢飲，而散點又有追加小食，計落個價錢都OK喎。餐牌最尾一頁喺飲品，包括多款特色飲品、沙冰，為顧及個別人士需要，亦提供少量港式飲品 同埋幾款暖意風情熱飲。最好就喺嗌咗主食，有得加配飲品，唔一定要叫套餐同樣可以慳返好多。枱面就放咗一啲特色嘅調味醬料，而餐具、餐紙、牙簽等就放晌枱側拉櫃中，排列整齊，自由取用。越式手打炸蝦餅（細）$33既然可以追加小食，當然用盡啲配額啦，先試一客炸蝦餅，喺咪真喺手打就唔知，但食落真喺好彈牙，又夠
雖然鋪仔細細，但裝修都幾骨子，偏向摩登嘅設計，唔多見啲傳統嘅越南擺設，反而有啲藝術嘅裝飾，個人嚟講，最緊要喺乾淨企理，坐落感覺舒服。
食物嘅選擇都幾多種類，包括越式湯粉、越式撈檬、飯類、越式三文治、米紙卷類、沙律類、濱海類、小食、廚師推介、精選菜式……等等，最抵食喺個「優惠二人餐」，不過，啲湯粉選擇唔喺好啱老婆心水，加上佢有唔喺必須嗌嘢飲，而散點又有追加小食，計落個價錢都OK喎。
餐牌最尾一頁喺飲品，包括多款特色飲品、沙冰，為顧及個別人士需要，亦提供少量港式飲品 同埋幾款暖意風情熱飲。最好就喺嗌咗主食，有得加配飲品，唔一定要叫套餐同樣可以慳返好多。
枱面就放咗一啲特色嘅調味醬料，而餐具、餐紙、牙簽等就放晌枱側拉櫃中，排列整齊，自由取用。
越式手打炸蝦餅（細）$33既然可以追加小食，當然用盡啲配額啦，先試一客炸蝦餅，喺咪真喺手打就唔知，但食落真喺好彈牙，又夠蝦鮮味，外層炸得脆口，卻唔油膩。
越式手打炸蝦餅（細）
$33
1 瀏覽
0 讚好
0 留言
老婆就鍾意食多啲菜，當然額外嗌多碟灼菜俾佢啦，雖然睇表面只喺灼菜一碟，食落又覺得有啲唔同，啲生菜以上湯灼，我估就正正喺淥河粉啲牛骨湯，所以，特別有陣陣香味。
越式河內三寶飯 $72食燒味經常都會聽到三寶、四寶飯，估唔到呢度都有個三寶飯，可以一次過試晒香茅豬扒、香茅雞翼同扎肉，睇相都見份量十足，配埋啲醃菜，平衡返啲炸嘢。豬扒好鬆化，雞翼就好嫩滑，炸得香口，充滿香茅味，扎肉好有彈牙感，絕對唔啲平假貨，此外老婆竟然讚啲白飯好食，話軟熟得嚟有口感，我就鍾意撈埋啲甜豉油同蔥油一齊食，滋味滿分。
越式河內三寶飯
$72
4 瀏覽
0 讚好
0 留言
大大碗湯檬嚟到，好墜手，好夠份量，睇啲色已經覺得好對辦，未食都有期望。通常嚟啲越南餐廳食湯河都牛骨湯，蕃茄湯就比較少，先試啖湯，蕃茄味酸香鮮活，絕對唔喺搵茄膏推嗰啲貨色，再唧少少柑桔汁，更有畫龍點睛之效。最開心就喺唔使動手就食到啖啖蟹肉，呢個先喺我叫佢嘅重點；至於啲檬粉，入口都好滑溜，而且，份量真喺估唔到嘅多，真抵食。
順化蕃茄蟹肉扎肉湯檬
$68
0 瀏覽
0 讚好
0 留言
沙冰嘅份量非常之足，夠晒大杯，滿到瀉咁滯，好有睇頭，仲加咗少少芒果粒作點綴，沙冰嘅芒果味好清甜，口感幼細，飲到尾都飲唔到咩碎冰，反而感覺有少少似奶昔，總之就襯晒熱焫焫嘅湯檬！
鮮芒果沙冰
$36
0 瀏覽
0 讚好
0 留言
張貼
