河內越式料理 (西洋菜南街)

營業中

休息中

對鍾情越南菜嘅我，又係時間要食下越南粉啦，今次揀左去旺角河內越式料理食返餐。坐底order左極品牛三寶湯河粉、越式河內三寶飯，小食有越式燒豬頸肉，飲品就係龍眼冰同埋芒果西米露。極品牛三寶湯河粉分別有牛丸、生牛肉同牛展，手打牛丸夠彈力，生牛肉就好鮮味，牛展就好入味，牛味濃郁。配合越式配料及牙菜等連河粉食好有口感，最緊要湯底牛骨味覺鮮。越式河內三寶飯有香茅豬扒、燒雞翼及扎肉，豬扒香濃惹味，雞翼燒得外脆內嫩，扎肉就好有越式味道，加醬汁連飯食一流。越式燒豬頸肉既鮮嫩又香口，點埋甜酸醬食停吾到口。龍眼冰同埋芒果西米露就同樣清新又解渴。

夏日炎炎一個女仔其實真係唔想日日食公仔麵當然想試一些比較有質素嘅食物。香茅春卷兩隻炸得蔔蔔脆好好味香茅味道冇得彈。魚露雞扒煎蛋飯火燻出來的，並非快餐一般的燒雞，非常肉香嫩滑。最特別是他們有魚露的香味淡淡柚香。出邊食唔到。✨✨✨🙈滴漏咖啡法國風情!這種咖啡咖啡之香絕對是出色之作。田園生菜絕對是女生減肥最愛，健康又好食。而且分量夠。絕對v good越式青檸冰老細好細心特登 小冰，好適合女生飲用。衛生:*****服務:*****抵食:*****

其實一直以來都很喜歡越南傳統食品，尤其是他們一點點甜酸似啲味道，可謂相得益彰，恰到好處。its awesome!魚露雞扒煎蛋飯這款雞扒特別之處，是火燻出來的，好像一般的燒雞，非常肉香嫩滑。配上他們獨特的燒汁，做到色香味俱全。，令人垂涎三分，不亦樂乎。上湯田園生菜這款生菜獨特之處是非常之嫩口，即使是老人家也非常之容易入口，適合一家大細享用。越式青檸冰唔太甜好適合女士飲用，用來解暑就一流。餐廳地理位置鄰近地鐵站出口exit b, 走過來都不到十分鐘。😊

今個星期五有啲嘢做, 收工自己一個食晚飯, 自己獨獨食就要食得更加豐盛河內嘅嘢食又大份又好食, 最重要係可以以優惠價加配小食同嘢飲<越式河內三寶飯>追蹤開大食妹嘅朋友都知道大食妹係個小食怪, 主食就揀咗咩都有啲嘅越式河內三寶飯河內三寶分別係香茅豬扒、香茅雞翼同扎肉大食妹最鍾意佢嘅香茅豬扒, 肥美得黎又唔會太過油膩, 味道甜甜地, 超好食香茅雞翼同樣唔錯, 炸物都係熱辣辣即叫即炸嘅米飯再配搭甜豉油同埋蔥油簡直無得輸<越式炸春卷>小食就嗌左三寶裏面冇嘅越式炸春卷雖然得一條, 但係非常足料<龍眼水>最後飲返啖冰冰涼涼嘅龍眼水, 消暑解渴

夏日炎炎實在令人提唔起勁煮飯，同先生行完魚街索性買埋外賣返去做晚餐。餐廳食物選擇多，而且價錢抵食，門口有大大個餐牌，方便食客叫外賣。豬頸肉一客三至四件，香口彈牙而且唔油膩，味道亦唔錯。先生每次必食嘅極品牛三寶，湯底香濃而且配料豐富，有生牛肉、牛𦟌同牛丸，最欣賞佢嘅牛𦟌，唔會太過軟爛。天氣實在太熱所以我今次叫咗香茅豬扒撈檬，豬扒唔算厚但香茅味好濃，配搭酸甜爽口嘅撈檬解暑一流。粉麵加十蚊就有特飲，味道方面中規中矩，椰汁味道稍淡，但勝在甜度適中，清新解渴。呢間越式餐廳我哋已經幫襯過好多次，貪佢好味又抵食，仲可以平價追加小食同特飲，而且叫外賣起菜亦好快，係我哋嘅外賣首選！

河內越式料理今日去完尖沙咀行街當然就要過一過旺角又係搵吓嘢食啦，今次行到太子附近見到一間越南嘢好似好多人應該都唔錯決定去馬生熟牛肉湯河粉湯頭都幾濃🥳而且牛肉份量都幾多，配埋香葉同埋檸檬，絕對係一個越式風味嘅河粉香茅雞翼兩件雞翼，揸得卜卜脆好好味，香茅嘅味道非常之突出凍滴漏咖啡嚟到越南餐廳，點都會叫一個凍嘅滴漏咖啡，滴漏咖啡咖啡香👏加上煉奶底😛出色行開旺角太子終於都有間平民又好味嘅餐廳，抵推薦

好耐無食越南菜啦~今日去咗旺角行街買衫，經過西洋菜南街，見到呢間河內越式料理，晚市時間坐滿人，一於試下先！香茅豬扒撈檬香茅豬扒夠厚身，口感鬆化又軟腍，啖啖肉好有咬口，而且肉汁豐富!撈檬味道酸酸甜甜，清新爽口。順化豬肉卷撈檬豬肉卷咸香惹味，卷裹成條型狀，口感層次豐富～檬粉Q彈爽滑，唔錯。越式炸春卷炸得金黃酥脆，外皮夠薄又香脆，食落唔油膩，餡料好豐富！椰汁紅豆冰奶香濃郁，紅豆煮到起沙，口感綿細。椰汁珍多冰椰漿味道香濃，珍多冰質感爽滑，飲落好清甜～

今日放工買左八半旺角睇戲，有d趕快快趣搵個地方食飯，諗起依間d越南野夠平民又幾好食，小店黎講坐得都算舒服，就整個快靚正晚餐啦～順化豬肉卷撈檬 $62豬肉卷咸咸香香幾好配檬粉食，重點之一當然係個撈檬汁啦！酸may may，微微甜，微微辣，食落真係寧舍開胃！好岩依個咁鬼熱既天氣食。順化牛肉煎蛋飯 $59個飯埋到黎都聞到好香，牛肉醃得入味，醬油味突出，加上洋蔥增添味道，配上燶邊蛋，簡單美味。越式香茅豬扒 $23食越式國香茅豬扒一定要出場，依個豬扒口感剛剛好，易咬唔韌，好味。香茅雞翼 $20岩岩整起外皮香脆，幾惹味～越式青檸冰$10好fresh, 有透心涼感覺。熱情果冰 $10酸酸地好開胃解膩，食完咁多野飲落去幾舒服。

前幾日去開旺角，就決定叫下午茶返屋企食啦，結果竟然有驚喜😍😍😍😍😍😍😍😍😍😍豬頸肉超級惹味，加埋醬汁，令人食極唔停口🤣🤣🤣🤣🤣🤣🤣🤣🤣🤣🤣🤣🤣🤣牛肉湯河，牛肉湯好濃郁，而且牛肉份量都好多，抵食之選😍😍😍😍😍😍😍😍😍😍😍撈檬酸酸甜甜超級開胃，夏天食透心涼😋😋😋😋😋😋😋😋😋😋飲品同樣好有誠意😋😋😋😋😋😋😋😋😋😋😋😋😋😋😋😋😋😋😋😋😋😋😋😋

老公投訴話我好耐冇陪佢食越南菜，今日路經旺角，就喺河內越式料理買外賣返屋企慰勞下佢。佢最鍾意食火車頭牛肉粉系列，而我就揀咗比較精選啲嘅河內牛腩片湯河粉，值得一讚嘅係佢嘅湯底好香濃但唔係過鹹，算係幾正宗。而且仲有勁多牛腩，以呢個價錢嚟講算係相當抵食。另外就揀咗順化豬肉卷撈檬，仲會配一大份魚露。豬肉卷充滿香料味，而且份量都相當多。因為魚露夠晒多，所以食起上嚟既清新又清爽。主食仲可以優惠價選購小食，越式豬頸肉雖然係小食，但份量一啲都唔少，亦唔會燒得太乾身，性價比非常高。越式炸蝦餅肉質好彈牙，味道亦唔錯，點埋甜酸醬簡直係絕配。加$10仲有特飲，揀咗珍多冰同青檸梳打，兩杯都真材實料夠哂味。

今天放工經過呢間好多人食嘅越南菜，未夠七點已經全部都滿座。😍極品牛三寶河粉（$69) 有三款牛，其中牛丸彈牙爽口，湯底濃郁，檬粉份量好多。另外越式春卷撈檬（$60）春卷大大條好香口，比平時食嘅更惹味！另外叫了豬頸肉（$29），咁嘅價錢有咁多塊，好抵食。越式青檸冰（$10）加少少錢就有得飲特色嘢飲～如果係叫一般凍檸茶凍檸水更加抵，只係要$5就有～堂食座位都要坐得好舒服，夏天最緊要就係冷氣夠涼🤣🤣

今日買越南菜外賣返屋企做晚餐夏天熱辣辣，揀越南菜 簡簡單單唔重負擔就最好。旺角西洋菜街河內越式料理，位置方便而且性價比高，簡單做晚餐，唔貴又抵食。-順化豬肉捲撈檬豬肉捲燒得香口，咬落去豬肉夠彈牙， 肉汁仲要爆出嚟豬油 嘅香撈埋落檬粉度加埋酸甜嘅 撈檬汁夏天食清新開胃-順化蕃茄牛腩飯番茄牛腩飯酸酸咪咪，牛腩煮得入味有蕃茄嘅 清新 亦都有牛腩嘅肉味撈飯 超一流-越式炸蝦餅 跟餐可以加 配小食炸蝦餅即叫即炸，外面酥脆入面蝦肉爽口彈牙。-另外仲叫咗兩杯越南飲品椰汁三色冰 ， 冰凍清涼椰果椰汁西米露， 超多西米露， 仲有椰果粒粒，大愛。

話說近排朋友減緊肥 但佢又約我食飯 咁我同佢都OpenRice 左好耐 睇下邊度會有d低脂肪低卡路里又小油既野同佢食呢 同佢睇睇下發現原來越南野d撈檬真係比較健康 咁就約左佢一齊食越南野🇻🇳一入到去職員就即刻上茶拎餐牌埋黎 佢杯茶係有d類似玄米茶既味🍵 清清地又有解油膩嘅既感覺另外見到職員係收完檯既時候 會拎支消毒噴霧噴張檯同埋抹 呢樣野係呢d時勢都幾重要👍🏻💜順化蕃茄蟹肉扎肉湯檬 $64拎到上黎見到個湯都幾濃 個湯飲落去係有少少好似西式龍蝦湯既感覺 番茄味甜亦有蟹既鮮味💜會安雞絲撈檬 $56今晚重點就當然係呢個低脂低卡路里既撈檬啦 雞絲份量都多 撈勻之後唔會話食唔到雞肉 撈檬個汁酸酸地夠開胃 唯獨有小量檬粉痴住 不過唔太影響💜越式豬頸肉（細）$29豬頸肉肉質爽彈 豬頸肉既邊亦烤得幾好脆脆地 點埋個酸甜醬就更加好食💜青檸梳打 +$10青檸梳打唔會好重糖漿既甜酸味 加上佢比客人自己倒落杯個罐玉泉梳打水真係越南野黎💜椰汁冰 +$10椰汁味道好重 又夠大杯 加$10有得飲真係抵

越式河粉放假帶兩個仔去太子花園街河內越式料理, 食生果越南真味嘅晚餐。 店裏面嘅裝簡潔, 感覺乾淨衛生, 唔好睇佢鋪仔細細, 坐得都幾舒服。餐牌主打多款越式小食, 湯河, 撈檬, 飯等等,價錢都好經濟實惠。河內生熟牛肉湯河🍜生牛肉好柔軟, 好嫩滑, 好香牛肉味。熟牛肉 就重牛肉味, 厚切口感豐富, 入口鬆化, 又嫩又淋, 連啲筋位咬落去都爽。😋生牛肉河粉份量大大碗🍜嘅生牛肉河粉, 牛肉味香濃, 湯底清甜, 配埋佢嘅辣椒🌶️, 鮮甜得嚟又有辣辣地, 幾惹味, 飲咗幾啖, 一啲都唔覺得有味精。香茅豬扒湯河豬扒🥩一塊大大件, 上枱嘅時候仲要熱辣辣, 又唔會太油, 冇味精。 豬扒一定要配湯河, 仲有越南風味嘅湯底🍜, 先係絕配😋越式炸蝦餅蝦餅🦐炸到金黃香脆, 又有口感, 非常彈牙, 蝦味鮮濃, 配埋個泰式甜酸醬一齊食, 口味更佳! 👍🏻越式豬頸肉豬頸肉煎得好香脆, 好有燒烤風味, 好爽彈, 有脂肪香味但又唔油膩。 配埋佢嘅酸辣🌶️醬, 有清新解油嘅感覺。青檸梳打🍹食親越南嘢泰國嘢都會叫杯青檸梳打飲 , 新鮮青檸加梳打水, 好爽! 👍🏻舖名: 河內越式料理(西洋菜南街)地址: 旺角西洋菜南街20

尼輪天氣炎熱，放左工買外賣返屋企睇住電視開住冷氣可以慢慢享受🍻👍🏻😋今晚想食越南野🍜就去左河內越式料理買外賣🍲順化蝦餅撈檬$52非常厚既炸蝦餅🍤外脆肉質彈牙好好味😋香脆而不油膩非常好🍖而檬粉撈埋酸醋清新開胃，啱曬而家敢熱既天氣 ✨生熟牛肉湯河粉$52越南餐廳最重要係Pho好食，河內越式料理既河內湯粉十分有質素🍜而且湯底一流👍🏻😋牛肉同牛腩片既份量夠多🍗口感豐富🐮河粉同湯分開，攞到返屋企都唔會冧✨越式豬頸肉$28下午茶可以優惠價加配小食🌯輕份量既豬頸肉都有六大片🍖每片肥瘦適中🐽沾泰式甜酸醬好味。👍🏻下午茶餐只需加$10就有一杯特色飯品🥤龍眼冰夠甜，多龍眼肉🍒三色冰充滿椰汁，三款配料有咬口😋性價比高🧋✨