河內越式料理

營業中

休息中

之前去完越南旅行，返嚟又有啲想食越式嘅嘢食，所以就決定入去試吓。餐廳啲嘢食價錢親民，而且選擇好多，仲有套餐可以揀，不過嗰日我哋都係根據返自己想食嘅嘢散叫。西貢咖喱牛腩配法包咖喱偏日式嗰種，唔會辣，牛腩份量都幾多下。法包都焗得幾香脆，係咖喱汁嘅最佳配搭。濱海伴牛肉串燒濱海即係將米粉煎香，整到好似米餅咁，加埋花生碎粒同埋薑蔥蓉，就咁食已經好好食。啲牛肉串燒醃得好入味，燒到外層有焦香，仲有啲花生沙嗲汁沾。蕃茄蟹肉扎肉湯檬好友驚喜嘅湯檬！蕃茄湯底超級濃郁，蟹肉嘅份量亦都好多，湯底酸酸甜甜，好濃好惹味，最後忍唔住全部飲晒。越式香茅豬扒撈檬好經典嘅菜式，我哋每次去越南菜嘅餐廳都會嗌。呢度嘅豬扒醃得好香，檬粉嘅配料亦都好充足，除咗甜酸汁之外，呢度仲有好多其他醬可以撈，自由配搭。

今日去咗呢一間位於係尖沙咀嘅越南菜，佢嘅地址非常方便喺尖沙咀地鐵站A出口步行大概1分鐘就會見到，餐廳嘅位置非常就腳，而且下午茶時間亦都非常多人，今日就同朋友去試下！我哋叫咗幾樣嘢大家share ，首先推介有佢嘅越式三文治，店員都非常貼心咁問我哋食唔食蔥同埋芫荽，呢個位非常值得加分，嚟到之後亦都幫我同朋友拎走咗，三文治嘅味道都唔錯，同傳統越南嘅發包味道簡直就係一模一樣，亦都有非常好食嘅扎肉，味道非常夾，我同朋友都非常鍾意！佢嘅小食亦都係呢一間餐廳嘅賣點之一，首先要推介有佢嘅蝦餅，佢嘅蝦餅非常爽口彈牙，食得出材料係用新鮮嘅蝦製造，絕對唔係市面上普通嘅蝦餅，加埋甜酸醬，口感同埋味道更上一層樓，另外佢嘅越式春卷亦都非常好食，佢嘅味道非常特別，而且食落非常有層次嘅口感，包埋生菜食，亦都可以減少令到成個春卷冇咁肥膩，作為小食，真係唔錯！越式三寶飯，分別有豬扒扎肉同埋雞翼，三樣都係餐廳嘅好食嘅嘢，店員都推介我哋叫一個餐，可以一次過有晒三種唔同嘅食物，我哋覺得呢個飯都唔錯，香茅雞翼做得特別好，非常有越南嘅味道，另外豬扒亦都非常入味，唔會有好硬嘅口感，送飯簡直係一流，另外餐廳亦都加咗好多唔同嘅配菜，令到

📍河內越式料理 (尖沙咀)尖沙咀堪富利士道10號地舖雞絲撈檬雞絲份量都多，吾會太柴魚露撈檬世界級，好好食，調味吾錯7.5/10札肉蕃茄蟹膏湯檬蟹肉大部分去殼，但有少少清吾乾淨，但小問題蕃茄湯底濃郁，有酸甜味，吾會死鹹蟹膏蛋個樣吾係好令，但味道吾差札肉有3片，味道正常檬粉軟硬適中，掛湯好味7.6/10豬頸肉三文治豬頸肉燒得好香，調味吾錯👍🏻但醃蘿蔔無味 無平時酸甜味三文治係法包，超級脆同偏硬7.3/10

今次喺尖沙咀搵食，經過見到門口有人等位，感覺應該都起碼唔係伏黎嘅，咁就同朋友一齊等埋一份喇！生熟牛肉湯河粉係一道結合嫩滑嘅河粉同鮮嫩嘅牛肉嘅美食，牛肉半生熟，浸喺湯內慢慢熟，口感好好，湯底好清甜又有牛肉香味。越式香茅豬扒湯檬以香茅同檸檬葉調味，豬扒炸得好好味，夠哂入味又嫩滑，仲好juicy! 湯汁又酸爽開胃。越式炸蝦餅有酥脆外皮同鮮嫩多汁嘅蝦肉，好好味。熱蜜糖柑桔係一款經典甜點，柑桔浸泡喺熱蜜糖入面，保持果肉鮮。檸檬蜜糖薑茶結合咗檸檬嘅酸爽同薑嘅辣味，令人覺得舒服。呢啲越南美食展現咗獨特嘅風味同烹飪技巧。不論係湯河粉、豬扒湯檬、炸蝦餅定係甜點同飲品，每一道菜都可以一試呢！不過雖然好味，但位處尖沙咀旺區，座位始終較逼及人多，食完亦要快快還枱比人做生意架😊

1️⃣順化番茄牛腩飯🔹牛腩 肉質軟淋，份量夠，汁底番茄味濃，酸甜適中2️⃣素春捲湯檬🔹素春捲餡料 飽滿，調味適中，春捲皮炸得香口，湯底唔會好咸3️⃣小食：越式豬頸肉🔸豬頸肉外層香口，內裏肉質軟滑，入口即溶，份量夠4️⃣小食：上湯灼生菜🔸生菜 嫩口5️⃣飲品：椰果椰汁西米露（小冰）🔹椰汁味濃，一d 都唔會水汪汪，都幾多椰果同 西米露浮在杯面

又去尖沙咀搵食，見到呢間好似新開嘅越南料理，又有幾多人入去，就試吓啦。極品牛三寶湯河粉($72): 有生牛肉牛展同埋牛丸，上菜嘅時候都幾大碗，另外一試難忘嘅就真係佢哋嘅湯底，應該真係用好多了去煲出嚟嘅，飲落去好似牛肉湯咁樣，完全唔似出邊嘅味精湯，而且好濃郁配埋生牛肉同埋牛制品食一流，而且湯河粉都好滑！順化牛肉撈檬($64): 同出邊食嘅撈檬都其實差唔多，牛肉份量都算多，而且配菜都好足夠。追加小食越式香茅豬扒(+$24):加嘅價錢嚟講唔算特別平，不過勝在上菜嘅時候都覺得佢幾大份，豬扒鬆軟又唔會過淋，好食☺️加嘅價錢嚟講唔算特別平，不過勝在上菜嘅時候都覺得佢幾大份，豬扒鬆軟，又唔會過林，好食！飲品叫咗凍鹹檸七同埋熱情果梳打(+$12@)! 總結：越南嘢嚟講其實自己都幾鍾意食嘅，覺得總係價錢相宜，而且又好食。我覺得呢度比我最大嘅驚喜就係佢嗰碗湯河嘅湯底，我食到最尾飲咗差唔多成半碗，真係好足料，而且待應嘅態度都好好👍🏻 態度好加上性價比十足，值得再嚟。

今日喺尖沙咀行街，經過一間鋪頭面積細細嘅餐廳，見到好多人，6點已經接近坐滿人，我地估計一定好好食，所以就入去試吓。我一行兩人，叫咗一碟「蝦醬炒通菜」，通菜好新鮮、香嫩而爽口，熱辣辣，即叫即炒，好重蝦醬味，仲有小小櫻花蝦仔，好香口，超正。接着，係「烤雞」半隻，雞肉好嫩滑，估計係經烤焗過，雞皮有少少乾身，雞皮好滑，而且有黏黏哋嘅感覺，調味料及香草味吸收晒入去，好好味，超惹味。主食叫左「生牛肉湯檬」及「三寶湯河」，湯底同樣係越式風味，三寶包含咗牛𦟌、牛丸、牛肉，好新鮮，好好味。飲品叫咗「冰鎮奶茶」及「鮮果沙冰」，2款都好好味，鮮果沙冰真係用新鮮水果製成，即叫即整。埋單合共全餐只需三百多元，真係好抵食。

晏晝食完比較Heavy嘅西餐，夜晚清清地食越南嘢雞牛豬之中我最鍾意食雞，所以今晚決定雞全部都係雞：香茅雞扒飯、雞絲湯河、香茅雞翼，至於飲品方面就叫咗青檸梳打同三色冰幾樣嘢之中我最鍾意食香茅雞扒飯，因為雞扒皮脆肉嫩，一啲都唔油膩，至於香茅雞翼充滿牛油香味，雖然邪惡不過令人垂涎三尺、欲罷不能本來以為雞絲湯河會食唔飽，不過由於雞絲份量慷慨，而且河粉好似唔使錢咁好多，食完之後飽肚又暖胃，真係寒冷嘅冬夜一大享受呢間越南嘢位於尖沙咀堪富利士道，地點方便，而且份量慷慨#河內越式料理

嗰日喺尖沙咀同屋企人行街我哋人好多，所以諗住普通嘅餐廳都OK 我哋一行七人等枱，員工好好幫我哋合併埋啲枱。我哋嗌咗以下幾款嘢：生牛肉湯河x2湯河嚟到生牛肉仍然係粉紅色，啲湯夠熱就可以整熟少少啲牛，不過我媽咪同埋我老公都認為啲牛肉非常之韌，全部都係渣亦都冇肉味，所以佢哋都吐咗出嚟佢哋係有啲失望嘅。豬肉卷湯河我嗌咗豬肉卷湯河，其實我以為係豬肉片捲埋叫豬肉卷，點知嚟到係好似春卷嘅形狀咬開係好似肉腸咁嘅。係加工制過嘅豬肉。係有少少嘢味，但係又未叫得非常好食。豬扒湯河x4其餘四位屋企人都嗌咗豬扒湯河，豬扒係幾大塊嘅，雖然係薄少少，不過都係入味同惹味嘅。豬頸肉x1豬頸肉都幾大塊，味道正正常常唔會特別出色，亦冇特別想再因為個豬頸肉嚟食。呢間餐廳我講嘅以上幾款食物，除咗個湯係夠熱之外，佢嘅餸都係冇乜熱力，即係唔夠熱你會覺得好似放咗一段時間令到你有啲冇乜食慾，加上今晚超級凍，所以係覺得有啲失望越南春卷x2另外嗌咗兩碟越南春卷，越南春卷係熱辣辣，脹卜卜嘅，好新鮮，好脆口好好食，再捲埋啲汁更加好味好滿足。成餐飯只有越南春卷係熱辣辣😅總括嚟講間餐廳普普通通啦，因為係尖沙咀食一個飯晚餐係偏貴嘅呢個比較貼地少少唔

同朋友去尖沙咀血拚完肚餓不知道去那兒吃🙈可以去這間👇🏻1️⃣金不換豬扒炒檬粉一上枱就見到大大塊豬扒，炒檬粉讀份量十足。好適合與朋友分享😋2️⃣河內牛肉米紙捲小清新選擇🌟點上魚露食很開胃，可以解熱氣而且解油膩👍🏻3️⃣法式牛油雞翼外皮好香脆，牛油味香濃，肉汁滿滿。真係一隻接一隻食4️⃣炸蝦餅新鮮熱辣，肉質彈牙😋5️⃣牛油果沙冰🥑果味好濃郁，沙冰細滑👍🏻6️⃣椰青配搭越南料理，十分解渴

好耐冇食過越式嘢啦，今日行過尖沙咀見到呢間都幾多人食我又有啲時間，咁就排吓隊啦，排咗10分鐘到就入咗去啦😏餐牌都有成10頁，又有餐，又可以單叫，好多選擇，而且價錢都親民😊😊食越南嘢當然唔少得生熟牛肉湯河🐮仲可以追加小食咁我就加咗個豬頸肉🐽🐽朋友就叫咗香茅雞扒飯🐥小食就加咗炸蝦餅🦐咁當然係撈亂食啦😬😬生熟牛肉湯河🐮都好大碗，就係有生同熟嘅牛肉，而熟嘅牛肉就係牛腱，每樣有3片，牛味濃郁👍🏽湯底唔係好濃，唔太鹹，河粉好滑，都係好食嘅😋😋豬頸肉🐷小食黎講，佢都算大份，肉質彈牙，充滿油香😌香茅雞扒飯🐥好大碟！！香茅味唔太重但雞扒好嫩滑，咬落去仲有汁流出黎😋😋炸蝦餅🦐蝦肉爽口彈牙 👍🏽外脆內軟😌都係唔錯既選擇

呢間河內越式越南菜，之前聽朋友講已經好抵食，今日經過尖沙咀見，就買嚟試下。買左碗越式豬頸肉蛋飯，同越式咖哩牛腩飯，另小食就點左份雞翼，一份都係六十幾蚊，晚餐時間真心好，抵食。豬頸肉蛋飯份量好多，喜歡佢有比埋好多醬料，特別好味呀，豬頸肉肥瘦適中，外皮香脆肉嫩，熱辣辣好食丫。另外咖哩牛腩飯都勁正，大大碗飯包食飽，牛腩香濃，又少少辣好惹味呀，送飯一流。雞翼都香口入味，好味，價錢整體都好合理，味道又好，可再光顧，推介。

呢間餐廳喺尖沙咀堪富利士道10號地下，係一間越南菜餐廳。今日我點咗一個極品牛三寶河粉，我朋友叫咗個越式豬頸肉撈濛，仲叫咗一份越式炸蝦餅。最後我地仲叫咗一杯牛油果沙冰同一杯越式龍眼冰。先講吓呢個極品牛三寶河粉，真係好正呀！佢用傳統越南河粉加上新鮮嘅生牛肉、牛丸同埋牛展。河粉食落係好軟綿綿，同牛肉同嘅鮮嫩口感形成強烈對比。個湯味道好濃郁，加埋辣椒同埋青檸真係好開胃！越式豬頸肉撈濛都好唔錯。佢用嫩滑嘅越南米粉，加上烤得香脆嘅豬頸肉同新鮮嘅蔬菜。豬頸肉烤得金黃色，香氣四溢，口感鮮嫩多汁。加上越南特色調味料，味道真係好特至於越式炸蝦餅，就係一個經典嘅小食啦。蝦餅外脆內軟，裡面都有多汁鮮甜嘅蝦肉。食落有濃厚嘅海鮮味道，再配上醒胃嘅酸甜沾醬，真係好開胃，好好味！最後嚟講吓飲品，牛油果沙冰同越式龍眼冰都好值得一試。牛油果沙冰係一個清涼嘅甜品，有新鮮牛油果同綿密嘅冰沙，食落滑順，有濃郁嘅牛油果香氣。越式龍眼冰就係以龍眼同糖漿為基礎嘅飲品，有淡淡嘅花香同清新嘅口感，好適合解渴。總括嚟講，呢間位於尖沙咀嘅越南餐廳提供好多款越南美食，不論係極品牛三寶河粉、越式豬頸肉撈濛、越式炸蝦餅，定係牛油果沙冰同越式龍眼冰

今晚決定食飽個肚就去睇燈飾, 近近地就係尖沙咀地鐵附近揀咗這家越南餐廳餐廳都幾多人食，我哋都要等兩張枱先至入到去入到去真係有一種人山人海嘅感覺，係一些空位都冇， 真係唔知點解咁嘅樣都仲會話冇人出街食飯 餐牌睇落都好清晰， 湯檬湯河、撈檬、飯、小食由於我哋都係希望快快脆脆食完去睇燈飾， 所以就各自叫咗個主食然後揀多個小食就算我揀咗一個冰滴咖啡朋友揀咗個綠茶綠豆冰， 之前未見過有綠豆冰 下面個底嗰度真係有唔少綠豆蓉， 同埋重椰汁味蕃茄蟹肉扎肉湯檬 超重蕃茄味 ，唔會太甜蕃茄未唔會太假另外食得出湯底有一啲蟹膏所以都好濃味湯底份量都好多食完可以飲少少湯 同埋另外最正係成碗粉嚟到嘅時夠曬熱越式香茅豬扒撈檬 豬扒份量比想像中多另外檬粉條條都好整齊，唔會碎濕濕， 食得出檬粉嘅米味小食就簡簡單單叫咗一個春捲，夠脆口，裏面有粉絲， 重越南風味兩個人就食咗咁多嘢整體價錢公道， 近地鐵站，食物質素仍不錯係喺尖沙咀食越南粉嘅好選擇

越式牛三寶河粉：牛三寶分別有生牛肉、牛腱肉、牛丸，個湯都非常夠熱，生牛肉上台既時候熟度岩岩好。生牛肉、牛腱肉既肉味有彈性，配埋軟滑既河粉十分夾。越式豬頸肉撈檬：檬粉質地爽口，配埋紅蘿蔔絲、生菜絲入口，酸酸甜甜成件事都好fresh好健康。最邪惡既豬頸肉肥瘦岩岩好，如果可以我唔介意再焦濃d，加埋蒜香魚露撈汁越式炸蝦餅：蝦餅出奇地令人驚嘆！因為蝦膠既部分蝦味好夠同有海鮮既甜味，炸衣部分脆得剛剛好，配埋彈牙既蝦膠最後仲叫咗兩杯野飲，埋單200樓下既晚餐，係尖沙咀鬧市叫幾抵食