河內越式料理

營業中

休息中

今日同朋友去咗河內越南料理食午餐。入到餐廳，店內有好多二人枱同四人枱。我哋大概兩點幾到，店內都坐滿八成人。餐牌有湯檬、撈檬、河粉、飯等選擇，仲有三文治、沙律、米紙卷、濱海類、小食等。我哋點咗優惠二人餐，包兩份河粉或撈檬、一份小食、一碟田園灼時菜同兩杯特色飲品。我哋另外點咗一份香茅沙嗲牛肉串燒。二人餐比單點平啲，我哋點咗一碗越式香茅豬扒湯檬同一碗河內生牛肉湯河粉，小食點咗越式香茅雞翼四隻、一碟生菜、一杯椰汁珍多冰同一杯椰果椰汁西米露。越式香茅豬扒湯檬香茅豬扒份量都OK ，豬扒夠入味，湯檬份量夠大，食得夠飽肚。河內生牛肉湯河粉生牛肉夠薄片，浸喺熱湯一陣就熟，河粉份量夠多。日式香茅雞翼四隻田園灼時菜（生菜）（左）椰汁珍多冰（右）椰果椰汁西米露香茅沙嗲牛肉串燒（三串）

依家在香港的餐廳選擇少，味抵價高，每天期待發掘寶藏小店，終于今晚找到了。在尖沙咀這樣的繁華地段，能夠找到人均只需$150的越式料理，是非常親民的價格，對于香港這樣的高消費城市來說，實屬難得。食物方面：越式拼盤包含越南春卷、雞翼、扎肉等多種越式小菜,鮮嫩多汁,酸甜滋味,十分好味😋而木瓜蝦沙律則是一道清爽可口的越式風味沙律。木瓜經過剝皮切絲後,與鮮美多汁的蝦肉一起拌入檸檬汁、魚露、香菜等調料,口感爽脆,滋味酸甜可口🤤兩道菜式搭配在一起,不但色香味俱全,更能完美詮釋越南菜的特色:清新自然、爽口可口，一口一個不能停下來🤣🤣

今日心血來潮想試下食越南嘢，試下位於尖沙咀既河內越式料理，估唔到好有驚喜！🔶手打蝦餅撈檬：蝦餅非常大份，好彈牙。最重要係唔會成舊都係炸粉發水，配上酸辣汁非常好食！🔶極品牛三寶湯河：牛三寶分別有生牛肉、牛展同牛丸。湯底非常濃郁，配上生牛肉，帶出陣陣牛香，好夾！牛展炆得好淋，夠哂入味。至於牛丸亦都好彈牙！🔶雞肉串燒：串燒即叫即燒，雞肉非常嫩滑，配上濃濃沙嗲，非常惹味！🔶鮮蝦肉米紙卷：米紙卷皮薄，入面亦好足料！配上酸辣汁，夠哂refreshing，好岩夏天食🔶生菜：叫飯麵加$12就有一碟生菜！食完咁多邪惡嘢就當然要食下菜清一清腸胃啦！

平時lunch time都會過嚟食碗越式河粉，位置方便、上菜快手職員友善啱晒附近返工嘅人。今晚冇住家飯食，就過嚟買外賣自取返去食。簡簡單單叫左個越式海鮮菠蘿炒飯、生菜、越式炸春卷第一次食越式海鮮菠蘿炒飯估唔到份量咁足，足夠一個男人嘅食量。仲要炒到粒粒分明，好香好靚菠蘿係新鮮菠蘿切到細細粒，加埋粟米粒蘿蔔粒炸蒜提子乾好夾。一啖食落口口感好豐富👍🏻炒飯好好食😋好驚喜加左條越式炸春卷，好脆好香，飲酒小食一流同埋外賣包裝好好👍🏻返到屋企都好完整。

放假出咗去尖沙咀行街 行完要等食咩好天氣熱 想食啲清爽啲嘅隔籬嗰個人就話食越南嘢 就喺OpenRice見到呢間都幾多好評應該正正常常唔會好伏.位置大概係九龍公園斜對面條街可能差唔多放工時間，所以都好多人食好彩唔使等.打開餐牌都好多嘢食 仲有二人餐價錢都幾親民 尤其喺尖沙咀區不過各自都有嘢想食係餐冇 所以都係散叫.🥗鮮蝦米紙卷米紙卷望落去個樣好清淡但係點咗個汁之後出色咗好多味道剛剛好 作為餐前小食好清新.🥖招牌越式三文治🥪因為唔算好肚餓，所以就唔想食一大碗粉叫左呢個三文治都幾唔錯 首先個法包咬落去係超級脆入面夾咗啲生菜 酸瓜絲 同埋扎肉扎肉冇平時出邊其他地方食嘅咁咸 都幾彈牙食到最後一啖個包都仲係脆卜卜 好正🫰🏻.🧆秘製招牌豬扒飯豬扒飯件頭已經十足，豬扒薄身得來有肉地，夠乾身香口得來仲有肉汁，加埋少少蔥油撈飯，確實一流。跟返仲已經跟咗少少蔬菜，仲有一隻蛋，暫時淨係食呢個飯都已經夠飽。.🥓追加小食 越式豬頸肉豬頸肉睇落去平平無奇，但係暗藏玄機，簿簿一片，但係肥瘦均勻，食落去都係啖啖有肉，唔會剩係得肥膏，啱晒食肉獸嘅朋友。.🥬蒜炒時蔬由於成餐都係肉，所以我哋嗌多咗個蒜蓉炒士蔬平衡一下，呢個份

河內尖沙咀堪富利士道10號越南菜喺香港越嚟越受歡迎呢間價錢還可以，而且份量幾大睇清楚啲其實好多分店都係正路越南裝飾 簡約裝修聽到有兩位店員講越南文，但係講真睇唔出同本地人有咩分別🙈優惠2人餐都係$198兩個主食 一份蔬菜 一個頭盤 兩杯嘢飲雞絲湯粉 香茅豬扒撈檬安南鮮蝦蔬菜紙米卷1客大大碗 落料唔輕手 辣椒粒 芽菜 金桔仔可以問店員如果想要多啲香茅豬扒勁大塊 香茅味道入味紙米卷 半塊蝦肉 扎肉 仲有特別香料 夾住香菜酸甜醬汁落少少，如果唔 就冇咗主調整體來講係大件夾抵食

上次同friend食過呢間已經覺得好抵所以再食，d野食係好大份。.天氣超級熱，牛油果沙冰係必叫！食越南嘢一定要食牛油雞翼先叫圓滿。叫咗一個鮮蝦米紙卷，想講佢嘅份量係一碗撈檬。最後真係拆開咗加啲撈檬醬嚟食😂😂因為知道佢啲份量好大，所以我哋兩個人淨係再叫多一個主菜，叫咗沙嗲雞串濱海。逢親去到有得食濱海嘅地方就一定會嗌，用菜夾埋啲米粉再加啲沙嗲雞串咁食。今次冇嗌到套餐，因為想試多啲嘢，但係係套餐最抵嘅地方係可以免費轉特色飲品。

一直都好鍾意食越南菜，而且呢間地點就腳尖沙咀地鐵站A2出口行1分鐘就到超級方便，而且價錢性價比高份量夠晒大份!! 喺尖沙咀嚟講價錢真係相當划算。平日放工時間唔使等位，餐廳唔算好大，但係都夠寬敞。見到餐牌係全日都係同一份午市同晚市都係一樣，所以夜晚食晚飯感覺更加抵。最正嘅就係一碗粉麵大概$60左右加$8就有凍飲, 今次我就點咗冰鎮奶茶(+$10); 而老公就叫咗椰汁紅豆冰(+$12)今日同老公每人嗌咗一碗生牛肉湯河($61), 落完單之後其實食物好快就到。湯河既湯頭係用咗牛骨湯，真係飲到濃郁嘅牛肉味, 味道簡直同去越南食嘅一樣，而且一啲都唔鹹! 我自己係非常鍾意呢碗麵嘅湯, 一定唔可以漏咗吱個青檸，加入湯內更加鮮味! 仲可以追加生菜($21)。我哋另外仲叫咗豬頸肉($74)同越式牛油雞翼($54) 豬頸肉都幾大份，配上雞醬我覺得好好食而且烤得啱啱好, 醃料又夠味! 而越式蒜蓉牛油雞翼都好香好惹味!! 見到隔籬枱又嗌蝦餅, 賣相都好吸引整體嚟講我覺得好抵食，性價比超高!! 簡簡單單唔想煮飯就最啱食越南菜

今日嚟到尖沙咀行過呢間越式餐廳， 呢間好多分店，之前都食過。 我好鍾意食越菜，啲香料好味，同埋生菜包好新鮮，夏天食最開心。今日又飲返佢地個牛油果沙冰，牛油果味好濃，而且食落去冇冰渣冰粒，好滑好順。 夏天黎一杯，好爽。 Light dinner 嘅關係， 唔想食太多carbs, 最後叫左豬頸肉法包，牛油雞翼， 同埋肉碎生菜包。 生菜包一樣係咁多料， 食完啲生菜，仲有肉碎淨， 我會夾埋落個法包度， 啖啖都係肉！牛油雞翼上面仲有啲炸蒜片， 好香好脆。 法包個外皮都烘到好脆，一咬落去就覺得爽！

作為一個對越南菜情有獨鍾的食客,我最近拜訪了位於尖沙咀的河內越式料理餐廳,品嚐了他們的精選越式佳餚越式蕃茄扎肉撈檬這道色彩鮮艷的前菜可謂是開胃佳品。鮮紅欲滴的蕃茄切片,配上酥脆可口的扎肉,再以爽脆的青檬片點綴其上,整盤菜品清新怡人,酸甜適中,令人胃口大開。越式豬頸肉蛋飯淋頭上的半熟柔滑雞蛋,搭配肉質鮮嫩多汁的越式燒豬頸肉,與底下一層柔軟的越式白米飯完美結合,口感層次豐富,入口即化,令人回味無窮。越式香茅豬扒厚切的豬柳肉經過馬鈴薯淀粉的包裹後,外層酥脆金黃,咬下去後內裡保持住鮮嫩多汁的口感,滿口都充滿住香茅味,別有一番風味。至於飲品方面,杞子龍眼茶夠清潤,岩哂養生人士，羅望子冰清爽怡人，唔會太甜值得一讚，調味料都幾齊兩個人品嚐這美滿越式風情晚餐，價錢都只係$130左右，超值！

-河內越式料理-📍尖沙咀.一直都覺得越南食品好適合夏天食用，因為大部份嘢食都係酸酸甜甜，非常開胃。今晚約咗朋友食飯，就喺公司附近選擇咗一間越式餐廳。.尖沙咀始終係遊客區，成晚食客都好多，不過估唔到嘅係本地食客都佔一半左右。.蓮藕苗沙律 ($85)第一次聽到蓮藕苗，所以想試一下。蓮藕苗同蓮藕嘅口感完全唔一樣，食落比較乾脆。加埋大蝦、花生碎同薄荷葉，配上酸辣嘅調味汁，非常開胃。.順化蕃茄蟹肉扎肉湯檬($70)蕃茄湯非常濃味，加埋蟹肉連湯底都變得好鮮甜。蟹肉嘅份量都唔少，配上厚身的札肉和幼滑嘅檬粉，大滿足。.濱海件香茅豬扒 ($76)濱海係越南嘅特色食品，乾身的米粉卷上放上花生碎同蔥粒，加埋開胃嘅酸甜醬，好適合夏天。.豬扒都好大件，醃得好入味。咬落肉質彈牙Juicy，一啲都唔乾。.熱情果冰 (+$12)好清新嘅熱情果冰，飲落唔係死甜的糖漿，又一夏天開胃之選。.

下午茶快閃尖沙咀,算了好近mtr,價錢又平既河內,叫左個椰青,勁大個,多汁又多椰子肉,唔錯唔錯。「越式春捲」食到Q彈既外皮、內餡豐富既滋味同埋微酸既魚露醬。炸到好香脆,有雲耳、蔬菜,包住生菜食,一d都唔油膩。牛油雞翼外層酥脆，雞翼嫩滑入味,有牛油香,雞翼大大隻,味道都唔錯。呢度好多佈置都好有河內既感覺。星期六既下午茶時段好似平日咁,仲有下午茶,只係叫碗河,仲會跟野飲,相當抵食。如果同朋友黎就可以試左呢到既2人餐。下次一於試下先!

今天和朋友在尖沙咀逛街，下午想食越南野醫肚，搵到呢間河內越式料理，就係港鐵站A出口附近。下午3點餐廳依然很多人！食越南野當然要試試生牛肉湯河及小食拼盤。河內生牛肉湯河粉🌕🌕🌕🌕🌕大大的一碗！配料有香葉、辣椒、青檸，湯底濃郁，先喝了幾口湯，湯底配有洋蔥、香蔥。河粉滑嫩。牛肉上抬時紅紅的，然後經過湯底灼一灼，就可以吃了！順化蕃茄蟹肉札肉湯檬🌕🌕🌕🌕🌖酸酸甜甜十分開胃，配有最愛的芫荽。河內小食拼盤🌕🌕🌕🌕🌕小食拼盤有味道越式炸春卷、越式香茅雞翼、順化炸手打蝦餅、安南鮮蝦米子卷 及札肉。一次過滿足5個願望。炸春卷陷料豐富，外脆內香。炸蝦餅因為是手打所以非常彈牙！酸辣無骨鳳爪🌕🌕🌕🌕🌖酸酸辣辣十分開胃的小食，鳳爪軟腍，十分入味！性價比高的越南菜

星期六同朋友唱完K再搵食喺尖沙咀呢條食街 有勁多餐廳呢間河內越式料理好熱鬧 好多人等位 但又唔洗等好耐 就決定食呢間入面裝修簡潔 staff熱情招呼 眼見有好多香港人同遊客餐牌選擇眾多 重點係價錢合理 喺尖沙咀想搵間抵食嘅餐廳都唔係咁容易要咗個優惠2人餐$198非常抵食有2個粉+1個小食+1碟菜+2杯特飲生牛肉湯粉 湯底好香濃 河粉份量好多牛肉半熟浸多一陣剛剛好 食落去好滑香茅豬扒撈檬 豬扒勁大塊食落去好香茅味道重 肉質鮮嫩好juicy撈檬份量都好大 加埋紅蘿蔔同青瓜絲好有口感安南鮮蝦紙米卷 必點越南特色小食紙米卷皮薄 入面餡料豐富除咗蝦仲有大量蔬菜 好食！加點咗越式豬扒包勁大份 但麵包比想像中香脆入面豬扒都係勁大塊 加埋炸蒜有咬口色香味俱全！再加點咗越式香茅雞翼雞翼外脆內嫩 好juicy跟餐飲品可以揀特色飲品要咗椰汁珍多冰同柚子梳打 兩款都好飲珍多冰唔會過甜 好解渴解膩👍🏻

這家位於尖沙咀的河內越式料理餐廳真的是一個隱藏的寶藏！✨ 不僅地理位置方便，店內的環境也非常正。這裡的菜品種類繁多，每一道菜都充滿了地道的越南風味。🌿🍲🍜 **極品牛三寶湯河粉** 🍜這道湯河粉絕對是必點的招牌菜！牛肉、牛筋和牛肚的完美組合，再加上香濃的湯底，讓人一口就愛上。牛肉🍖鮮嫩多汁，牛筋🐂Q彈有嚼勁，牛肚🐄更是入味十足。每一口都能感受到滿滿的誠意。💯🍛 **魚露扎肉炒河粉** 🍛這道炒河粉真的是色香味俱全！魚露的鮮味與扎實的肉片完美結合，讓人胃口大開。河粉🍝滑嫩不粘，配上鮮美的魚露🐟和香氣四溢的扎肉🍗，每一口都是享受！😋🍧 **龍眼冰** 🍧夏天來一碗龍眼冰真是再適合不過了！甜美的龍眼果肉🍇搭配清涼的冰沙🍧，每一口都是透心涼。龍眼的香甜與冰沙的清爽相得益彰，讓人瞬間消暑。❄️🍋 **檸檬蜜糖薑茶** 🍋這道飲品既有檸檬的清香🍋，又有蜜糖的甜蜜🍯，再加上薑茶的暖意🌿，真的是一杯溫暖又健康的飲品。特別適合在稍涼的天氣裡來一杯，暖胃又暖心。❤️🍤 **河內小食拼盒** 🍤這個拼盒真的是小食愛好者的福音！各種越南小食應有盡有，有炸春卷🌯、越南蝦餅🍤、雞肉串🍢等，每一樣都讓人垂涎欲滴。非常適