河內越式料理

營業中

休息中

又到咗陪老公食越南菜嘅時間，今日就揀咗呢間位於尖沙咀嘅河內越式料理。呢度所製作嘅都係平時喺越南菜餐廳見到嘅菜式，都不乏湯粉、撈檬、仲有好多唔同嘅越式小食。平時揀小食通常都揀蝦餅，今日突然之間想食清啲，所以揀咗鮮蝦米紙卷。切開後總共有四件，每件都有一隻鮮蝦，入面仲有米粉、青瓜絲、紅蘿蔔絲等等，爽脆清甜，仲可以點魚露食，健康又醒胃。越式三文治入面有大量嘅蔬菜，另外仲有豬肉絲同扎肉，又係一個多菜少肉嘅選擇。而呢個蕃茄蟹肉扎肉湯檬材料豐富，包括有豆卜、扎肉、仲有蟹膏蟹肉蛋餅，檬粉份量超多，大大碗先$66 ，真係好抵食超值！跟餐加$12可以轉特飲，我哋揀咗凍青檸可樂同龍眼冰，原來青檸可樂比平時嘅檸樂更加清新，呢個配搭好正！而龍眼冰亦都非常清甜又夠滋潤，啱晒女士飲用。呢餐咁豐富埋單都唔使$200 ，仲要喺尖沙咀呢個鬧市入面，真係非常抵食！

尖沙咀回家路上看到這間越南餐廳，而且外賣自取有八五折優惠，就直接買回家當晚餐吃，之後行1分鐘就到尖沙咀A出口。.越式河內三實飯 $70 - 貼近港式口味，也帶有越南香草的滋味，調味得宜，又可以一次過滿足三個願望：豬扒、雞翼、扎肉，份量多，啖啖肉很是滿足！順化牛肉煎蛋飯 $62 - 牛肉煮得很入味，肥瘦適中。煎蛋是流心蛋，牛肉沾下蛋漿食更正。椰汁三色冰 $26 - 來到東南亞餐廳我通常都會叫特飲，椰汁三色冰就是經典中的經典，香滑椰香，又有三色配料，清爽自然！.見到入面坐好多人，高朋滿座，質素就知道很不錯。

成年冇睇戲，就算冇戲特別想睇戲院開返冇理由唔睇返場，同朋友喺The One睇完早場就食埋lunch先返屋企，見倒哩間越南粉麵都幾多人幫趁，價錢亦合理，就入去試下。各式飯麵全部五六十蚊，見都幾大碗，野飲加$5，凍飲加$8，特飲加$12，另外仲可以追加小食，大部份都係十幾廿蚊。座位雖然都密集，不過每枱都用透明膠板同消毒洗手液。一坐低侍應姐姐就遞上兩杯熱茶，原來唔係普通清茶，飲落係有龍眼味嘅？！原來係龍龍眼水黎，雖然冇心龍眼冰咁甜咁好飲，但都好有誠意。順化番茄蟹肉扎肉湯檬($66) - 哩碗湯檬真係超大碗，份量大約係正常粉麵嘅兩倍，唔係淨係得個碗大，係裡面啲檬粉同配料都多，基本上唔得別大食嘅兩個人share食都起碼有半飽。番茄湯底酸酸地幾開胃，唔會太甜，檬粉好多，唔會太腍仲彈彈地。除左扎肉同蟹肉，仲有豆卜同肉碎，都幾足料。越式香茅豬扒撈檬($60) - 香茅豬扒蒜得好靚仔，份量都對版有成隻手掌咁大。豬扒入味得黎唔會太鹹，肉質雖然未算好腍但都唔會太韌。我食撈檬鍾意加好多酸汁，好啱而家熱熱地嘅天氣食。越式炸蝦餅($29/細) - 炸蝦餅炸皮唔會太厚太硬，炸餅好彈牙蘸埋個甜酸醬食都唔錯。越式炸春卷

河內越式料理 網址: 地址: 尖沙咀堪富利士道10號地舖電話: 26851338====================越南米食有好多變化，做成麵同磨粉做成其他糕點，只人民的日常主食，抵食越南粉麵飯，平均都係60蚊起跳魚露雞扒煎蛋飯，雞扒皮煎到金黃，大塊肉厚，有股淡淡魚露香。三寶飯有齊豬扒雞翼札肉，好明顯真係我呢個食肉怪架啦，肉醃得夠入味，夠大份大男人一定飽架。配埋野飲$12 當然係飲特飲啦 ，椰汁三色冰同椰汁紅豆冰，貪有咬口，凍涼九大力啜涼透心架，椰奶香甜。不得不提仲有好多越南小食供應，跟主食加配仲有優惠價添。

我因為遲收工搞到朋友等左我成半個鐘，好內疚，但店員都超好人！之後仲安排左我哋去一張闊啲嘅枱坐見到餐廳都有好多嘢食選擇！而且唔貴，五十幾蚊就已經可以食到越式河內三寶飯（$70）大食嘅我梗係叫最大份嘅嘢囉食！有齊雞翼、豬扒同扎肉我覺得雞翼係最好味！外脆內軟，個皮炸到脆卜卜軟殼蟹撈檬（$72）OMG，估唔到係越南餐廳會有軟殼蟹食！感覺好西餐嘅軟殼蟹，估唔到加落撈檬都好好味。一樣，炸得好好食！又大隻蜂蜜柚子梳打（+$12）椰果椰汁西米露（+$12）叫左主食加$12就有特飲個椰果椰汁西米露，完全滿足左我又想飲嘢又想食甜品嘅感覺加埋椰果更加有咬口～總括而言，餐廳性價比好高

同朋友一齊喺尖沙咀，想簡單快趣食一餐，路過呢度，見到係越南菜，叫碗河粉又得食碟飯又得，冇乜考慮之下，就入咗去開餐😆我叫咗$62嘅「牛肉撈檬」，朋友叫咗$66嘅「順化蕃茄蟹肉扎肉湯檬」，再加$15嘅「上湯灼田園蔬」share, 仲有$12嘅「椰汁綠豆冰」同都係$12嘅「青檸梳打」😋基本上全部食物都幾好味，特別係「牛肉撈檬」嘅牛肉，好腍好juicy；而「順化蕃茄🍅湯檬」嘅蕃茄湯好濃郁又鮮味😋。仲有，呢度份量非常大，雖然只係一碗撈檬一碗湯檬一碟生菜，朋友同我都食到超級飽，好抵食😆

新開越南餐廳收工去左呢間食晚餐，係尖沙咀新開既越南餐廳。叫左兩個粉麵套餐連小食，同野飲。極品牛三寶湯河粉好大碗，仲有好多蔥用九層塔，令到成碗更香，正呀。牛三寶分別係生牛肉，牛展同牛丸，個湯都好清，連河粉好食。順化蕃茄蟹肉扎肉湯檬呢個好橙紅色，因為好多蕃茄，湯面仲有大量蟹肉，四片扎肉，底下勁多檬粉，個湯夠晒濃。越式炸蝦餅炸得夠脆，蝦🦐餅夠硬身，蝦味十足，吾會全部係粉。越式豬頸肉呢個好食，小小肥又香口，好食。叫左兩杯野飲，成罐上。青檬梳打鹹檸七

我有一位朋友都非常熱愛越南野，同佢出去飲酒之前都要醫下個肚，經過尖沙咀堪富利士道，見到有間越南餐廳入邊裝修得好精緻，睇完嗰張牌都好想入去食下。順化蕃茄蟹肉扎肉湯檬：蕃茄湯底好傑身，有咬口，蟹肉鮮甜，扎肉爽口，檬粉掛哂啲湯，正。越式香茅豬扒湯河：河粉好滑，湯底牛肉味好濃厚，好接近系越南食嗰度，厚切豬扒好鬆軟，好入味，超級大塊。龍眼冰：從未飲過有咁多粒龍眼嘅龍眼冰，龍眼水好鮮甜，好大杯，抵飲。蜜蜂柚子梳打水：整罐梳打水，蜜糖柚子配合得好好，夏天飲會更加一流。喺尖沙咀E個價錢，E個份量，好抵食，我建議一大班人因為種類真係好多，可以食多啲唔同嘅嘢。

接近兩點黎到尖沙咀揾食，今日胃口一般想食返啲清淡啲嘅嘢，最後黎到呢間有飯又有粉麵嘅餐廳。餐廳位於鬧市中，差不多兩點黎到餐廳都坐滿人，好彩等咗五分鐘就有位。一坐低服務員就奉上菠蘿熱茶，散發出香甜嘅菠蘿香氣。🍜極品牛三寶湯河粉 $69Raw Beef, Beef Brisket Slice, Beef Shank Pho有生牛肉、牛展、牛丸，生牛肉好滑，牛展好軟腍，河粉鋪滿芽菜、洋蔥，河粉浸得耐都無發脹，湯底清清地，係食之前落咗少許青檸汁，感覺開胃。🍛西貢咖哩牛腩飯 $62Beef Brisket curry with lemongrass with rice咖喱一啲都唔辣，小朋友都啱食，牛腩好腍，仲有薯仔都好入味。🧋飲品叫咗冰鎮凍奶茶 Iced Milk Tea（跟餐 +$10）都幾大杯

As I have a sudden craving for Vietnamese food, I decided to walk around nearby to see if there is one. While walking past, I chanced upon this restaurant and they were quite busy during dinner time. Ha Noi Vietnamese Cuisine was located at Humphreys Avenue, couple of minutes walk from Tsim Sha Tsui MTR.  Their menu was comprehensive, offering a wide range of dishes such as pho, cold rice vermicelli, snacks, sandwiches, rice paper rolls, banh hoi, salad and drinks etc. Longan ice - Longan drink

琴晚食🇹🇼牛腱牛筋麵，今朝食🇭🇰沙爹牛肉公仔麵，今晚食🇻🇳牛三寶🤣 我係牛魔王🐮🐂 極品牛三寶湯河粉 $69牛三寶包括生牛肉、牛展、牛丸。返到屋企生牛肉已經變成熟肥牛😂 口感帶韌性～ 牛展軟腍好食，牛丸都彈牙。配埋青檸自己唧，辣椒真係超級辣🌶️ 香菜味好出，一打開就聞到🇻🇳嘅味道～🥥 椰汁三色冰 +$12我去東南亞餐廳必叫嘅特飲❗️最鍾意食綠色粉條，加埋紅豆、糯米，口感豐富，飲完好飽肚😂

 好想去旅行呀～經過呢間越南餐廳，見個餐牌啲食物都啱胃口，就入咗去！止止去旅行嘅口癮～我地叫左2個湯面，河內牛腩片湯河粉（$64）及河內牛肉丸湯檬粉（$59）2碗麵都好大碗～ 牛腩片好爽，又唔會太un👍🏻👍🏻～而牛肉丸就切左一半咁上～最啱啲咀細細嘅ladies🤣🤣另外，追加咗2個小食：酥香軟殼蟹（$42/隻）脆口、香口～仲有啲蟹膏係度👍🏻，yummy!!!越式豬頸肉（$29/細）燒得很香😙，還有些炸蒜脆脆喺面，風味十足！嘢飲方面就叫咗凍咸檸七喜（$26）同 青檸梳打（$26）～ 明明都係一罐飲品，但竟然沖到2次🤣🤣 仲要飲唔哂🙈下次加多啲辣都唔怕呀🤪

越南外賣 今晚放工去完尖沙咀做嘢，順便買個外賣返屋企食， 唔使煮咁麻煩，電腦附近有間越南餐廳呢排少食越南嘢，就一於試下。越式蝦餅煎蛋飯 $62 今晚比較肚餓呀所以唔食平時會點嘅湯粉或者撈檬，點咗個蝦餅煎蛋飯，蝦餅炸得幾脆同彈牙， 而且配有泰式甜酸汁同豉油， 煎蛋唔會太大搶咗主角蝦餅嘅光芒， 白飯份量夠多好襟飽。 酥香軟殼蟹（1隻） $42 跟餐加配小食，所以加咗一隻軟殼蟹， 驚喜嘅係蟹內有不少蟹膏同蟹肉。椰汁珍多冰（+ $12）珍多條夠滑易入口，唔太甜，椰汁香濃香滑。

我地點了2個下午茶餐，分別雞絲湯河粉，蕃茄蟹頭膏扎肉湯檬。蕃茄湯底非常濃郁，加上有蟹膏令湯底再升華起來，配料除了扎肉，還有豆卜，索晒個湯汁超好食。全碗都佈滿蟹肉，啖啖都可以吃到，正。 朋友吃的雞絲湯河粉，偏咸左少少如果下午茶餐來說，唔包飲品，價錢略為偏貴。

朋友介紹話這間幾好，咁就去試吓。門面唔算起眼，一去門口，侍應即刻上前問我幾多位。佢哋下午茶時間係2:00開始，所以睇吓下午茶有乜岩食，另外，佢哋有2人及4人餐👍🏻我今日揀雞絲湯河配熱檸，配熱飲要+$5。雞絲湯河湯底好味濃，佢跟左1杯仔的辣椒+小金桔，小金桔好香同埋甜酸味真係好配合個湯底👍🏻雞絲好多，唔算嚡，河粉份量都多，河粉係正常越南河粉，唯一係如果湯再熱少少就更加好。熱檸茶就冇乜特別，正常果種。