河內越式料理

營業中

休息中

自兩年前去完越南旅行，之後就愛上咗越南菜，Lunch近近地喺堪富利士道，見到有間河內越式料理，冇得去旅行，一於就來懷緬一番啦　🤗🤗地方唔算好大，lunch都係座無虛席，裝修仲好有越南特色添，光猛企理，店員服務也不錯👍花心嘅我哋😊點了極品牛三寶河，就最啱我哋啦，有牛展、牛丸和生牛肉湯底非常清甜龍而不膩！配上九層塔和指天椒加上檸檬汁點綴，夏天食非常之Fresh啊😋😋湯底清甜.伴住河粉一齊食，真係好正，份量仲超多添！另外加咗春卷大大條外脆內軟，加上喼汁更加惹味😉加多碟生菜大大碟都係$15抵食越式青檸冰，青檸梳打同樣充滿夏天氣息好正宗嘅越南菜式，價錢合理難怪座無虛席啦！咦好似我哋好鍾意青檸，樣樣都有青檸🤣🤣

天氣咁熱，好想食下d開胃嘅野，係尖沙咀行緊揀左呢間越南菜食個lunch。豬肉卷湯河湯底好清甜，豬肉卷好特別，第一次見，食落感覺係豬肉嘅腸咁!豬頸肉撈檬豬頸肉份量好足！加埋個醬汁，酸酸甜甜好岩夏天食😋而且撈檬入面仲加左好多蔬菜絲，好健康👍🏻每個主食都可以加個小食，叫左炸蝦餅同豬頸肉。冇錯，又係豬頸肉，因為我同朋友都太愛食豬頸肉啦🤣🤣蝦餅熱辣炸起，好正☺️飲品方面我叫左椰汁珍多冰，朋友要左青檸梳打，爽快😋

河內越式料理前幾日去咗尖沙咀睇戲，睇完戲要搵啲嘢醫肚。見到呢間平平哋嘅越南菜，見佢啲粉同飯都係幾十蚊，所以我同朋友就入去試吓。突然間好掛住幾年前去越南玩嘅假期，好掛住啲嘢食！生熟牛肉湯檬 ($64)諗咗好耐要生牛肉緊熟牛肉，最後我全都要！呢度可以揀要河粉定檬粉，我個人就鍾意食檬粉多啲。首先要嗰個湯，食落好有越南嘅感覺又唔會太咸，連埋啲爽口嘅檬粉食落好舒服。牛肉鮮嫩，肉味都好出。會安雞絲撈檬 ($58)朋友嗌左呢個，我食咗一啖。除咗雞同粉之外仲有啲蔬菜，食落口感豐富。啲雞都醃得幾入味，唔會淡茂茂。撈檬最緊要就係嗰汁，我覺得呢度個汁甜甜地好夾。朋友話好耐冇食過咁好食嘅撈檬。叫粉或者飯可以用優惠價追加小食：越式炸蝦餅 (細：+$29)蝦餅梗係必食啦，蝦味濃郁，咬落去彈牙爽口，炸得好脆但係唔會好厚粉。越式豬頸肉 (細：+$29)我覺得呢個仲好食過啲蝦餅！佢燒完拎出嚟已經覺得好香，點埋個酸辣醬簡直冇得頂！嘢飲都可以用優惠價：鮮芒果西米露 (+$12)椰汁好順滑，配埋芒果同西米超級正！呢個好抵啊，感覺自己好似食咗一個甜品！青檸梳打 (+$12)朋友飲呢個，佢話青檸味濃郁同埋飲落好清新。

📍 河內越式料理📍 尖沙咀 • 堪富利士道10號地舖- 久不久都會想吃一下越南菜，越南河粉、越式豬扒、越式春卷啊什麼的。這天也一樣😆來到了尖沙咀堪富利士道的《河內越式料理》～位於尖沙咀，可是價錢相當平民，味道地道，不錯不錯。-順化蕃茄蟹肉扎肉湯檬 ($66)蟹肉超～多～的說🦀蕃茄湯底配上蟹肉，味道很鮮甜🥰另外扎肉有跟豆卜，扎肉厚切，濃濃的越南感覺🇻🇳；豆卜吸滿湯底精華，很好吃～•河內雞絲湯河粉 ($56)湯底非常濃郁♨️；一口湯，一口河粉連雞絲，享受！•越式香茅豬扒撈檬 ($60)撈檬配大塊香茅豬扒🍜檬粉、生菜、紅蘿蔔絲、青瓜絲等等，配上酸酸的魚露，清新又開胃。香茅豬扒很大件，煎得外脆內juicy，很惹味，很不錯！•杞子龍眼茶 (飯/麵加配 +$8)杞子龍眼茶很足料～-另外還點了兩道小吃🥢-越式豬頸肉 ($68)豬頸肉燒得香口，惹味又彈牙。份量不少但也很快清盤了😂•法式牛油雞翼 ($48/4件)雞翼非常香脆，略嫌外皮太厚。味道很香，裡邊還很juicy～-Menu:

炎炎夏日，來點清涼的越南消暑食品，又開胃又好食，今日行過尖沙咀，決定買返個外賣返屋企食，又唔使煮😗😗嗌左香茅雞翼煎蛋飯，雞翼肉質鮮嫰，香茅味重，好有越南嘅感覺🥰白飯本身未淋上豉油，好細心呢，豉油另上，可以自己調節鹹度，配埋隻流黃嘅煎蛋🍳河內三寶飯，原來有扎肉、豬扒同埋雞翼，超豐富，一次過滿足晒三個願望，特別鍾意煎得甘香嘅豬扒🐷 大大件照，撒上炸蒜，再加上惹味嘅蔥油😍扎肉味道很不錯喔😍嗌多兩嗰小食就岩岩好，香茅雞翼，略帶脆身，口感一流🤤完美的輕食之選😍越式香茅豬扒，豬扒大塊厚身，煎得恰到好處，煎好後切成細細塊，吃起來特別方便，而且豬扒都好香脆入味😋配以椰汁🥥三色汁，好香濃🥰又有咬口，甜度適中，夠冰凍，滿足感爆燈🥰青檸梳打簡直透心涼呢😍😍

放lunch 同同事去食飯，心血來潮想食越南野就行左入去啦我地左個有牛丸同生牛肉既牛三寶河粉，好中意食越南湯河粉清清既河粉配牛肉湯😋牛丸好彈牙，生牛肉好好味主食仲叫左個豬頸肉撈檬，煎到好香既豬頸肉配埋有蘿蔔絲同青瓜絲既檬粉一齊食真係好正，撈檬既魚露咸甜適中，喜歡酸酸感覺既人一定要試！墨魚餅都煎得好好味，唔會太油膩油生菜配蒜蓉干，健康就係要有菜😆我哋叫咗個芒果椰汁冰同埋凍檸水，芒果椰汁冰椰味香濃，唔會太甜，芒果都唔會酸。

夏天食LUNCH有時想吃些不用太飽,較清爽的食品~今天想吃湯麵之類的, 又不想吃中式河粉, 所以就選了這間越式湯河店~我點了香茂豬扒河粉轉"檬粉" , 感覺河粉都會太飽(轉檬粉不用加錢)!點菜後職員給了我一杯茶, 這杯茶嘗味後感覺是麥茶的味道, 但聞落是帶椰子的香氣, 不是普通的茶喎。香茂豬扒檬粉來了- 先說說豬扒, 很香香茂味, 豬扒淋身不會乾身而且很多肉汁, 味道很好!檬粉很爽, 湯底很鮮甜可口, 有很多香葉、蔥、洋蔥及芽菜等配菜跟檬粉一起吃味道簡直提昇!這碗麵真的好吃, 我會再來的!吃完麵很熱....店內的冷氣不夠呢~

突然想食越南嘢，行行下尖沙嘴就俾我地發現左呢間越南菜，價錢唔算貴，而家份量都好足，不錯吃～極品牛三寶湯河粉（$69）湯底清甜，配料有牛腱、牛丸同生牛肉，河粉爽滑，大大碗超足料！順化番茄蟹肉扎肉湯檬（$66）湯底番茄味濃，而且陣蕃茄味一啲都唔人工，蟹肉都幾多，融化響湯底裡面，扎肉爽口，檬粉軟滑，連湯一齊食，好易入口！越式炸蝦餅（$29）外皮鬆脆，蝦肉爽口彈牙，高水準！上湯灼田園蔬菜（$15）灼得剛剛好，保持到爽脆！椰汁珍多冰（$12）及檸檬蜜糖薑茶（$8）椰汁香濃，配上軟軟糯糯嘅粉條，好好味！薑茶嘅薑味超濃，一啲都唔欺場！

 去左尖沙咀出job，諗住同同事食埋晚餐先返屋企，見到附近有間越南🇻🇳餐廳「河內越式料理 」，都幾多人食，價錢又ok，越式湯粉$56起，就試下啦！☺️本來想食火車頭，不過只有重量級二人份量，唯有食個類近嘅極品牛三寶湯河粉（$69），分別有生牛肉、牛丸、牛展，每款有兩件，份量唔算多，不過味道不錯👍🏻！牛肉嫩滑，肉香十足，牛丸爽彈味美，不錯吃！😏越式豬頸肉撈檬（$60）撈檬基本嘅配料甘荀、生菜絲、芽菜、炸蒜、炸花生等都有齊，撈檬配上碌冧（魚露酸甜汁），酸甜清爽，啱晒炎炎夏日食～豬頸肉有6塊，一個人份量都算合理吧，🤔燒得幾惹味。所有粉面飯，都可以跟餐價加購飲品～凍鹹檸七喜（原價$26，跟餐價$12）鹹檸冰杯跟一罐原裝七喜，夠晒均真！唔飲凍野，想補下身嘅，可以試吓檸檬🍋蜜糖薑茶（原價$22，跟餐價$8）真係幾薑！潤喉又暖身～

係尖沙咀放工要搵野食，行過呢間越南餐廳見佢個餐牌啲食物都幾吸引，店入面亦都坐滿人，就俾佢吸咗入去餐廳都有十幾張枱，但都坐滿晒人，食物方面當然係食越南野啦，有各式各樣既湯河湯檬，仲有撈檬，唔想食粉都可以揀食飯我同朋友叫咗一個湯檬一個飯，各自仲叫咗個小食極品牛三寶湯檬：牛三寶就係牛展，牛丸同生牛肉，另外跟咗青檸同辣椒俾你自己調味，呢個湯底超濃郁，牛丸一啖咬落去爽口同充滿牛味，生牛肉仲要啱啱熟，食落去勁滿足招牌越式豬扒飯：豬扒外皮煎得好香口，肉質夠嫩，加埋佢比嘅豉油汁甜甜地配埋太陽蛋，好好味最後一定要叫佢嘅越式春卷，上枱熱辣辣，入面嘅餡料好多口感好豐富$200都唔使食到咁多嘢真係抵食又好味

As my wife was feeling tired after work and with the hot weather, she told me to pack food back home for dinner tonight. I suggested Vietnamese food as it was not too heavy. Ha Noi Vietnamese cuisine was located at Humphrey Road, couple of minutes walk from Tsim Sha Tsui MTR.Their menu was comprehensive, offering pho soup, cold rice vermicelli, rice, sandwich, appetizers and drinks etc. Iced coconut milk mung bean was milky and smooth, sweet as well. Mung bean was very chewy too. Iced coconut mi

一個人想食簡單快捷的午餐，經過見到價錢唔貴，1:30坐滿人，應該唔會伏掛！揀咗牛三寶（牛丸、生牛肉、牛展）湯檬，份量十足，食晒飽到上心口，所以食淨少少粉。越南粉配菜的洋蔥芽菜金不換很多，一般這個價碼，好多餐廳都忽略咗這些。另一亮點係青檸，這裏是整個青檸上，細細個但勁多汁，廚房細心地切開咗少少，容易擠出檸汁。牛丸正常，生牛肉唔肥，牛展夠香好好味😋$69有這個質素，非常讚！下次一定再來😃試埋其他菜式。

河內越式料理 (尖沙咀)尖沙咀堪富利士道10號地舖西貢咖哩牛腩飯$62不知為什麼叫西貢咖喱牛腩，但是味道是好吃的，咖喱不太辣，甜甜的，濃稠度適中，牛腩鬆軟！配飯吃非常下飯！越式炸蝦餅（細）$29跟餐可以加一個小食，粵式炸蝦餅，真的非常爽趣，但蝦肉新鮮，內裡口感細緻！越式河內三寶飯$70扎肉非常好吃！炸豬扒鬆軟，調味適中，加上特製的豉油，送飯10分開胃。炸雞翼雞肉鬆軟嫩滑！香茅雞翼2件$20炸雞翼脆口，內裏雞肉鮮嫩，外面有一香茅香，作為小食一流！羅望子冰+$12由於這個未試過，特登叫來試一下，酸酸甜甜有越酸梅湯一樣！越式青檸水+$12基本上青檸水一定不會輸，非常清新在夏天飲一流！

唔知係咪因為星期六大家放假，我三點幾黎食，餐廳都坐滿人，仲差啲要排隊，睇黎餐廳食物質素應該唔差！我自己就嗌左個雞扒煎蛋飯，煎蛋係流心黃，熱雞扒都好大塊，裏啲雞皮煎得脆好香，啲雞扒都好嫩滑，味道都夠濃，唔會有雪味。而小食就有呢一個蝦餅，炸得好好食，唔會好油，配埋啲泰式辣醬，成個味道都好夾！而我屋企人就食咗呢一個香茅豬扒飯，啲蔥油真係好鬼正，豬扒大大塊！豬頸肉有成六七塊咁多，都係配埋泰式辣醬食，豬頸肉肥瘦平均！最後飲品我自己就嗌左杯芒果椰汁西米露，椰汁味好香，西米露份量都好多，芒果粒好甜！

-🔸極品牛三寶湯檬粉 $69🔸越式香茅豬扒湯檬粉 $60🔸上湯灼田園菜 +$15🔸越式炸蝦餅 +$29🔸越式青檸冰 +$12🔸龍眼冰 +$12-夜晚懶得諗食咩，最鍾意就係買湯麵返屋企食，快靚正就搞掂一餐。依間河內都係我愛店之一，有幾間分店都幾方便。牛三寶湯檬有生牛肉、牛𦟌同牛丸，加埋牛味超濃嘅湯底，好正啊！而香茅豬扒份量大，而且加埋香料味煎得好香口。湯麵外賣會分湯，非常貼心。仲可以加錢另加小食，加咗個上湯生菜，同埋脆卜卜嘅炸蝦餅，最後飲埋餐廳自己煲嘅龍眼冰，非常滿足！