河內越式料理 (村南道)

營業中

休息中

河內越式料理位於大圍村南道55號大圍火車站A出口過馬路轉右手邊行少少就到媽咪話好耐無食過撈檬以前係大埔超級城有間越棧，喜歡食撈檬同蝦餅之後結業就好耐無食啦所以今晚叫左蝦餅撈檬$68，豬排撈檬$65，蝦米紙卷$52，炒通菜$85，雞沙爹3串$66蝦餅撈檬蝦餅彈牙金黃色豬排撈檬豬排非常鬆軟多汁蝦米紙卷蝦爽口蔬菜多點魚露好好夾雞沙爹沙爹味濃惹味雞肉滑蝦醬炒通菜炒到好爽口綠油油非常惹味餐廳好忙碌但職員有禮招呼好有禮貌👍

近期火鍋比較多，今日轉下口味食越南菜。大型商場連鎖店去到悶，上OP見到呢間睇落唔錯，就來試試。2人點了順化番茄蟹肉扎肉湯檬，素春卷撈檬，牛油雞翼，越式蝦醬炒通菜。飲品點了2杯鮮芒果西米露。2碗粉上枱時我們很驚訝，份量很大。順化番茄蟹肉扎肉湯檬，番茄湯底酸酸甜甜好開胃，不油膩，比起只係骨肉湯底多了一份清新，配料蟹肉，扎肉及豆卜，食落口感豐富。檬粉爽滑，配番茄湯剛剛好。素春卷撈檬，呢款素食好清新，素春卷香脆可口，內涵豐富結實，真材實料，有粉絲，紅蘿蔔及木耳。撈檬配搭酸辣醬汁十分開胃好味。雞翼從來都係我最愛的小食之一，越南菜必點法式牛油雞翼，外皮香脆內有肉汁，食落有香濃牛油味，雞翼大隻啖啖肉，推介👍🏻越式蝦醬炒通菜，又係大大碟，蝦醬味夠勁，配爽口通菜剛剛好。鮮芒果西米露，其實比較似甜品，飲落椰汁味重，有粒粒西米，配搭芒果很不錯。這餐食到很飽很滿足，下次要試吓越式牛肉湯粉。

餐廳超近大圍火車站，行1分鐘都唔使就到啦😂 經過見到門口好多人排隊等堂食，連外賣自取嘅人都好多，所以就揀咗呢間😂 餐牌圖文並茂，嘢食選擇好多，我哋試咗越南最基本嘅湯河同撈檬，食食下見到隔籬枱叫咗個蒜蓉包，賣相好吸引，決定下次要再嚟食😂 🔸順化豬肉卷湯河湯底好深色，味道幾濃郁，飲落唔係用粉溝出嚟嗰種公仔麵味精湯😂 豬肉卷切咗一半，份量唔少，有啲浸咗喺湯裡面，口感幾煙韌🔸越式豬頸肉撈檬我自己鍾意撈檬多啲，每張枱都有壺魚露酸甜汁，想食幾多就自己落，天氣咁熱食撈檬真係無得彈，唔會食到成額汗😂 豬頸肉調味幾好，都煎得夠香脆👍🏻🔸越式炸春卷春卷餡料幾豐富，有肉碎、紅蘿蔔絲同木耳絲，咬落個口感幾好，春卷個皮仲係脆嘅，唔會覺得好油笠笠👍🏻🔸越式炸蝦餅蝦餅幾彈牙，每張枱都有幾款醬汁比你自己揀，我揀咗辣椒醬，只係微辣，配蝦餅食幾過癮，唔會蓋咗蝦餅嘅味，又唔會辣到個嘴仔無晒知覺😂🔸青檸梳打🔸鮮芒果西米露飲品都好refreshing，我見左右兩枱都叫咗青檸梳打😂 西米露面頭有啲新鮮芒果粒，杯底有唔少西米露，有啲嘢啜下幾開心😝

📍 河內越式料理 👭2人套餐 $195🐷扎肉湯粉扎肉幾厚實，食落幾有彈性～扎肉既數量好多，有成6-7塊扎肉，份量十足！👍🏻河粉亦都較滑身，每食一啖都吸滿曬湯汁😌🐽香茅豬扒撈檬豬扒醃得入味，亦煎得幾脆身，真係即叫即整；肉質鬆軟，有彈性🤓撈埋個酸辣汁一齊食，幾開胃～🐣越式香茅雞翼（4隻）外皮炸得好香脆，脆卜卜🤩同時又保留到雞翼既肉汁，好juicy!!!😚🥬田園灼時蔬個set仲配左碟生菜，中和番啱啱食左咁多熱氣野既油膩感！味道正正常常，不過不失～🦐順化炸蝦餅（大）$72另外單點左一份炸蝦餅，蝦餅外脆內軟，蝦粒幾彈牙！蝦味偏重，有調味過～🥥椰果椰汁西米露食到大量椰果，味道唔會過甜～西米就增添左口感！🥭鮮芒果西米露芒果粒鋪係嘢飲面，芒果甜甜地，唔會覺得酸👍🏻📍 河內越式料理 (村南道) (大圍)大圍村南道55號地舖#大圍 #河內越式料理 #撈檬 #越式 #香茅雞翼 #炸蝦餅 #湯粉 #西米露

追月夜，兩口子想留在家中夜繽紛，在河內越式料理買外賣回家。牛肉撈檬牛肉夠多，切得透薄，以香茅炒過，香味更加出眾。撈檬彈牙爽口，汁的味道很切合個人口味，不會太過濃烈。順化蕃茄蟹肉扎肉湯檬蕃茄湯底香味很吸引，味道層次好豐富，機油蕃茄香亦有肉香。如果蟹肉扎肉的份量可以再多一點，一定會更加吸引。小食是香茅雞翼和越式香茅豬扒。雞翼共有兩隻，外層炸得香脆，香茅味道也很足夠，不會太過油膩。豬扒同樣也沒有很油膩，肉質軟硬適中，而且份量非常之多，非常抵食。鮮芒果西米露西米煮得軟腍，甜度適中，既可當飲品，也可當甜品。蜜糖柑桔冰柑桔比較迷你，較難擠出當中味道，不過反正返到家中，自然可以使用其他餐具協助。柑桔的酸味和蜜糖的甜味是很好的對比，讓人提升食慾，也可滋潤乾燥的喉嚨。

這日我哋兩公婆也早放工，去大圍搵嘢食嘅時候，發現呢間舖頭未到六點都可以叫下午茶餐，而且好吸引，所以我哋就入咗去食嘢😊舖頭客流量幾多，見好多人都係嗌生牛肉河河內生牛肉湯河粉， $48下午茶時間牛肉的肉質也不錯，唔會好韌；湯底有牛肉味，也有唔同香料嘅香氣，特別係芫荽感覺清新；湯及河粉一齊送入口嘅感覺好滿足！我哋先試清湯嘅味道，然後再加入佢哋另外比嘅辣椒同埋青檸，又有另外一番感覺，多咗微辣同埋酸酸地，更開胃清新招牌越式三文治， $44下午茶時間而越式三文治是在餐牌上推介之一，三文治一包係越式法包，個包不但夠香脆，口感仲好煙韌，餡料也是十足，有扎肉絲，紅蘿蔔絲、青瓜、芫荽、辣椒等，清新爽口，口感豐富超惹味，餘香繚繞口腔！越式香茅豬扒，$23下午茶時間香茅豬扒肥瘦適中，醃料超入味越式炸春卷，$21下午茶時間越式春卷餡料豐富，有蘿蔔絲、粉絲、肉碎等等，炸得香脆可口。特飲，$12下午茶時間龍眼冰清甜滋潤，椰汁綠豆冰味道都好濃郁，去皮嘅呢隻黃色綠豆好有口感，都好好味滿足嘅一餐！

作為一個有越南血統嘅妹仔今次嚟到大圍一間食越式湯河嘅店試試1.河內生牛肉湯河粉 $61見到碗河粉一到 哇！賣相唔錯表面有幾片金不煥 洋蔥 通菜絲一睇就有食慾再試一試個湯底 同喺越南食到個味道可以話係好相似再配上辣椒同青檸鹹甜鹹甜中帶點fresh不過有少少疑問就係以我所個河內位處北部 口味偏鹹而呢碗牛肉河更似南部口味嘅牛肉河不過牛肉鮮嫩 又大碗除咗啲香草老咗少少 有點苦澀都係無可挑剔的👍🏻👍🏻2.順化蕃茄蟹肉扎肉湯檬 $69呢碗檬粉賣相更加一流紅彤彤色澤 配上蟹肉 非常吸引湯底濃厚 有好濃厚嘅蕃茄味同淡淡嘅蝦膏味味道甜酸甜酸 整體相當唔錯但正宗就算唔上蕃茄味太濃 蝦膏味道都唔夠突出但都有可能要融入香港人嘅口味而作出嘅調整正宗嘅湯濛真係唔係人人都接受到所以呢碗濛粉唔計較佢係咪正宗都係一碗很出色嘅濛粉建議大家可以一試 係入門版總結作為一間越南餐廳像賣相 味道 價錢上 都是很唔錯同正宗性價比高 值得回頭再戰！

位置在大圍火車站對面，步行大約1分鐘，平日中午13:50 到店，剛好有位，不用排隊，點了生牛肉河粉和香茅豬扒河粉，湯底味道正宗，配金不換和青檸辣椒，再加少點酸醋，份量也很足夠，另加青檸梳打12元，兩位埋單$149，和冰室茶餐廳價錢差不多，可以再來環境：繁忙時間有點擠迫服務：：服務員招呼不錯，態度亦很好

同朋友係大圍火車站外搵下午茶時見無咩人就入去慢慢傾住食我就叫左蕃茄蟹肉扎肉檬粉+芒果西米露唔錯朋友就叫咗椰汁椰果西米露同豬扒撈檬我地傾左好耐阿姐都無好似趕人走咁都唔錯，食物都好味

呢間嘢既河粉真係好出色，而且又有分店Very Good！✨極品牛三寶湯河粉（$72）可以一次過食到生牛肉+牛𦟌+牛丸🤩，個人認為生牛肉最好食，牛丸和牛𦟌水準正常冇咩特別，剩在夠大碗CP值都算高，個湯底充滿牛味幾好。✨順化蝦餅撈檬（$68）蝦餅炸得金黃，香脆可口，蝦肉扎實有鮮味，撈檬配上檬粉汁酸酸甜甜，十分之開胃！✨香茅雞翼（2隻，追加$22）雞翼既火候控制得好好，香茅味好正，食到流曬口味，兩隻真係唔夠喉。✨越式豬頸肉（細，追加$32）豬頸肉既肉質好爽口，點埋泰式辣醬，真係開胃又滋味！✨龍眼冰（特飲，追加$12）除咗龍眼干之外，仲有杞子，適合喜歡養生既朋友仔。

今日我去到大圍lunch，一出火車站諗住搵下有咩食，就搵到呢間河內既餐廳首先想講下服務，呢度係本身已經有熱茶飲，同埋餐具，調味料係自助既，亦有紙巾提供 我係非常滿意呢樣跟住就到我地既野食啦，我地一個叫左牛丸湯河河，同一碗軟殼蟹撈檬 因為本身有茶飲既關係，我地都冇叫野飲，首先個牛丸湯河我覺得係ok既，牛丸好食，仲有d辣椒粒比你自己加落去，味道唔錯跟住就係軟殼蟹撈檬，有成隻軟殼蟹，幾正，夠熱夠脆，不過覺得個檬粉就少左d，唔係好夠飽，味道就幾好呢餐我地食左$135，價錢還好，有緣可以再黎食過

今晚路過大圍，見呢間都幾多人，於是就入咗去食越南菜，叫咗越南蟹肉湯檬、炸蝦餅同埋米紙卷。我覺得個湯檬湯底好飲，酸酸唔會太辣，蟹肉又夠鮮甜，啲食材又新鮮，真係好開胃！炸蝦餅就唔算係最出色嘅菜式啦，啲餅太油，蝦味都唔夠突出，有啲失望。不過，米紙卷就好正啦，啲材料新鮮，醬汁又夠香，加上啲生菜同米粉，好健康好清爽，好適合夏日食。總括黎講，今晚嘅越南菜食物質素算係唔錯嘅，價錢亦都好合理。如果下次再去，我會再試下其他款菜式，不過米紙卷一定會再食返啦！

河內越式料理 (村南道) (大圍)地址 : 大圍大圍村南道55號地下味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：極品牛三寶湯河粉（生牛肉、牛展、牛丸）、炸蝦餅、三色冰等候時間：0分鐘今天要去大圍辦點公事，朋友說這間餐廳很好吃，而且非常抵食，所以，今天來到大圍必定要去試一試，果然，食物的質素不錯，我感到非常驚喜，值得推介！這餐廳鄰近大圍地鐵站，位置方便！極品牛三寶湯河粉（生牛肉、牛展、牛丸）$72生牛肉鮮美可口，牛展濃郁香滑，牛丸爽口彈牙，湯底清香可口，配上湯河粉，是非常合適的配搭。河粉軟硬適中，滑溜溜，容易入口！正！極力推介！😋😋😋三色冰$12又平、又大杯又好飲，飲到我舐舐脷！👍👍👍炸蝦餅$32無比的爽口彈牙，熱辣辣，卜卜脆，外脆內暖，不油不膩！😍😍😍

#chowweisik鹹#chowweisik大圍鄰近地鐵站，位置好方便～ 發現呢度主食嘅份量都大大份，性價比都幾高~ 同埋呢度嘅服務員都幾nice 不錯喔👍🏽一🐾 生牛肉湯河份｜$61湯底鮮甜☺️薄切嘅生牛肉 唔會太肥！再加埋青檸同辣椒🌶️一🐾 招牌豬扒飯｜$64豬扒大大嚿煎得香脆入味👍🏽除咗肉之外，都仲有啲豆類平衡返份量多到女仔應該都要share先食得晒🤭一🐾 椰子綠豆冰｜$30椰汁底味道夠濃郁啲綠豆份量都好多一🐾 蜜糖柑桔冰｜$30柑桔同蜜糖嘅甜味令到成個感覺好Fresh一🐾 法式牛油雞翼｜$52牛油雞翼牛油香氣十足外皮炸得香脆極度邪惡🤭一 🚏河內越式料理 (村南道) (大圍)大圍大圍村南道55號地下

今日超好太陽☀️ 做下遊客去車公拜下 順便覓食醫肚估唔到佢個下午茶都咁大份🤩🐂 順化蕃茄牛腩飯睇落好多油咁 但其實只係蕃茄同牛嘅油食落唔會好膩 濃濃茄味咸淡度適中牛腩好腍好入味 可惜肥膏有點多🙁🐖 香茅豬扒撈檬酸酸甜甜汁撈檬實冇輸啦~豬扒又厚又腍 成大塊啖啖肉🤤淡淡嘅香茅味 又唔會太重掩蓋肉味🐂生熟牛肉湯河痴線！勁大碗呀！成斤河粉咁🤣🤣有牛肉同牛展 幾重牛味又腍 而且都有唔少 河粉真心多到我食唔哂 可惜有啲”行”味好彩有辣椒同青檸仔掩蓋少少😮‍💨🌯 越式炸春卷死都要叫個春卷食😋皮薄超脆又唔會好咸 冇乜味精內有木耳、紅蘿蔔、豬肉 點埋汁食又解膩👍🏻餐廳格局雖小 但環境都唔錯而且選擇多 選擇困難症嘅我好辛苦🤣溫馨提示💁🏻‍♀️飲品需另加錢熱+HKD5 / 凍+HKD8 / 特+HKD15