沙田18

營業中

休息中

幾年前食過晚餐，選擇不多。今日有機會再黎試下午餐，點心質素唔錯。黎到沙田18點可以唔叫片皮鴨，我地叫3食，$8xx性價比高，正常發揮高水平。蝦餃既蝦爽口彈牙，味道好，但略嫌皮稍厚。春卷同腐皮卷夠熱同香脆燒賣正常發揮，無大驚喜。小籠包好大湯汁但皮厚。鍋貼令我想起澳門另一間五星級中菜廳出品，但面層既脆脆略厚。燒味拼盤既燒腩仔同义燒都好味。牛河既牛肉一食就知唔係街邊普通牛肉。原本想叫甜品，但真係太飽了。總結係午餐好食過晚餐。

聞說沙田18嘅片皮鴨好好食，所以今日專登同屋企人嚟食lunch順便慶祝生日。首先開咗兩壺茶，一壺係普洱、另一壺係鐵觀音。茶錢$23位。如果叫龍井就$28位。呢度服務都唔錯，服務員成日過嚟幫我哋斟茶。👍🏻扁皮鴨方面，我哋揀咗三食。包括扁皮鴨、鴨鬆及鴨湯。走嘅時候仲打包左鴨殼，返屋企煲湯煲粥都好食😋價錢好好意頭，合共$888。扁皮鴨都有三個食法：首先會上鴨皮，建議鴨皮同砂糖一齊食，話會入口即溶。砂糖的而且確入口即溶，鴨皮油脂感十足，烤得好脆。上網睇原來呢個係傳統食法嚟㗎。第二個食法比較傳統。就係將鴨肉加埋蒽同青瓜，加上甜醬同蒜蓉，用傳統餅皮包嚟食。我覺得個驚喜位係蒜蓉，加埋落去令鴨肉味道更濃烈。第三個食法係鴨腿肉。呢個食法比較常見，沙田18嘅扁皮鴨真係冇得頂，鴨腿肉有彈性有肉汁，連埋脆皮一齊食，口感多元化。二食係用生菜包鴨鬆食。鴨鬆調味恰到好處，非常惹味，包上新鮮嘅生菜，平衡味道。三食係鴨湯。味道尚可，但我覺得如果裏面有鴨肉會更加好食。整體來講，呢度嘅片皮鴨質素好好。下次再嚟會再試二食。

3/5Like the rice they added crispy rice in it, but doesn’t taste much of the main mushroom ingredients in there. Other dishes, well forgot right away. Dessert if they could add the filling after guest order I think the puff will be much better.

很久沒有來這裏晚飯，由於座位爆滿要吃最早一 輪，限個半小時交枱。 半肥瘦叉燒肉咬落肉鬆軟，連花生也很香脆。 辣子農家雞， 辣度適中，雞肉仍有肉汁不會炸得太乾。 這個煎魚餅混入臘味豐富了魚餅的味道。

相隔一年又來吃一次，這裏除了點心質素好，服務也是不馬虎。點心可以逐粒點，我們三個人點了三粒， 燒賣肉質彈牙有咬口。 黃橋鮑魚燒餅，這個點心比較少見。紅油抄手辣度恰到好處， 肉質鮮嫩。

上次食過返尋味，今次就帶埋屋企人去食被譽為全港好食嘅片皮鴨，全家人第二日仲回味緊，講返昨晚食D嘢😂因為嗰日喺假期，我哋要早個幾月前先book到位咋。今次到訪無論食物同服務質素依然keep到👍🏻人多關係我哋就叫足兩隻全隻鴨，咁就一定夠食啦！😆兩隻鴨一齊片，場面都幾壯觀啊！❇️傳統北京烤填鴨（全隻）三食$888▫️包含二食生菜片鴨鬆 ▫️同三食豆腐鴨骨湯❇️明爐烤蜜汁叉燒 $205❇️脆皮燒腩仔 $205有幾好食唔再多講，可以睇返我之前有個post介紹🤪❇️清蒸老虎斑 $580好鮮味，肉質嫩滑，蒸得剛好，但係老虎斑比較細條我哋咁多人唔係好夠食😅個人應為呢個價錢可以唔使嚟呢度食魚😆❇️特色東莞炒米粉 $235米粉炒得條條分明，份量十足，不斷不糾結，油分恰好，口感爽而有咬頭，好吃😋❇️楊州炒飯 $235炒得粒粒分明，晶瑩透亮，蛋香，飯香，菜香，擁有了楊州炒飯三大靈魂～

上個星期為了慶祝朋友生日，特意早了幾個月在沙田18定了位食晚餐。原本以為名氣這麼大，收費偏貴的餐廳服務和食物質素會很好，到頭來原來是期望越大，失望越大。那天我們預定了乳豬和乳鴿，我們特意在下單的時候，跟一看似是部長的一位攣頭髮同事吩咐到當乳豬到的時候要和薄餅一齊上檯。豈料到乳豬上檯後大概是10分鐘，薄餅皮才上檯，乳豬都已經開始放涼了，一千多塊的乳豬就這樣浪費掉。 因為朋友生日，我們還一早order了一個紅棗蛋糕，因為餐牌上寫了要等40分鐘。最後食完飯後等了一個小時蛋糕還沒上，我們出去投訴，但同一位身穿西裝的部長卻諸多解釋，敷衍我們了事，說師傅已經整緊，好快有。但明明我們已經落單了快兩小時，餐牌不是說40分鐘嗎？這樣5星級的酒店，收客人5星級的價錢，有著這樣的服務態度，荒天下之大謬。最後我們因趕時間，沒有食甜品，沒有為朋友慶祝生日就離開餐廳。一句總結，餐廳名大於實，不值一去。

上個月尾終於恢復晚市堂食，適逢出埋消費卷就諗住放個假去staycation，好好休息下😆 Hyatt旗下嘅酒店水準一向不錯，今次諗住離開鬧市，就揀咗沙田Hyatt Regency，最主要梗係試佢間米芝蓮推介中菜廳 - Shatin 18🥳.沙田凱悅提供幾款staycation packages，我哋要食Shatin 18所以揀咗餐飲7折優惠😙 Shatin 18主打正宗東莞及北方菜，最出名係北京烤鴨🦆，但係我哋得2個人食唔到，下次要帶埋屋企人嚟試😋~~~~▫️明爐烤蜜汁叉燒($205) ⭐️8/10為食妹去每間中菜館都必試叉燒🤩 呢份叉燒大概有10-12件，有花生伴碟🥜 叉燒半肥瘦，肉質軟腍又有口感，唔係落咗鬆肉粉嗰種鬆散👍🏻 醬汁富蜜香，但唔會過甜，送飯一流😝 但係為食妹個人偏好再肥啲嘅叉燒，多返啲油脂位會更甘香😉.▫️自製黃皮醬焗鱈魚 ($425) ⭐️ 8.5/10鱈魚油脂豐富，多肉少骨，啱晒中意食魚又怕鯁骨嘅朋友😚 呢道焗鱈魚一上枱已經好香，鱈魚肉質嫩滑，富油香，面頭烤至微焦，入口更有風味🥰 鱈魚上再搭配自家秘製黃皮醬，酸酸甜甜幾開胃，食落好清新，中和咗魚肉嘅油份，令成道菜味道更有層次

母親節出外吃晚飯，一家人慶祝，當然要找間坐得舒適和空間夠大的店，Shat Tin 18已經是第二次食，水準還是keep到辣椒餅四角豆炒龍躉扣，我第一次吃龍躉扣，估唔到好爽，好味沙田炸乳鴿，不過不失菱角淮山菜遠，標榜(有營)，確實幾健康重頭戲片皮鴨出場，師傅會喺面前原隻片皮北京烤填鴨一食，超級香，這裡建議鴨皮係點白砂糖食，入口即溶，超好味！ 而鴨肉就真係相對地乾少少，不過包住青瓜、黃麵醬同薄餅， 整體都非常好食鴨崧二度，好野味，配埋生菜，剛好唔會好肥和油膩莞鄉砂鍋蛋餃，味道清甜還有點了錦繡拼盤、麻涌炒魚麵和籠仔糯米蒸腩排等最後出場祝壽蟠桃一打，在這裡要祝我brother生日快樂

最近係OpenRice 睇下有咩中菜好食可以同媽咪去試 唔使下下都去茶樓飲茶見到凱悅酒店有間中菜-沙田18 好多人試過又推介片皮鴨 而且又可以網上訂位 買單時用恆生信用卡又可以賺cash dollars 唔錯Book完位之後 餐廳會打比你問需唔需要預留片皮鴨 半隻或一隻 有一 二 三食 依樣就可以當日去到先再決定裏面既環境好舒服好開揚 想坐靠窗位置要係book既時候講定前菜-醃黃蘿蔔片皮鴨-半隻三食$568會有廚師即場上一隻鴨係面前片出黎依碟係鴨皮可以蘸砂糖食 熱辣辣個皮燒得好脆而且脂肪唔算多 入口即溶半隻黎講都算多 無皮個邊食落唔鞋口鴨湯無咩特別又唔鮮 裏面加左豆腐炒肉鬆幾香口 會配埋碟生菜比你包住食牛肝菌鮮蝦腸粉$70黑糖桂圓馬拉糕$58❤️好鬆軟 最令我驚喜就係佢 蒸得鬆軟就唔再講 侍應一打開個蒸籠無水氣咬落去好香 中間既蛋糕好綿密仲有龍眼tim原隻鮑魚燒雞酥$90鮑魚用燒汁炆左先 都好入味 同埋一啲都唔細隻個酥餡係叉燒 而且個酥皮好脆特色東莞炒米粉$235米粉係媽咪最欣賞 好足料有蝦有帶子粒一啲都唔乾身 唔係好食澱粉質嘅我都食2碗五糧液朱古力雪糕$48❤️❤️依款雪糕係自家製㗎 幾飽

A must-visit for "Yumcha" and Cantonese delicacies in the New Terriroties. Their food consistently beats my expectation and the comfortable deco and panaromic view of Tolo Harbour always sets the mood right.

傳統北京烤填鴨今次去左大學站搵食，位於Hytta 酒店入面嘅餐廳，食物品質未食就已經好多人推介。北京填鴨設有三款唔同鴨肉嘅切法，包括胸皮、胸肉及同腿肉今次預先book定左半隻填鴨同朋友gathering 😋 三食嘅食法係最滿足一食：片胸皮好酥脆而且好多肉汁，配上砂糖食一流再黎係胸肉同腿肉，包住青瓜、黃麵醬同薄餅，會令人愛不釋手🥰二食：生菜片鴨鬆，好野味配埋生菜岩岩好唔會好肥好油膩三食：紹菜豆腐鴨骨湯，好清甜，飲落有種魚湯嘅味道

食物味道: 沙田18應該以小菜較為出名，不過今次純粹諗住飲茶，就試吓佢哋嘅點心，我覺得點心味道中規中矩，未見突出，個別點心做功有啲大意，例如：叉燒包，反而甜品有特色，選用嘅食材配搭亦相當大膽，例如五糧液加朱古力，腐乳和芝士做蛋糕，南北杏及辣椒配朱古力做蛋糕，當中我最推介五糧液加朱古力嘅雪糕食物份量: 適中價錢: 一般酒店中菜廳價格，不過位處新界區，價錢當然比港島區嘅酒店稍稍便宜。環境: 寬躺，但裝修未見堂皇。環境寧靜，靠窗卡位十分舒服。服務: 十分殷勤有禮回頭指數(10分滿分): 7分

今日入沙田探朋友佢帶我去佢飯堂食點心嘩！兩個人又係飲酒又話簡單食個晏點知都成2000蚊酒店嘅中菜其實一定好食點左叉燒包 粉果 同鹹水角叉燒包係老牌港式風味叉燒好Juicy 又多醬汁好食嘅粉果就唔掂 因為好多莞茜我咬咗一啖就投降鹹水角好普通咋喎 外皮好脆不過有啲痴牙ok喇然後叫咗三個小菜辣椒餅四季豆炒龍躉扣我唔太鍾意食魚 仲要係魚扣不過好夠鑊氣 係做得好撚手嘅乾蔥鮮腐竹芥菜好清甜 又清新 解膩我鍾意蠔豉鮮淮山炆雞呢個好食雞好滑好嫩 非常惹味哦！原來朋友外賣左好多嘢攞返去俾媽咪食所以先至2000幾蚊

前菜甜醋蘿蔔十分好吃，蘿蔔爽脆加上醋香，美味。燒味拼盤也出乎意料的好吃，麻辣牛肉，牛肉很香。陳醋雲耳海蜇，雲耳海蜇很爽脆，口感很好。叉燒肥瘦的比例剛好，燒腩仔皮脆肉香，怕膩嗎？碟中也放了些酸薑，中和了油膩感。灌湯餃也好吃，竹笙吸收了上湯，很美味，餃子皮薄餡鮮，好吃。整體來說，這是一所不錯的餐廳，若能坐在窗口邊， 景觀10分開揚，感覺悠閒。