251
67
28
港鐵大學站 B 出口, 步行約3分鐘
繼續閱讀
電話號碼
37237932
開飯介紹
設計新穎同時富有中國特式的中餐廳，提供各款廣東名菜，戶外山景陽臺提供獨一無二的飲食體驗。大廳設有開放式廚房，另有5個各富特色的獨立房及一個後現代中國式花園露台。
繼續閱讀
營業時間
今日營業
11:30 - 15:00
17:30 - 22:30
星期一至五
11:30 - 15:00
17:30 - 22:30
星期六至日
10:30 - 15:00
17:30 - 19:30
19:45 - 22:30
公眾假期
10:30 - 15:00
17:30 - 19:30
19:45 - 22:30
公眾假期前夕
11:30 - 15:00
17:30 - 22:30
以上資料只供參考, 請與餐廳確認詳情
有關獎賞計劃
招牌菜
食家推介
相關文章
食評 (409)
好味指數😋😋😋回頭指數 ⭐️⭐️開心指數🤗🤗🤗朋友話呢間嘅片皮鴨勁出名，好想嚟食，仲要好難訂位，一個月前就要訂，隻鴨唔訂亦都冇得食，講到好誇張咁，有幸朋友已經安排好晒！🍴傳統北京烤填鴨（$938/一隻三食）本身一隻鴨一食係$688，二食（生菜片鴨鬆 +$178），三食（紹菜豆腐鴨骨湯，每位 +$65），以佢呢個價格設定，應該 either 叫一食，或者直接叫三食，應該唔會叫二食啦！一食包括1️⃣鴨胸皮 2️⃣鴨胸肉 3️⃣連皮鴨腿肉，每樣有一碟，份量都算幾多，連兩籠薄餅。1️⃣鴨胸皮一丁點肉同肥膏都冇，刀功唔錯，只沾白砂糖食，一入口非常酥脆，鴨味好香，成件事都幾邪惡，但又忍唔住想食多幾片，呢個真心好食！2️⃣鴨胸肉係純肉，都幾厚肉，唔算太乾，個人覺得唔沾醬食就冇咩味3️⃣連皮鴨腿會肥美少少，兩樣都係加埋大蒜、青瓜、黃麵醬用薄餅夾住食。二食係生菜片鴨鬆，佢用咗切細粒嘅大豆芽菜一齊炒，令鴨鬆嘅口感更加豐富，呢個都唔錯！三食係紹菜豆腐鴨骨湯，honestly 如果呢碗湯收$65 一位，我就真心想投訴！雖然叫得三食其實預咗二 ＆ 三食都係整好裝俾你，裝到咩俾你係講運氣，因為每檯都會叫鴨食，然而我覺得5星級酒店入面嘅中餐廳，裝個湯都俾少少心機丫，我嗰碗得紹菜兩片、豆腐碎一粒（一隻手指尾指甲咁大粒），而朋友嘅有紹菜、豆腐粒同埋腐皮，個湯唔太有鴨味，我覺得好似有少少藥材味，問職員係咪有落藥材，個職員話問下廚房之後冇再回頭。🍴野生椒香茅生啫白鱔（$338）上檯時非常熱辣辣，熱到一路仲煮緊白鱔，夾慢少少舊鱔都會煮到燶燶哋，係幾惹味，不過野生椒嘅辣味有少少蓋過咗白鱔嘅肥美魚油味，味道上少少失咗平衡。🍴花雕話梅雪葩（$45）呢個見到個combination 覺得好有趣，嚟到賣相好靚，雪葩嘅話梅味酸酸甜甜，再有淡淡嘅花雕味透出嚟，估唔到個味咁夾，上面嘅芝麻脆脆都好好食，呢個推介要試吓！整體上鴨算係好食嘅，尤其鴨胸皮係好出色，比起其他酒樓或某D 集團嘅片皮鴨，係比較好食，都值得嚟試吓嘅！但係試過之後呢，又唔算好食到要勁想返嚟再食囉～
繼續閱讀
又越過針山又越過道風山其實都係為咗食呢一餐久違了的北京填鴨和日思夜念的堂弄叉燒與豬油撈飯 .... 餐前怎能不為這一頓作出準備！永遠「少女」的「沙田18」，風采依然，沒讓人失望！先來三款前菜，配搭及調味均為其後的「邪惡」菜式鋪路，總體清爽、香而不膩，達到打開胃納又吸引味蕾的重點！第一款前菜是驚喜的鮮紫蘇蒜醋帶子牛油果。鮮紫蘇蒜醋將帶子和牛油果恰好串連，入口細細紫蘇香，譜出中西合璧的口感與味道，一定是喜愛鑽研醬汁大廚的傑作！麻香滑溜、不黏喉的麻醬拌菠菜是第二款前菜，好吃！最後的前菜是老醋紅頭海蜇，具備酸香入味的海蜇和爽口的木耳，非常醒胃！三款前菜也令人有一吃再吃的慾望！熱身不久，便要進入首個戲肉 — 傳統北京烤填鴨！男師傅先出手，手起刀落將整隻烤鴨皮片出，在旁的我們當然是捉緊每一分秒，狂按手機與相機！隨後一位女師傅進場，原來我們預訂了 1.5 隻北京烤填鴨！師傅將北京填鴨片出兩大類，一是直接進食的凈鴨皮、第二類是捲上餅皮來吃的皮連肉！當然是趁熱先品嚐閃亮誘惑的鴨皮，輕輕灑上沙糖，口腔盡是甘香鬆化的滋味，澎湃的脂香一瞬間俘虜了味蕾！加入青瓜、大蔥、甜醬等的填鴨捲，味道與口感層次同樣豐富，別有一番滋味！戲肉過後的茶葉煎焗軟殻蝦，也帶來意外驚喜！細薄微脆的外殻，帶著茶葉的芬香，竟有著一剛一柔的美妙！上桌時煲底的砵酒汁仍在滾動及卜卜作響的砵酒焗美國珍寶蠔，惹人垂涎！啖啖肉的美國蠔外微脆，內軟滑，口感不俗，唯砵酒汁略為柔和，優點未算突出！乾蔥鮮竹撈芥菜的配搭特別，唯味道較平和，對味蕾未算有強勁的沖擊！平淡過後，即時進入第二個戲肉，正是日思夜念的堂弄玫瑰露叉燒豬油撈飯。一眾食友當然要對準非常惹火搶境、酒香四溢的堂弄玫瑰露叉燒！我們特意要求師傅叉燒免斬，至於燶邊與肥瘦則自行選擇，看到瓦砵堅挺乾爽的米飯，不禁口水大流！有叉燒、又有砵仔蒸飯，不能沒有精髓之一的醬油和蒜香豬油。放任地下了三大匙，豁出去！平日晚上戒飯的我，這一砵滋味無窮的堂弄玫瑰露叉燒豬油撈飯，吃得一粒不漏，美味將體重管理拋諸腦後！餐單上寫著沙田18特色甜品拼盤，怎料食友們為老公預訂了壽桃，感謝厚愛帶來的驚喜與口福！壽桃十分好吃，肚子脹滿也不能錯過！這位永遠少女，甜品當然是強項，大家逐一細嚐，渡過了樂透的一夜！
繼續閱讀
🥰 話說 “長介母后” 識飲識食, 繼 “留家廚房” 同埋 “后園” 之後, 強烈推介沙田凱悅酒店中菜廳 “沙田18”. 今日去科學園調研, 乘機嚟食午飯.📞 講講訂枱, 電話有點難通, 屬 “預約困難店”, 結果搵 “長介老豆” 幫手.🤗 “沙田18” 格局似 “翡翠拉麵小籠包”, 當然更高級, 餐廳設有圓枱方枱, 部分用餐區望到開放式廚房, 睇住師傅搓粉. 今日被安排坐窗口位, 望內園迴旋處景.🥢 餐具走非傳統路線, 濶口碗, 冇筷子托, 我麻麻哋.🥰 今餐主攻點心: 燒賣, 春卷, 蘿蔔糕, 另加燒腩仔及例湯.🍵 是日老火湯. 燉鴿湯. 夠熱, 清甜, 不俗.🐖 脆皮燒五花腩肉. 皮硬, 唔脆鬆, 燒肉味遜色.🦀 蟹籽鮮蝦燒賣. 大大粒, 蝦肉混入豬肉, 出色.🦐 香茅鮮蝦炸春卷. 熱辣辣, 外皮香脆, 餡料充實, 薑味特出, 唔錯.🥕 肉燥蒸蘿蔔糕. 菜色設計有趣, 可惜唔夠熱, 扣分, 蘿蔔糕味道略淡, 肉燥濃味, 食落時鹹時淡.🤗 總結: 座位舒適, 景觀開揚, 以酒店中菜廳嚟講, 服務未如理想, 枱面擺位混亂無章. 論食物, 真係期望越大, 失望越大. 燒賣, 春卷OK, 其他冇驚喜. 肉燥蘿蔔糕設計有趣, 就係調味有偏差, 燒腩仔衰咗個硬皮. 用餐體驗一般般.
繼續閱讀
2602 瀏覽
疫情下為契妹同哥哥慶生，一眾長輩決定避開人群去遠少少入沙田，一嚐有名嘅酒店中菜「沙田18」 。「香港沙田凱悅酒店」位於大學站旁，即使由港島區出發坐地鐵都好方便。五星級家庭渡假酒店樓底極高，用餐大堂開揚通爽，空間感足。十人派對安排於廂房內進行，光線充裕，闊落舒適。雖然限聚令下要分兩張枱坐，但勝在私隱度高，有好多梳化位擺放隨身物，仲有專人招待，經理Raymond哥哥更親自跟進，酒店級服務實在周到。房間設有最低消費額，週一至四為$6,500，週五至日及公眾假期為$8,500，精明嘅XO仔當然係預訂好菜單啦！（52頁餐牌可於網頁上下載：https://www.hyatt.com/content/dam/hotel/propertysites/assets/regency/shahr/documents/en_us/dining/sha-tin-18/Sha-Tin-18-A-La-Carte-Winter-Menu.pdf）精選酒品價錢合理；如顧客有意自攜佳釀，紅酒、白酒、汽酒之開瓶費為$400/枝標準裝及$800/枝雙瓶裝。每位席上都擺有齊備嘅自用及公用餐具。所有食物由服務生於一旁代為分派，作序嘅三款前菜先以拼盤呈上。麻醬拌菠菜（$128）：以麻醬調味嘅菠菜冷盤濃甜香嫩。話梅冬瓜（$128）：同樣凍食嘅冬瓜條清爽多汁，散發出嘅話梅味酸甜芬芳，新穎嘅組合醒胃消暑，勁啱auntie們口味。鮮紫蘇蒜醋帶子牛油果（$205）：牛油果真係好少喺中菜出現，新潮地配上軟嫩嘅帶子，當中嘅紫蘇及蒜香提鮮得黎相當輕盈。湯品共點咗兩款，其中鮮腐竹龍躉斑片勝瓜魚湯（$120/位）可續碗叫。分開坐嘅番薯uncle同哥哥都讚賞奶白色嘅魚湯柔滑清甜，應該都飲得過。八寶冬瓜盅：壽星女點嘅冬瓜盅原盅上，以示其真材實料！厚厚嘅冬瓜件半爽半腍，混入咗瑤柱、蟹肉、瘦肉、青瓜等煲製嘅高湯鮮濃甜美，絕對足料。傳統北京烤填鴨（$658/隻）：鎮店名菜之一嘅北京填鴨雖然唔洗預訂，不過餐牌上寫明製作需時約七十分鐘。原隻叫有師傅即場堂片，帶哂手套都片得勁快手，邊片啲煙即從鴨肉上飄出，明顯鴨鴨熱力十足！「一食」包咗片胸皮、胸肉及腿肉，另跟薄餅、青瓜、大蒜絲、黃麵醬、蒜蓉及白砂糖。片皮鴨傳統食法同細佬平時食開嘅不同，應建議於鴨胸皮灑上砂糖後就咁食，有厚度嘅胸皮咬落脆巧得黎半化於舌上，酥香尤甚。第二碟左邊嘅鴨胸肉嘅皮已經起哂做第一碟，右邊連皮嘅則為鴨腿肉，應自己嘅喜好加入青瓜及大蒜絲，塗上甜醬及蒜蓉，再以軟薄暖手嘅薄餅皮包住黎食，DIY北京填鴨卷肉香鬆潤，可口味佳。風味椒鹽鮮魷（$285）：炸至金黃嘅椒鹽鮮魷外層酥化，鮮魷彈牙有嚼口，送酒佳品也。避風塘鱈魚粒（$428）：鱈魚粒外脆內嫩，香辣惹味。禮雲籽鮑粒煮滑豆腐：豆腐粒香軟滑溜，以鮮濃嘅禮雲籽同柔韌嘅鮑粒點綴不單令菜式更鮮，同時亦可令口感更豐富及有層次。鳳眼果紫蘇花螺肉爆炒鮮豬腿筋（$338）：爽彈嘅花螺肉拌炒煙韌帶脆嘅豬腿筋外表看似平平無奇，但配搭卻鮮濃芳香得很！生炒豬油渣菜心（$180）：油光閃閃嘅菜心色澤翠綠，幼嫩得黎同舖面啲豬油粒一樣咁脆卜卜，席上無一不讚，香口正菜當真必吃！堂弄玫瑰露叉燒豬油撈飯（$100/位；六位起）：必先預訂嘅懷舊飯品只限貴賓房內供應。堂弄叉燒嘅火焰效果震撼非常，大師傅快速嘅刀功亦是一絕，男女老幼嘅觀眾都咁投入興奮！明明未食到單尾個個已經話飽飽，睇完精彩嘅表演後，面前嗰碗熱辣辣嘅叉燒飯實在魅力沒法擋，八成人都成碗食哂咁堅！砵中嘅白飯粒粒肥潤飽滿，撈入另上嘅甜豉油及豬油足以添上香滑，頂面嘅叉燒肉厚少肥，肉汁豐沛，每件同樣鬆潤甜美，絕對係XO仔食過最正嘅叉燒，相信食神都要行埋一邊呀！鮑魚北菇撈麵（$295）：長壽撈麵軟腍入味，鮑魚及大大隻北菇均厚潤鮮美。爵屎壽星女揀咗酒店聞名嘅「沙田蘋果批」做生日蛋糕，全程力撐MY APPLE PIE！同時用上青蘋果及紅蘋果製出嘅招牌蘋果批混入咗天然蜂蜜，故其酸甜度分外和諧，加上批皮香口夠鬆，食落一啲都唔膩滯。甜品環節同前菜好對稱地以拼盤呈上，其中打包唔到嘅「五糧液朱古力雪糕」（$48）醇香微甜。不過小肥真係食唔落其他兩件「焗黑芝麻湯圓酥皮批」（$68）及「腐乳芝士泡芙」（$68）。酒店中菜廳「沙田18」雅致衛生有氣派，服務生體貼好客，集齊懷舊、潮派、傳統嘅菜式高質美味，於廂房內用膳可大飽眼福之餘，以指定信用卡付款更可享九折優惠，平均每人約九百大元個個都話抵食，雖遠赴沙田都深覺不枉此行！不過下次再黎可以減去甜品，以控制打包量。
繼續閱讀
🖤紅蔥炒墨汁吊桶 $288吊桶其實就係魷魚仔口感特別爽口軟嫩味道甜甜哋辣辣哋🦑風味椒鹽鮮魷 $285魷魚炸到金黃而且鮮嫩可口炸皮薄脆唔會油膩膩🍄鮑魚花菇燜伊麵 $295麵質軟腍而且索哂鮑汁嘅味道賣相好有架勢 上面鋪滿8隻鮑魚同埋超級多花菇每粒花菇都超厚肉多汁🥣焗黑芝麻湯圓酥皮批 $68呢款甜品真係好少見 淨係上網見過人整酥皮焗至金黃色 香脆鬆化 入面包著煙煙韌韌嘅黑芝麻湯圓外面脆卜卜 入面軟淋淋 層次好豐富
繼續閱讀