沙拉姆咖喱屋

營業中

休息中

去新填地買料做功課！順便食野先！朋友介紹食下印度野！送既脆餅好正啊！好似薯片咁正！最正係個薄茹醬！個醬又fresh 又香又刺激！用黎點脆餅食係一流！叫左個印度香料烤雞食！即叫即整所以要等等！等既時間店長都話依個好正！係好傳統個種做法！終於等到佢黎啦！真係好好食！個雞既出面有好多香料！而且又烤到勁香！但係個雞肉仲好滑！好神奇！仲叫左個雜果餡餅食！原來係用調左水果味既椰絲做餡既！成個餅香香甜甜咁！幾好食！好香椰絲味！叫左個印度奶茶飲！同港式既好唔同！個奶味特別香！

一間正宗印度菜食肆，全店員工連廚師均為當地人主理，奇妙的是當中有位店員能說流利的粵語還有英語，態度風趣，服務親切，即使當晚一個人用膳亦不感異相，令整頓晚餐更有趣，而且對食物的成份,味道,辣度更了解！瑪莎拉大蝦咖喱魚印度烤餅，煙煙韌韌，配上一些偏濃味的印度菜式適合不過，如果嫌原味較平凡店內亦有幾種味的烤餅供選擇，羊肉,雜果,芝士,洋蔥,牛油味等..去殼大蝦，蝦肉爽彈，甚有咬口，第一次食瑪莎拉汁的食物，味道特別，微辣帶有蕃茄味！烤餅夾大蝦食法無得頂！有如生菜包烤肉般絕配！咖喱香味撲鼻！魚塊無魚刺淡淡肉，魚肉嫩滑！說到咖喱，印度出產的確實可謂數一數二，其他地方很難可媲美！

港貓今日食左想食既印度咖喱。好好味。餐廳唔算大，但好多菜色可以揀。價錢都合理，最重要係唔洗加一，貓貓鍾意。印度煲仔羊肉咖哩。原來呢個咖哩唔辣，但用左唔同香料，好香濃，羊肉煮到鬆軟，索曬咖哩香味係入邊，成個咖哩冇諗過咁好味。侍應話呢個咖哩係印度最正宗既做法。唔怪得咁好味，終於食到一間正宗既口味，而且味道好。貓貓食咖哩絕對唔會唔叫naan，羊肉naan配羊肉咖哩，絕配！熱熱的naan，好香脆，仲有羊肉陣味，惹味。加埋羊肉咖哩，真味仲香濃。well，今餐真係好滿足。第一次飲玫瑰水，甜甜地，有玫瑰香味，呢個味道好令人著迷。好fresh。難得食到好味的印度餐，貓貓今日真係超開心！

油麻地廣東道一帶，燈紅酒綠五光十色，有著不夜城之稱，當中林林總總的食店中，這間沙拉姆餐廳店外選用紅色系橫裝加上招牌上的廚師公仔使其餐廳在同街食店中特別突出！廚師公仔十分可愛！餐廳一各設了小酒吧，所謂佳餚配美酒當然要嚐點酒！燒洋蔥青椒蕃茄芝士奉上時鐵板令食物發出沙沙聲熱度十分，香味撲鼻，灑上檸檬汁更醒胃！芝士粒概不軟又不硬甚有咬口，整碟燒洋蔥青椒蕃茄芝士，材料配搭一流很野味！是晚餐廳門外擠擁著一個個等位的食客，眼見及此加快了進食速度打算先結帳，怎料店員微笑地說不緊要的慢慢食，我很欣賞這間餐廳，感覺到他們很用心去經營，希望食客可在無拘無束情況下真正享受食物！

與女朋友去食飯，唔知點解忽然想食啲特別野，最尾選擇了印度餐廳。係油麻地區，唔算好偏僻，好容易就找到。羊肉咖喱角＄48羊肉的味道特別濃郁，咖喱角外皮又夠香脆，裏面每一粒羊肉都好有蘇味，對於我哋好鍾意食羊肉嘅人來講好好味！印度芝士烤餅＄25芝士味道係中間，雖然未至於溶化中的Cheese，不過芝士味道尚算濃郁，味亦良好，女朋友就覺得普普通通。特色烤雞印度炒飯＄98想不到居然是如此濃烈的辣味，比想像中辣得多，所以一開始一定要問店員，因為有一些不是英文的生字原來代表辣味，否則好容易中伏XD香料的味道很濃郁而且味道充足，雞肉亦嫩滑，不過辣呀⋯

I ordered Lamb Madras and Butter Naan. The meals was excellent and the experience was great with good smile from staff and services. Better then many Chinese restaurant. The drink Nimboo Pani was good. The environment is great with a tranquil and spacious seats.

每次去安老院探媽媽都會路經這裏，今次見到這間印度餐廳，老婆話要去試試，又見到網上食評都話好，就入去吃晚餐。叫了一個鐡板雞，D雞好香。👍酥油餅正芒果乳酪，味道有D酸，不過好好味其他就一般

Excellent Authentic Indian Cuisine, Highly Recommend. If you feel not like too much spicy or no Spicy atall!!..no worries Chef Devi will make it as per your taste..he is high class 5 star experienced 25 years in the food industry!!Mango lassi, Naan(Indian Bread) with Tandoori Chicken Lamb , Fish grilled,,,,,,yummY

雖然我不太能吃辣, 卻又對咖哩有著莫名的喜愛, 無論是日式、中式、印度式也喜歡, 間中也要去印度餐廳吃東西, 止止心癮。而最近喜歡到果欄買靚生果, 我的樂趣是吃到不一樣的生果, 今天買完生果後, 便到這家印度餐廳晚餐。地下的坐位都滿了, 還好有樓上的空間。一個人吃咖哩、烤餅、飲品, 非常滿足了。椰子乳酪$32: 芒果乳酪飲得多, 這次試新口味, 椰子味香濃, 當中亦有乳酪的酸香, 兩者好夾, 聽到隔離枱話香蕉乳酪都好正, 下次試下先!洋蔥烤餅$20: 個薄餅烤得好靚, 見到都想食, 咬落先鬆脆後煙靭, 好有層次, 有淡淡洋蔥味, 但沒很濃味, 適合和咖喱一起吃。南印度燴羊肉$95: 見到碟咖喱, 便感受到廚師做咖喱的心思, 這不是咖喱汁是咖喱蓉, 有好多細碎的材料和香料, 味道正宗, 卻也容易被香港人接受, 我叫了少辣, 但仍有一定辣度, 羊肉煮得算是淋, 但大件的秋有口感, 薯仔份量較少, 羊肉就好多, 如能加多點薯仔就好。將咖喱蓉和羊肉放在烤餅上, 便有無限滋味了!

喺旺角諗唔到食乜男朋友上網搵到呢間嘢，見咁多好評膽粗粗去試masala牛同雞 2款都好食如果啲雞再滑啲就超正炒通菜新鮮，味道唔錯比我預期中所有食物都淡味咗啲啲因為我見佢全部外籍人士，望都覺得咁正宗一定勁重味，但可能迎合返香港人，所以偏淡會再返嚟食除咗環境一般，其他都好好啲哥哥全部都好好笑容🖒👍

充滿驚喜的印度菜朋友話帶我試新野，原來係去油麻地食印度菜。一入到去印度藉既員工都好友善招呼我地。難得第一次黎食印度野，就梗係叫多d唔同既野試食下啦！點左紅牛肉咖哩同菠菜咖哩，兩個顏色都幾鮮豔，紅牛肉咖哩就有點辣，牛肉煮得都幾入味又唔老，但食到甘上下我地都出曬汗。至於綠咖哩隻色好特別，食落有濃濃既菠菜味，同本身既咖哩味都幾夾，終於試新野既人可以試下。 因為叫左兩個咖哩既關係，所以我地都叫左幾種烤餅試下。首先我個人推介芝士烤餅，烤到外表好脆，食落有啖啖既芝士味，雖然唔係好濃既芝士味，但連埋咖哩食，個味道就岩岩好。印度牛油烤餅就係平時平時多數食開個隻烤餅，依隻烤餅帶有甜甜既牛油香，外表煎得十分香脆，但入面仲仍然保留住好鬆軟既口感。依隻烤餅就算單獨甘食我都覺得完全冇問題！ 蒜蓉烤餅又係烤得好脆，上枱時已聞到蒜蓉香，咸度適中，味道都唔錯，但略嫌依個烤餅多油左d。魷魚都係另一推薦！原隻魷魚鑲滿了飯鐵板上，而魷魚煮得岩岩好，食落好彈牙好鮮甜，配埋入面既飯真係一流，再加上少少檸檬汁就梗加開胃，相當不錯！實在太好味，所以趕唔切影佢既完整圖就已經俾人分曬了😂 烤魚都係原條鐵板上，條魚種類就唔太清楚，但就煮

之前食過一次印度野，但係感覺唔太良好，今次有位朋友生日，大家有提議去食一間比較正宗嘅印度餐，咁於是有一大班人去食晚餐慶祝去嘅地點都幾方便地鐵站一出行幾分鐘就到，好大個招牌一眼就望到，餐廳裏面有分上下兩層，因為我哋六個人所以就坐係樓上比較闊，而且仲有電視睇，如果餐廳可以播返啲音樂就更好呢間餐廳嘅服務員都幾熱情，好主動推介唔同嘅地道嘢食俾我哋，最後係佢哋嘅建議下我哋叫咗以下呢啲食物首先上台嘅就係飲品，我哋主要叫咗2杯特別啲嘅，一杯係印色辣飲另一半係椰汁乳絡個杯辣飲係有啲特別，落咗一啲辣粉同埋香草，飲落去幾清新，仲有啲刺激嘅感覺，但其實佢唔太辣😚另一杯鍾意椰汁嘅朋友就應該係至愛，椰汁味同奶味好濃另外比較特別嘅就係魷魚筒飯，用一個鐵板上面放一個魷魚筒裏面裝住一啲炒飯，魷魚唔會好硬，好易切唔難咬，燒出黎好濃郁嘅醬料味道，值得一試再黎值得推介嘅係紅咖喱同蒜香薄餅，唔知點解係我嘅概念就係咖喱一定配薄餅最完美，咖喱同外面食嘅好唔同，用咗好多唔同嘅香料，同嗰汁一啲都唔浠，肉都好入味，應該煮既時間都耐，厲害既地方係啲肉又唔會爛最後係個甜品比較特別，因為唔係個個都會鍾意食，食落感覺有啲似薑汁撞奶，其實佢係印

見開飯啦介紹十間好吃店榜上有名，攪到心郁郁去食。book左台，期待同朋友聚會。雖然果個地方距離地鐵站算偏遠，但勝在野食唔錯，下次會再幫襯。果度好似有2層，我地坐下層。冷氣頗凍，叫職員可唔可以熄細d或關上，職員話ok，真不錯。我地叫左野食後，應該按人數比幾條烤餅，食落好似薯片咁脆，好好食。有盤綠色醬料配埋，朋友話好食。不過都係見仁見智芝士餅佢好似有2款選，我地選C字頭果隻。好好食呀~必試。有口感，外面好脆，裡面鬆軟。印度烤魚唔腥，肉質好鬆軟，好好味。不過底部可能因烤過耐，有燶。唔知係特登定係點，最後都整走d燶地方。印度咖哩煲仔雞（下面），很濃味，如果有薯仔更佳，d雞肉比較大件，再切一半易入口d。黃米飯（上面），粒粒米分開，一定要試，推薦好味（最好撈咖哩汁食用）。兩者一起吃很好吃很配合Ps唔知係唔係多人比較忙，叫左幾次埋單都埋唔到，建議可以請多個人。。。

聽聞＄50餘元的午餐好食又抵食，不過咖喱預設，沒有選擇。在英國交流時，一個人吃飯總去買印度外賣，每次都站在餐牌前拿不定主意。最記得離開前的最後一餐，很想記住每一個味道，實在難以取捨，最後一個人吃了三個咖喱，兩份烤包，飽到動不了。既然午餐不能選擇，那就散叫好了。見店員沒有送來papadum，打算點一份，他卻說這是附送的，落單後再送上。又薄又脆，少少辣的黑椒味夠突出，相當惹味。沾上薄荷香草汁，再加一層滋味，又增加濕度，更加開胃。主菜同時間送上，放滿一桌。Chicken Muglai Masala 白咖喱雞友善的店員為我們簡短地介紹了Muglai帝國的少許歷史。比一舨masala較重味，甚至使男友以為口裡的雞肉是牛肉。頭兩口的確有點羶香，吃真一點其實是香料的味道。辣度適中，夠惹味，又不會太刺激。濃稠度恰到好處，無論配naan還是飯都一流。雞肉不嚡不韌，但沒甚特別。Mutter Paneer 咖喱芝士青豆沒有點至愛的菠菜芝士，信心不夠，不想失望。芝士不乾不嚡，不硬不軟，有適量的咬口和濕度，慢慢咀嚼，徐徐溢出芝士的淡香，不錯。咖喱比上一道細滑，帶點甜度，椰香較重，辣度較低，濃稠度則差不多。少了刺

吃正宗印度菜不一定要到重慶大廈，其實很多隱世的印度美食穿插於香港的大街小巷，而這間沙拉娒誠如其他食客所言，真的比重慶的咖哩店優秀這次來到位於油麻地的沙拉娒咖哩屋.選定位子坐下，印度藉侍應已將印度脆餅送上，配上特別醬料，味道不錯從餐牌上點了幾道菜：雞肉串燒，雞肉外層燒得焦香，內裏卻仍能保持鮮嫩份量亦很多，兩人食剛好。還有咖哩蝦，這道菜選取的蝦份量十足，入口彈牙，咖哩不太辣，卻有淡淡椰香.最後是吃印度菜不得不點的當然是印度薄餅，這次選了芝士味，薄餅的芝士香味四溢，餅皮厚薄適中，再配上剛才咖喱蝦的醬汁，一絕。飲品芒果乳酪，好好飲呀芒果味濃，配上奶香，這杯芒果乳酪整得十分出色，值得一試。👍🏻👍🏻👍🏻👍🏻