沙拉姆咖喱屋

營業中

休息中

下晝同死黨去完登打士街掃街，當然順便睇吓附近有咩食啦！行到對腳咁攰，特別想搵舒服地方坐低食。搵到間幾地道嘅咖喱，價錢ok,即管一試！ 餐廳門面有好多介紹， 廚師以前喺五星級酒店做過，有啲來頭！間餐廳好攪笑，有得飲泰國大象啤、同椰青。椰青（$38）好清甜，凍凍地飲好舒服，同咖哩好夾！朋友叫左芒果乳酪（$25），話質感好似milkshake，好滑。芒果味好出，唔會太甜！椰汁燴牛係帶甜味既咖哩，我地叫左小辣。咖喱上有薑絲同蔥花點綴，牛腩好lum， 一啲都唔un,仲有好多舊添！至於個咖喱汁，真係不得了！好香濃同好多香料，味道好rich!食咖喱又點可以唔叫烤餅呢？我地見好多人叫芝士烤餅，就跟住叫！芝士軟綿綿，奶味好香！唔經唔覺就食晒！！餐廳環境好舒服，冇重慶咁多人同迫，以後食咖哩又多個選擇！食完先知原來有一人、二人餐！平日仲有午餐，好平！

朋友專程帶我到呢間餐廳食咖喱，佢話呢度嘅咖喱好正，一定要試！我哋點了前菜-印度脆餅：脆餅真係好脆，薄餅上簡單地加上蕃茄粒/洋蔥/香草和灑上辣椒粉，份外惹味！蝦醬通菜，但蝦醬唔夠多，如果多D蝦醬就會好味D。咖哩就有：印式咖喱燒羊腿咖喱雞同埋雜菜瑪莎拉三種咖哩，有三種不同嘅味道，層次分明印度牛油煎餅好香口配埋三款咖哩，一客根本唔夠食，食完一客，encore要多一客

今次第一次試印度菜 餐廳既裝修偏紅色 都算有印度風味Waiter 會推薦比較受歡迎既食物可能知道香港人唔太熟悉印度菜好細心首先去我叫左一杯香蕉奶昔好大驚喜 非常好味 佢唔係用味溝出黎好明顯食到香蕉味 非常好印度脆餅 佢有個醬配埋 個餅會啲黑椒味 脆脆地個醬會少少燒烤醬加啲薄荷 好惹味免治牛肉卷個牛肉卷原來有啲咸 所以要配埋啲菜一齊食加埋真係唔錯最後有佢地推薦既特色香料雞呢個係咁多個最好味既個雞好林好嫩 個汁唔辣 啱晒怕辣既朋友呢個汁點個脆餅都好好食！

友人鍾意食咖哩，而我就鍾意食Nann餅XD搵到一間價錢大眾化既餐廳，就一於去試下！餐廳門面好易認呢！在門外看著menu時，侍應已經禮貌地拉開門，招呼我們進內。甫坐下，就有兩小塊印度脆餅（免費）送到，特別一讚是那個薄荷青草醬，稀稠度恰到好處，味道滑新，微辣，非常開胃！叫左兩個主菜：烤雞腿（半份）、南印度燴羊肉。一個印度芝士烤餅。兩杯飲品：原味乳酪（甜）、馬沙拉茶。烤雞腿是用鐵板上，一送到，撲鼻的香氣已經令人垂涎欲滴。上面有生菜及檸檬，令味道更清新！雞肉經去皮再烤煮，但依然相當滑，好juicy!味道微辣，有少許孜然的香味，令人胃口大開！吃著吃著，發現餐廳內的客人幾乎都有叫這個菜式呢！友人想食羊肉，問侍應（南）印度燴羊肉同印度燴羊肉的分別在哪，侍應表示前者椰香味較重，帶甜，而後者是紅咖哩，較辣，因為怕太辣，就點了前者。（其實每次去印度餐廳，都不知道咖哩應該如何點菜，只好問侍應了）咖哩的稀稠度剛好，不會太辣，帶著淡淡的椰香。羊肉是腩位，煮得夠稔，份量亦頗多呢！芝士烤餅一向是我至愛！烤餅有好多塊，加埋主菜已經夠飽喇！烤餅軟熟，有奶油香，用來配咖哩簡直一流！至於飲品，原味乳酪（甜）好creamy,

餐廳提供咗唔同口味既印度烤餅，而今次就選擇既印度牛油烤餅，充滿牛油既表面，味道香濃，遠遠就聞到牛油香，微微煎香既表面，食落香口。店員見我哋呢枱冇另外點咖哩，仲好貼心咁送咗一小碗既咖哩比我哋用泥配烤餅。蒜蓉蝦球視覺效果強烈，有五大隻既新鮮大蝦，鮮紅色既外表，充分表演出蝦球既辛辣感。味道上，蒜蓉味唔算好係突出，相反，有濃烈既香料味道，味道偏辣。飲品方面，叫咗泰國菜、印度菜都必備既鮮椰青！椰青既外表係用機器切割，所以切割口都好整齊，唔容易割親手。大大個既椰青，入面係快滿瀉既清甜椰青水同白嫩椰果肉。清涼既椰青水舒緩咗印度菜的辛辣感。

友人住係附近好耐，話呢間咖哩屋真的好正，於是今次嚟到試一下。入座後好鍾意它嘅燈飾，好民族色彩，又柔和舒服，但令到影出嚟嘅相好黃，走哂色咁，大家唔好誤會，所有嘢食係正常樣嘅😅食curry，最想食塊薄餅，唔知點解咁鍾意，呢度好多味、原味、咖哩味、芝士味....今次揀芝士，因為本身偏愛芝士嘢食。一個order有6塊，仲好鬼大塊，芝士夾咗係中間。一嚟好香芝士味，拎起唔會好油，食一啖好正，唔點醬就食到好香口、淡淡芝士味；點埋醬食，嘩，不得了，一個人食哂一兜都可以。點解個醬咁正？其實係友人極力推薦食嘅印度白咖哩本身無諗過食白咖哩，始終覺得白咖哩好似係其他地方名物，但友人話一定要試，咁梗係聽地膽講，就點咗白咖哩大蝦。見到個樣都幾靚仔，大大碟，好似有6隻大蝦個白咖哩微微嘅辣，少少嘅甜，香料味重，我地好鍾意呢個咖哩味。最正係d蝦，大粒，去殼連尾，彈牙爽身，同白咖哩都幾夾！除咗白咖哩，我地仲揀咗：馬來雞沙嗲友人話沙嗲係呢度嘅另一強項，雞串上枱好香，睇落好似好少，但其實它係將一塊大雞件轉轉轉咁串起，即一串已有兩件大雞肉，都幾heavy架雞肉本身有少少調味，炸完唔乾，仲有肉汁。沙嗲汁好正呀，好濃香花生味、但又

看了食評後決定去嚐嚐。名不虛傳。coconut lassi 厚而不滯。咖哩薯仔牛非常tender，兼帶有薑絲，味道和其他店有所不同。自家製雪糕別樹一格，奶味濃郁。很滿意的一餐。

今日同友人去到油麻地，又見好耐冇食過咖哩，心思思行行下就入左去食入到去入面環境比想像中好，我地2個人叫左燒牛咖哩，印度炒飯，蒜蓉炒雜菜，馬拉沙奶茶，印度牛油煎餅，味道有驚喜，我和友人都讚，賣單每人都係160蚊，捧住個肚走印度炒飯，估唔到印度炒飯都咁有獲氣燒牛咖哩，味道對我黎講濃左小小，但係好味既(識食一定係配薄餅食)薄餅好香脆鬆軟炒雜茶不太油，恰到好處馬沙拉奶茶，不仿一試

由細到大都好鍾意食咖喱不過喺印度咖喱，港式咖喱同日式咖喱入面始終都係印度咖喱在正宗最合我口味今日食呢間印度咖喱就完全有印度人主理佢門口就放咗個poster話佢哋大廚曾經係酒店入面做個一入到去我哋未點嘢食嘅時候一個印度侍應已經放低左一份印度脆餅原來係作為我哋嘅餐前小食呢個脆餅都仲係依然熱辣辣 而且配合埋佢嗰果印度薄何青醬簡直又開胃又好食之後我就叫咗一份印度烤餅咖喱就叫左一種叫特色香料雞呢種咖喱係加入左番茄醬所以呢款架呢就比較偏紅而且帶有微微酸甜更加特別嘅就係雖然佢用上了急凍嘅雞扒切成雞肉不過佢哋煮呢個咖哩之前會首先將雞肉烤一烤所以雞肉完全唔會有雪藏味發覺呢款咖哩配合薄餅簡直係夾到絕我諗唔使15分鐘D咖喱比我點吓點下晝已經食晒成碟食完個咖喱依然意猶未盡所以我就點左印度烤雞原來佢哋呢度呢烤雞係會用鐵板上個烤雞上到枱依然十分之熱同埋大煙一食落口發現佢帶有微微的辣味食入少少就發現有少少酸甜睇返個Menu原來個雞係用咗yoghurt黎整再配合買個檸檬成份雞都係十分之出色食完之後我發覺下次一定要帶多啲朋友來食因為咁樣就可以叫多幾款唔同嘅咖喱咁樣就可以一次過滿足晒我所有咖喱口味

星期日有得放假假行街街，係太興奮既心情下，唔小心由旺角行到去油麻地。由於行到攰一攰，唔想再郁，就決定留宿一食。OPENRICE下，發現有間印度餐廳，鋪頭個LOGO仲幾可愛，就試下拉位置並唔難搵，只係一入到去有D嚇親，因為店員都係外國人，要LOAD一LOAD去英文頻道其實店員就識講廣東話，見到我窒左，就主動講廣東話WELCOME我地係炎炎夏日，有得揀一定係揀椰青，大大個又夠冰凍同清甜(堅甜椰子肉仲好滑溜溜，全部比我地趴哂黎食蒜蓉炒西蘭花又真係炒到中式既感覺出黎，味道同茶餐廳食既無咩分別我反而覺得呢到味仲無咁濃，無落咁多味精，真係淡淡既蒜蓉香配爽身西蘭花印度特色炒飯@雞肉，雞肉都幾多架雞肉醃得入味，不過就唔夠滑米較長同扁身，亦較硬，配以香辛味道，令整體好有異國特色餐廳食物味道不俗，因為唔少印度餐廳既食物都會過於濃味，呢間就可以恰到好處

聽朋友講有間印度菜唔錯好啦 又未試過咁就去食下店長一黎就好熱情咁招呼我地仲唔到佢地又幾好客喎到左點菜時間喇 店主就推介呢度咖哩雞再加上 印度羊肉餅 一流咖哩唔會太辣 點埋羊肉餅 已經夠飽喇 抵食最後加多杯 士多啤梨特飲好新鮮 飲得出唔係粉沖出黎既 好味道第一次食印度菜既經驗唔錯下次會繼續試

講真已經好耐冇食個正宗咖喱了但係重慶入面啲咖喱質素開始越嚟越差不過今日行過油麻地聞到呢間餐廳外邊已經非常之香所以心思思就入咗去食飯啦原來啱啱佢哋整緊咖喱香料唔怪之得餐廳外面整到成條街都香晒一坐低佢哋個印度侍應就介紹咗佢哋嘅招牌菜我哋就決定叫咗Tandoori chicken half$98係一款印度烤雞因為佢係即叫即烤而且仲用埋鐵板上所以可以保持這烤雞十分之熱但係雞肉都依然十分之嫩但係不得不讚嘅就係雞肉食到骨入面都可以食到佢濃濃嘅咖喱香料塊面就放左一啲菜同埋洋蔥不過個底就有少少油所以我都係食咗少少就算不過洋蔥就幾香下另一方架呢就叫左lamb madras $95係一款南印度燴羊肉呢款咖哩入面黃姜粉個比例會多番啲而且仲用咗野將去加入個汁入面所以個層次感仲更加多一啲不過呢間餐廳啲咖喱份量都非常之多通常食返香港嘅印度咖喱都係一個鐵兜仔好細兜禁不過呢度就用咗一個大碗上而且羊肉方面都唔少因為佢用上咗部份羊腩位所以令到成個再更加好食當然食咖喱梗係要叫埋Naan熱辣辣烤好就即刻俾我哋外皮十分之香脆入面就十分軟綿最後我完全用naan 幫佢哋抹碟咁食晒所有咖喱汁似乎日後食咖喱都唔一定要再去重慶了

約左朋友黎呢度食，門面夠大，一眼就睇到，唔洗行冤枉路，非常肚餓，叫到左既朋友揀野食先小食，食印度餐廳都會送，但唔知叫咩名，哈哈。個醬唔太辣，岩晒我！主菜叫左雞同牛咖喱好香咖哩味。兩碟既汁入面都有唔同既香料同蔬菜。我鍾意雞多啲，雞夠淋，又入味，仲有吸晒味既薯仔，yummy!! 咖喱可揀大中小辣等，因唔食得太辣，叫左小，果真係小辣，如果唔係我食唔到如果你食得辣可以叫辣啲，應該更惹味！！薄餅有好多款，呢個係牛油薄餅，夠大塊！熱喇喇，煙煙韌韌甘唔洗食飯都夠晒飽！芝士薄餅，你睇下啲芝士！唔洗夾咖喱都得！食咖喱一定要有凍野飲至得既！大大個椰青係我既最愛！要俾個like 你！仲可以刮入面啲椰肉食！爽呀！芒果汁亦唔錯！冰凍有芒果味！cheers! 後悔無叫小食！我覺得三個人叫兩個咖喱，兩個餅足夠，因餅都幾飽肚，跟住叫多一兩個小食或沙律！甘就可以有肚試更多印度美食！！埋單三百幾，唔貴，價錢合理！薄餅更是超值！

就快掛八號波，又唔想放棄同朋友約左好耐既一餐飯，所以揀個放便地點快快食一餐！餐廳好近油麻地站，五分鐘左右路程，大大個門面，一眼就望到！三個人叫左兩個肉，三個餅同三杯野飲野食好快上枱，非枱會話我地知果碟係咩呢個免費送的，三人一人一條，脆卜卜，點埋個醬剛剛好！咖喱雞 內有無骨雞肉同薯仔，煲左好耐，因個咖哩一啲都唔水，材料融入左係入面，杰杰地，入面有唔同既香料同蔬菜，好香咖哩味，有五六舊薯仔同五六舊雞咖哩牛肉牛肉好林，唔鞋，入晒味，有六七舊牛肉到呢個既汁比雞果個杰啲，配料同蔬菜有啲唔同，用黎夾薄餅一流！叫左普通薄餅，芝士薄餅同牛油薄餅一碟有三大塊或六小塊，鬆軟又香脆，唔點醬就甘食都好好味！真心覺得唔貴！尤其個芝士薄餅，有六塊，好味又多芝士夾係中間！只需25蚊！呢個一定要試！！朋友拉芝士絲俾我睇，見到都流口水哈哈，正呀！野飲叫左芒果汁同椰青我飲椰青，椰青好大個，雪凍左，好清甜，係食咖哩既絕配！總括黎講，值得去試下！送菜正宗，服務又好！最緊要唔貴，三個人都係三百一蚊到！

一坐低店員既招呼好好，之後即使有人因左近pokestop調位店員都冇拒絕幫佢地安排，至於食物一開始有份卷薄餅點汁食，個汁酸酸微辣好開胃，之後黎既就係另一個Masala papad冇配汁但香料加上少少菜同茄碎十分清新，食完薄餅後再食個咖喱角沙律哩個相當飽肚不過都直得一試因為好特色，再食既就係特色香料雞同佢佢店名既炒飯，炒飯好足料加上十分香而再加上味濃既香料汁又係另一味道用汁食都得，唯一可惜係杯芒果奶酪唔夠凍。另外辣度有得選擇，好岩喜歡食辣既朋友