影片
更多
2016-11-01
494 瀏覽
充滿驚喜的印度菜朋友話帶我試新野，原來係去油麻地食印度菜。一入到去印度藉既員工都好友善招呼我地。難得第一次黎食印度野，就梗係叫多d唔同既野試食下啦！點左紅牛肉咖哩同菠菜咖哩，兩個顏色都幾鮮豔，紅牛肉咖哩就有點辣，牛肉煮得都幾入味又唔老，但食到甘上下我地都出曬汗。至於綠咖哩隻色好特別，食落有濃濃既菠菜味，同本身既咖哩味都幾夾，終於試新野既人可以試下。 因為叫左兩個咖哩既關係，所以我地都叫左幾種烤餅試下。首先我個人推介芝士烤餅，烤到外表好脆，食落有啖啖既芝士味，雖然唔係好濃既芝士味，但連埋咖哩食，個味道就岩岩好。印度牛油烤餅就係平時平時多數食開個隻烤餅，依隻烤餅帶有甜甜既牛油香，外表煎得十分香脆，但入面仲仍然保留住好鬆軟既口感。依隻烤餅就算單獨甘食我都覺得完全冇問題！ 蒜蓉烤餅又係烤得好脆，上枱時已聞到蒜蓉香，咸度適中，味道都唔錯，但略嫌依個烤餅多油左d。魷魚都係另一推薦！原隻魷魚鑲滿了飯鐵板上，而魷魚煮得岩岩好，食落好彈牙好鮮甜，配埋入面既飯真係一流，再加上少少檸檬汁就梗加開胃，相當不錯！實在太好味，所以趕唔切影佢既完整圖就已經俾人分曬了😂 烤魚都係原條鐵板上，條魚種類就唔太清楚，但就煮
朋友話帶我試新野，原來係去油麻地食印度菜。一入到去印度藉既員工都好友善招呼我地。難得第一次黎食印度野，就梗係叫多d唔同既野試食下啦！
點左紅牛肉咖哩同菠菜咖哩，兩個顏色都幾鮮豔，紅牛肉咖哩就有點辣，牛肉煮得都幾入味又唔老，但食到甘上下我地都出曬汗。至於綠咖哩隻色好特別，食落有濃濃既菠菜味，同本身既咖哩味都幾夾，終於試新野既人可以試下。
因為叫左兩個咖哩既關係，所以我地都叫左幾種烤餅試下。首先我個人推介芝士烤餅，烤到外表好脆，食落有啖啖既芝士味，雖然唔係好濃既芝士味，但連埋咖哩食，個味道就岩岩好。印度牛油烤餅就係平時平時多數食開個隻烤餅，依隻烤餅帶有甜甜既牛油香，外表煎得十分香脆，但入面仲仍然保留住好鬆軟既口感。依隻烤餅就算單獨甘食我都覺得完全冇問題！
蒜蓉烤餅又係烤得好脆，上枱時已聞到蒜蓉香，咸度適中，味道都唔錯，但略嫌依個烤餅多油左d。魷魚都係另一推薦！原隻魷魚鑲滿了飯鐵板上，而魷魚煮得岩岩好，食落好彈牙好鮮甜，配埋入面既飯真係一流，再加上少少檸檬汁就梗加開胃，相當不錯！實在太好味，所以趕唔切影佢既完整圖就已經俾人分曬了😂
烤魚都係原條鐵板上，條魚種類就唔太清楚，但就煮得不錯。魚食得出幾新鮮，煮得岩岩好，好滑好鮮味，唔會好乾身。
最後食左佢地餐廳自制既雪糕，好特別係用個小燉盅裝住架，唔講真係唔知佢入面係裝雪糕。食落口感就唔似平時食開既雪糕，應該係比較似雪芭既質感，不過味道就不錯。
第一次食印度野原來係甘好味，雖然對於香港人黎講係有d辣，但整體都唔錯！
張貼
