沙嗲王 (MPM文華商場) (已搬遷) 新店位置

光顧沙爹王已經有一段日子，每次食都總會有一碟係白咖哩豬扒飯，無什麼原因，純粹因為咖哩汁好餸飯，但睇住佢越買越貴，已經想試下其他菜式。（以前由＄3x到現在＄58…升幅都幾大）香茅豬扒一貫的味道，保持水準。每次食都覺得飯好像太少要加多塊薄餅，今次都一樣加多咗一個薄餅＄18。胃口無學生時代咁大了，以往一直未有留意的湯面，現在反而更吸引起來。蕃茄濃湯（香茅）豬扒烏冬： ＄56今次最特別的就是店內有個餐牌和moster hunter合作的菜色，飲品竟然是不同顏色的回復藥水，十分搞鬼，期待下次有更多crossover。

本來我並唔係一個鐘意投訴嘅人 但今次嘅用膳經歷我真係諗返起都嬲！🙄今次專登叫朋友陪我去食 係因為想試主題限定嘅甜品 覺得造型好得意 味道亦應該唔會太差 🤷🏻‍♀️撇除1️⃣張枱本身冇水 2️⃣餐具盒又剩係得三隻匙羹 3️⃣撳掣呼叫又好耐先有人應之外 其實去到食主菜都冇乜嘢 食物味道都算中規中矩 雖然啲飯係凍嘅🤷🏻‍♀️食完主菜諗住終於有得食我最期待嘅甜品🙂 因為我地已經食到飽飽地 所以三個人淨係叫咗一個 但呢一個甜品 足足等左我地40分鐘都未上枱 已經係催過單 都可以係繼續不斷出熱食同飲品 一個甜品都冇出過！我都做過餐飲 我體諒餐廳忙嘅時候上菜需要等耐啲時間 但唔係淨係顧住出熱食 然後掉低張甜品單40分鐘都未出到囉🙄我唔信你個甜品冇pre-made半製品 慕絲蛋糕係應該要雪好咗嘅 你唔好話我聽你八點半都未雪好 🙄🙄🙄🙄🙄嬲到一個點入座同人講有90分鐘還枱時間 但一個甜品要人等40分鐘都未有 我話cut左佢唔要仲話再幫我催催🙄等到30分鐘果陣你就應該要催到拎到出黎為止啦 反正我淨係見到你笑住捧住幾支水喺度遊雲 打下單又print下單咁 都唔知有冇真係認真催過單 仲要一句唔好意思都冇19:16 入座20

話說我可能太耐冇去沙嗲王，一上嚟，環境竟然已經裝修到咁清新，好有台式小cafe嘅味道，以淺藍為主調，感覺好休閒！雞肶：超大個，一上枱，喳喳聲，夠晒熱，好有港式茶餐廳大大份鐵皮餐嘅風味！雞翼：好香口，都幾入味！印度薄餅：專登叫多個薄餅食，以前食過好韌又硬嘅薄餅，但呢個唔韌，仲有少少酥皮嘅效果，好香牛油味，點醬食一流！芝士白汁焗餃子：白汁味濃，多汁，配埋餃子，好香！薯蓉：咪睇佢個樣咁平凡，其實味道都OK，幾香薯仔味！

年初三 無咩做 約左fd 出嚟旺角食飯 睇戲因為剩係知沙嗲王啟左市 就食一聽到沙嗲王都預左同d 乜糕乜糕無分別我地六個人 叫左二人餐 加d 少食 pizza 同一個白咖喱豬扒飯 蝦卷無乜特別 無乜味 係熱氣同油pizza 細細個幾好的 6吋 特別在係有d 酥皮底呢個豆腐 雖然成個底係油， 但加埋佢個汁係好味既 招牌軟殼蟹 出面炸得唔夠脆 好似俾油浸番冧咁 味就係椒鹽味 唔係太辣白咖喱豬扒飯 最好食既推介 白咖喱其實似椰汁味重既汁 略嫌唔夠辣 同埋佢豬扒煎得嚟唔夠乾身香口 又係俾油浸翻住咁冬陰功湯 22蚊 幾大碗 有料 有蝦有魷魚 有海鮮 不過咸左d可能新年 唔係好夠侍應做野

之前見到有YOUTUBER介紹沙嗲王最近同Monster Hunter Crossover，推出咗好多好特別既食品同飲品。對於我另一半呢啲死宅男，每日收工都離唔開佢個Monster Hunter World，一睇到有機會俾佢食到貓餐，開心到不得了。襯今日出旺角買少少嘢，就陪屋企個獵人會一會沙嗲王啦。一睇到個MENU，我身邊個獵人就勁雀躍啦已經，話一定要飲支藥水喎。回復藥、強走藥、硬化藥水。。。咩黎架？我頭頂一大個問號白咖哩汁香芧豬扒粉絲－每次黎沙嗲王必點的，想堂年讀大學時經常偷偷哋出黎食沙嗲王既下午茶，豬扒一貫炸得香脆，不過白咖哩汁粉絲好失望，白咖哩汁無以前咁杰。。稀咗好多。。勁脆厚切吉列豬扒飯配白咖哩汁－吉列豬扒不及香芧豬扒好味，但勝在每一件都大大件，好夠份量回復藥－青蘋果荔枝薄荷特飲硬化藥－百香果雪梨蜜配啫喱 兩杯嘢飲都好普通，最特色就係樽上面嗰個牌。。 對Monster Hunter有濃厚既愛意既獵人應該會好開心。。不過我唔係🤣

又到lunch既時間，諗唔到食咩既時候係銀包見到$20沙嗲王優惠卷就過期，於是就食沙嗲王。呢到既lunch都算抵，味道又唔錯，lunch仲有set添。一行3人叫左3個set，set lunch仲包一杯野飲。芝士焗牛柳粒飯$68-呢個牛柳粒飯真係超超超推介！芝士好多，而且夠熱做到拉絲效果，牛柳粒都足料，唔係得幾粒。醬汁係紅酒牛扒汁，好濃郁，調味啱啱好，配飯食一流。食完個飯好滿足白咖哩香茅豬扒飯$55-講到沙嗲王，一定會諗起白咖哩豬扒。白咖哩真係冇得輸，唔辣仲好香，豬扒都有2-3塊，而且啲汁都比得重手，撈唒成個飯都仲有淨。白咖哩香茅豬扒拉麵$54-朋友叫左個拉麵試下，都係叫白咖哩做湯底，原本而為會好怪，估唔到又幾夾，拉麵彈牙又唔會發到脹唒。豬扒會另上，唔會浸到淋，抵贊。珍珠奶茶 set +$7原本包一杯飲品，但加左$7轉珍珠奶茶，味道正常但珍珠硬左啲。

沙嗲王真係細細個就聽過佢個名，唔知點解愈大個就愈小食，相隔n年後，再次一試。-由細到大，沙嗲王入面我最中意既係佢個白咖哩粉絲，接近9成都係叫佢，有時配雞排有時豬排，我覺得佢白咖哩係完勝佢既沙嗲，佢應該叫白咖哩王😂😂-闊別多年，今次突然興起中午黎到，叫左個白咖哩豬排粉絲，佢既白咖哩依然係咁好味，好香好濃，配埋粉絲吸哂佢既白咖哩味，簡直係絕配☺️☺️豬排就正常出面茶餐廳豬排啦，冇咩特別，黎到沙嗲王記得叫個白咖哩試下

Go somewhere else; they sit you at the table, they change their mind, and while ordering they demand you to leave. You find yourself in a a place where nobody cares for what you ask, they give you a ticket and send you upstairs. Upstairs a disorganised group of waiters take you to your table... one moment, when you are reading the menu, they call a (a very impolite) cook who demands you to clear “their” table. “We prefer to service somebody else”... maybe because I am a foreigner. Who cares, the

今日約咗6個中學嘅best friends出去食飯～有位朋友話食沙嗲王，於是就約咗去旺角朗豪坊對面呢間沙嗲王！我地7:45 到了唔算好多人等位。我地好快有位坐，坐低嘅時候店員話限時90分鐘我地都覺得OK夠時間食。我地叫咗一個2人餐包（2 杯野飲，2 餐湯/沙律，2個指定飯或麵，一個指定小食）另外單點了1個白咖哩豬扒飯，1個沙嗲豬扒飯，1碗沙嗲肥牛拉麵仲有4個小食（p.s 最後再追加多杯野飲同2份秘製咖哩薄餅）叫咗超多全部食哂好飽好滿足！睇睇個價錢岩岩好700蚊，除反開只係100/人都算正常價。出面食晚餐都係咁上下！講翻野食先！2人餐主食就叫咗芝士焗牛柳粒飯同埋身特選肩胛肥牛麵(唔記得影)。我冇食到呢2個所以唔特別講，不過睇落份量都幾多同埋睇落都好似幾好味！2碗餐湯就比較稀同埋好多薯仔，我唔太鍾意！但味道還可以。2人餐點咗 :特濃朱古力沙冰，佢個都有D 朱古力粉好似都有D 朱古力碎，我朋友可能飲得太快唔小心嗆到，所以大家都要小心D慢慢飲，而味道就正常啦～另一杯就叫咗鮮芒椰汁沙冰，我朋友話覺得好似飲緊鮮芒椰汁西米露咁，都算好味嘅！特別想推介白咖哩豬扒飯同沙嗲豬扒飯，佢地個汁真係好好味，拌飯

今日同朋友行行下街。又攰又凍又肚餓，搵個位坐低吹水🙃🙃見到沙嗲王都有tea又未試過就上去試下啦。係MPM商場要上二樓再轉𨋢。上到去地方好大，好多位，隨便坐低。下午茶餐吾算貴，48蚊有主菜，小食同飲品。我叫左豬軟骨米線🍜，炸蝦卷同紫薯珍奶。米線都幾大碗又有4件豬軟骨，豬軟骨炆得夠淋同入味，有半隻糖心蛋添，好味。蝦卷一向我至愛，好味又吾油。只係紫薯珍奶好甜好甜。朋友叫左白咖哩豬扒飯加蒜蓉牛油雞亦同蘋果綠茶。個飯一樣夠大碗，但略嫌汁吾夠，雞亦大隻夠熱。飲品都係太甜🙁下次去食既朋友仔要叫少甜！總括泥講，食物水準吾錯，雖然無乜服務但環境都舒適，下午茶同朋友食下野坐下都幾好🙂🙂

放左工同老公喺旺角食飯，今晚老公揸𨋢，去左朗豪坊對面嘅沙嗲王☺️照舊叫了我地常叫嘅美食😌前菜叫了個蒜香雞翼，怕肥嘅女孩們唔使擔心，雞翼不會太漏🙃之後再叫個脆蝦棒，名乎其實”脆”蝦棒🍤加埋個我地嘅至愛蝦醬通菜☺️最頭戲係呢個老公之愛嘅蟹粉豆腐煲，配埋個印度薄餅味道一流☺️收工最開心就係同老公撐枱腳☺️明天返工繼續努力😂

自從裕民坊既沙嗲王無左之後，一直都無再食過，旺角下午茶時段諗唔到食乜，喺E出口就衝左上去差啲以為自己去錯地方，無哂啲海盜王我好唔慣呀喂（其實係好事但回憶依家野）不過我仲留意到有呼喚機，招牌辣椒醬同百樂珠，都令我安慰小小XD雖然餐牌好多選擇，但咁耐無食，我好卦住個白咖喱豬扒飯，味道依然無變，下午茶依個份量好抵食旺角依個位雖然就腳，但地方大都唔會太多人，但就大到無人理，仍然係狂按呼喚10分鐘都無人理無人嚟點餐來有少少燥記得食飽飽就要自己識得拎張單出去賣，我諗係減少人手短缺既對策，都唔錯呀

嚟都旺角搵好嘢食， 下午茶搵到間好嘢， 最重要去夠曬方便 ，買完一大咋lego啱啱好， 我就叫咗個牛肉焗飯， 個焗飯焗到啱啱好，上枱都仲係熱辣辣， 最重要牛肉夠曬鮮嫩，咬落去仲有大量嘅肉汁， 最可惜嘅就係下午茶飲嘢要加錢 ，如果有埋杯凍飲真係冇得輸。

久違了的風味和味道，以前常常光顧。可惜就腳的官塘分店清拆，遗忘多久未嘗過，但它給我印象仍是美好。今天出街路經此到，再次光顧。食物仍舊保持水準，值得一讚，價格合理，味道回味，下次都會再吃。

自從上次食完白咖哩豬扒飯，就對沙嗲王念念不忘好想再吃。今次第一次黎到旺角文華商場分店，裝修完全同平時既海盜style 不同。呢度光猛好多，設計簡約乾淨，感覺時尚，無咁陰陰沉沉。枱面有晒餐具，杯同水，方便好多。每次黎都例必食人氣至尊十大～就係蟹粉豆腐鍋配飯（$69)! 呢個係繼白咖哩後，我心目中既no.2!!!!!! 用石鍋上，比美女更熱辣辣香噴噴，蟹肉真係超多，蟹粉味好濃郁仲有咸蛋香，豆腐仲好嫩滑！就咁食其實偏咸左d, 不過撈飯真係一流！半價加左個鮮榨青檸柑梅蜜配蘭香子，味道以淡淡酸味為主，感覺一般欠缺層次大阪究極薯仔沙律（$32), 賣相好似雪糕球咁，估唔到又幾好食。醬汁夠多味道豐富，除左薯蓉，入邊撈左薯仔粒，吞拿魚同d 洋蔥碎，正！食完又有coupon 送，引我好快又黎過～