沙嗲王 (MPM文華商場) (已搬遷) 新店位置

又到lunch既時間，諗唔到食咩既時候係銀包見到$20沙嗲王優惠卷就過期，於是就食沙嗲王。呢到既lunch都算抵，味道又唔錯，lunch仲有set添。一行3人叫左3個set，set lunch仲包一杯野飲。芝士焗牛柳粒飯$68-呢個牛柳粒飯真係超超超推介！芝士好多，而且夠熱做到拉絲效果，牛柳粒都足料，唔係得幾粒。醬汁係紅酒牛扒汁，好濃郁，調味啱啱好，配飯食一流。食完個飯好滿足白咖哩香茅豬扒飯$55-講到沙嗲王，一定會諗起白咖哩豬扒。白咖哩真係冇得輸，唔辣仲好香，豬扒都有2-3塊，而且啲汁都比得重手，撈唒成個飯都仲有淨。白咖哩香茅豬扒拉麵$54-朋友叫左個拉麵試下，都係叫白咖哩做湯底，原本而為會好怪，估唔到又幾夾，拉麵彈牙又唔會發到脹唒。豬扒會另上，唔會浸到淋，抵贊。珍珠奶茶 set +$7原本包一杯飲品，但加左$7轉珍珠奶茶，味道正常但珍珠硬左啲。