沙嗲王 (MPM文華商場) (已搬遷) 新店位置

以前成日食沙嗲王，但近年少左，所以最近又心血來潮想試下上到去見到裝修風格好似好唔同，變得無咁多海盜擺設，反而環境光亮左，新派簡約設計，餐牌都美化左，不過同以前太唔同，就有d唔係好習慣，就連枱面的呼叫按鈕都更新左經典26年的白咖喱香茅豬扒飯係必點之選，好彩味道同以前一樣，keep得住，豬扒軟硬度適中，有咬口得黎唔會韌，而白咖喱汁唔辣又creamy，撈飯真係無得輸！再飲返杯士多啤梨雪香，涼透心，奶香味好重，如果士多啤梨味都重d就最理想啦

每一天的旺角都到處是人，更何況今天是星期六呢。在不知吃甚麼好的時候，剛巧見到沙嗲王的招牌，5樓A? 樓上鋪應該較易有位吧，所以便上去看看，事實是的確不用等就安排入座，不用看餐牌，識食的當然會點「白咖喱豬扒飯」啦。跟餐的話，特飲半價，所以點了珍珠奶茶少冰，又是珍珠奶茶，沒有新意，但的確是我的至愛。雖然入座率有九成，但上菜時間也實在等得太耐了吧？！13:35落單，14:00咖喱飯才送到，而奶茶則要再三追問才有，不是只有我的餐才等得特別耐，鄰座的客人也有這個情況出現，所以趧時間的人建議等有時間才來吃吧。不過食物的質素的確要讚，每一間的分店做的豬扒飯都能保持汁香肉嫰，拌飯吃，非常夾，而且有三塊豬扒，一般的男士也不會擔心吃不飽。至於珍珠奶茶雖然沒有特別驚喜，但本人幾喜歡，因為沒有叫少甜都不會太甜，而點少冰的話真的會少冰，看到這裡請不要笑我，因為有很多店鋪你就算點少冰其實都沒有少的。埋單連加一$81.4，不算太便宜，但論份量，論質素，論服務，論環境，絕對值得來吃，如果能改善上菜的輪候時間就更好，再約三、五知己的話 ，可以開心share和多點其他小食，雖然今次沒有點，但記得豆腐和雞軟骨都很不錯的。

想起也有點不相信原來我跟母親大人已有幾年沒有到「沙嗲王」用膳，現在想起了我們都甚為懷念，所以我倆不說二話便到此用膳。到達的時候，以往長長的人龍不見了，就連「沙嗲王」裡的海盜擺設都不見了，但卻換上了清新而光線充足的室內設計。老實說我倆還未忘記它以往那陰暗環境和為人熟悉的海盜擺設，所以看到現在的清新而光線充足的新境象真的有點不習慣。雖然室內設計不同了，但餐牌上的食物款式依然琳瑯滿目，他們一向受歡迎的白咖喱系列、沙嗲系列跟大部份以往餐牌上看到的食物還在。脆蝦棒 $33以往我們必點的脆蝦棒還在，今次我們也當然要把它點下來。脆蝦棒來到的時候，看到它的賣相都跟以往的一樣，春卷皮炸得香脆而不油膩，可是內層的蝦肉則沒有以往的那麼鮮味，所以整體都變得有點遜色。泰式芒果蝦沙律 $49雖然泰式芒果蝦沙律的賣相只是一般，但味道也不錯。沙律菜爽脆清甜，芒果極為香甜又多汁，而腰果又夠香脆，三者配上帶酸酸甜甜又有魚露香味的沙律醬汁一起吃甚有泰式的風味又十分滋味。整體上大致也不俗，只是蝦肉有點失色，不夠鮮甜之餘又不夠爽口彈牙。沙嗲肩胛肥牛拉麵 $59「沙嗲王」的沙嗲系列一向都甚得我的鍾愛，今次在餐牌上看到他們用上肩胛

The food is yummy but need to wait so long for a table. I like the deep fried bun with condense milk most.but the strawberry milkshake is I recommend u not to eat this restaurant on Friday because it has a long queue the vegetable is also nice tooo

自從觀塘嗰間沙嗲王執咗之後，一直都好想食，但係成日去到旺角都食咗其他嘢，咁岩朋友遲到請食飯， 梗係食我最想食嘅嘢因為lunch time， 所以有lunch set ，平！白咖喱香茅豬扒飯係我每次去沙嗲王一定食嘅嘢，白咖喱唔太辣，加埋啲香茅同埋洋蔥撈飯，簡直係絕配！豬扒好香口，呢個飯係我覺得沙嗲王做得最出色嘅牛油雞翼又係啲必叫嘅，好香牛油味，同埋唔知點解沙嗲王嘅炸野真係特別好食！次次都食唔夠喉😂朋友叫咗沙嗲厚切豬扒飯，豬扒真係好厚，沙嗲汁真係好濃郁，好好食！特別有埋啲花生碎蘋果梳打？好似係！下面有啲jelly幾特別，不過真係好細杯。

一個人係旺角做完Facial又肚餓想快快地食求其食個飯，又唔想去商場food Court，更加唔想求其食垃圾快餐。行行吓居然見到沙嗲王就即刻諗起白咖喱豬扒飯。可能因為一個人啦所以都唔使等位。點左佢嘅招牌八咖喱豬扒飯之外仲點做個冬陰公湯。白咖喱豬扒飯都唔使我多介紹啦，簡直係依度嘅王牌！相信九成嘅香港人都會食過。白咖喱汁一啲都唔辣，好好味好好味！豬扒雖然係普通嘅香茅豬扒但係都有3塊，絕對夠飽！至於嘢飲方面由於我唔想飲凍野，所以就點左個海鮮冬陰公湯。已＄22既一個湯來講，算係不過不失啦，微微地辣嘅湯，入面有三隻蜆同兩隻蝦。唯一要讚嘅地方就係蜆肉冇乜沙，不過呢啲蝦就梅梅地，所以我食咗一隻之後都無再食另外一隻。

同幾個朋友食晚飯，等左半小時白咖哩豬扒飯塊豬扒煎到好香好juicy,椒鹽脆豆腐好香外脆內嫩,豆腐入面好滑👍避風塘軟殼蟹好香好脆熱辣辣超正。脆蝦棒炸到金黃色好鬆脆。上菜速度尚算ok 。食物質素一流。

很久没有食沙嗲王了，於是今晚決定食呢間，一如以往點了四款食品，其中两款是新菜色，分别是明太子雞翼及鮮虾芒果沙律，首先講下個明太子雞翼，無味無道，出面果層已經好似無醃過咁，無厘味道，咬過去入面以為有明太子就會好味D啦，點知又係大失所望，毫無明太子嘅味道，而且我仲發覺果D雪味仲好勁添，真係好難食！第二道鮮虾芒果沙律，沙律汁一啲都唔好味，搞到成個沙律都糟蹋晒，虾無味，菜無味，唯獨芒果够甜，咁都死啦，我想食菜姐，難道叫我齊食生菜？

沙嗲王平時去開旺角另一間分店今日就泥試下呢間新裝潢近D朗豪坊對面既旺角MPM分店呢到等位好特別先上2樓等之後再撘上5A等候同上菜時間比旺角另一間分店耐D.✅食物:炸饅頭(5件)$22奶油津白$38芝士焗年糕$41蒜蓉牛油雞翼（4件）「經典26年」白咖哩香茅豬扒飯$56 芝士焗牛柳粒飯配紅酒牛扒汁 $78沙嗲香茅豬扒拉麵 $54.(1) 炸饅頭炸得好脆熱辣辣好好味(2) 芝士焗年糕有厚厚既芝士舖係面 中意食芝士既朋友一定要試！👍🏻🤣(3) 另外就係我最愛既蒜蓉牛油雞翼 同炸饅頭一樣炸得好脆熱辣辣重蒜蓉香味(4) 之後就係佢地既「經典26年」王牌- 白咖哩香茅豬扒飯 有香料味豬扒煎得香脆(5) 今次試左新野-芝士焗牛柳粒飯配紅酒牛扒汁 第一次食 牛柳粒同芝士料多過飯 .抵食👍🏻同一大班朋友最岩食沙嗲王 可以叫多d食多d唔同款💓飲品仲有半價添😆.地址:旺角奶路臣街11號MPM文華商場5樓上(港鐵旺角站 C3 出口, 步行約1分鐘)

第一次黎沙嗲王食，跟朋友都點左呢個雞排蕃茄米线，睇落五顏六色賣相唔錯，食落又好正，估唔到廚房會肯分開煎下整塊嫩口既雞排，又有糖心蛋，又有蕃茄，菜，二大塊香噴噴既雞排，加埋個飲品士多啤梨雪香都有少少士多啤梨果肉好香甜無影到，好正牙。不過因為本身價錢都唔算平，加埋飲品都要預$80左右。可惜個碗就好鬼大，食落其實分量好細咋，因為米线好少，不過一分錢一分貨，重質不重量都係一件好事黎。鐘意食蕃茄同油油地既雞排一定要黎叫下。

以前中學既時候成日都食沙嗲王對於一個中學生嚟講係affordable 同埋地方大 唔會趕你走應該有好幾年無食過今次朋友話食哩間 一於睇下佢有無保持水準避風塘軟殼蟹味道 8分 （略咸）芝士年糕味道 8分年糕唔會太硬 唔錯椒鹽豆腐味道8分次次都必叫 感覺好似無以前咁好味 豆腐無咁滑 但都仲ok 既 可以一試西蘭花味道7分細份佐d囉 一人兩啖就無 仲叫佐豬扒飯 豬扒好軟！味道唔錯！仲叫佐其他餸 味道好一般價錢係相宜既 不過某d餸既味道麻麻地 要小心d揀餸

同事生日一大班女仔齊齊去食晏慶祝，聽講旺角沙嗲王新開張今日就去試新地方喇！不知是否久沒到沙嗲王餐牌新左啊！午餐好多選擇 + $20 仲可以升級，我個人就覺得蝦串同粉卷最抵食牛油雞翼好好食呀！嘩香脆肉嫩入味咬落仲有肉汁，牛油同雞翼簡直完美配搭！豆腐同蘿蔔糕都keep住有之前水準，豆腐皮脆肉滑，而XO醬蘿蔔糕鹹鹹香香非常野味👍芝士年糕就一般不過不失！白咖喱豬扒飯都係呢間餐廳嘅手本名菜，軟滑豬扒吸收香濃白咖哩醬汁入口更惹味咖喱豬扒粒炒飯料多鑊氣，白飯鬆軟有時簡單一個炒飯都可以係回味無窮！冬陰公扎肉鮮蝦粉絲粉絲淋身不夠爽口，冬蔭公湯底味道不足黃咖喱豬扒飯黃咖喱就一般啦！豬扒入味黃咖哩不夠香，我個人口味覺得白咖哩比較好味！我地 8 個人平均都係 $72.00 可以食到多款美食都算抵食

好耐無食，由以前都鍾意食沙嗲王，因為鍾情於個白咖哩豬扒飯～呢度新開好乾淨同大，d海盜裝飾已變哂卡通圖案～下午茶時間都抵，平d包普通野飲～每次必叫：白咖哩豬扒飯$49，依舊好味，不過我辣左少少～沙嗲肥牛$53，轉烏冬加$2，烏冬彈牙，沙嗲味濃郁～ 而家冇得自己在加啲芝麻，冇得磨芝麻，呢個就失色少少～朋友叫冬蔭功肥牛$53，轉烏冬加$2～小食：牛油鷄翼3隻$35，即叫即炸，香口脆口～脆蝦棒$29，好味～脆豆腐4件$31，外脆內軟～特飲跟餐加$13：青檸柑梅蜜，解渴好好飲～芒果西米，感覺只係甜品糖水但係就冇乜服務可言，底下個阿姐浄係喺度話有三位上緊黎，只企係度，禁lift都唔幫你禁，真好做～ 跟住同d侍應要牙籤而家要都係俾一兩支～

係就係lunch嘅時候，我突然閃過好想食米意，諗起提供這種特式的意粉就只有沙嗲王，所以向同事提出去這間新嘅沙嗲王食lunch。係下面等嘅時候 ，因為根本唔知道原來上面咁多吉位，所以我地一行四條友傻更更咁等左5分鐘。呢度全新嘅裝修，完全令我地無左對沙嗲王嘅 熟悉感， 冇咗熟識嘅撳鐘仔， 仲要我哋食完自己去埋單， 全新嘅感覺其實係怪怪地， 但係勝在光猛。本來我係嚟想叫米意食， 但佢竟然賣曬 ！ 最後，我唯有叫咗我熟悉嘅冬陰功香茅豬扒粉絲。其實呢度上菜速度好快， 一見到呢份香茅豬扒，其實都比佢嘅外表所吸引，因為表層佈滿香茅，而且炸得金黃通透，不過我略嫌太林 冇咗一啲豬扒嘅口感。其實之前係有白咖哩，但係而家只係淨返咖哩蕃茄同冬陰公。所以我揀咗呢度都ok嘅冬陰功湯底， 其實都真係唔錯嘅 份量都幾好 而且冬陰功，酸得嚟有少少辣，都算唔錯。另外其實我仲叫咗個芝士焗椰菜花， 品質keep得相當之好，不過唔知點解upload唔到相-_-# anyway, 都算係一個好lunch。希望下次再嚟嘅時候米意可以恢復供應啦。