沙嗲王 (MPM文華商場) (已搬遷) 新店位置

今日同朋友行行下街。又攰又凍又肚餓，搵個位坐低吹水🙃🙃見到沙嗲王都有tea又未試過就上去試下啦。係MPM商場要上二樓再轉𨋢。上到去地方好大，好多位，隨便坐低。下午茶餐吾算貴，48蚊有主菜，小食同飲品。我叫左豬軟骨米線🍜，炸蝦卷同紫薯珍奶。米線都幾大碗又有4件豬軟骨，豬軟骨炆得夠淋同入味，有半隻糖心蛋添，好味。蝦卷一向我至愛，好味又吾油。只係紫薯珍奶好甜好甜。朋友叫左白咖哩豬扒飯加蒜蓉牛油雞亦同蘋果綠茶。個飯一樣夠大碗，但略嫌汁吾夠，雞亦大隻夠熱。飲品都係太甜🙁下次去食既朋友仔要叫少甜！總括泥講，食物水準吾錯，雖然無乜服務但環境都舒適，下午茶同朋友食下野坐下都幾好🙂🙂