沙嗲王 (已結業)

初初聽沙嗲王呢間餐廳，以為只有沙嗲同咖哩食，原來除左呢2樣野之外仲有好多好特別既野食，試過一次之後仲好鍾意黎食添，其中一個原因當然係成日有COUPON派啦。位於旺角呢間分店好大，有成2層，星期六夜晚7點鐘黎都仲有好多位，一直好欣賞呢間餐廳係餐桌上可以按掣叫侍應落ORDER，加水，結帳等等。我地2個人叫左3樣野，有一個小食，一個薄餅同埋一個焗豬扒飯。煙肉菠蘿薄餅落足料，份量OK，個皮都夠脆，唔太HEAVY。焗豬扒飯D豬扒好鬆軟，個汁好夠蕃茄味，如果落少D芝士就更加好。脆蝦棒雖然有D油，但係夠脆同好有蝦味。

又到午飯時間，今日剛巧又有機會在公司以外地區進餐，一於找找新意思。已經忘記了有多長時間沒有光顧「沙嗲王」各間分店，細看主餐牌，缺少了很多以往的燒烤、沙嗲食品，反而多了一些惹味的小炒。即使午市餐牌，也有幾款與沙嗲無關的選擇。來得這裡，當然要品嚐與沙嗲有關聯的食品，只好選擇白咖喱香茅豬扒飯（$49）。不揀沙嗲拉麵的原因，因實在有點奇怪，估計是模仿北海道的湯咖喱拉麵，但我同樣接受不了。至於什麼厚切吉列豬扒飯，原因更簡單，我不相信這裡會有好吃的吉列豬扒。另一個bonus，是注明採用日本新潟米。雖然我非常懷疑，以這個價位，根本沒有可能用正宗日本國產米，即使是普通日本米也不大可能吧？但既然店家這樣說，我也很難去與她爭辯。話明午市，通常包一杯飲品，這裡也不例外，可以選擇$22或以下的飲品。雖然講得好聽，但實際上衹有最基本的奶茶、咖啡、汽水選擇，唯一例外的是凍蘋果紅/綠茶或凍荔枝紅/綠茶。另外加了$15，叫多一客法國龍蝦湯。送餐的次序有點奇怪，飲品最快送到。凍蘋果綠茶的蘋果味非常清淡，差不多沒有一樣，反而糖水的味道相當厲害。跟著送上來的就是白咖哩香茅豬扒飯。咖哩味道是很港式的咖哩，香料味不太重，也缺少

收工係旺角行完街，女朋友話好耐無食過沙嗲王食白咖哩豬扒飯，於是就去左等位，等左十五分鐘度，有得食啦！我女朋友點左個白咖哩豬扒飯，而我就點左個安格斯肥牛拉麵，再加多個牛油雞翼。等左十分鐘度，拉麵到左先。拉麵幾香沙嗲味，ｄ汁都好濃味，但係我覺得個面份量就少左ｄ，唔係好夠食。跟住豬扒飯同個雞翼就到左啦，個豬扒飯真係好正，好香咖哩味，唔辣，另外ｄ洋蔥味好香，好彩我女朋友食唔晒，於是我就有得食下，個飯豬扒都好多，最後我地兩個都飽住走，一定會再去！

上次見個fd食白咖喱，好似幾正咁，又見到有沙嗲皇，即刻去左買黎食。 我買左白咖哩香芧豬扒配青檸甘梅蜜。飲品大大杯，好香檸檬同梅既味。 白咖哩有咖哩既香味，同時又冇辣味，正! 飯冧冧地，好有咬感。就

出去旺角見完客，上左沙嗲王食午餐。無理由次次都食白咖哩豬扒飯，所以見餐牌推介，所以揀咗鰻魚炒飯。個鰻魚炒飯炒得好香，夠晒火喉，但就同大多數餐廳一樣，比較油膩咗少少，另一方面，飯內裡既鰻魚又唔算少，有少少喜出望外。總括黎講呢個炒飯都算抵食。

實在諗唔到旺角仲有咩好野食，所以普普通通食沙嗲王做晚餐即刻有位唔使等但野食黎得比較慢用木盤上，估唔到沙嗲王都會注重呢d野，呢隻沙津唔係用沙津醬撈，係用青檸汁，酸酸甜甜無咁heavy，份量都幾多幾好味，但d蝦未解凍得哂，仲有d冰粒外脆內軟，唔會一夾就散，個脆皮都夠薄唔會一pat粉醬👍呢個好麻麻，一黎無咩味，以為佢有d肉碎係入面原來只係鋪d肉鬆係面，二黎蒸得太耐，太冧，個卷有少少一pat野既感覺中規中矩，食沙嗲王都係食番佢主打既咖哩好d

夜晚同一班知己去食飯，先知胡社生行4樓closed ,轉左去旺角山東街48號1樓 。呢間係旺角地鐵站一出行5mins ，夠哂方便。等朋友,小食先上 ， 牛油雞翼脆口 入邊肉滑身,好食脆蝦棒，香脆!蝦肉有點彈牙,而且油份甚少!不錯避風塘炸豆腐又係好好味，我朋友就特別欣賞果啲一粒粒嘅"避風塘"，好香口又有少少辣，幾開胃 這里的枱上有服務平枱， 。Waiter 很快便來，服務ok.

去沙嗲王通常唔係食白咖喱香茅豬扒就係蟹粉豆腐鍋，今次想試新野就叫多個咖喱炸魚飯，點知有意外驚喜喎。舊魚個size超大，中間都幾厚肉，而且係岩岩炸起夠曬熱同脆，咖喱就保持一貫水準，夠曬香濃，辣味都岩岩好。 其他兩樣就唔駛多講，招牌菜keep住水準，香茅豬扒夠香夠脆同肉夠淋，白咖喱勝在特別，甜甜地唔太辣。蟹粉豆腐鍋拎上黎果陣仲滾緊，熱辣辣，豆腐好滑，個汁好香濃，好有蟹粉味，送飯一流。

旺角依間分店夠唒大 每次黎到都唔洗等位 值得一讚已經多年無再黎過沙嗲王 最印象深刻係兒時同家人到此慶祝生日 當時覺得這些機會好難得相隔多年再黎到 佈置上無太大改動 仍然保存住一種懷舊既味道員工們都好親切主動 效率十分高同一位朋友叫左好多野食 當中海鮮忌廉湯真係十分岩我口味 用料一D都唔馬虎鮮茄焗餃子都好好味  皮不會太厚 醬料十分開胃 仲有芝士鋪面而一個芝士焗西蘭花幫我搵返兒時既味道 家中婆婆經常會煮依個菜 而沙嗲王既味道同家中既有9成相似係今次既一個驚喜 希望沙嗲王可以保持住依種味道 比我可以一再回憶

以前讀書成日食沙爹王，而家女朋友唔鍾意已經好少食。咁啱響附近搵到位泊車近近地食個快飯。我好鍾意食佢個白咖哩，叫左個白咖哩吉列豬扒飯加隻醬油蛋。白咖哩一樣咁好食，豬扒唔厚粉炸得剛剛好。至於個蛋就唔加好過加，睇樣好似唔錯，食落冇乜味。

與友人共膳，一如既往點了沙嗲肥牛粉絲，白咖喱豬扒飯和芝士年糕。白咖喱味道正正常常，但沙嗲粉絲同以前相差甚遠。上枱的時候，沙嗲粉絲結到一pat野咁，牛肉又韌，湯底口味極重，但無乜沙嗲味。芝士年糕好鹹，食幾啖就要狂飲水。幾年前兩個人食晚飯埋單唔使100蚊，宜家貴左成倍，食物質素反而下降左。

唔知食乜又想大家回家都方便，還是選擇旺角好，諗下諗下試下去一躺沙爹王吧，我又未去過當然贊成啦。呢晚我地7點半去到，上到去地方枱與枱之間都有點迫，仲已經好多人添，好彩友人早一步去到攞位，如果唔係一定要等位喇。入到去已經食住等，其實每碟份量都好細，所以我地都叫左３輪先食飽埋單，好唔好食就真係見人見智，對我來講就真是一般喇，真係志在同朋友聚聚。呢晚２小時共點了以下食品：① 自養肥大避風塘軟殼蟹 (標準$61)② 蒜蓉牛油雞翼 (四隻$36)③ 脆蝦棒 ($29)④ 椒鹽脆豆腐 (四件$29)⑤ XO醬炒蘿蔔糕 ($48)⑥ 雜錦菠蘿炒飯 ($52)⑦ 煙肉菠蘿茄醬酥皮薄餅 ($32)⑧ 奶油津白 ($35)⑨ 上湯時菜-小棠菜 ($32)⑩ 水手酥皮薄餅 ($30)⑪ 蒜香脆包 (4件$22) 配沙爹醬⑫ 熱即磨咖啡 ($23)⑬ 杏仁鮮奶珍珠 ($22)⑭ 抹茶鮮奶珍珠 ($28) x2⑮ 鮮芒椰汁仙草 ($34)Total = $541① 自養肥大避風塘軟殼蟹：賣相一般，算香脆又太油，有些少椒鹽味，味道算不錯。② 蒜蓉牛油雞翼：外皮炸得香脆、乾、唔油， 都算大隻，肉都滑，雞油加上牛油當然

小編同友人點左:白咖哩香矛豬扒飯，沙爹吉列豬扒粉絲，一口扇貝，椒鹽豆腐小編食既沙爹吉豬粉絲 吉豬幾好味 岩岩炸起 但個沙爹真係好一般!唔夠濃都唔夠香 同平時食開既比較真係前好遠 平時既沙爹會有少少辣 今似連一啲辣味都冇 味好淡 除左友人食既白咖哩豬扒飯係幾好食之外但一口扇貝同椒鹽豆腐都好伏 扇貝好細隻 簡直係冇肉食 椒鹽豆腐唔脆 成餐飯難食到連相都唔想影

友人腸胃炎，得自己食晚餐，但兩個人去茶記叫一份餐肯定會比人白眼，諗黎諗去，喺旺角都係去食沙嗲王。等左一陣就有位，上到三樓，原來大把吉枱，不過大部分都未執。除左白咖哩，呢個貴族焗飯都係我最愛。一半係肉醬一半係白汁，中間有隻温泉蛋，其實都係半生熟蛋，叫温泉蛋即刻感覺升level。肉醬酸酸甜甜好開胃，白汁好creamy，加埋炒底蛋飯，同焗到半滆嘅芝士，perfect match呀。叫左凍檸賓，跟飯飲品有半價。好香檸檬味，加埋甜甜嘅利賓納，又係好夾好好飲。

好耐無食沙嗲王，行行下旺角突然見到，所以就同Friend入左去食啦!唔知係咪太耐無食，連點菜紙出埋都唔知，不過咁樣的確方便左好多(Y)每一次黎，我都有幾樣野必叫既。除左炸軟殼蟹之外，蟹黃豆腐煲實在真係唔叫唔得!雖然只係配一碗普通既白飯，但係蟹黃豆腐煲就令呢碗白飯完全昇級左! 香濃既蟹味，加上豆腐既香滑，配以惹味既醬汁，淋上白飯上面一齊食完完全全係味覺既享受! 絕對建議大家一試!另外，呢到既野飲都唔錯，推介芒果特飲配西米!