沙嗲王 (已結業)

友人腸胃炎，得自己食晚餐，但兩個人去茶記叫一份餐肯定會比人白眼，諗黎諗去，喺旺角都係去食沙嗲王。等左一陣就有位，上到三樓，原來大把吉枱，不過大部分都未執。除左白咖哩，呢個貴族焗飯都係我最愛。一半係肉醬一半係白汁，中間有隻温泉蛋，其實都係半生熟蛋，叫温泉蛋即刻感覺升level。肉醬酸酸甜甜好開胃，白汁好creamy，加埋炒底蛋飯，同焗到半滆嘅芝士，perfect match呀。叫左凍檸賓，跟飯飲品有半價。好香檸檬味，加埋甜甜嘅利賓納，又係好夾好好飲。