沙嗲王 (已結業)

兩星期前的晚餐。叫了以下食物:鳳尾金衣: 用鹹蛋黃包着的炸蝦。蝦比想像中細隻, 一碟大約有14-15隻。由於蝦比較細隻, 都食唔出d蝦味。沙嗲肥牛粉絲: 用料充足, 有大量肥牛。不過好油膩, 還是少吃為妙。炸饅頭: 夠熱夠鬆軟, 不錯。鰻魚蛋石頭飯: d飯太腍, 加上蛋之後就好似「糊仔」咁, 都見唔到一粒一粒既飯。要改善！

怕吃辣的我從來都不會到專門吃咖喱或沙嗲的地方進餐,不過同行的中學同學極力向我推薦沙嗲王, 說那裡有很多不辣的選擇,於是我就膽粗粗跟她到沙嗲王去.我們兩個人點了三款菜, 包括了石頭鰻魚飯, 鮮茄芝士焗餃子和避風塘炒魔鬼魚.由於吃飯前沒有做功課, 不知哪一樣是招牌菜, 所以只是隨心意點菜. 雖然我們點的都不是招牌菜, 可是質素不俗,避風塘炒魔鬼魚惹味而不辣, 很有"鑊氣";石頭鰻魚飯雖然比不上韓國館子的石頭飯, 但是味道還不俗, 還有些飯焦呢!鮮茄芝士焗餃子就比較遜色, 鮮茄芝士汁和餃子其實味道不差, 只是兩者不能混在一起, 好像獨立吃芝士汁和餃子.雖然整體的食物質素不算是特別好,但觀乎其份量和味道, 價錢相當合理, 甚至稱得上"抵食"!而且環境挺不錯, 適合朋友們聚舊,下次一定會有備而來, 再試試其招牌菜!

星期六去旺角,唔知食什麼晚餐?我就想起沙嗲王,以前都食過很多次,覺得好食.食滿$20,送$2現金劵,如此類推.下次有效日期前使用.叫了以下菜式:脆蝦棒$22 : 每次必叫,覺得較為抵食.蝦棒很脆,內裏有蝦肉,點啲沙律醬,咬落脆卜卜,好滋味釀田螺$28 : 都是好好食.白咖哩香茅豬扒飯$36 : 又是每次必食.我好鍾意這間舖的白咖哩汁,配上豬扒,絕配,好食到無法形容,我的至愛.咖哩炸魚飯$36 : 就稍為普通啲,炸魚有啲腥,平時無叫過,所以試吓.酸辣無骨鳳爪$22 : 只能用很酸來形容.XO辣椒醬免費,我們吃滿$150送的,還有精美袋裝住.薄荷糖免費,埋單後,便會給每人一粒.服務一般啦,可能太多客人,有什麼需要,可按鐘,call 人嚟.

為食小隊再一次出動~因為想食甜品gei 關係, 決定lunch 食少d!所以就去食沙嗲王啦~XO醬炒蘿蔔, 一貫的"野"味!白咖哩豬扒飯, 白咖哩汁好好味!!撈飯一流!娘"野"牛柳飯, 牛肉好入味芝士焗年糕, 必然之選! 濃濃的芝士味包住軟軟的年糕, 正呀!!青蘋果綠茶 and 荔枝紅茶, 都幾好味~ 服務幾好呀!一開始佢安排左我地坐木桶型既枱, 但我地坐落覺得好唔舒服, 好辛苦所以就問下可唔可以換枱, and then個waiter 好好人咁幫我地轉左張窗邊gei "沙發" 枱, 嘩! 真的好很多!大d 舒服d呀! waiter 唔會黑面, 亦唔會say no, 真係幾好!!

食左幾次(每次黎都好多人)都係白咖喱好味，次次都會叫。白咖喱豬扒飯依舊咁香咁好味。脆蝦棒好脆﹐入埋個蝦餅好味。炸雞軟骨正，口感又脆又爽!荔枝玉露我覺得係佢飲品menu裡最好飲﹐算唔會太甜﹐其他野飲就……服務都ok既(以咁既價錢)，環境次次都會有d嘈lo。

是日BABE開始要摼錢佢suggest 去沙嗲王... 成9點幾十點都勁多人... 好彩一去到就有位... 點知佢比左張木桶型既臺比我地 ( 望落去好似你坐左個木桶入面食飯咁) 不過實在係太逼喇... 於是安排佢轉臺... 2個人叫左4樣野... 1. 牛油雞翼 (好好地可以比人叫半份) 2. 白咖哩豬排檬粉 ( 好小食curry 係湯上... 感覺都ok呀... 不過我就嫌個湯略油) 3. 沙嗲肥牛絲.. (味道好夠濃.... 有人將成碗湯飲晒) 4. 芝士蕃茄焗餃子 ( 佢話係好推介...不過好唔得... 佢係好求其咁蒸左d餃子..叫好求其咁加d 茄醬同芝士係咁e 焗一焗.. 個餃子完全冇味) 好欣賞佢既按制叫waiter... 仲有個mon show到你排第幾... 知道waiter 幾時過黎搵你..

六月廿六日(三)夜晚出旺角，好想食肉，於是揀左好耐無黎沙爹皇食，旺角尼間勝在夠大夠多位，去到見到好多人係門口等，但原來兩位可以即刻入得，幾好～沙爹豬扒飯沙爹皇沙爹個人覺得係非常唔錯，甜甜地夠香唔會辣，用黎餸飯一流，而餸方面揀左豬扒，個人認為沙爹自選排序係：豬扒>炸魚>牛肉=雞扒。豬扒用香茅黎整夠晒香同入味，而肉質亦唔不俗，配埋沙爹當然更好食~奶油津白津白都整得唔錯，不過唔夠大棵同有D渣，另加左臘腸令碟菜好油，臘腸始終都係唔夠鹹肉咁好~香葉包雞炸得唔錯，非常乾身，較細舊但食落味道好好，好過雞扒不小，外層夠晒香脆～肉醬焗餃醬汁香濃，唔小芝士係面，但餃子比較厚皮，饀料亦未見突出～脆蝦棒炸得香脆，似瘦版春卷，唔錯～避風塘鮮魷皇子($48)全日最差但最貴一碟，賣相幾好但有形無實，有熟蒜係面但魷魚食落淡而無味，墨魚仔食落口感亦無鮮魷咁好，要點沙爹汁黎食先好食D，一定無下次～芒果布甸布甸加上鮮芒果汁係面，雖無果肉但幾好食，亦幾滑～估唔到沙爹皇都食左成二百蚊，都幾誇張~ ~"

琴日老公生日，打算食飯慶祝，因為我之前都食過２次Satay King，感覺唔錯，所以今次帶左老公黎食！去到都差唔晚上十點，等左十分鐘左右就有位，不過環境好嘈下，令人覺得有ｄ煩！我地２個人點左３９蚊元貝冷烏冬(拉面)冇飲品４９蚊白咖哩豬扒飯ｓｅｔ有飲品，甜品，半客小菜２９蚊椒鹽雞軟骨上菜都ｏｋ快，係有時你想搵人，按極個ｃａｌｌ機都無人黎囉，不過有時ｄ人係附近都會過黎問下你要ｄ咩，就係慢左ｄ！元貝冷烏冬，我睇佢個牌ｄ元貝好大粒，點知俾佢昆左，有少少失望，真係細粒到呀（見下圖），不過勝左ｄ冷烏冬夠好咪，配冷烏冬既胡麻醬好正，ｄ元貝細細粒但都唔錯！元貝冷烏冬，堅係好食！所以我俾４．５分啦白咖哩豬扒飯ｓｅｔ，因為係老公食，所以我唔知咩味，但聽佢講味道好正！小菜揀左脆蝦棒（四棒），配埋沙拉醬好正！椒鹽雞軟骨，我見佢個碗細細甘，好似得好少，食落又發覺真係多，可能我開始飽啦，哈哈，好脆，不過椒鹽味唔算重，淡左少少，但抵食！本來都食得幾開心架，因為ｄ野好食，又唔算貴，後來就因為個甜品搞到老公好嬲！話說，我地一開始點菜個時，侍應話甜品得返布丁（個牌寫布丁/菄子），甘咪只好要布丁囉！食完ｄ野甘耐都未見佢上甜

白咖喱豬扒飯：全人類都話最正！必食！我都試過d白咖喱豬扒，事實係幾好架，白咖喱豬扒同飯分別係分開上，有好多白咖哩汁，而豬扒都有好多件，足以伴飯，我唸佢地撈埋落d飯度食，肯定係會更正斗！沙嗲牛肉粉絲：d沙嗲汁好濃，唔會稀，好入味，勁香既沙嗲味完全滲入粉絲同牛肉度，入口香濃，值得再三回味！正，鐘意食沙嗲既人必選！實岩晒你味口！豬軟骨拉麵：哈，又黎豬軟骨啦，豬軟骨份量合理，湯味濃郁！日式和菓子 & 芒果布甸：lunch包埋的甜品，味道ok，布甸幾滑。

12點幾去食lunch, 有set lunch, $39起，都好抵。當然係食白咖喱豬扒飯啦！配炒菜、青蘋果紅茶。白咖喱豬扒飯依舊咁正。個汁超多，椰味很香，淡淡的辣，撈飯一流。豬扒有3塊，好淋 (有少少o拿過)，但仍有咬口，香茅味濃，好食。炒菜都幾好喎，唔油又唔太咸，炒得幾香，椰菜爽口。青蘋果紅茶底有舊啫喱，配紅菜幾好，又唔會太甜。

昨晚同舊同事來了這裏食晚飯,我們一行六人,這裏也很大,有兩層,是魔渡王的佈置,我們坐了在卡位,都幾特別的,像床一樣有張簾在旁邊.食物方面都有很多選擇,我們叫了:沙嗲牛肉粉絲跟餐+一客蝦春卷(四小條)+一杯飲品(15元內)=$49,沙嗲牛肉粉絲很香沙嗲味,牛肉亦很淋很容易入口,好味,春卷很有芝士味,亦有很多蝦肉,好味.白咖喱豬扒飯跟餐+一客多春魚(三條)+一杯飲品(15元內)=$49,白咖喱豬扒飯真係好好味呀,我見有很多食評也說這個好味,所以一定要叫,真的很好味,雖然一點也不辣,但味道很好很香,因有些洋蔥及有些香茅的味道,份量不算大,多春魚也很香很脆,可以整條都食得.芝士焗年糕-幾好味,不會很膩,年糕的大小適中蒜蓉飽-比較燶,但都好味蟹肉扒西蘭花-很多蟹肉,我覺得味道一般炸饅頭-好味好香口避風塘炸豆腐-好味,外脆肉軟避風塘炒瀨尿蝦-好大件,但都好多肉及份量好多,有兩大隻芝士蕃茄焗餃子-這個我覺得太膩每人還叫了一杯飲品,飲品不是跟餐叫的話是半價的,整體來說這裏的食物很好味,價錢也很抵食,但每樣份量也是四件左右,如一大班人食的話就很難樣樣都可以食得到.我想四個人來就剛剛好了.

每次到沙嗲王食飯...都好欣賞佢地放o係枱上面用黎點菜gei電子器...因為唔洗成日舉高手叫侍應落單...加水...埋單咁...方便好多今次叫左沙嗲牛肉金邊粉+芒果紅茶+甜品餐...白咖喱豬扒飯+青蘋果綠茶白咖喱豬扒飯永遠都係咁好食...真係食極都唔厭青蘋果綠茶有舊好似啫喱gei野可以食下...味道唔錯沙嗲牛肉金邊粉之前未試過...估唔到都幾好味...個湯好濃好正芒果紅茶就差o左d...因為完全冇芒果味..好明顯係溝出o黎至於個甜品係類似糯米慈gei野...好味道呢間沙嗲王夠曬大...坐得幾舒服...不過埋單等找錢gei過程好耐...等找錢足足等左十分鐘有多

和妹妹兩個食既呢個下午茶因為有$18蚊COUPON所以今日除左叫兩個下午茶 兩杯野飲 仲叫左個小食白咖哩豬扒金邊粉, 白咖哩豬扒河粉, 荔枝玉露, 珍珠奶茶, 香脆雞軟骨白咖哩都係水準之作 招牌貨係唔同D珍珠奶茶 D珍珠痴埋晒一齊...唔係好得雞軟骨加檸檬汁就認真唔錯加埋$18COUPON用完之後 都仲送多$6蚊COUPON 呢個就係沙嗲王抵食之處

２4／6同３個朋友去食飯，叫左２個餐，一個餐有一個飯／粉麵，半份小食，一杯$１３或以下ge飲品，一份甜品（布甸／和果子），叫左白咖哩豬扒飯，沙嗲牛肉粉絲～再叫左，一個鰻魚石頭鍋飯，一個炸雞軟骨～白咖哩豬扒飯：仍然咁好味，ｄ白咖哩好香～沙嗲牛肉粉絲：食頭幾啖會覺得好好味,沙嗲好香,好濃~但係一直食落去...就會覺得好漏...開始覺得味道普通~鰻魚石頭飯：普普通通．．可能係我自己唔太鍾意石頭飯，無咩特別～炸雞軟骨，脆蝦棒：好味＊脆皮蟹鉗：層皮唔脆ge..一咬落去..層皮跌落黎..軟....榴槤飄雪：朋友食,話幾好味~布甸:um..唔好味...d汁非常酸,個布甸..唔似芒果味..唔知似咩味...＊＊服務唔係好得，ｄ　ｗａｉｔｅｒ好好慢，我地每次想加水，叫野食等，都要按４至５次制，先有人會黎．．果時已經係無咩人，我仲見到有大約３，４個ｗａｉｔｅｒ企係到傾計，我地叫佢，佢又無反應．．

難得一大班同學齊集在一起！本想吃餐Buffet，但時間也不早，唯有退而其求次，選擇了這間幫襯了不少次的沙嗲王。環境依舊，都是稍黑，我們七個人坐六個人位都還可以，不算太逼。點了：香茅豬扒，白咖哩汁另叫：豬扒依然味美，肉質不乾，白咖哩汁都很惹味，送飯一流。炸雞軟骨：每次都必點的，熱辣辣當小食吃一流芝士焗雜菌：芝士味不太重，不會蓋過雜菌原有的味道。蟹肉西蘭花：西蘭花炒得幾爽口，蟹肉雖是雪藏貨，但都唔錯喇。炒飯兩款：一款是有芒果的，味道和之前的沒有大變，芒果和炒飯依然配合，再加上蟹肉，是口感不俗的炒飯；另一款沒有芒果的，也不錯，普普通通沒有失準，頗乾身沙嗲牛肉煲：沙嗲汁惹味，但都幾濃味，送飯當然冇問題了；牛肉質素麻麻，但總算吃到牛味避風塘自養肥大軟殼蟹：軟殼蟹不算肥美而且幾細隻，但避風塘式炒起的確惹味！不記得名字的蒸粉卷：很普通兼沒甚麼味道的一道菜，可以不理！為了炸雞軟骨，當然會來Encore了！