沙嗲王 (已結業)

自從係女人街個間沙嗲王食到有虫後..女友想黎呢到食..當然唔會去女人街個間..就黎左呢間啦!上到去..咁岩有位..係一個幾偏僻既船位..但幾好..幾有私人空間..好有自成一角既feel但係..船入面張椅..好似有危樓feel..好唔穩..會左搖右擺..坐得唔多舒服..食物如下:鮮茄芝士焗餃子:茄醬味好濃又幾酸..唔太好味道..但芝士都幾好味焗一口貝:份量好少..但面上的芝士幾濃味..但係一口貝主角就十分細..法式龍蝦湯:女友話幾好飲..脆蟹鉗:外層的炸得不夠脆..軟左..份量一般..味道一般..雞串燒:點左醬之後都幾好味..但好似冇咩雞味?!珍珠奶茶:好飲!!!唔算太甜..珍珠一般咬口..唔太粉服務:服務生依舊無笑容..但都叫做冇落錯單..算係咁

其實我都食過好多次，次次都好滿意^^唔係好識寫食評，不過都好想將我既至愛推介比大家~食物推介：(排名分先後)1. 芝士焗年糕一直鬱悶點解呢個菜無「人氣」「推介」等字眼~"~可能我鍾意食年糕同芝士吧，我真係超愛呢個菜~芝士味夠，最好係上面會有一層煙肉粒，增加口感；年糕本身冇咩好講，因為個味好睇D汁，不過都唔會太硬或太軟身，好好咬口~與唔同既朋友去食都會點，大家反應都好好，仲聽講佢地自己之後再去食都必定點添~^^2. 沙嗲XX米線點解係XX呢?因為我覺得最好食係D沙嗲~味道濃郁~搭米線真係好正!!相比之下配菜反而冇咁重要了~3. 芒果蟹肉炒飯配上肉鬆，好香口~而且食過好多次都只有一次D芒果係偏酸，其餘都好好~不過就比較大碟，如果兩個女仔食可能只可以配多一兩樣小食。4. 芝士什菌飯芝士味足夠~而且什菌數量都好足~5. xo醬炒蘿蔔糕好大碟，兩個人絕對唔適宜叫，除非你只想食呢樣= =唔算好油，有d煙肉粒好惹味~可能我唔係太食得辣，所以覺得d XO醬份量ok。以上就係我最愛既食物嚕~飲品方面嘛…我都同意佢d珍珠類、雪香類(唔知點解都有珍珠)或普通港式飲品質素麻麻。但佢個杯「椰果水晶芝麻冰」真係無

TEA TIME, $17/set +半價既$就有杯drinks抵服務唔錯野食超得!!尤其是"沙o爹牛肉粉絲" 下次唔好食麵果d 啦試下粉絲啦,好吸到d沙o爹味, 正到暈!!!!!!叫左杯drinks, mint chocolate,好濃味幾好飲喎又!=]唯1差既係1入門口無人理..要自己搵位,之後又要禁制先拎水黎,不過所有野都good good good**

十年前, 我跟媽媽常常去沙嗲王, 感覺味道好及價錢合理.今天我去食了一個下午茶及越南豬肉粉卷, 感覺這小食很淡不好食,只是下午茶,兩個人食了八十多元(兩個下午茶及一個小食), 還不太飽, 太不值了.

白咖哩豬排飯正咖哩肥牛粉c正炸豆腐正豬肉粉卷唔好食,not my cup of tea

响旺角揾餐飯食對我嚟講永遠係一件苦差事...索性平平哋求其揾間算數...呢度嘅白咖喱出晒名，太太都係佢嘅fans之一。記得上次錯誤地選擇咗白咖喱湯粉絲，食味大減。今次不敢怠慢，正正經經叫番個白咖喱豬扒飯...咖喱味偏甜，食落毫無個性，又不太夠辣，not my cup of tea....豬扒太瘦，醃得亦唔夠味...嚟到沙嗲王，梗要叫D嘢同沙嗲有關。太座叫嘅沙嗲湯就極不錯，極香極濃厚，比白咖喱出色得多；配料嘅炸魚就不知所謂，魚肉完全冇醃過，淡如水....叫多味XO醬炒蘿蔔糕，稍嫌XO醬落得不夠，但食落又唔算太過油，已收貨....價錢唔太貴，水準普通，馬馬虎虎咁la...

一行3人,叫左1. 娘惹咖哩牛肉飯: ok gei...但唔係幾夠辣law...2. 避風塘軟殼蟹(加2倍): 大家o既"飛彿"...^^3. 多春魚: 個人黎講唔係咁鍾意,一向都唔係咁食gei..4. 薄餅: 麻麻啫...好似一舊粉咁...5. 辣酒煮螺: 呢個都唔錯...6. 3杯drinks: 我果杯係草莓雪香...um...ok la...無乜等別law...落單果位阿姐真係呢...個軟殼蟹我地都講明係要$88果隻,佢自己都double confirm左係$88加2倍果隻...結果上錯左$68果隻,我地問佢果時佢仲可以同我地講話"係ar...出錯左,你地可以要返碟normal size,咁咪夠食law..."即係變左要$68+$48=$116...呢個都唔係話差果$28 o既問題,問題係知佢落單寫錯定入面廚房出錯...但而家係佢地自己出錯點會要個客自己suffer ga???好在另外個staff即刻話補返比我地啫...

對上一次係食白咖哩豬八飯,因為人人都話佢係最出名.唔知佢係白咖哩出名定係d豬八出名啦..今次就叫左白咖哩豚肉粉絲(因為我摶佢係白咖喱出名).但係放湯咁上,其實都expect個味會淡左.果然,無咩味,但係個豚肉好似肥牛咁,好滑.個粉絲普通啦...不過佢有好多款,可以再試試其他

一行五個女仔選了這裡食野傾偈。芝士忌廉汁焗海鮮飯：超級大碟，好多芝士，成個面都係芝士。海鮮有蝦、青口、魷魚同魚。都ok 新鮮；飯質地唔錯，唔會俾d 忌廉汁整到太淋白咖哩豬扒飯：好香，必食，豬扒唔韌，白咖哩味香濃沙嗲雞扒檬：雞扒唔錯，唔會太肥膩，湯底濃味XO醬炒蘿蔔糕：好惹味，個邊脆脆地，好香，又唔會太oily越南豬肉粉卷：皮太厚，豬肉餡唔夠多椒鹽脆豆腐：外皮夠脆，豆腐很滑很嫩服務抵讚，服務員落單時笑笑口，又會提醒客人就快到tea time, 叫我們只暫時叫住小食，tea time 開始之後先再叫其他飯面。在沙嗲王傾了3小時才離開，無人趕，很好！

其實我一直都有食開沙嗲王,旺角銅鑼灣2間都成日食.當然,我覺得佢D白加哩同沙嗲都幾好食,黃加哩總是差小小,甘既價錢真係好OK...夜晚黎講2個人叫2個主菜加D小食都好合理,基本上百零蚊可以落樓~不過真係建議大家去到個度飲野唔好甘大期望,特別唔好飲佢個D扮有特色既咩咩綠茶/紅茶個D,因為真係好難飲,比過好多次機會佢,試下唔同既野都係唔掂,係間間都唔掂..最慘係連凍OT同奶茶都麻麻.唔知點解叫親呢2樣野都係D冰溶哂,溝淡哂...好唔掂..真係唔知飲咩好~推介: 白加哩豬排反 沙嗲牛肉粉絲 越南粉卷呢3個真係次次都必叫~旺角個間好多人,不過D服務員都好有禮貌CWB個間就唔爆既,不過D服務員就扮哂忙唔想理人甘~

這7、8 月我又係喺沙嗲王開餐了不少次…因為選擇廣又最緊要平得嚟都唔會太曳！其實嚟親我來來去去都係食凍濛、熱濛或串燒咁上下啦！但貪新鮮都有試試白咖喱豬扒飯及榴槤飄雪。一如既往一樣…去到任何邊間越南餐館我總係覺得湯濛係好食過凍濛~沙嗲王亦然。至於串燒係有三串及半打選擇。當中有豬頸肉、炭燒豬管骨及雞肉可揀~三樣中反而豬管骨係味道最佳！雞肉就一般…而豬頸肉就強差人意。咁白咖喱豬扒飯($46)我係揀了set meal~有主菜+小食+飲品(飲品以$13為限)白咖喱個汁都算唔錯~咖喱味幾香、椰汁味都幾重！係個人尺度覺得個汁鹹了少少。而豬扒當然係雪藏貨~著眼點不在這裡可大可不用理會…最緊要佢醃得唔曳！香茅味夠重…而且肉味都幾好~這豬扒做得比小巴黎好！(不要忘記我最近都幫襯了幾云)既然主菜除了白咖喱豬扒有幾樣可揀~小食當然亦照顧週到亦有幾樣可揀啦！本來想試釀螺…不過咁嘅天氣我亦無謂搏而且預咗有沙~咁就揀咗炸蟹鉗。都唔差…似乎好過酒樓一大啖肉嗰種添！至於榴槤飄雪就搵塊由呍呢嗱香精或淡忌廉製成的粉皮包著榴槤雪糕加cream…皮就煙韌~整慣西式甜品的人應該覺得佢那種呍呢嗱味係熟識的。至於榴槤雪糕就憑我愚見推

應該第三次來這間分店晚餐!貪這裡比較方便,而且環境也比較靜~1.蝦卷比較多油2.雞軟骨細細件容易入口,而且爽脆,值得一試3.焗芝士年糕,很容易膩,而且不容易消化,不過味道不錯4.魚翅撈飯,沒有甚麼味道,淡淡的5.榴槤甜品,都幾好味...喜歡榴槤香,但冰凍的就比較多'冰',炸的就外脆內香叫食物很久才有人過來......按燈也沒有人理要改善!

沙嗲王有樣野抵讚，就係佢久唔久就會推ｄ新既菜式。早幾日試左佢最新的娘惹咖哩牛肉，水準之作！咖哩夠香、牛肉唔會ｕｎ，雖然嗜辣的我會覺得佢唔夠辣，如果佢可以在點菜時分大中小辣，咁就可以比食客更多選擇啦！不過呢間分店有兩樣野要彈下。第一係冷氣超凍，而家夏天，我地一般唔會帶外套出街，凍到咁，成餐飯都覺得好唔自在，個咖哩仲好快被冷氣吹到唔夠熱！另一樣係佢個水吧有改進的必要！餐飲點了個芒果綠茶，點知飲落ｄ綠茶好似藥水味，沒有芒果味卻發覺杯底有一ｐａｔ未搞勻的者厘／醬狀的物料，好惡搞。頂唔順，跟住叫人換過杯穩健ｄ既凍檸茶，點知ｄ茶一陣煲焦左既味！其實分店都未試過飲品有咁大問題，希望呢一間可以改進下！

為食日子:7月13日~ 晚上約7時為食人數:3隻為食價目:114 蚊為食餐單:沙嗲雞扒飯$31沙嗲黑豚肉米線$31炸豬扒蛋石頭窩飯$42炸豬扒蛋石頭窩飯十分ok 因為佢d豬扒既肉配左蛋都幾好味, 而沙嗲雞扒飯同沙嗲黑豚肉米線就同平日一樣水準, 不過唔算係十分香濃, 近來都係希左d, 因為早去, 所以唔洗點等, 到食完約8點既時候, 出門口就好多人等緊, 個lift口都塞實哂, 差d出唔到...今日服務非常好, 因為我地分開3次叫, 一按點菜就有人黎, 非常好! 同埋出食物速度都正常! 海盜既裝潢唔係唔好, 不過我地後面有大大個果d假人係度, 感覺有人成日係你後面!哈哈!用了$34蚊coupon, 最後實際係80蚊找數, 仲有8蚊新coupon下次用!

27.06.2007夜晚去食飯,因為有30蚊現金劵,食左XO醬炒蘿蔔糕,好野味;叫左2個set dinner,白咖哩豬pa飯同沙嗲牛肉粉絲,保持水準,但係個布甸好藥水味,人地仲未食晒d野就上甜品,個餐包埋2個小食,炸蟹鉗同蝦春卷,好好味.....仲有叫多個鮑汁咩咩西難花,呢個真係唔錯..2個人好似叫多左少少野食,食到好飽....仲有送現金卷下次用,幾抵...