沙嗲王 (已結業)

同老公&女到沙嗲王食lunch。叫咗唔係好多野已經飽，因為D食物好易令人飽。白咖哩豬排飯，白咖哩好香又唔辣，加埋香茅豬排，配搭一流，好好味！龍蝦湯x2，好creamy, 有龍蝦味，都有D龍蝦肉ge，因為好creamy, 所以飲兩啖就已有飽ge feel。沙嗲牛肉粉絲，都係飽肚之選，沙嗲濃郁，牛肉份量都唔少，又大件，唯一爭係粉絲，太"num"，無mud咬口又唔彈牙。避風塘軟殼蟹，整得幾好，唔太辣，又唔太oily，好過和民好多。札肉雞絲凍檬，好味，因為檬粉唔係太"num"，口感好好，不過札肉同雞絲都無特別，而且札肉仲唔係正宗越南店ge札肉，我覺得似貢丸多D！芒果黑糯米，好大碟，又多芒果、椰汁、黑糯米，$29超抵食，份量& 質量都好好。

一行四個女仔，叫咗2個飯& 3 個小食！終於試到好多人讚ge白咖哩豬排飯。D白咖哩汁真係好香，好香咖哩味，又有香草味，辣辣地，好好食！豬排都值得一讚！好香ge香茅味，肉質好，唔會un！very gd!石頭窩鰻魚飯—可能因為我唔食鰻魚，所以覺得個飯有D腥;不過D飯好好，有飯焦，又夠熱！芝士焗年糕—好勁多cheese, 由於我唔鍾意食cheese, 所以無乜點食蕃茄芝士焗餃子—簡直係一個超級fusion菜。蕃茄&芝士combine jor 之後個味好怪，再咬落去，係中式菜肉餃！味道好騎呢！奶油津白—好味，but 不太特出！

雖然好多人但都只係等左5min就有位一行9個女叫左5個送3個飯!味道幾好份量同$$相宜個個都叫飽都震~每人只係$33!!!服務不錯唔使按制waiter都會自動加水坐足2小時waiter都冇趕我們走值得再去!

叫咗1)芒果糯米飯—估唔到咁大碟，咁多椰汁，D糯米好好食，好有咬口2)芝士焗年糕—好勁多cheese, 由於我唔鍾意食cheese, 所以無乜點食3)海鮮薄餅—炸得幾好味，好香脆，不過食唔到有咩海鮮！

又出咗新嘢喇，咖喱炒蟹、辣椒炒蟹、肥大椒鹽軟殼蟹...(仲有其他唔記得)諗咗肥大椒鹽軟殼蟹，都幾大碟，好好味，仲有好多炸茄子係底，正~下次要試吓咖喱炒蟹，因為有大、中、細size，兩個人都可以叫嘛^^

朋友生日, 特地先來視察, 我們16人, 經理說不設訂位, 但星期日若7:00前到應該可以盡量留到位給我們.我們如時到達, 真的能安排一行枱, 不錯.自訂餐單, 將以下餐單x2白咖哩豬扒飯$29.5香芒鮮蟹內炒飯$49芝士忌廉汁焗海鮮飯$45沙爹炭燒肉骨串米線$29.5法國龍蝦湯(每人一個) $12x8=$96椒鹽脆豆腐(8件) $35XO醬炒蘿蔔糕$39脆蝦棒$19.5芝士焗年糕$29日式海鮮薄餅$39特別推薦白咖哩豬扒飯, 沙爹炭燒肉骨串米線.其他食物OK, 可以, 但非特別出色. 份量足夠吃飽服務幾好, 收碟有講唔該. 沒有不愉快經驗加一除15(當然生日的不用給錢)=$60. 以這個價錢, 這種質素, 吃得飽, 在旺角, 星期日晚, 生日飯, 算得上非常抵食, 夫復何求

今晚同朋友仔睇寶貝計劃睇戲前黎食個早既晚飯兩個人都好肚餓叫左好多野食:蟹肉魚翅撈飯($38),白咖喱海鮮金邊粉($35.5),釀田螺($21).椒鹽雞軟骨($29),榴槤膏($6)食完口渴再追加左杯士多啤梨雪琶($19)蟹肉魚翅撈飯～蟹肉同素翅份量適中,味道唔會太濃,撈飯食唔錯,不過抵讚係佢會自動跟埋淅醋同酸辣汁俾你,但個人而言,咩都唔落係最好味白咖喱海鮮金邊粉～因為係湯金邊粉既關係,白咖喱好淡味,無之前食白咖喱豬扒飯咁好味,海鮮量少,得兩隻蝦加青口加少少魷魚,本身湯粉一律$29.5,咁少料仲要加你6蚊,下次一定唔再叫,好在金邊粉份量足,食完夠飽肚釀田螺～好油,而且食落無上次咁真係食到d螺肉o係入面,而家只係似鯪魚肉釀入去咋,無下次椒鹽雞軟骨～新鮮炸起外面唔會好厚粉,但椒鹽味少左dd同無乜吸油,幸好有檸檬汁加o係面,解番少少油膩感榴槤膏～賣相一般,外面用威化紙包住,好在榴槤味濃又幾滑,但下次都係想試番炸o個隻士多啤梨雪琶～似士多啤梨溝益力多加冰,冰粒太大唔夠滑口,夏天飲會好d,呢個天氣飲就凍死服務一般雖然只係開左半個場但人手都好似唔夠咁按左掣都要等一陣先有人黎應你我仲以為個掣壞左咋講真

九月十五日到此餐廳，叫了兩個炒飯、一個炒蘿蔔糕。飯炒相當有水準，蘿蔔糕亦相當不俗。店員服務亦可以接受

上星期六跟媽媽約了朋友仔+ 朋友仔媽媽來個四人聚會。四個人叫了白咖哩豬扒飯+ 沙爹雞扒粉絲+ 芝士鮮茄焗餃子+ 葡汁四蔬。白咖哩豬扒飯好好味，咖哩一d都唔辣，o岩晒果d唔食得辣的人，我媽媽就好鍾意。我就鍾意粉絲多d，味濃d。不過如果d豬扒雞扒可以剪一剪先上會好d，唔駛我地夾硬用筷子分來分去咁囉。餃子個汁唔錯，唔會太酸。不過個四蔬就麻麻地，汁太稀+ 太甜，d菜又太腍，唔係咁好食。之後坐坐下無啦啦有個侍應行埋黎大大聲咁講左一句「二人檯唔要，四人檯就要」就行開左，咁好明顯係想趕我地走o者，於是我地叫左甜品：芒果椰汁黑糯米+ 炸紅豆綠茶湯丸。湯丸唔錯，唔會太甜，不過個外皮太油﹔黑糯米就甜得滯(可能係我唔太鍾意食太油+ 太甜的野)。食物整體唔錯，價錢又抵，不過d侍應態度麻麻囉，同埋果部機按極都冇人理，呢樣就麻麻地喇。

八月十八日因為去唔成潮樓, 一肚氣, 行左陣街又要肚餓, 都係要醫肚先, 就諗起有張沙嗲王coupon就到期, 咁就去食啦...去到門口已經係九點幾十點, 居然仲要等, ok 等... 等左五分鐘就入得去... 令我地估唔到既係我地walkin仲好過係潮樓book枱既位.... (仲係好不滿...)我地叫左白咖哩豬排飯, 10吋長既瀨尿蝦(新野!), 脆蝦棒, 同蟹肉西蘭花, d野夠熱, 好好味! 不過叫唔到12吋長既瀨尿蝦同魔鬼魚.. 下次一定要試下~今日埋單$113.2 好抵又好味..

旺角呢間沙嗲王,我好中意...我去過好多其他ge沙嗲王,個Feel都無呢間咁正...又大間,都ok乾淨,幾個區域分得好清楚D野都叫做好野,我特別中意食個芝士海鮮飯(46蚊),Tea 同平日晚餐\仲抵,有野食tim^^而且,野飲都可以,最中意食個冰鎮活煮蝦^^好多人都一棚人黎呢度食,佢\都有特別設計GE多人位...唔駛D人迫位搭桌之類嘛,坐得舒服=)而且又抵又平,食過一次之後,佢\已經成為左我GE食堂lu...有時,仲可能有d 特別平ge Promotion tim^^都要講下ge,就係服務態度唔算特別好,有時禁極掣都無人應你咁囉,可能太多人啦...

同朋友行開街諗唔到食咩,所以坎左上黎食,岩岩一開始早食飯,唔洗等位就有得坐,入到去一心想食檸粉, 但臨落單先知冇得食,轉食麻辣米線,朋友就食海鮮泡飯,另加一個芒果大蝦沙律,食過後覺得個沙律有少少酸,落得太多檸檬汁,個麻辣米線就淋左d,都算麻泡飯味道不俗, 但不是美味服務態度不錯, 係每張desk上都有一個叫服務的東西算是不錯

今日跟舊周學去了女人街分店,但太人多了(值得嗎?)結果去了旺角沙嗲王(胡生行),之前去了一次,一樣很多人,但都等了一會就可進內,效率可頗高呢四人共點了架喱炸魚,架喱牛肉,海鮮湯麵,炸雞軟骨(很油膩),焗芝士雲吞,味道ok吧,但以前這架喱真的辣中有香又甜,但今日遜色一點,要改進喇食物味道ok,不過想起之前一次去沙嗲王,見到廚房有許\多微波爐,相信大部份食物都是預先做好,到時再翻熱.如推斷成立,我們畀咁多錢,廚房將交來的架喱翻熱,再淋上叮過的炸魚,我們在這裡豈不食\"波仔飯\"?幸好沙嗲王一向價格都不貴,每人都約70元,加上環境有一貫特色,感覺上可接受了.

好黑仔.. 個晚同男朋友一齊係呢間食完野之後.. 又肚痛.又嘔..好申苦個晚食左以下:-1. 沙嗲雞扖粉絲2. 炸蝦卷3. 炸豆付4. 海鮮炒飯係呢到大家講, 係想大家小心.. 小心

幾低食, 個日式龍蝦沙律都幾好食, 仲有個麻辣海鮮就真係辣左d><"雞軟骨都幾好食幾大粒架!!!^^