影片
更多
2008-01-23
16 瀏覽
其實我都食過好多次，次次都好滿意^^唔係好識寫食評，不過都好想將我既至愛推介比大家~食物推介：(排名分先後)1. 芝士焗年糕一直鬱悶點解呢個菜無「人氣」「推介」等字眼~"~可能我鍾意食年糕同芝士吧，我真係超愛呢個菜~芝士味夠，最好係上面會有一層煙肉粒，增加口感；年糕本身冇咩好講，因為個味好睇D汁，不過都唔會太硬或太軟身，好好咬口~與唔同既朋友去食都會點，大家反應都好好，仲聽講佢地自己之後再去食都必定點添~^^2. 沙嗲XX米線點解係XX呢?因為我覺得最好食係D沙嗲~味道濃郁~搭米線真係好正!!相比之下配菜反而冇咁重要了~3. 芒果蟹肉炒飯配上肉鬆，好香口~而且食過好多次都只有一次D芒果係偏酸，其餘都好好~不過就比較大碟，如果兩個女仔食可能只可以配多一兩樣小食。4. 芝士什菌飯芝士味足夠~而且什菌數量都好足~5. xo醬炒蘿蔔糕好大碟，兩個人絕對唔適宜叫，除非你只想食呢樣= =唔算好油，有d煙肉粒好惹味~可能我唔係太食得辣，所以覺得d XO醬份量ok。以上就係我最愛既食物嚕~飲品方面嘛…我都同意佢d珍珠類、雪香類(唔知點解都有珍珠)或普通港式飲品質素麻麻。但佢個杯「椰果水晶芝麻冰」真係無
唔係好識寫食評，不過都好想將我既至愛推介比大家~
食物推介：(排名分先後)
1. 芝士焗年糕
一直鬱悶點解呢個菜無「人氣」「推介」等字眼~"~
可能我鍾意食年糕同芝士吧，我真係超愛呢個菜~
芝士味夠，最好係上面會有一層煙肉粒，增加口感；
年糕本身冇咩好講，因為個味好睇D汁，不過都唔會太硬或太軟身，好好咬口~
與唔同既朋友去食都會點，大家反應都好好，仲聽講佢地自己之後再去食都必定點添~^^
2. 沙嗲XX米線
點解係XX呢?因為我覺得最好食係D沙嗲~味道濃郁~搭米線真係好正!!相比之下配菜反而冇咁重要了~
3. 芒果蟹肉炒飯
配上肉鬆，好香口~而且食過好多次都只有一次D芒果係偏酸，其餘都好好~不過就比較大碟，如果兩個女仔食可能只可以配多一兩樣小食。
4. 芝士什菌飯
芝士味足夠~而且什菌數量都好足~
5. xo醬炒蘿蔔糕
好大碟，兩個人絕對唔適宜叫，除非你只想食呢樣= =
唔算好油，有d煙肉粒好惹味~可能我唔係太食得辣，所以覺得d XO醬份量ok。
以上就係我最愛既食物嚕~
飲品方面嘛…我都同意佢d珍珠類、雪香類(唔知點解都有珍珠)或普通港式飲品質素麻麻。
但佢個杯「椰果水晶芝麻冰」真係無得頂!料足但又唔太甜，每次必叫飲品~不過要記得少冰，如果唔係真係超多冰；如果唔想作為飲料，佢都有款甜品係一樣，個名就從「冰」變做「露」，份量少d，但無冰阻住晒都好好~
鍾意旺角呢間，係貪佢地方大，唔似海防道個間d位咁迫，不過佢地好忙，好多時按左掣都冇人黎，有時甚至見到佢地按左取消但冇人黎；試過有個侍應，送食物黎時又唔會執下d位，求其將個飯"攝"入黎就算= =服務唔算太好啦，不過佢咁忙我都可以理解既....
不過時時都好多人，最弊佢冇得訂位，唔想等就6點半前去吧。
張貼