池記 (已結業)

今天太悶熱...可惜附近找不到冷麵....唯有吃得清淡一點! 今天叫了個水餃米加柱侯蘿蔔! 前者米餃三隻夠我食啦...啲料好足...不過...冬菇未淋....我要吐出黎係敗筆! 蘿蔔就普通...不係太入味!

呢個星期超累，完全冇時間同精神去寫食評，趁今日星期六睇完波有ｄ時間，就補番ｄ食評先！先是禮拜三，難得兩位靚女大忙人約我食飯，點都要抽時間出席，就連西班牙場波都冇睇，都幾大損失，哈哈！又係去朗豪坊，但今次好似特別多人，真奇怪。行勻成個圈，一係ｄ餐廳唔岩口味，一係就勁多人，最後來到池記。這裡的檯的設計實在唔多實用，又放唔得多野，我個frd成晚都覺得好唔順眼。坐定定就點菜，每人叫一個餐share食，有豬軟骨飯、魚片手打魚麵、黑椒豬扒飯、瑤柱蘿蔔、炸南瓜卷和豆腐花。幾樣野都唔錯，豬軟骨有口感，蘿蔔算入味，黑椒豬扒幾多肉，不過手打魚麵就一般之後既豆腐花亦唔多滑。總括來講，食物不過不失。難得同久未露面既靚女專業人士食飯，當然會傾好耐計。幸好呢間餐廳都唔會趕客走，服務還算可以。不過呢間食肆唔知點解只收現金，本來我想盡男士既風度去埋單，點知身上得幾十蚊，真係瘀皮。

想對自己好啲...又唔想食得太heavy....見人少少又全店非吸煙....就入左去...!叫左個A 餐....雲吞河加灼芥蘭...雲吞四粒...細細粒, 但有成隻蝦...都幾新鮮...啲河粉細細份...岩哂我...男士一定唔夠(兩碗都可能唔夠)! 因為而家芥蘭唔係時候...預左無冬天咁好食...不過...我較喜歡硬啲既菜...! 整體幾好...服務都周到...不過...五點幾六點...人少少...好啲既!

聞說池記在朗豪坊開分店,年前吃過羅素街老店,感覺比何洪記好,新店開正油尖旺年青人之熱點,睇下呢類老字號,能否打進時下年青人的心?兩個人其後諗住會食多餐,得知呢處有細蓉供應,份量少岩晒我.細蓉名乎其實細細碗,兩粒雲吞,加兩口可收服的麵條,雲吞豬肉多過蝦,賣$12一碗.係咪"超好味"呢?我真係講唔出.究竟,咩係超好味呢?就算係一碗好吃的雲吞麵,好味都唔會令人驚喜.用大地魚煲的湯底不錯,幾清甜,麵條鹼水味唔重,比起坊間標榜大碌竹壓麵還好.要挑惕的,就係個雲吞唔係散尾.感覺上無咁過癮.($12一碗,咁細碗?真係呃錢.)我無話可說,咁街邊$10碗咩記物記,一定係你心目中果碗雲吞麵.炸雲吞也不錯,炸得比較薄身.細細隻一啖一隻,貫徹至終地細,雲吞本應就係細隻,嫌細的話都係去番上面講果批咩記物記罷.米通鯪魚球就失色,米通甩皮甩骨.得番一半,雙重口感都係得一半.比起馬交仁慕巷的六記,差得多了.柱候蘿蔔質感麻麻,可能已經比阿鴻同車品品寵壞左.眾年青人吃罷後,可能番去老麥,或者港式平價日本放題,呢類老字號,佢地會覺得呃錢的.廿幾銀一碗雲吞麵,夠我在老麥吃個"飯Tastic"喇.你聽容祖兒,我聽Bjork,大

睇完蔡瀾推介去試,又真係幾好!D湯好味,成碗飲哂唔口渴.細蓉,蟹粥,都勁好味.蝦子撈麵真係勁多蝦子.D阿姐服務都好.價錢比麥文記稍貴,但格局高好多,可以同女友再嚟,唔失禮.

2月19日同朋友去朗豪城睇戲，諗住去池記醫肚先，點左個炸醬撈麵，一罐汽水(成$10)，跟麵有個湯送的。第一碗上台0既湯入面有隻黑色有翼0既小動物浮在響度，我地"yup" 左阿姐過黎，一句唔好意思話轉頭換過碗畀我地，轉頭就換左呢一碗...個碗出面...匙羹...完全係...好誇張囉，唔知係冇洗乾淨定係根本冇洗過上手飲完就直接上，定係直接倒左我地頭先果碗再"畢" 過，今時今日0既飲食業...最基本0既衛生都唔掂，點令食客有信心呢？以後都唔會再幫趁呢間架喇，唉...

睇完戲, o係個雪櫃咁凍o既戲院出返o黎, 唔想食壽司凍冰冰, 於是o黎呢度.魚片手打魚麵: okay, 但份量幾少.鮮蝦/菜肉雲吞麵: 雲吞皮薄精塋通透, 味道亦好, 仲有成六七隻, 唔錯.芥蘭: 索索聲, 好.服務亦出奇地有禮同周到.

下午茶餐,麵既size 係比較細但包埋野飲,又可以坐低傾下計,$20算係咁la同埋主角係係d辣椒油度,佢d辣椒油好香架好似加左d瑤柱c係入面咁,我個frd次次去到都食晒人地成樽架真係失禮晒!!

推介: 軟殼蟹米粉- 好食又大隻, 價錢較貴水餃麵- 味道好招呼差, 想落單, 侍應即舉起"stop"的手勢, 以為她很忙, 居然在閒聊.

雲吞麵是香港地道美食, 亦陪伴著我們成長, 可能在某些人心中, 有著特別的意義. 你十六歲那年, 第一次約會小女友, 兩口子一起吃的第一餐, 就是雲吞麵. 小女友變成太太, 蜜月旅行十多天歐遊後回港, 第一種想吃的, 亦是雲吞麵.上月在朗豪坊池記吃了雲吞麵及牛腩撈麵, 雲吞和麵皆平平無奇, 湯只是暖的, 不夠熱, 如果這是十元一碗的大眾化雲吞麵的話, 絕無投訴, 但是池記賣的是二十多元一碗, 這樣就是水平之下了. 牛腩撈麵並無伴著湯送上, 池記的特式還是遺漏了??? 撈麵的麵"散修修" 的, 毫無口感.侍應的態度, 實在不敢恭為, 茶喝完了, 請侍應A 添茶, 侍應A 吩咐侍應B , 侍應B 轉告侍應C , 七至八分鐘後, 茶, 施捨而至! 某侍應送上三色齋時, 其中一條齋在碟邊如蕩千秋般蕩著而行及上桌, 該侍應就視若無睹!朗豪坊池記, 幫幫忙, 請你不要破壞雲吞麵的形象, 亦請你留意劉德華先生那已經街知巷聞的宣傳名句, 不需要身體力行地把反面教才演譯出來, 因為, 已經有很多香港食肆把服務質素反面地演譯得比妳更透徹!

星期六, 放工後和朋友到郎豪坊行街, 肚餓想食麵, 入到池記Order 蚧粥,雲吞麵, 炸醬麵; 寫Order 這位侍應正在寫另一位侍應問有冇寫過雲吞麵, 手拿住一碗雲吞麵很冇禮貌又大力就放在我面前, 我很不高興叫寫單這位侍應取消立刻走. 侍應態度太差......

地少人多,食肆少食客多,令呢d咁o既食店都做得住.食物一般過一般,價錢就非一般.service更加唔好提,街邊檔都好過佢.想食麵,行一個街口已經大把選擇啦.唔想行又唔想等位咪呢間囉.若果唔嫌煩咪上多幾層望,多好多選擇.呢間令我諗起皇府...不中亦不遠矣.

有次黎哩間池記食野食到把火.侍應十問九唔應,又大大聲講online game.叫左個套餐,隻羹崩既個碗又污糟都由佢,碗雲吞面又細碗(同隔離果臺碗細蓉一樣size,淨係多粒雲吞,搞錯!),又勁有"壓"味,可樂雞翼成隻都係毛又勁咸,出面食更好味0既雲吞面都唔洗$40啦,比少少誠意好冇.

老公一向對雲吞水餃牛腩等河粉麵嚴謹! 昨晚行經池記, 姑且一試。37蚊套餐, 叫左一碗雲吞米+ 小食, 1粒雲吞有3粒蝦在內, 味道一般, 冇感覺, 小豬肉; 小食叫左一碟韮菜, 不過, 我呢世女都未試過食冇全無韮菜味既韮菜囉~~　真係要請教佢地邊度返貨同點樣淥!!!

尋晚睇完呢到d食評都有去食, 食左粥(及弟粥和皮蛋瘦肉粥),豬軟骨,可樂雞亦, 雲吞及水餃, 蠔油冬菇, 其實都唔係咁差啫, d雲吞o既蝦都幾脆同新鮮, 蠔油冬菇炆得好入味,最差係可樂雞亦, 咸到爆呀! 及弟粥唔算好餸, 但係d粉腸好好味!