池記 (已結業)

買完衫之後, 到四樓找吃的去, 經過池記的門口, 看見米芝蓮的介紹, 和表姐入去食了坐低之後, 指示侍應要一碗雲吞麵和一杯意米水的套餐, 再加一客貴妃雞菜飯兩份食雲吞麵是一碗超迷你的size, 麵只吃了幾啖就食完, 表姐只分到一粒雲吞, 份量真的很少, 味道則不錯, 雲吞的餡沒有肥豬肉, 雲吞皮很薄, 好好味貴妃雞菜飯是用一個木桶盛住, 雞是有點咸味的, 雖然雞胸比較鞋, 但味道卻是不錯, 菜飯都很有水準, 唔會太淋, 菜絲不少, 調味過的飯很開胃貴妃雞菜飯跟餐的小食我們選了炸鯪魚球, 面層有條狀的炸粉, 令鯪魚球更香脆, 可是個蜆芥汁用了太多的燒酒, 我個人不是太可以接受兩個人吃了八十蚊, 無加一, 價錢不會太貴, 可以吃到米芝蓮餐廳, 都不錯

旺角都有間我喜愛的池記, 今次專登去朗豪坊食B餐係一碗及第粥,有一碟蠔油菜心同一杯熱豆漿, 及第粥其實係一碗什錦粥, 配料有鯪魚球豬肉丸等等, 其實配料都只係次要, 我覺得佢好食因為佢既粥底好靚, 夠米氣, 夠滑! 有少少咸咸地既味, 好似係雞粉既味道 (只係覺得味道似雞粉, 唔係話佢落左) 我自己就覺得呢種味好啱我食啦!四十五蚊一個餐, 價錢都幾高, 不過品質唔錯, 都會嚟幫襯

來吃下午茶,23蚊(不計加一)有一碗細蓉加一杯嘢飲,價錢算OK啦!!一入來,很多枱像打完杖,無人執搭,叫嘢無人寫,但眼見所有侍應也很忙無偷懶,明顯人手不足,是高薪管理層的問題,用這麽多錢造品牌,連最最基本的服務也做不好,炒一二個無用高層,換一隊前線侍應吧！雲吞麵的湯底是大地魚加蝦子,味濃;蝦彈口大隻但無蝦味,皮很薄;麵,太硬,無彈性;最嘔心是雲吞内那隻蝦的腸,黑黑的相當肥大,很特出;我決不敢相信這就是"米芝連"唯一推薦的雲吞麵舖,實在令香港蒙羞!!

下午茶來了一碗雲吞麵,廿幾蚊既雲吞麵未食之前都幾有期望,因為話哂係米芝蓮介紹的食肆播麵到了,有點失望,因為十分十分之細碗,細看餐牌,一碗正常的雲吞麵要三十多塊,這碗迷你的似乎真的少得有點可憐,不可吃飽呢..味道就幾好,雲吞幾好食,蝦肉唔會梅,算係新鮮,麵身彈牙,湯係清清地上湯,只係有點不夠熱..被價錢的低給騙了進來,但唔係唔好食,只係有點覺得少...

通常一個人食飯, 我都會常來這間池記. 今日如常點雲吞撈粗, 米通鯪魚球.但今日既粗麵, 鹼水味實在太重. 落左一湯匙醋都中和唔到. 雲吞水準還可以, 但連續兩粒食出蛋殼 ... 鯪魚球, 魚肉依然彈牙, 但比以前細粒左 ...我希望唔係因為得到米芝蓮推荐而變成咁 ...

2009年1月14日晚飯 – 池記(朗豪坊)與男友到旺角購置電視機, 到達朗豪坊後男友想食個快飯早點回家, 因為他早已在我們的家預備了無限驚喜待我回去發掘, 我當時當然是不知情啦…結果選了池記, 原先本想點選它的招牌雲吞麵, 但被其他餐牌所吸引, 最後點了,1.金衣蟹皇粥 – 只有雞粥底既味道, 完全沒有蟹既鮮味, 失敗之作 2.炸鯪魚球 – 炸得剛剛好, 蜆蚧醬亦很惹味3.蛇羹 – 不俗, 料足, 夠味, 味道很香且沒有腥味, 推介之選 4.臘腸膶腸飯 – 賣相冇得彈, 膶腸味濃, 食落相當有層次感, 男友第一次食膶腸亦讚不俗…不過膶腸迷的我當然嫌份量不夠, 如果可以2x膶腸 + 1x臘腸或3x膶腸就perfect 雙腸飯的賣相真的令我滿心歡喜, 如此價錢如果座位及環境可以鬆動一點就較好, 冬天又袋又大褸攬住食飯, 真的食得不太舒適呢…

08-12-26云吞麵套餐$38+$2薏米水白灼菜(套餐)蟹粥套餐$66米通鯪魚球(套餐)佢比米芝蓮介紹過,有朋友話蟹粥好食, 咁就嚟試云吞細細粒, 係傳統嗰隻, 隻蝦唔係大大隻嗰種,麵都尚算彈牙, 鹼水味唔重,反而個薏米水就几好,唔太甜,食到粒粒薏米到食蟹粥, 食落有燶味,粥都係綿嘅,有成隻蟹喺入面, 隻蟹都有鮮味鯪魚球一般,不過不失,冇乜驚喜,唔係炸到好油,但個蜆介就咸咗小小合共$106

一月中旬下午茶大朝早吸受了不少油脂，雖然脂肪＝美味的方程式不變，但過量的話腸胃也會作反，要找點澱粉質作平衡，否則今晚相信會幾難過的，大冷天下不如吃碗粥吧。雖說是雲吞麵世家，大地魚蝦籽湯底也不錯，但見有賣蟹粥，看隔離檯食客的那碗賣相不錯，比起艇仔粥、及第粥更吸引，要來一碗。人客不少，等約八分鐘有得吃，雖說粥底是煲定，也需要後期加工的，以七成入座率計，效率頗高的。以靚仔小木桶盛著，木桶口經不大，放下小隻膏蟹蓋後感覺蠻豐富的，濃稠粥底加上蟹糕粒、咸蛋黃，還伴有蔥段，色水對辦，食慾也多了一點。粥底綿滑，雖欠米香但下過味，亦加了咸蛋黃同乾蔥同煲，味道甜美豐富，迷理膏蟹除膏可取外，肉是很散，對粥的味道無甚幫助，廣東粥說到底都是粥底行先，還是喜歡鮮味一點的水蟹粥，當然這小桶蟹粥收五十元，雖然不平，但交足功課，起碼連乾蔥頭都煮得夠腍身甜美，滿意了。說說服務，靚姐態度不錯，只是很失暈拿著茶壺替人加茶，路過多次，卻總不會加到自己那邊．．．

為左睇戲, 晚餐要快。去左池記, 唔駛排隊, 快!叫左2個餐, 1碗雲吞麵, 1碗皮蛋瘦肉粥, 1碟菜心, 1碟雞翼, 1杯豆漿, 1杯銀菊露, 承惠$96!不過講真, 碗麵同碗粥好好食!!

行行下街搵地方食晚飯..最後揀左池記..本來打算開開心心食野點知服務態度就差左D....兩人叫左:鮮蝦雲吞麵竹筒貴妃雞菜飯菜心一碟D麵幾好, 唔係好似出面咁鹼落左D XO辣椒醬..幾好!竹筒飯賣相唔錯! 不過我覺得貴左D其實都係菜心最貴...得個4~5條...同埋好似未煮熟LOR假如好食既話我唔會覺得唔抵但咁既QUALITY我接受唔到個人覺得呢間野一般般啦!不過多數都唔會再番黎食

08年7月2日同朋友好不容易約會 , 剛好佢有d 病 , 提議食清少少 , 佢choose here :話平唔平,貴唔貴 , 叫左2個set($42 + 2) :佢要左雲吞麵 , 我要左牛腩米 , 牛腩比想像中好食 ,一幾入味不過可以就唔好叫set , 好唔抵 , 杯豆漿又無味

本打算來吃下午茶點的食物卻像晚餐!二人點了:套餐: 蟹粥+咖哩籮白魷魚炸醬麵淨雲吞蟹粥和炸醬麵味道平平咖哩籮白魷魚更是不堪但池記的XO醬,真是卓悅超凡!配上它們的滋味雲吞,真的很想把整瓶醬都吞下令人再三回味

池記o既價錢幾相宜--有麵、菜飯餐, 可以配多款小食、油菜或糖水, 都係四五十蚊。牛筋撈麵: 麵好硬, 汁又唔多夠撈, 一定要加湯, 但又溝淡左d味; 牛筋夠味又夠稔, 正! 雲吞撈麵: 我試左d雲吞, 細細粒, 但食倒有蝦味, 都可以。蘿蔔牛筋菜飯: d餸同我果個差唔多, 係份量多d同有蘿蔔; 而d菜飯好似幾靚, 下次可以試下灼菜心: 當造好食~炸南瓜蝦卷: 夠脆又夠熱, 但只見一塊薄薄南瓜片做餡, 唔覺有蝦bor鹵水雞翼: 大大隻, 味道唔錯; 但唔夠熱另加$2o既豆漿: 淡如水, 無豆味。坐得舒服又有人serve 都係food court價

呢間係銅鑼灣的老店係朗豪坊開左分店, lunch時間來到, 叫左一個有雲吞麵+咖哩尤魚蘿蔔的套餐($42), 另加$2要左杯豆漿雲吞麵係呢度的名物, 來到一定要試, 雲吞麵係傳統風味, 細碗...剛好裝滿一個麵, 無多無少, 麵用上銀絲幼麵, 無咩鹼水味, 爽口彈牙, 配上菲黃大地魚湯, 有水準雲吞有四粒, 全部細細粒, 帶住一條金魚尾, 絕對傳統的包雲吞方法, 蝦的比例比豬肉多, 一啖一隻啱啱好, 配菲黃大地魚湯真係一絕可惜呢碗有水準的雲吞麵係旺角區比較貴, 我想肯定唔會係金融海嘯下的首選雲吞麵

蔡澜先生介绍它的细蓉，说是硕果独存的经典小吃，其实就是一小团面盖在两个云吞上，吃起来没觉什么特别。净云吞（鲜虾馅）质量还可以，结实饱满。套餐还配一份小食，鲮鱼球是典型的港式小吃，炸得很到位，不过量较大，小心撑着。