池記 (已結業)

食左一個優惠套餐,要成$37,可揀一款麵同一款小食,於是要左一個牛腩河加一碟可樂雞亦,因為對牛腩河無期望,深知在普通一家店子好難食到好正既牛腩,過得去已可,所以今次覺得ok喎!至於可樂雞亦,則有好有唔好,所以拉勻,我初時以為只會有兩隻,點知上桌知有四隻咁多,呢個當然係一個驚喜,不過,味道就係令人失望既地方喇!因為鹵水味好重,完全掩蓋左可樂味,唔係太好囉!

我今日食個撈榊面超難食..d 面"簡"咪好重, 食落去變苦, d湯又有燒焦味...我朋友話個魚粥都唔好味...我只係食呢兩樣, 都係食左一半...從未試過d咁難食既嘢。

o尋日放假同朋友行朗豪坊，就近速戰速決搵食。我o地每個人都叫o左個餐，我就要了個冬菇雲吞粗麵，加個雙色齋。冬菇雖然厚身，但好入味，又有口感，而雲吞好細粒，食落口覺得係全是蝦肉，食不出有豬肉的感覺。鹼水味唔算重。雙色齋真係唔多好食，腍pat pat，酸味同蠔油味都唔突出。另外個fd食左魚旦麵加豆腐花，佢話魚旦一般，好多麵舖都可以食到。而個豆腐花佢話幾滑，暖暖地，就算夏天食都唔駛食得咁辛苦。第二個fd就食炸醬撈麵加芒果布甸，碟撈麵好多大碟，色水都唔錯。而布甸就話麻麻地，唔夠芒果味。我o地再加多碟灼芥蘭，細細碟份量又少，勝在d芥蘭又幾嫩。大致上都係一般，如果唔係趕住行街，都唔o黎食。

快速評價:淨鮮蝦雲吞($20)- 一碗八粒, 味道平平...!金衣蟹皇粥($48)- 用木桶裝起粥, 大大桶夠特別, 份量足一隻Born in Thailand的蟹仔, 粥底金黃色, 味道但遜色...(冇蟹仔味)! 三色齋鹵味($22)- 名副其實有三色, 但味道就不出色...(得一種悶味)! 2:00am GOOD NIGHT......zzzZZZZZ !

不要抱太大期望，唔算抵食，一個餐廿幾蚊~ 30 蚊，豌面唔算大，但甜品好味!

同家姐2 個人食,叫左2個套餐--水餃河同雲吞撈粗+2碟油菜.撈面有6粒雲吞,但雲吞略為細粒.水餃河都幾大碗下!味道都ok..下次再幫襯過^o^~

睇戲前黎食個快lunch,同男友叫左佢食) 雲吞麵+ 紅白($31): 碗麵份量非常細,男仔應該食3 碗至夠飽, 男友話覺得味道一般,唔值咁貴喎! 紅白只得熱食,佢話冇乜豆味,ok啦(我食)皮蛋瘦肉粥+ 油菜($36):皮蛋少左d,好彩味道唔錯,唔會太杰(我鍾意!)或太粉水,食完都冇乜點口乾,應該冇乜味精. 不過佢加左羌絲落去,我唔鍾意! 芥蘭都幾嫩,但呢碟菜散叫要成$16,真係好過去搶!其實食物質素就ok,不過計埋價錢同份量就唔抵食,如果唔係趕住睇戲, 附近應該有更好既選擇!

行完街再搵野食，俾池記o既套餐(湯麵or飯or粥+油菜or糖水)吸引住~ 因為好想食暖立立o既糖水，於是就去左試試~ 我地要左兩個湯麵套餐，一個要糖水，另一個加$2將油菜轉雙色齋~ 雙色齋賣相幾靚(有蘭花做裝飾架~^^)，不過味道麻麻~ 我o既套餐係牛腩湯麵，味道都幾好，不過portion較細，女仔會夠，男仔就爭ｄ~ 最後糖水係紅豆沙西米露，一句講哂：唔夠甜... 環境ok，不過味道普通係我地o既評語~

d粥冇味精~ 食完唔口渴! 好好食!上個月第1次去, 跟餐想叫"楊枝金露", 但waitress 話呢款係夏天甜品(?_?)冬天冇賣喎~~~ 奇怪...叫o左碗hot o既紅白豆腐花, 係紅豆沙加西米露o既豆腐花! 不過甜, 豆花滑o都o都! 正!!仲有, 我地又拎碗又加茶, d姐仔都好好服務呀!! 有黑面, 埋單個男老闆仲笑晒講thank you!!!

上星期去過池記, 食過雲吞麵同及第粥~~我比0既comment同之前位仁兄0既comment差唔多,佢因為有名氣, 價錢亦比一般雲吞麵舖貴,不過0野食就唔係因為名氣而好好食細細碗雲吞麵, 雲吞唔係好食, 及第粥亦唔係好食...........咁樣食法, 貴得來又唔係好食就無咩意思囉~我唔會再去~

我都係咁話啦, 第一次去池記以為D 雲吞麵有乜咁正, 原來係貴夾唔飽, 食完幾粒雲吞就要食淨麵咁, 叫碟芥蘭, 平時有菜虫都係淥死晒架啦, 點知果度D 菜虫生猛到在碟邊漫步, 唯一證明D 菜係無落農藥囉, 食完一次打死都唔會再去。

去朗豪坊池記食晚飯，一試後的評語是﹕幫親一次已經夠晒!!!碗雲吞麵簡水味重!!! 要勁落醋先得! 味道一般!! 價錢係$19 (4粒雲吞)，但細"擁"就有2粒雲吞<--$10，多果2粒雲吞差不多貴一半，有d 難譜law!d 油菜又係$16，1/3個西生菜都唔知有無!!睇佢個餐牌d圖同實物好似相差都遠war!! :\而且七點後要加一，更加唔抵!!真係好多地方好過佢!

星期日同朋友專誠到朗豪坊逛街，便順道試池記的食物。食物的質素不錯，麵爽口彈牙，但齋滷味的酸齋簡直難食，唔信可以試！至於服務質素真是好差，擺遞都好粗魯！你一食完就馬上幫你收拾，擺明趕客。而池記的收費也不是便宜過人，反而有些貴，因為食物的份量真是好少。如果要我在這裡食一碗雲吞麵，我寧願到其他麵店食，起碼食得舒服些！

以前要去銅鑼灣池記先食到一碗正既雲吞麵，現在係旺角都吃到。雲吞麵一碗$19，雲吞新鮮，麵彈牙無簡水味，雖然比河粉份量少，但係值得一試。地方尚算寬敞整潔