江湖小棧

營業中

休息中

晚市好多人, 要等15-30分鐘. 但友人介紹煲仔飯好味, 而且有煲仔粥.蒜蓉金姑 ($22) :阿姐送錯左黎, 我地即刻提佢, 聞落好香, 我地都立即 點一份黎試下.有3個口味既金姑, 而蒜蓉金姑係超多蒜蓉, 仲有炸蒜. 所以好香好惹味.蠔仔肉碎煲仔粥 ($38) 相係食到一半影) 分量多, 有4個小碗.煲仔飯食得多, 煲仔粥未試過, 原來用煲仔黎整粥, 保暖好耐, 食到尾d粥仲夠熱.蠔仔分量多, 而且大大粒又飽滿, 新鮮好味. 個粥反而過咸. 北姑滑雞煲仔飯 ($60) :原本要立味滑雞煲仔飯, 點知整錯左, 黎左北姑滑雞煲仔飯. 可以換既, 但要等多15-20分鐘, 所以算啦.甘北姑滑雞煲仔飯都好好味既. 呢度既煲仔飯會附上豬油, 甜豉油. 開蓋將豬油, 甜豉油倒係邊位, 焗多一陣.一開蓋超香丫, 煲既熱力好平均, 令到圍邊都係飯焦, 今次食到好多飯焦啦, 正丫.分量都幾多, 有3.5小碗. 北姑厚身多肉, 個雞唔肥多肉, 而且仲好嫩滑. 

係荃灣想食個煲仔飯, 自從路德圍趣苑轉手之後... 都幾難搵到個合格既師傅~呢間招牌, 打明煲仔飯播,材料間間都一樣, 為獨是唔同既係, 奄得好唔好, 火力控制... 最緊要係有飯食之餘, 一定一定要有飯焦.呢間做到我要求既'有飯之餘, 更帶有飯焦' 最讚係另附上的豬油 ~特別~ 打開煲蓋倒入豉油, GG 聲的響... 兩分鐘後, 再加一圈 豬油... 焗一焗, 本來既燒瓦味, 轉變為一陣肉香油脂... 開飯啦~~

心機小店 一個月已來兩次. 上一次來時, 已想寫食評, 但最後太懶….小店主打串燒及煲仔飯. 昨晚除了吃串燒及煲仔飯, 也吃了生滾粥, 店家有心, 配粥的花生, 蔥花及生菜另上, 是晚吃了魚腩粥, 滾熱辣, 很是美味.今次力推新作, 燒腩排, 惹味香口, 家人大讚. 另燒火雞腎也不俗, 肉嫩多汁. 煲仔飯更另附上豬油及甜豉油, 用心之舉.店雖不太, 但裝修特別, 華山少林… 朋友最愛拿這裡的刀槍來玩, 難得店家很好沒脾氣, 店員禮貌也很好, 總之朋友(失禮晒).價格絕對相宜，串燒15元，煲仔粥38,煲仔飯48！願小店生意蒸蒸日上.