江湖小棧

營業中

休息中

🐱🐶江湖小棧(荃灣).一間小店、不希望被標籤為🟡🔵任何顏色，但會喺危難時願意為香港人伸出援手；由於老闆曾親身經歷催淚彈為佢帶黎既不便和難受，佢選擇以「和理非」方式對外出通告，講明小店從今後起謝絕🚫👮‍♀️警察幫襯，呢種態度為小店略略增添了一浸江湖俠義味⚔️🗡.我哋每次黎都係指定食呢度既🧄蒜蓉排骨煲仔飯，蒜香味豐富，焗大概5-7分鐘後，味道更持久香溢，排骨也因蒜香更入味🤤🤤🤤.今日天氣開始轉涼，不妨今晚就去試下😋😋.總結評分：8.3/10番啅指數：⭐️⭐️⭐️⭐️⭐️

呢間小店由佢新開已經開始幫襯，初初服務好，味道好，但開始做出名後，越來越多人食，輪候時間越來越長而食物質素開始不穩定。昨晚為慶祝老公生日，帶埋小朋友，一行4人到江湖小棧食晚飯慶祝，攞飛時，店員是說有枱已經差不多吃完，多等20分鐘便有枱，結果等了超過45分鐘才可以進入，但明明中途有2 人枱食完，亦有2位擺了一張4人枱，店員亦無意夾枱或換枱（我亦曾經在這間店食飯時，被要求中途換枱），我跟店員再查詢有沒有機會掉動枱時，竟提議我們4個人先坐在2人枱，哈，老公生日不跟你計較，但已一肚氣。等了這麼久，明明是店員評估錯時間，但一句不好意思也沒有，小店收服務費的，點的煲仔飯太濕，點了酸辣魚腩，只有酸沒有辣，點了燒黃金翠玉瓜沒味道⋯⋯⋯總括而言，等45分鐘飢寒交迫下亦覺得食物質素不能接受，真的不用等45分鐘去食這種質素的餐廳，荃灣有很多更好的選擇。以後不會再幫襯！

本來打算食另一間餐廳，不過太多人等位，太肚餓，所以轉食呢間煲仔飯。餐廳的名幾特別，叫江湖小棧。座位都算闊落，環境舒服。我地叫左三樣嘢食，豬腳好入味，份量都大，我就食唔膩啦。仲有個招牌燒通菜，味道特別，串燒通菜的感覺。最鍾意臘味排骨煲仔飯，臘肉唔肥唔瘦，自己選擇落多少豬油同醬油，再撈勻佢，好吸引，豬油好香，d飯唔會太乾，但係有飯焦，值得一試！煲仔飯的選擇有好多，只是我地揀左最傳統的煲仔飯，下次可以試下其他！

一家頗具武俠氣息的主題餐廳，店內裝潢縈繞著滿滿的瀟灑武俠氣概，是武俠 愛好者不能錯過的好店。很推薦煲仔飯:米飯晶瑩剔透粒粒分明，肉餅精瘦爽 口，牛肉鮮美有韌性，配上店家自制的新鮮豬油，更是增添了一抹醇香，開煲 便是香氣撲鼻。

牆上有一把倚天劍同一把屠龍刀，再加上有一對對聯，倚天「不」出誰與爭鋒，武林至尊寶刀屠龍，好有武俠小說風格睇到呢啲圖諗唔到關江湖事反而有啲似入咗網吧😂😂😂有兩本餐牌分別係武林秘芨同英雄帖，呢啲設計絕對可以吸引一眾武俠迷鹹豬骨蠔豉煲仔粥 $65呢個煲仔粥，有配料提供，蔥、花生、生菜絲。加入粥食唔錯，蔥分開上可以令唔食蔥既人可以唔洗挑蔥。粥底好綿，好食。煲仔飯可選三個餸 $73同出面煲仔飯有少少唔同，因為可自行加豬油同豉油，加豬油就香啲，可推薦燒通菜 $42同出面既燒烤差不多，燒通菜第一次試，好特別避風塘雞翼尖，係辣但唔識辣既人都食到，雞翼尖好香口又惹味，中意食香口野既人必須食

隨心同老公係附近搵食我想食呢間好耐雖然小店有d迫但間舖的設計幾特別仲有兵器添haha叫左肉餅，臘腸，潤腸煲仔飯1. 如果唔食蔥，記得叫走蔥2. d 餸真係偏少3. 不論肉餅，臘腸或潤腸都唔算特別好味4. 想食飯焦千祈咪心急，我地就係太心急5. 但煲仔飯配既豬油及鼔油蓋晒以上所有缺點！個鼔油偏少少甜，冇死咸，再配個豬油真係無得輸！！家鄕炆豬肉可以不嗌！南乳唔夠入味豬肉又唔夠淋我屋企煮仲好食但個煲仔飯，都算值得再去的最多下次叫第二樣

雖然話秋冬食煲仔飯特別有風味，但上年完全唔覺有冬天，最終只係食過兩次。收工俾人放飛機，隨便喺附近食野，呢間位於荃灣嘅江湖小棧一直係我口袋名單，好耐以前已經聽同事講過，今日即管試下。可能附近同類型餐廳不多，所以即使大熱天時，小店都客人不斷。餐廳位置唔算很多，枱櫈稍顯密麻，格局就似一般茶餐廳。裝潢方面帶啲武俠、江湖味道，近門口嘅兵器、聖旨、秘笈、古色古香嘅擺設幾有趣。餐牌貫徹主題，打開「九陰真經」即可見到完整菜單；而「英雄帖」則係最新菜式，玩味十足。招牌煲仔飯有固定款式，例如窩蛋牛肉、土魷肉餅、北菇滑雞等，也可以由客人自選搭配，一律$73。另外供應生滾粥、多款串燒、涼菜、少量煲仔菜等，選擇品項唔多。自選煲仔飯：滑雞、臘腸、臘肉 $73自選煲仔飯：鹹蛋、牛肉 $73我們選擇自由配搭，配料任選1至3款，即點即煲，需時等候約20分鐘。上枱時連同煲蓋、毛巾，客人可以加入豬油、豉油，合蓋輕輕焗一焗。標榜豬油自家製，唔用坊間合成豬油，保留鮮味，比一般豉油煲仔飯，香氣更重；大方任加，按自己喜好加入，美食面前，故且忘記個肥字。配料份量不多不少，反正鋪滿一煲飯，用料質素可以。滑雞、臘腸、臘肉配搭，雞件滑溜，

琴日喺ig度搵下荃灣有咩好嘢食，突然發現有一間中菜館竟然以金庸小說人物做主題既餐廳。所以，就決定嚟依間食下，因為最近8：30播緊2019倚天屠龍記嘛，今期流行🤣裝修方面主要都係有啲刀同有啲人物圖做裝飾。有幾本唔同封面的menu。咁我哋一行五個人就嗌咗四個煲仔飯再加餸。燒烤嘅嘢食好快就上菜，最鍾意佢嘅牛舌。魚腸第一次食，唔錯，好似蒸蛋咁。長長既通菜。最後嚟嘅就係煲仔飯啦！咁佢仲會連埋豬油同埋豉油畀你，咁你就自已中意加幾多就加幾多就得啦。不過，最好落完之後再焗兩分鐘左右咁就食得啦。一定有飯焦，正！！

細個食過豬油煲仔飯一直諗諗不忘，但現代人注重健康，豬油煲仔飯已經買少見少，早排上網睇到呢度有豬油煲仔飯，即刻決定去試下。 8點黎到，等左15分鐘就入得，舖頭裝修以金庸武俠背景做主題，連餐牌都係用上乘武功秘笈做封面，好棧鬼。等左3個字左右，首先上菜嘅係牛舌串燒，一串5粒，燒得好好味，好香口，非常惹味。之後就到主角煲仔飯出場，我order左個三拼煲仔飯「臘腸，雞，窩蛋煲仔飯」，我比較鍾意食飯焦所以焗多左陣先打開蓋，之後將豬油同鼓油淋上面搞暈，香噴噴，令人食指大動！啲飯可以乾身啲，不過整體已經好唔錯，有飯焦，啲雞都幾滑，臘腸食落幾甜，似榮華，呢個組合好正，成煲飯比我幾分鐘掃晒落肚，正！好耐冇食到呢個質素嘅煲仔飯。煲仔飯咁heavy, 都要叫碟菜食下，碟燒韭菜就不過不失，唔油，但偏乾同韌用黎送都煲仔飯不錯嘅。

之前食過一次覺得呢間小店啲野食唔錯，今晚黎荃灣搵食決定再會一會佢。呢間小店的煲仔飯可以自選菜式，任選一至三款價錢都一樣只係$73。今次揀左窩蛋臘腸排骨飯煲仔飯係即叫即整，上枱時熱辣辣，豉油同豬油就另上比你自己加，落完再焗多到一陣就食得。飯同餸的份量都好多，加埋豬油仲特別香，個飯唔會太乾身，粒粒分明，加埋飯焦香，好味另外，呢間小店的串燒都好好味，絕對可以媲美出面的燒烤店。我地今次叫左兩樣黎試下。燒牛舌厚度適中，好有咬口，好juicy，必食。韭菜燒到剛剛熟，加埋啲孜然粉好惹味。呢間小店絕對值得推介

早排趁天氣有少少涼，就同友人去左試網上煲仔飯排行榜推介之一的這間餐廳。點了個臘味排骨煲仔飯，和馬拉盞燒通菜。餐廳周圍、餐牌，佈置等，都用武術做主題，又幾有趣喎😂。佢上菜時有兩瓶豉油和豬油提供，可以自己倒落煲仔飯。好少煲仔飯餐廳會有瓶豬油可以比你自己倒，都幾特別吖😝！個煲仔飯上完枱之後，自己倒完醬油再焗一會兒先開蓋食。最後都成功整到香脆的飯焦✌🏻。因為本身臘肉有油香，再加上落左豬油，撈匀整個飯之後，每口飯都香噴噴㗎🍚。雖然相比之下，排骨較為淡味，但勝在煮得熟得黎，又唔太老，肉質易咬。馬拉盞炒通菜🥬，佢加左好多香脆的蒜粒，整碟菜都炒得好濃香。

今日難得收工收早當然同屋企人搵下啲好西食啦屋企人中意食飯就畀我喺荃灣度搵到個食好西嘅地點其實今次已經係第二次係呢間捧場， 自從食完e間之後好難搵到第二間好食嘅煲仔飯大前提要好早去排隊攞位因為幾乎每次去每次都好多人今次五點半到已經要攞定位配搭豬油先係最美味嘅煲仔飯我自己叫左 田雞臘腸鹹蛋所有煲仔飯都係即叫即整如果唔鍾意食田雞嘅人可以自選例如雞， 牛，排骨佢自選任何三款都係75蚊咋仲叫咗個燒茄子同埋 蒜蓉燒通菜依間我會再次幫襯好好味

呢幾日天氣又轉涼，搞到心思思想食煲仔飯，老公就帶我去荃灣江湖小棧，好彩早去冇乜人，唔洗等好耐位！一向極鍾意食肥膩野嘅我，當然嗌左個臘腸臘肉排骨煲仔飯，老公就嗌左豆豉鯪魚排骨滑雞，煲仔飯加豆豉鯪魚咁新穎? 一嚟到，侍應拎左2樽野過嚟，原來一樽係豉油，另一樽係豬油嚟㗎! 我當然唔會洩底勁落啦！哈！終於都食得啦！我試左老公果煲先，嘩！估唔到豆豉鯪魚係可以咁夾㗎 ! 可惜我太心急，忘記左影老公果煲！由於老公果煲太有新鮮感，搞到我果煲有點兒普通添！不過材料都好新鮮，仲有加左豬油嘅關係，個底全部都係飯焦，識食一定要食飯焦啦！食完超飽超滿足，以後食煲仔飯一定會再嚟江湖小棧！

某日同班🐢🍯整完餅都好夜了 想揾食醫肚 但好多間都就關門 經過見到有間未關門就入左去喇🤣😆哩度都好有佬嘅飯堂嘅味道架😄😀哩度嘅煲仔飯 又整得幾出色喎👍🏽👍🏽哩個飯各叫做🈴️時臘味煲仔飯🙂☺️材料係有潤腸 臘腸 半肥瘦的肉肉 同埋葱花 食之前記得加少少豬油同埋適量的豉油 所以食材再撈勻 出嚟的效果係好好好味的呢🤤😋生腸煲同埋墨魚咀 個碟餸都好好味喔🙂🙃味道超有鑊氣 份量都好多下嘿嘿 不過啲生腸真啲太硬 真係咬唔開😂😅墨魚咀其實都幾大粒 但係味道就不過不失 不算很特別 但係都好味嘅😋😊串燒真係好出色👍🏽👍🏽#燒牛舌 一條大約有五六粒 燒得剛剛好 肉質真係幾好 又好juicy🍢值得推介 正正子😊☺️仲有招牌燒通菜 真係整得幾好食 不過啲菜可以再淋啲同埋再細條啲😅😅通菜上有勁多炸蒜🙂👍🏽味道都不錯 大家可以trytry喔😉☺️拍青瓜🥒就真係可以慳返🤣😆因爲真係食得出係即叫即整😅😅啲青瓜同啲醬汁真係分開 完全唔入味 真係no good.

晚上，我地去咗食飯。我地覺得點都係食中式小菜先夠滿足，所以就去咗食江湖小棧。呢碟係避風塘雞翼尖，我地仲先後叫咗兩個煲仔飯、蒜蓉金菇，撈埋豬油係幾好食。埋單都係240，味道可以啦。