江湖小棧

營業中

休息中

向來都覺得，人們在油麻地廟街那兒排隊輪候吃煲仔飯實在不太明智😏，因為根本那兒的煲仔飯，味道不太出色，而且收費越來越貴，費時，又不是好吃。經友人介紹之下，得知原來荃灣這間煲仔飯味道出眾，因此今天路過可以一試🤔。門面及內裏裝修有點特別，有些好像是武功秘訣，掛在牆上，又有大刀等等，好像古色古香，懷舊味道豐富。點了兩樣也是味道濃郁的東西，馬拉盞排骨煲仔飯及燒通菜。店內除了煲仔飯是賣點之外，其他串燒也好像挺多人捧場，這碟寫明是燒通菜，雖然通菜不太覺得很有燒烤香氣，但亦都夠熱而乾身。大大碟通菜，上邊還有很多蒜蓉，賣相非常吸引。極香的蒜，伴菜配飯吃均香口再等多一會兒，就端來了煲仔飯，非常細心，因為煲仔飯拿來之後，店員指還需焗多一兩分鐘更好，而煲蓋上面就放了一條小手巾，讓顧客開蓋時不會燙手。打開蓋之後，一粒粒飯，細緻分明，上面也有不少青蔥，以及肥瘦均勻的排骨，排骨側邊有些馬拉盞醬料。煮了這麼久才端出來，煲仔飯當然夠熱，溫度非常熱，底下及兩端位置的飯焦相當可口，雖然飯焦可能會有點痴牙，輕微硬，有點脆，令到口感非常豐富。店員還會一瓶將煲仔飯豉油以及豬油拿給顧客，當顧客開蓋之後，自行按喜好落豉油及豬油。豬油

呢幾日天氣實在太凍，當然要食煲仔飯暖暖身。喺荃灣出名食煲仔飯嘅就係呢間江湖小棧，不過要食到佢都唔容易，晚飯時間喺嚴寒天氣下露天等超過半個鐘先有位，不過都係值得嘅。今晚同朋友一人叫咗一個煲仔飯，有馬拉盞牛肉飯同麵醬滑雞飯。大家睇下相就會明白，係嚴冬之下，煲仔飯扮演着一個好重要嘅角色。一打開蓋，濃濃嘅蒸氣兼香氣湧出，我哋緊接倒入豬油同豉油，焗多一陣，撈勻，拎起匙羹就擺入口。豬油香加上甜甜嘅豉油包住每一粒好似識跳既飯，其實無餸都好滿足。當然，個餸都好好食，醃料同醬料都唔會好咸搶曬啲味，同埋好嫩滑唔會嚡口啦。我地仲叫左個燒通菜，而通菜就最夾較咸味既醬料，就係蒜蓉同馬拉盞，唔好以為好咸，其實食完成餐飯都唔會口渴，一讚。呢間真心值得一讚，冬天黎食一流，仲有羊腩煲同雞煲邊爐可以食，下次要黎試下。

六點開門，六點半前オ可以訂位，地方坐得都好舒服！我點了田雞煲仔飯，份量正常，田雞滑，豬油香。仲有點左滑雞粥，好大煲，花生同生菜絲分上。無味精，清清地。再點左黑椒豬手，正！必食！炆得好淋入味！

得知江湖小棧在荃灣區內是新開業的，專做煲仔飯及串燒，我又怎能錯過，所以連同幾位女生朋友去吃個豪邁的晚飯。7時許到達小店，門外已有十餘人等候，原來我們票號是十張枱以後，果真寒冷的天氣都令人對煲仔飯趨之若鶩。合時臘味煲仔飯、窩蛋牛肉煲仔飯、咸蛋肉餅煲仔飯翻開武功秘笈般的菜譜，打頭陣的當然是巧手煲仔飯，配搭多達20餘款，更可自選材料，我們則選了三款較例牌的。秋冬當選合時臘味，臘腸、膶腸及臘肉粒份量剛好，肉味算香，也不會過硬。加入豬油及煲仔飯豉油拌匀合蓋焗個3、5分鐘，蘊釀些香氣與飯焦，的確好吃。咸蛋肉餅和窩蛋牛肉相較遜色，肉餅和牛肉味淡，咸蛋也馬虎，要推薦的話必然是臘味。避風塘雞翼尖份量不多，約有十餘隻，多人的話可能要叫兩份才夠。「避風塘」炸蒜碎舖在燒烤過的雞翼尖上，頗為香口，但辣味稍欠，所以整體普通。馬拉盞燒通菜沒看錯，因這裏主打燒烤，所以通菜也用燒的，帶些炭焦味，有些朋友則認為像「燶味」，視乎喜好感覺不同。另外馬拉盞因沒有經炒的過程，所以並不能均勻地附在菜上，而是自己拌匀，因而吃下去馬拉盞味道便有濃有淡，一般。見店家也有提供羊腩煲，一解食客們冬饞。綜合以上所點的飯菜，除臘味煲仔飯外，其他

10度呀！凍冰冰，唔係唔食煲仔飯呢！一向只識去油麻地興記，。聽朋友介紹荃灣呢間唔錯， 捱住凍去試下。店外開左幾張檯， 但我地都係等室內呢！大概等左30 分鐘名不虛傳， 果然和名一樣，內裡充滿江湖味。又想食飯，又想試下粥排骨份量較想像多，最主要唔多骨。蠔仔肉碎粥，好多蠔仔，仲要係有肉地既蠔仔o又想食串燒， 牛舌好滑呀！墨魚丸面上既味粉很特別馬拉煎通菜，乾蒜在面。雖然係小店，個人認為係有誠意的小店

今晚得12度，6點15分拎2人位， 食風食左1個鐘先有位，但係4個人個d，半個鐘入得，點解？店內5張4-6人枱，4張2人枱，2人枱仲要比2 或3人等候，又唔比撘枱，點解唔可以兩組2人撘枱？唔係下一張到我地的話一早走左！後尾仲見到張2人枱再加多張枱變4人枱如果係咁唔歡迎2人食野的話可以早講安排差到咁好食又如何？後尾先開始比2人撘枱，唔嘈都唔識做講番食物臘味排骨飯，加左豬油，飯粒粒分明，好味冬菜花甲，花甲冇味道，嘛嘛地未見過煲仔飯要加一真心冇下次

住荃灣區既朋友推薦,去荃灣一定要黎試下食依間;唔好睇佢鋪頭少少,個名又有江湖味,但真係好好食;辣油煮花螺;好大煲有超多隻,辣辣地好過引,辣汁走哂入隻螺裡面用牙籤輕輕一剔入面粒肉就出左黎連埋辣汁啜啜下好過引.唔會有沙!蒜蓉粉絲蒸扇貝;超大隻大過個手掌咁大,隻扇貝好好肉蒜蓉又夠多,粉絲索哂D汁,真係想叫多隻,但佢即場燒都要時間再等燒金茹;上面都係放滿好多蒜蓉,我又幾鐘意依隻味,煮野食落少少蒜蓉真係香好多;窩蛋牛肉煲仔飯;任選1-3款配料,即叫即整需時20分鐘;牛肉好嫩將窩蛋撈埋食,好小地方而家可以食到煲仔飯啦~好好食下次再試下其他款先

因店名及裝潢特別……江湖小棧，食評一致讚好的情況下，就與朋友慕名而去常試煲仔飯，當常試過後，真有點失望，發覺煲仔飯沒想像中特別的好味及飯焦香氣，與一般電飯煲煮的飯沒分別，唯一特別之處是附上豬油與豉油撈飯，煲仔餸的味道就偏鹹或辣，配料……洋蔥就沒切好，整整半個放在煲內沒得發揮味道，浪費了食材，食物的選擇不算太多，範圍太有限，如只用特別店名，裝潢，煲仔的名義來做買點，而沒注重食物的味道，食客只要常試過後，覺得失望，就不會回頭了

江湖小棧門面細細，如果走漏眼，你就走寶喇！餐廳內有唔少擺設都好有武俠小說嘅味道，餐牌都好有心思，成本武林秘笈咁😂黑椒豬手好好食，炆得好淋，幾漿口，有黑椒香，但唔辣。趕住食，所以影得有啲差😂普普通通嘅灼通菜，估唔到幾有驚喜，估計應該係用咗蒸魚豉油，所以份外有住家風味。除咗煲仔飯之外，呢度另一主打就係燒物。原條燒茄子普普通通，大概同一般食到嘅燒茄子差不多吧。主角煲仔飯竟然唔記得影相😭其實呢個係臘味排骨煲仔飯😂重點梗係可以自己落豬油同豉油啦！落咗豬油好難唔香👍🏼，再焗一焗，飯焦冇難度👍🏼

今個冬天好似都冇乜點好凍過大家今個秋冬有冇食過煲仔飯呢食煲仔飯唔一定淨係去廟街排曬長龍嘅朋友介紹荃灣有間食煲仔飯幾正於是前排去左食店鋪唔算好大繁忙時間可能要等一陣依度嘅煲仔飯除左預設款式之外仲可以自己自由拼餸我哋三個人share兩個煲仔飯叫咗一個係排骨臘腸另一個係窩蛋肉餅啲餸嘅味道幾好有飯焦 唔會過硬 火喉控制得剛剛好煲仔飯上面仲加左好多大粒蔥令到成個味道更香除咗豉油可以比客人自己酙之外依度仲會提供豬油 好邪惡我都忍唔住加左一啖除左煲仔飯之外依度嘅焗魚腸都好出名大部份嘅客人都有叫我哋都咪執輸叫咗的確整得幾好 唔會有陣味呢度嘅燒菜都好多人叫我地就叫咗燒通菜佢唔係用炒嘅方式係用燒嘅方式 好香口仲有蒜香金菇 正～～環境氣氛： ★★★☆☆食物質素： ★★★★★服務態度： ★★★☆☆

叫左個排骨面醬鯰魚煲仔飯，一打開蓋只見面醬蒸排骨，女店員服務態度好好，話分開蒸返鯰魚比我，咁就失左煲仔飯個味道啦，不過佢態度好我接受。蒸返嚟既鯰魚又漏左無放面醬去蒸，味道有d怪， 可能第一次食鯰魚，覺得唔好味。個飯夠乾身有飯焦，排骨無雪味，但唔夠味同有d嚡。見食評話煲仔飯好得於是一試，可能抱太大期望吧。佢仲有其他小炒，不過未必會再試，荃灣仲有太多餐廳未試均。座位坐得幾舒服， 裝修幾得意既，店名叫江湖小棧就真係放左大大把既倚天劍屠龍刀，過癮。

傳聞荃灣有間小站做煲仔飯好出色，襯還有點涼意，當然要拜會一下。七點半左右去到，已經開始要攞飛等位。還好只係等兩張，大約等了廿分鐘左右就有位了。侍應醒目地見有位前已經幫我地落定單，因為餐牌寫明煲仔飯要等廿分鐘。佢地個餐牌還配合店名，成本武林秘笈咁。坐低後，我點了雙腸排骨飯。老婆大人就點了滑雞田雞飯。另外，原來此店還有串燒，我們二話不說，點了燒白鱔。此道菜不是在正餐牌裡，而是張貼在牆上的是日推介上。燒得皮脆肉滑，食落好香的炭燒味，肉質亦很滑嫩，不過油份不太夠。還有泰式雞醬另上，我建議可以不點醬。餸嘅份量都頗多，臘腸味一般，反而膶腸夠香，食落有餘韻。排骨亦嫩滑，仲有香脆嘅飯焦。我落左豬油同甜鼓油，提升了不少香味 。老婆大人點的田雞滑雞飯，滑雞夠嫩滑，可惜無咩雞味，同埋個飯唔係好入到田雞同雞嘅味道。小弟認為食物質素不錯，可惜價錢有點貴，因為仲有加一服務費。最後，待應服務週到，因當晚帶了bb去，他們安排了比較闊的卡位給我們。

雖然搬離荃灣，但仍然會响荃灣搵食。老公是超鍾意食煲仔飯的，雖然煲仔飯周圍都有得食，但有水準的真的很久都未試過！老公唔知响邊知道有這間小店，夜晚9點幾都要排隊。舖頭坐位不多，夜晚會响門口加摺枱。煲仔飯是完全由自己配搭的，選3款$70。我們要雙腸田雞。要等20分鐘。上枱時再焗一焗。田雞的份量認真多，又大件。至於煲仔飯最重要的飯底......是超好食的！！飯身一粒一粒很煙韌，又有少少焦香味。飯焦比例剛剛好，脆得黎又唔會痴牙。小店除了有煲仔飯甜豉油，仲有豬油畀你撈飯。我就無落，但老公就話好香好好味！避風塘雞翼尖個名好吸引，但就麻麻地，雞尖無走油，食落好似食淨雞皮咁。建議可以炸香少少，咁就乾身啲惹味啲。馬拉戔燒通菜上菜時有陣燒烤味，但神奇地又燒得唔乾。第一次食燒菜，比一般食開的炒菜特別。其實餐廳沒有什麼服務可言，但要收加一服務費。但為咗個煲仔飯，我仍然會再黎！

咸蛋肉餅煲仔飯有啲令人失望既煲仔飯，佢無左煲仔飯既靈魂－飯焦。總括黎講肉餅同咸蛋都唔錯，飯夠軟熟粒粒飽滿。不過食到底無飯焦成件事就唔完美啦串燒雞翼及牛舌串燒抵讚，牛舌軟腍嫩滑，好易咬開。雞翼都燒到皮脆肉嫩，火侯掌握得幾好。

第一次朋友介紹來食，第二次同老公二人茫檯腳，連續兩晚都過來食，本人唔多鍾意食煲仔飯都被依間吸引，我個人認為係荃灣來講臘味飯最好食既一間(^-^)，好正，會再來幫襯，