影片
更多
2019-06-09
1375 瀏覽
雖然話秋冬食煲仔飯特別有風味，但上年完全唔覺有冬天，最終只係食過兩次。收工俾人放飛機，隨便喺附近食野，呢間位於荃灣嘅江湖小棧一直係我口袋名單，好耐以前已經聽同事講過，今日即管試下。可能附近同類型餐廳不多，所以即使大熱天時，小店都客人不斷。餐廳位置唔算很多，枱櫈稍顯密麻，格局就似一般茶餐廳。裝潢方面帶啲武俠、江湖味道，近門口嘅兵器、聖旨、秘笈、古色古香嘅擺設幾有趣。餐牌貫徹主題，打開「九陰真經」即可見到完整菜單；而「英雄帖」則係最新菜式，玩味十足。招牌煲仔飯有固定款式，例如窩蛋牛肉、土魷肉餅、北菇滑雞等，也可以由客人自選搭配，一律$73。另外供應生滾粥、多款串燒、涼菜、少量煲仔菜等，選擇品項唔多。自選煲仔飯：滑雞、臘腸、臘肉 $73自選煲仔飯：鹹蛋、牛肉 $73我們選擇自由配搭，配料任選1至3款，即點即煲，需時等候約20分鐘。上枱時連同煲蓋、毛巾，客人可以加入豬油、豉油，合蓋輕輕焗一焗。標榜豬油自家製，唔用坊間合成豬油，保留鮮味，比一般豉油煲仔飯，香氣更重；大方任加，按自己喜好加入，美食面前，故且忘記個肥字。配料份量不多不少，反正鋪滿一煲飯，用料質素可以。滑雞、臘腸、臘肉配搭，雞件滑溜，
可能附近同類型餐廳不多，所以即使大熱天時，小店都客人不斷。餐廳位置唔算很多，枱櫈稍顯密麻，格局就似一般茶餐廳。
裝潢方面帶啲武俠、江湖味道，近門口嘅兵器、聖旨、秘笈、古色古香嘅擺設幾有趣。
餐牌貫徹主題，打開「九陰真經」即可見到完整菜單；而「英雄帖」則係最新菜式，玩味十足。
招牌煲仔飯有固定款式，例如窩蛋牛肉、土魷肉餅、北菇滑雞等，也可以由客人自選搭配，一律$73。另外供應生滾粥、多款串燒、涼菜、少量煲仔菜等，選擇品項唔多。
自選煲仔飯：滑雞、臘腸、臘肉 $73
自選煲仔飯：鹹蛋、牛肉 $73
我們選擇自由配搭，配料任選1至3款，即點即煲，需時等候約20分鐘。上枱時連同煲蓋、毛巾，客人可以加入豬油、豉油，合蓋輕輕焗一焗。
標榜豬油自家製，唔用坊間合成豬油，保留鮮味，比一般豉油煲仔飯，香氣更重；大方任加，按自己喜好加入，美食面前，故且忘記個肥字。
配料份量不多不少，反正鋪滿一煲飯，用料質素可以。滑雞、臘腸、臘肉配搭，雞件滑溜，臘味有肉香，略嫌乾硬。值得一讚，加入大量香蔥，跟豬油、豉油混合，點會唔好食。
原本想點鹹蛋肉餅，可惜未有豬肉供應，換成牛肉，但呢個組合都唔錯。牛肉嫩滑，口感不會過鬆，保留肉香。鹹蛋係我個人至愛，簡單下飯。
飯粒乾身分明，火喉適中，食到飯焦先算一煲好嘅煲仔飯吧。
油鹽水浸花甲煲 $78
花甲、豆卜、粉絲的組合，理應唔會難吃，可惜食材未及理想。花甲大隻，肉質瘦削，完全冇鮮味，好在冇沙。湯底味道一般，只有少少麻油味，墊底嘅粉絲夠腍身。
江湖小棧嘅煲仔飯價格真係唔算便宜，不過總算合符預期。
張貼
