汀角灣燒烤農莊

營業中

休息中

草地夠寬闊，原本小朋友們玩得好開心，可惜之後陸續有車輛泊車，完全唔顧小朋友係度玩，工作人員冇叫司機唔好泊草地，呢點就覺得有些問題。食物方面幾好，種類算多，加得都幾快。

我們興高彩烈的15人，最後個個一肚氣離場。服務態度差，由6:00開始排隊。竟然要排到7:00才可。收費只能用現金，貼上的香港支付宝，竟然沒有一位能夠掃描到。每枱爐端燒竟然只得一個燒烤夾。我們10個人。食物水選擇少得可憐，味精多。飲品也要大排長龍才可取得而且只得1支飲品。說好的海鮮，原來是菠蘿，金菇，死蝦及己開口的蜆仔。這個也要排隊才可取得。沒有更差的經驗，之前其他我相信沒有這問一樣。只懂收錢的燒烤場。一定沒有下次。

第一次黎依間到食，平時食開另一間，俾佢個生蠔同扇貝吸引到，諗住試下新嘅都唔錯～食物嘅數量真係偏少，八點半好多野都無哂又唔加返，食得好唔過癮，得返d雞翼同扒類，九點更架唔洗講，無哂咁滯，有d唔明點解唔加返d野食，本身已經少種類……食物上唯一嘅優點係有得另外買生蠔同扇貝菠蘿，價錢亦唔貴。生蠔60蚊6隻可以話係超抵，不過要等半小時先有…而菠蘿無記錯係5蚊舊，但我想叫個陣已經無哂……都係個句食到到喉唔到肺，個生蠔同菠蘿係好食嘅！如果下次想燒生蠔同菠蘿都會再去嘅，因為真係好食😂同抵食，但就有心理準備無咩野食環境好適合一家大細去，仲有小遊戲玩同有人唱live

疫情下唔想一班人困係餐廳入面互相感染最好方法就係戶外食野....雖然呢到比唔上旁邊個間咁華麗,但勝在食物多同埋好食,又保持到水準.係食物流動咁慢情況下都保持到水準,真係好唔錯了...星期六黎到,只有數台客人. 社交距離真係超級大...........煲仔蜆係送既,鮮甜無沙. 唔洗加水就咁放上去煮到開口食得~~辣雞翼無上次咁辣...好開心今次有菠. 大大件..一咬D汁就彈到周圍都係...好狼狽另外因為睇網上介紹燒牛油蛋糕, 我又試下買左件黎燒.原來真係好好食..外脆內軟架....上次無蠔,今次買左半打蠔半打扇貝. 原來係60蚊半打.上次記錯係50蚊.呢到D姐姐比牛油蒜蓉真係豪不留手..好似唔洗錢咁..不過減肥中既我...只能夠忍痛默默潑開佢.....豬扒 OK雞翼 OK雞腎 新野? 上次唔見有, 比起我街市買個D好似仲大隻D,比較容易燒,無喧易跌落網底.好爽口羊架 靚仔過上次 仲大塊左.安格斯牛仔骨 今次咸左小小.雞柳 OK咖哩魷魚 > 必食. 上次唔見有, 今次食完一串之後..忍唔住食多3串..好好食!!八瓜魚 OK鯖魚 OK金沙骨 OK仲海蝦...一人一隻...唔夠侯..

有左疫症之後多左去bbq始終空氣流通同戶外地方感覺上感染機會細d呢間汀角灣免費泊車 乾淨企理 冇乜人百幾蚊一位，仼食包野飲仲送海鮮冇乜隱藏收費，只係有個爐費，唔記得幾錢，只係記得象徵式咁上下野食就中上啦只係想讚雞翼真係好食到世界級極度懷疑老闆係雞翼狂魔總括係 性價比高，可以一試！

事前book定枱同佢地講會有好多狗，希望比偏僻啲同乾淨啲嘅位。我地去到等齊人，排隊比錢入場，燒烤場哥哥安排我地坐嘅位置非常理想！Dog friendly！！當然，大家想帶狗，請你帶好狗帶，唔好騷擾到人啦。安排幾好，員工態度都ok。呢個位已經加左分！食物方面，味道款式都好食同多款哥以選擇！有大大風扇吹住，唔怕話好焗。因為我地有狗關係，所以基本上係自成一角，要加炭，就揾人去講聲。等左一陣已經有人黎換，絕對唔會ok左然係唔記得左我地！就算我地冇叫，佢地每一段時間都會有人行個圈問有冇其他需要！呢個位絕對值得讚好！價錢合理，係果到買野飲都唔會話過份貴！唯一一樣野係希望可以加多啲燈(白燈)，個人認為比其他燒烤場暗(當然可能係我地個位係偏啲)

諗住試下新野啦，入去環境睇落係唔錯阿，我到比錢位問人我係open rice訂位要有里數草，佢叫我等等話好忙，但直到我走都無再有任何反應。食物方面完全係勁差，好多都係淡而無味，比你既調味只有蜜糖，孜然粉，辣粉。refill野食方面以為佢地忙啦，我等，等黎等去都係得丸，等到都無乜心機，其他附近幾間都有試過，感覺呢間係目前最差最唔值得食，成晚好似得個等字，問人野等，食物都係等，所以唔會再回頭。其實平價要求唔多，只係想有正常發揮都好阿，最重點係，佢賣點係串串燒，入到去拎食物個到得小部份串好既，諗住唔緊要，自己串，問佢地職員拎竹簽，結果都係一直等🤷🏻‍♂️ 去到後期，直程好多食物已經無再出現。

Book左7點，去到大排長龍跟本就over book去到門口個男職員態度惡劣勁無禮貌Book左位同walk-in都同一條隊佢話book左只係for佢地預食材唔代表7點可以入去！條隊要起碼要排個幾鐘都幾好笑....book同唔book都無意思都係照排明明係佢地錯仲要個態度係你唔排好錯，仲惡番你轉頭另外有個男職員就有禮貌既....㩒住果個無禮貌職員...但無補於事⋯⋯搵個咁無禮貌態度惡劣既職員企門口真係好趕客想去燒野食真係唔好去呢間受氣

天氣涼左 忍唔住即去燒烤食，一行十人揀左呢間燒烤農莊，一入到去覺得環境好正好舒服，空間感好大唔會迫夾，加上有風扇有冷氣機，怕熱既人岩晒，好貼心！ 重有得玩夾公仔，岩晒小朋友，我成功夾走一隻，哈哈！食物方面，款式齊全，味道唔會死咸，尤其是雞翼，好惹味！我食左好多好多！我仲自製埋蜜糖多士同埋蒜蓉多士，場內有提供！ 最值得一題係呢度唔使自己去叉野食唔使自己拎住燒咁傳統，有「炭燒模式」、「自動轉燒烤模式」，好好玩，啱晒我呢啲懶人，火力又均勻，簡單唔會燒燶食物！個個朋友都對呢度讚不絕口，下次燒嘢食會再黎呢間，極力推介！

對上一次食已經係夏天前,一家四口一邊打牌一邊BBQ,確係好正.今日收工就比朋友捉左黎BBQ,可能係平日+疫情下 好小人....我諗住埸得7-8台左右 所以好空礦 坐得好舒服呢到好好地方就係可以免費泊車! 平日係$148任食 假日係$158任食.入到去簡左最近門口位坐 好大風....之後就去拎野食...今次豪小小 $50 買左半打扇貝  上面仲有海量牛油蒜蓉另外有送海蝦 ,煲仔蜆,蒜蓉金茹鍚紙包海蝦唔痴殼,爽口好食.蜆好好彩 無沙 好新鮮夾食物係一間房仔入面夾 不過我唔係乜都有食最好食係辛辣雞翼 真係好好好食!!!南乳雞翼  非常入味..金沙骨 唔咸 肉好淋好好食

行完山後，天氣涼涼地，燒野食最岩。2點幾， 4個人walk in 入去都有位，個場都好大，疫情下座位都好闊落，個場都好大下，選左一邊靜靜地燒。原來有串燒，bbq ，同酸菜魚揀，不過酸菜魚要卜都有，最後試左串燒。Bbq 都餸菜都係大路野，最鐘意食佢個麻辣雞翼，勁火辣辣，秋天食岩岩好。豬扒牛扒都好正，肉質嫩，其他食物質素都唔錯，最重要係醃料味道唔會重。 總結：會再encore, 因為少味精同用心醃，好好味，希望繼續keep住個味做好💪💪

朋友介紹之下 第一次黎食估唔到地方好夠大 幾舒服食物唔錯 幾好食😋 最中意燒嘅雞翼都有幾隻味可以揀仲燒到好靚添 😍之後仲帶小朋友去左夾公仔🧸 個個都食得開心 玩得開心價錢都公道 不算太貴 而且係平日去 個場唔會太多人家人生日🎂 老闆仲過黎一齊唱生日歌老闆好nice😂😂

話說天氣涼左Call齊朋友過黎燒野食自己拎左D海鮮黎燒同埋食佢D串燒他他條條睇住隻蟹同龍蝦慢慢變紅真係正仲有食我最愛既辣雞翼一食又食左10幾隻煨多幾舊蕃薯真係捧住個肚走

曾然多次幫襯，都覺得都算食物質素唔錯今日本來一早book 位打算兩個人去燒嘢食咁比原定時間早到，結果門口有一位職員話無位佢表示只做多人嘅團體覺得十分出奇，基於限聚令竟然仲可以話只做多人，得兩個人嘅生意唔接及後都向依位職員表示我有book位，雖然係預約時間未到但竟然答我就算到時有都比左多人嘅團體先咁樣做生意真係令人匪夷所思最後見到入面有好多幾十人聚埋一齊，到底有無違反限聚令呢？商家為賺錢而罔顧疫情真令人側目

今日燒烤食了不少野，如蝦、蜆、金菇、翠玉瓜，全部都好好味，呢度燒烤落雨唔洗驚，有遮掩，而且地方夠大無老鼠，又係懶人燒烤，唔洗用叉轉黎轉去，好方便！但火候好大，雞翼好易燶，浪費了一轉食物。