汀角灣燒烤農莊

營業中

休息中

Nice！如果想搵大啲嘅空間燒嘢，可以睇睇呢度有好大嘅草坪，空氣清新價錢合理，食材新鮮，之前去其他地方啲菜同肉都唔夠新鮮，今次過黎十分滿意，服務周到，老闆人又易話為，下次仲黎呢度

復活節假期間因為有大班朋友可以難得一齊活動，之後預訂左呢間燒烤場，早前已二話不說付訂金預留位置，但當日大尾篤因有交通意外封晒路，無車可以入到去，去過巴士站問左都話唔會有車再入到，之後打過去問可否退回按金，但回覆既答案係下次約齊人再入過去，始終之後短期內唔會有長假期以及再難約齊人，最後都係唔肯退。最後大家都決定寧願送按金都唔會想係呢間舖頭消費。去唔到唔係因為消費者甩底，而係現場環境唔許可，呢間店嘅態度完全令到消費者唔會想幫襯。

環境幾好 枱同枱之間完全唔逼而且個場地幾大 幾舒服同埋係任坐 適合同朋友坐好耐傾下計但食物種類唔多 同味道一般唔建議揀自動旋轉既燒烤爐🥲要加錢仲唔好用因為某d食物旋轉其實好困難 建議用返網燒

唔同場合來過幾次啦，環境舒服開讓，周圍係草地及農莊，被大自然包圍，人都開心的。食物味道不錯，有幾款特色野幾好味。適合一班朋友屋企人聚會，公司搞活動，有個舞台可以搞抽獎唱歌跳舞小比賽，氣氛好好，仲有個草地比小朋友跑下，玩足四個鐘，好盡興好開心。老細人都幾好傾，值得推介

100%推薦！！！地方夠大，環境好，勁適合影相，特別係天時好既適合，夕陽西下，嗰感覺真係無得頂…老闆好熱情，基本上有求必應，而且d嘢又齊食材方面好新鮮，不過我哋唔係好識燒，浪費好多食材…下次過黎要同老闆請教吓先得不過注意過黎之前要提前book！

好好嘅一次燒嘢體驗！環境：近海，空氣好清新，到呢度成個人都鬆嗮，個場都大，成個氣氛好nice，好適合多人組團！食物：食材新鮮，肉類都好新鮮！服務：老闆好nice，服務周到，咩都有，真係勁方便！總之係一次好正嘅體驗，下次公司team building首選

門口排一輪隊比錢個時先話冇港式燒烤（傳統燒烤叉個隻），話入面好多人好熱，所以叫我地轉串燒爐會涼好多。比完錢去揀位，串燒爐區仲爆過燒烤 ，人勁多，爐的密度高過港式，又熱，唔係個個位有風扇，有就你好彩。出去拎野食經過港式區，人又唔多，爐又唔多又唔熱，分明佢地慳成本唔比人用港式啦。野食方面少款，唔好食，最慘係野食區勁細。人人搶野食，中途已經好多款冇得再拎。蜜糖又唔甜。連本身送海鮮都唔講，見人拎問下先知，勁賤。呢d場真係blacklist,去返出名大間個d好d lor.

一去到已經覺得環境好差！又濕又污糟又舊，服務態度又唔好，黑口黑面咁⋯⋯仲要屋頂滴水，搞到要自己搬枱、搬櫈、搬爐。啲膠枱布又比啲風扇吹到飛起曬，又係要自己用自己帶嚟嘅水痴住佢⋯⋯呢啲都算，仲要乜都係自己搞，唔知點解要比呢個價錢。食物方面好普通，選擇唔多，牛肉特別難食。海鮮就淨係得蝦ok，蠔、蜆都唔得。飲品方面，每人只有一罐汽水/茶，完全唔夠。天黑咗就仲恐怖，成個場都係飛蟻，係多到會阻到人食嘢⋯⋯我食過咁多bbq 未試過食到咁躁⋯⋯一定唔會有下次！

價錢合理，環境好，坐位距離非常好不太迫，每位員工服務態度都非常好，店內仲有提供蚊香蚊怕水，食物多款冇味精已去過多次，前幾天去過朋友都讚明天再同家人去😋😋😋

之前嚟過幾次，價錢合理，環境好，衞生好，食物好沒味精，款式多羅羅，每位員工服務態度非常好，又細心，仲有枱布蚊怕水蚊香提供。今天帶朋友嚟都讚不絕口👍🏻😋一定會再嚟

.疫情都改變左唔小我地嘅生活習慣🙈而家都比較鍾意親近大自然🥰反而令我地👩🏻‍🦰👩🏻👨🏻‍🦱👦🏻放假多左唔同種類嘅節目🥰汀角灣bbq農場場地好好😆本身驚曬🌞仲有定👒但場地有個好大嘅簷篷🐼女仔就唔拍曬黑啦🐷😙………….食材方面都多選擇😆而且已經調味好，😆燒豬排🥩雞翼🐥羊架🐮雞腎🐣都好正！食材方面真係幾新鮮🕺🏻✨✨…………整體今次嘅體驗都好好👍🏻，無咩可以挑剔!!!🥰🥰✨唯一係無綿花糖😖大家一定要買過去燒😙😙…………味道：🌕🌕🌕🌕🌕5/5環境：🌕🌕🌕🌕🌕5/5服務：🌕🌕🌕🌕🌗4.5/5衛生：🌕🌕🌕🌕🌑4/5回頭率：🌕🌕🌕🌕🌕5/5(已經約好左朋友👬🏻👫🏻👭🏻下星期再起😂😂✨)………….

打電話比book位完全聽唔到佢講緊咩剩係聽到佢叫我打去比另外一個電話之後打左去另外一個電話又叫我打去另外一個電話每次我未問完未聽到佢講咩嘅時候就cut線真係未試過咁差嘅體驗

一班朋友仔聚會，又來哩間燒烤場燒野食，今次要讚一讚哩盤烤魚，好正！提早同老細預定左，魚係用左新鮮石斑，配料有豆卜，蜆，芽菜，辣度中辣，個個都話味道好好，非常搶手！另外我的自己係街市買左的長腳蟹同松葉蟹入去自己燒，彈彈肉勁鮮甜！哩間燒烤場食物選擇都算豐富，最好味係牛仔骨，雞翼，百零蚊食足玩足4個鐘，抵！開心的一餐👍

未試過咁差既一間bbq場！真係唔比劣評都唔得！服務態度非常差！對客人又惡！連賓妹既態度都差過人！揸車入去，喺門口就叫我哋停低架車去比錢⋯問我哋幾多人，我話計一計先，點知連計多幾秒都比人話！個職員話「快啲啦！你搞到後面成排車等喇！」又係你要我哋比錢先，但又唔比人計人數！最終咪又係要我哋泊完車先再出嚟比錢！野食又難食！一係鹹到死一係就冇味！排隊拎野飲又等得耐，仲要大叫後面等既人好諗定要乜！又唔諗下佢地自己拎野拎得慢先咁多人等！仲要咁既態度對人！

全程呼呼喝喝，俾哂錢又不停話要查有無俾，攞野飲排隊排半個鐘，攞個陣阿姐又黑口黑面，碟又唔俾攞多個，沒有更差的體驗了垃圾桶又只有一個，而且沒有人過嚟清潔，垃圾桶特別容易爆滿，環境衛生方面等等一般，最重要的是工作人員的態度服務特別差，真的真的特別差，就好像過來用錢買受氣一樣，真的是一間沒有好的體驗的燒烤店！！而且食物選擇少，味道新鮮方面感覺不良好，場地沒有很爆滿，但工作人員就好似唔想理人