汀角灣燒烤農莊

營業中

休息中

# 【新界都有EDM Festival？大埔汀角灣BBQ FARM 4月19日音樂燒烤狂歡】🔥🎧大埔汀角灣竟然有呢個寶藏燒烤場！鄰近大尾篤海邊同八仙嶺嘅 「汀角灣燒烤農莊 BBQ FARM」真係樣樣齊！自助式任食BBQ，牛扒羊架豬扒雞翼鯖魚多春魚，青椒栗米豆角燒賣魚蛋，唔少得多種丸類腸類，仲可以自帶新鮮海鮮自己燒，爽爆啊！💯場主Anthony非常熱情好客，話呢度好Free，最緊要就係大家玩得開心🥳現場唔單止燒嘢食咁簡單，設有投影電視、免費停車場、仲有有機自耕農莊同蘆薈田園，即係話你可以一邊燒嘢食一邊欣賞大自然美景，真係放鬆身心嘅好地方啊～小朋友仲可以喺吹氣設施奔跑放電～Vip房設有卡拉ok可以唱下K，最正係完全免開爐費！😍入夜6點仲有6部超跑輪住進場，激昂的引擎聲將現場氣氛急速升溫，為夜晚嘅電音節拉開序幕！🛞一邊燒嘢食一邊聽歌，估唔到可以咁夾！🤩🔊重點黎啦！4月19日「汀角灣燒烤農莊」將會舉辦一場前所未有嘅BBQ EDM音樂節，有知名DJ現場打碟，邊食邊玩，飲品任飲！原價$500/位，而家網上預訂只需$388就有齊4小時任食任飲加睇表演！呢個價真係超值到喊！🤩

今日難得同朋友聚會，諗住揀d平時唔會去既地方食野。諗起大埔好多BBQ場，上網睇到咁岩有場$388電音派對 x BBQ好正！汀角灣燒烤農莊 BBQ FARM燒烤任食，食住聽電音，有埋DJ打碟勁chill。坐定定有專人幫你開爐，大爐或桌上細爐任君選擇，依到主要係用桌上細爐，又方便，火力又夠大食物好快熟。出去收銀處拎燒烤物資先（紙碟食具，蜜糖，每枱一份海鮮）。最多可享4小時任食，超爽。入食物房拎野食先～雞翼都有幾款味道預先醃好咗，扒類燒骨都有，丸類拮好晒一串串，超方便。有錫紙盤仔用牛油燒蔬菜超好味。電音派對晚上有幾位DJ表演嘉賓，舒情/勁歌都有，好多人閒時會過去表演區high下fing下手，強勁既節拍又真係令人情緒高漲。在線預訂可以$388的優惠價格(原價$500）購買4月19日的BBQ EDM門票，包括：-4小時任食及指定飲品任飲-知名DJ歌手表演

就嚟復活節🔥趁住天氣仲有少少涼氣，同Lisboy去有機農莊親親大自然同埋BBQ🤤🌟估唔到大美督有咁正嘅燒烤樂園，舒適 #露營 嘅場地設計，唔使傳統燒烤叉逐樣嘢野慢慢燒😘因為呢度會提供枱上自動燒烤爐俾我哋放啲唔同嘅嘢食上去自動燒😍真係懶人福音！星期日去仲有 EDM FESTIVAL🎶👯‍♂️ 燒燒下嘢食都會見到有好多靚車🚗同埋著名嘅DJ打碟、KOL唱歌表演，成個氣氛都好熱鬧😍🎉Lisboy好Enjoyyyyy正到爆！不得不提就係呢度嘅嘅食物好新鮮，而且有好多唔同類型嘅食品、飲品可以任飲任食🤤小Sun媽最愛燒牛肋骨、金沙骨同燒雞翼⋯而且每台仲會送海鮮🦐同埋菠蘿🍍燒菠蘿樂甜，Lisboy食咗2/3燒菠蘿🍍😆今次真係肉有肉味～菜有菜味🥬而且食物唔會用好多腌料醃製，呢個係我好少喺燒烤樂園見到嘅新鮮食材👍🌟好抵讚！呢個有機農莊除咗有BBQ之外，仲有好多兒童遊玩設施，跳彈床、遊樂場設施、唱K、麻雀🀄️⋯仲有得夾公仔添😆一個燒烤樂園，一次過滿足晒大人小朋友嘅願望🥰🎉實在太開心啦！📣 依家喺線上購買4月19日嘅燒烤電音節門票只係$388（原價：$500/人）快啲來團建同感受吓！‼️ 4小時任飲任食‼️ 知名DJ

4小時任食自助燒烤放題 + 戶外電子音樂節入夜狂歡!知名DJ歌手舞台表演一齊RAP一齊跳之餘，重可以比你隨意同多架靚跑車打卡!汀角灣燒烤農莊 BBQ FARM 露營風燒烤，全場有蓋落雨都無野好怕~更有冷氣開放房間，可以訂檯打麻雀唱K!佔地超過2萬平方呎，大尾篤海邊燒烤場遠眺船灣海，地方清潔。岩哂一家人Family Day 有充氣城堡恐龍滑梯、夾公仔機等，大人小朋友都可以盡興而歸!重要! 即日起在線預訂4月19日的BBQ EDM門票，可以$388的優惠價購買原價$500/人 嘆盡4小時任食及指定飲品任飲!知名DJ歌手演唱打碟表演、更可以同跑車打卡，一齊唱跳舉高對手唔好怕羞!自助式任食BBQ，可以自帶海鮮，聽吓住歌又跳吓舞，氣氛一流。場內有3款燒烤方式: 串燒燒烤、旋轉燒烤及港式燒烤任食區提供各類美食，肉類、丸類、串燒類、海鮮類、蔬菜類等，全部材料、專人醃製，溫度正常合格食得健康。而我地就揀左串燒燒烤，全晚只需工作人員加一次炭，唔駛怕麻煩勁方便!除左部分飲品任飲亦有汽水及雪糕等售賣除左4月19日，其他日子可以即上網頁預早訂位!全日開放All-day BBQ buffet 任食四小時⏰燒烤場

週末有節目 - 大埔汀角灣燒烤農莊🔥有得玩，又有嘢食😋啱啱週日參加咗《自助燒烤放題 + 電子音樂節 》🌟燒烤電子音樂節🌟4️⃣小時任食+ 指定飲品任飲知名DJ歌手表演呢度空間幾大，提供唔同嘅活動🔸燒烤區有分有蓋 / 露天位置，地方清潔最適合一大班朋友嚟玩，又或者同屋企小朋友嚟都冇問題🔸仲可以book 抬打麻雀🀄️🔸book 唱K🎙️🔸最緊要就梗係有個DJ舞台，同埋有個好大嘅跳舞空間🔸仲有個充氣城堡🏰俾小朋友玩🔸夾公仔機工作人員會為客人set up爐火，客人只需出去選擇自己喜歡嘅食物及飲品，就可以坐低燒嘢食，可以選擇網爐火（勁方便，將啲食物物放晒上個網度，燒熟就食得）或用燒烤叉也可燒烤食物款式頗多，包括雞翼、牛扒豬扒、羊扒、雞扒、丸類、腸類、蔬菜🥬、粟米🌽、脆肉瓜、茄子🍆、麵包，自助汽水茶飲任飲食到咁上下可以同朋友出去聽吓歌🎶、跳吓舞💃🏼🕺🏼，氣氛high爆，跳到攰又繼續燒嘢食交通方便🚎🚗1️⃣有車位泊車2️⃣大埔火車站搭van仔20C3️⃣巴士75K4️⃣約埋幾個friend搭的士入嚟都唔使$100

天氣清涼，最啱就去BBQ🍗🥩跟朋友去咗近住大埔汀角村嘅汀角灣燒烤農莊，果度佔地超過2萬平方呎，爐與爐之間唔會太窄，啱晒周圍走嘅小朋友呢度除左平日嘅港式燒烤爐之外，我哋今次人少少揀咗串燒燒烤，成功解放雙手🤗任食區亦提供多款食物，包括醃好嘅肉類、丸類、串燒類、海鮮類、蔬菜類等等，仲有指定飲品任飲🥤除左食之外，估唔到呢度仲舉行電音節（EDM Festival)，有知名DJ歌手表演🎤，可以一邊燒嘢食一邊聽歌，非常之熱鬧同有氣氛，當然唔少得小朋友至愛恐龍跳彈床🦖同埋夾公仔機🧸仲泊埋多部名車俾人打卡📷而家上網預訂，就可以以每人$388嘅優惠價格（原價$500）購買4月19日的BBQ EDM門票，包4小時任食及指定飲品任飲；同有知名DJ歌手表演，趁住復活節假再去又食又玩先！

鄰近大尾篤海邊和八仙嶺🏖️⛰️，環境清幽～是個燒烤聚會的好地方！今次體驗了$388/位的4小時任食BBQ套餐，原價$500，優惠價非常吸引！🤩💰農莊環境算乾淨整潔，又有免費停車場🅿️除了燒烤區外，還有蘆薈田園等景觀🌵，好relax😌有投影電視的設置 仲可以唱K📺🥳任食的燒烤食物種類繁多，選擇豐富！😋食材包括各式肉類（牛肉🥩、豬肉🐷、雞肉🐔等等）、多款丸類🍡、蔬菜（包括菇類🍄、玉米🌽、青椒🫑、南瓜🎃、茄子🍆等等）🤤👏 值得一提的是，他們提供多種調味醬料，蜜糖、孜然粉😋🔥有風味海鮮🦞Set就一人一份 ，有青口、蝦、金菇、菠蘿食材種類之多，物超所值！💯自助式的燒烤方式，好方便快捷！👍 仲要有知名DJ歌手表演🎤🎶，好熱鬧🥳 在線預訂可以＄388的優惠價格購買4月19日的 BBQ EDM門票優惠～

襯天氣未算太熱 去咗大埔嘅汀角灣燒烤農莊燒嘢食 食物種類都算多 肉類菜類丸類樣樣都齊特別推介雞翼同羊架 食咗好多轉 😂仲有個吹氣恐龍小樂園同夾公仔機實行大人細路都啱玩去到先知而家有個 EDM Festival 係BBQ之餘 仲聽到好多唔同類型嘅音樂有DJ歌手表演 浪漫情歌又得 Rock啲亦得 🎸連埋個EDM Festival 優惠價$388/人個個都玩夠兼飲飽食醉 好抵職員服務都好好 好友善出面仲有個停車場泊車 真係夠哂方便連埋個EDM Festival 優惠價$388/人個個都玩夠兼飲飽食醉 好抵

今個星期無上大陸，留港消費，約埋啲朋友去hea 時間，各大商場人山人海排隊排到七彩。 後來聽朋友講這個燒烤場現在有共享冷氣空間房使用及有小朋友玩水設施免費提供使用。 燒嘢食依然係任食任飲，喺冷氣房外邊燒好攞入去冷氣房食，完全望住小朋友玩水槍及玩充氣水上樂園。 自己帶咗啲新鮮海鮮入嚟燒。 這裏我很久之前來過，取食物雪櫃及地方增加咗，款式都多咗及唔同咗。另外，現在在郊外郊遊比較舒服，人沒有很多，交通也坐得順暢。

垃圾燒烤場，食物種類少，職員態度差！肉類只有幾款、蔬菜得蕃薯同粟米！口味又鹹！隔離嘉年華食物種類多好多！如果唔係學校親子旅行，我一定唔會幫襯佢！10個人一個爐一包碳一杯蜜糖！食物夾要另外加錢，食物好似配給咁！蜜糖用膠杯裝，擺係個爐旁邊熱融左諗住去拎個杯居然要我拎埋個融左個杯個去！可笑，要杯蜜糖慘過乞米！同我講要拎返個杯去先refill的男人，睇個款似係老闆.你咁的態度難怪咁好生意啦！大家諗清楚先去幫襯，貼錢買氣受！

本身book咗12:00，但早咗到未開門，職員好有禮貌咁招呼咗我哋入去坐住先，地點方便，環境舒適，唔會好逼，遇到嘅職員都好主動有禮，可能因為平日中午，又落毛毛雨，所以唔多人，3個鐘任飲任食，我哋一直坐到5點幾執嘢走都冇人催過，係食物種類可以多返啲就好了👍🏻

今日跟學校旅行去間學校加埋有七百人左右，但種類少計埋丸唔知有無二十款？面包得半塊。仲要每次只可以加四半塊🙄一盤得個五十塊第一轉已經無曬，refill勁慢，話無人得閒切包。但收費項目就即要即有，你明啦😏得稀到無味既蜜糖俾你，其他俾錢買🙄粟米蕃薯無錫紙俾你，要你义住燒。d野食根本溶唔切，d雞翼幾十幾隻痴埋一齊，職員要用盡全力搣開俾你。職員勁無禮貌仲會呼喝你，每次拎盤去加食物係佢決定俾幾多你，同佢講要多兩條香腸，佢呼喝你: 又要我行反轉頭又咁又咁⋯🙄拎野食好似去乞食咁，又小家。唔想serve 你，點解唔擺係度俾人自助任夾？未夠鐘就收曬食物入反雪櫃話無得加，但又唔通知人last order ? 絕對要列入黑名單😑😑

同朋友近近地入大尾篤BBQ，無訂位。搭九巴75K喺汀角落車過對面馬路，諗住睇啱邊間就入去。其實去烤場預咗食物質素唔會好得去邊，志在同friend吹水。第一間見倒嘅係嘉年華，公眾假期每位$248(預先訂座)/$288(即場)，另加開爐費$50，職員唔答即時訂座可否享有預訂價錢。之後就係燒烤農莊，每位$230(包一樽/罐$10飲品)+開爐費$50，職員耐心回答我們提問，並歡迎我們入內看看食物/環境。再向大尾篤方向行多一陣就有鴻運，舊年試過，朋友話試第二間，所以無睇價錢。隔離就係前麥師傅烤埸個位，改咗名(唔記得)，話有廿年歷史，不過我地都唔覺有咩地方見過呢個名。。。12點9都未開，但有一大班人等，可能訂咗位。因當時未見有職員，問唔倒有無即場位，唯有折返去燒烤農莊。老實講，食物都係嗰啲，雞中翼(有四個味道：原味、辣、咖哩、麻辣)，牛扒、豬扒、金沙骨、雞扒、雞全翼、鴨胸、腸/丸、蕃薯、茄子、粟米、翠玉瓜、方包等等。跟爐有一份金菇，另每位有一件菠蘿、一隻蝦同一隻青口。食物味道都係一般，係勝在唔算好重味。烤場話限燒四粒鐘，但我地燒到成6點(近五粒鐘)都無職員趕我地走，可以同朋友傾到飽。離開時仲有職員

野食好少又補貨慢仲要俾人埋怨咁快食哂d野仲要唔好食雖然價錢正常 但觀感好差 炭開一個爐得兩包但限時三個半鐘環境都還可以有小朋友玩既設施揸車有位泊不過無乜特別野都會再黎附近有更好的的選擇

貨不對板，伏伏伏😑😑😑！冇嘢好食同冇嘢好玩！打電話嚟訂位話好滿客人，嚟到就靜到死！簡直係死場一個！！！隔離嘉年華好佢多多聲，人地食物又多、種類又多！小朋友嘅嘢玩又多！所以農莊試一次就夠，怕怕😑