汀汀烤活魚 (已結業)

本身冇好中意食，覺得好大味，甘岩媽咪生日，佢又中意食，就去食下，點知十分驚喜！我地嗌左羔蟹雞煲，坐廚房附近都見到廚師係入面砍緊一隻蟹，真係原隻上。因為唔算好多人，我地等左一陣都已經有得食。佢一上黎，已經聞到好大香味。個雞煲有一隻蟹同半隻雞，我地六個人食再加埋其他料就已經好飽。隻蟹既蟹膏真係多到嚇親，而且啖啖蟹肉，真係冇諗過會咁多蟹膏同蟹肉。而且雞肉都好入味，又好足料。真心正！係等食雞煲之前，在嗌左一個餐前小食，黃金蝦餅，本身諗住都係冇乜特別，只係炸蝦餅。但食落又真係幾開胃，個蝦餅唔會炸到好焦。仲嗌左個椒鹽一口豆腐，細細舊，岩晒一口食。岩岩炸起就拎上台，做餐前小食就最岩。食完雞煲仲可以加水打邊爐，皆因個個都中意食肥牛，我地就嗌左個生特級安格斯肥牛。真係第一次見到咁靚既肥牛，切到好薄，最岩一口食落肚。同埋，肥牛唔會太肥，適中口感。亦都唔使煮太耐，搞一搞就食得。響鈴雖然好普通，但擺落個雞煲度，就真係好正，皆因個響鈴吸晒湯底既味。每人一件都唔夠，再嗌多左一客。雖然極為普通，但都真心推介。最後再嗌左個烏冬，唔好睇佢細細舊，其實都分到一人一兜仔，一人一啖，作為一個收尾。

幾個兄弟係荃灣踢完波，梗係要食返餐好架啦。其中一個兄弟提議去食雞煲，知道三坡坊附近多野食，就去個頭望下。見呢間汀汀烤活魚幾多人，就衝左入去。老闆娘介紹左個羔蟹雞煲，再點多幾個配料就夠啦。羔蟹勁大隻喎，肉又夠多，幾個兄弟鬥快搶，哈哈！不過雞唔算多，我地一人幾舊就食哂lu。味道幾好，夠哂濃。難得出黎食飯，今餐食豪D。叫左個特級安格斯肥牛，一分錢一分貨，又真係幾鬼好食架喎！好彩叫個大既先夠分。另外仲叫左個三拼餃，有雲呑、水餃同韮菜餃。我當然最愛韮菜餃，夠香同埋D皮好薄。成班食肉獸都要食返D菜中和下架。叫左菠菜，夠新鮮，份量唔太多，我地要再叫多兜先夠。最後黎多個鬼馬雙拼，原來係油炸鬼，幾搞笑。本身就咁食左一舊，好脆口，想試下浸落個湯到食啦，點知手慢左，無哂.......呢間餐廳味道幾好，價錢中等啦，下次去試下烤魚先。

雞煲烤魚這幾年非常流行，爸媽卻沒有去過！碰巧星期天一家人都有空，好！就帶他們去品嚐一下！經過千挑萬選，最後決定到這家口碑不俗的汀汀烤活魚。雖然店家最有名的是烤魚，但其實這裡的雞煲也十分出色呢！羔蟹雞煲因媽媽不太好辣，我們就點了個香辣微辣。一大隻羔蟹再加半隻雞，再配上大量芫茜。羔蟹絕對没有令人失望，蟹肉飽滿，而且蟹羔非常非常的多！完全爆羔！我們要幾個人合力再可把它KO。而雞件不會太嚡口，最重要是肉很多，不會只有骨(因為很多吃雞煲的餐廳，雖然叫的是一隻雞，但有超過一半都是骨，很令人失望)。但這裡的沒有這種情況，雞肉還是蠻多的啦。之後加湯就可以開似打邊爐啦!海鮮拼盤這個拼盤相當豐富，有海中蝦、蠔、桂花蚌、花甲。最欣賞的是海中蝦，上台仲識跳，而且淥完唔會大縮水，仲保持彈牙！好新鮮。另外花甲雖不算大隻，但無沙，食落口亦唔會韌。鬼馬雙拼蝦膠同墨魚膠我都同樣喜歡，這裡有雙拼就正合我意。油炸鬼連膠炸好上台，配埋甜酸醬可即刻享用，但我都係鍾意浸一浸再食。油炸鬼吸收左D湯汁更加惹味。手打孖寶丸再來雙拼。十粒丸都大大粒，漲卜卜。食落口好彈牙，特別係墨魚丸，絕對無偷工減料，食得出係誠意之作。炸魚皮呢個亦係打邊

好耐無見以前啲同事朋友，難得今日大家都唔使OT就成功聚到舊嘞！住喺荃灣嘅朋友介紹我地去食烤活魚，而我又未食過（係呀出咗咁耐都未食過，一直怕辣怕太多骨，所以一直無食）。原來有唔辣嘅「湯底」揀，結果佢地就我揀咗個酸菜湯；魚揀咗魽魚（唔知乜嚟），咁老闆娘話招牌菜就try try 啦初嚟報到！咁其實都有桂花魚呀多寶魚共四款魚揀，任君選擇！唔鍾意食魚都有雞煲蟹煲食，多啲人咪嗌多幾款食，開大餐！條魚終於嚟喇！其實呢度上菜都慢慢地，可能係即叫即整吧！初初以為得一條魚食（睇餐牌感覺係），但原來都有兩條。一搬上枱就有好有陣孜然粉味。個人覺得一條新鮮嘅魚，什麼活魚係唔需要落太多味，完全蓋過魚鮮味，可能呢個係地方菜所以落咁多味。anyway, 條魚係不錯嘅，魚質有啲肉地唔會散，唔會多骨。我通常都唔食魚腩，唔識食，但呢條魚腩我會食，每口都係肉，無腥味（當然啦落得咁多粉）。魚湯有酸菜呀，豆卜呀，芽菜呀，蘿白呀，完全係索湯材料，食極都未食完。三個人食一盤魚係啱啱好嘅，另外食完魚打下邊爐，繼續吹吓水。 咁我地叫咗蜂巢豆腐啦，鬼馬蝦滑油炸鬼啦，粟米，金菇……其實蜂巢豆腐係好易整，但我覺得有好唔好食嘅分別！好食嘅就仲有

由於我係鱼怪，所以雖然唔係好食得辣都成日出入烤鱼餐廳(點都要有小小辣先正架嗻，明啦)呢日癮起黎到叮叮烤魚，竟然見到有沙巴龍omg! 抱住唔試吃虧嘅心態，我就order咗叫咗细size,方便留返D胃食其他野哈哈，但條鱼兩個人食完全好ok一食。。。啖啖肉!仲好鲜味!完全無浪費到條鱼以後食鱼又多種鱼簡，愛鱼如我其實allfine，驚多骨嘅直程係福音!呢間叮叮仲有好多配菜。個桂花蚌真係好正呀好厚，加辣湯完美!仲叫咗蜂巢豆腐同拼時菜，份量好足，但我掛住食無影相lol最後加個加多寶降火，完美的一晚

最近成日去三坡坊個邊搵食 好幾次經過汀汀活烤魚都俾店內傳來GE陣陣香味吸引住...今晚終於有時間約埋老友一齊去幫襯下XDDD時間尚早 無乜人😂餐廳除左烤魚 重有雞蟹煲望下望下 原來餐廳重有小菜多元化滿足大家不同口味👍🏼我地今晚簡單D 叫左細GE沙巴龍蠆配酸菜湯底(其實係因為有人太熱氣爛咀巴..哈哈)等左一陣 香噴噴GE龍蠆送到..越煮越香好多酸菜芫茜香蔥等等包圍住 大愛😍龍蠆預先被煎過 上枱時已經熟 煮一煮更入味店主非常細心 聽到我為捱氣唔食辣 就私人配左啲豆豉辣椒俾我地試下😘😘😘魚肉吸收了酸菜等等GE精華 入口非常香滑再加左少少私人辣椒 味道更加無得頂👍🏼我地重叫左手打墨魚丸 上面重有粒粒蟹子 一D都唔HEA 非常彈牙有咬口 正!當然都要叫少少菜清清腸胃啦. 蔬菜洗得非常乾淨 而且綠油油 抵讚!另外要讚GE係店員GE服務態度 非常友善 縱使客人眾多. 依然耐心介紹美食. 同埋食材堅新鮮 係食得好開心GE一餐飯!

同雞煲朋友食飯，大多以雞煲為主題，今晚雞煲朋友約我去荃灣食雞煲，但佢推介的是汀汀….但我之前食過汀汀，不是食烤魚？？佢話試過佢雞煲都吾錯，所以今次帶我去！～在荃灣地鐵站行大約15分鐘到，今次雞煲朋友話試羔蟹雞煲，因為我吾太食辣關係所以叫了小辣，而佢另叫左待應加一碗辣醬！～大約我地食左2個小時左右，每人都係$250，有蟹有雞食都抵食！～餐牌方面都寫得好清楚有不同味道和小食之類，仲有張火鍋可以食完再打打邊爐，飲品方面都係以道地和鴻褔堂，汽水為主。羔蟹雞煲$348：味道有麻辣，香辣，蒜香三款味，今次我們叫了麻辣小辣，材料重要的蟹，好大個蟹蓋呀…已經吸引了，而食去落蟹肉都新鮮而多肉和蟹膏鮮甜。雞肉份量都不少和食落都嫩滑多肉，配合吾太辣的麻辣可以還吃到原本材料味道，不錯。配料方面洋䓤和番茜之類都不少，所以更加帶出香味，最重要是吾會越煲越咸，味道剛好。黃金蝦餅$48：來到朋友話似豬扒咁大件，切得細細件又易食，食第一口好彈牙而且蝦味重，而且夠熱同脆口，味道較得好不用點醬汁已經足夠。雲吞$40：黎到沒想到咁大粒，食落去超足料（多蝦之餘又豬肉夠香），我和朋友都十分喜歡食，而且粒數勁多，抵食！～冰鎮菠蘿$

今日帶左屋企人去荃灣汀汀食飯，因為之前在旺角食過一次覺得吾錯而且荃灣區都方便返去。去到門口已經好大個魚缸放了不同的魚，入到去因平日關係不算十分多人。當然首先叫左桂花魚先，問左待應原來每條桂花一定有斤半以上，都夠3個人食，之後再叫了一些小食和飲品。涼伴窩筍$32，黎到原來係有少辣和酸，蒜泥味香，窩筍因為切左幼條都入味而份量都適中，可以開一開個胃先…再黎多個蒜泥系列…蒜泥白肉$42，蒜泥不少，白肉都切而薄而吾肥，青瓜作底吸左蒜香味道不錯，份量比心目中少。最後小食口水雞$42，份量適中但味道就比較普通，幸好雞肉質不錯，夠嫩滑。當然食主菜啦…酸菜桂花魚$328，黎到真係都幾大條，爸爸仲以為2條添，酸菜份量吾少，當然配菜仲有蘿蔔，芽菜，豬皮，青瓜…要等一等才可以食。魚表面有孜然粉，所以一路煮，味道越來越香，食落第一口覺得桂花魚滑而吾多骨，而且因為一路煮，配菜好吸到湯本身味道，少少酸加孜然粉的香。講真食完之後大家半已飽了，再加上小食和飲品就剛好了。

這次跟男友來到荃灣，因為想吃那個花甲雞煲，所以就來到汀汀烤活魚晚飯了。由於下層巳滿坐，所以被安排到上層。雖然花生本來就不是重點，但因為好吃，所以順便就記錄一下～男友說想吃象蛂蚌刺身，所以就點了一份，價錢好像是~$118(不知道有沒有記錯)。象蛂蚌刺身新鮮，而且肉質爽口。以百多元來說，很不錯！又可以象蛂蚌刺身過過口癮。再來就是蟶子皇~$48，一人一隻，唔洗爭。看圖好像很乾身，但其實當時吃的時候是十分juice的。有大量的蒜蓉，連同蔥及莞茜香(不吃莞茜的就自行拿走好了)一拼吃下去，正!!終於來到這餐的重點，花甲雞煲(半隻)，因為我不吃辣，所以就點蒜香的好了。雖然是半隻雞，但雞煲及花甲的份量一點也不少。有大量的蒜、洋蔥、蔥及莞茜，還有八角等等調味。雞煲上爐後還要煮一會兒才可以開動，所以最好點一兩份熟食的，邊吃邊等。個人覺得雞煲味道其實不錯，但其實可以再濃一點點（重口味的我XD）。花甲數量多，雞肉嫰口，而且洋蔥入味後很好吃呢～所以這煲都花了一大段時候才吃完。之後就是雞煲後的邊爐時間～響鈴是我倆打邊爐必備item。可惜，汀汀的響鈴不夠脆呢～之後就是為了慳錢沒有點靚牛肉的二人肥牛，我們一心以為二人

越黎越多人食烤魚，所以今日約齊人試下先，先黎個小吃，燒茄子，一上枱就香噴噴，燒得剛剛好，加上蔥花，香粉，入口皮有小小焦，但肉身仍然滑，口水雞就一般，冇太大特別，跟住主角出場，侍應哥哥話魽魚冇咁多細骨，最岩烤完再火鍋，唔怕有骨碎，烤魚果然名不虛傳，食落熱辣辣，雖然烤住，但不會老晒而韌，仲好有魚鮮味，再加上特制辣汁，食到最後加湯再叫火鍋料，由於先前既烤魚汁再火鍋，變成濃味魚湯辣鍋，正

雞煲食太多開始悶, 友人介紹魚煲, 感覺暖胃又健康, 因為脂肪比較少.原來魚煲都可以一魚兩食. 預約左所以不用等位.店舖裝潢帶有中國風, 分上下兩層, 多數是荃灣區街坊食友出沒.店員很細心介紹四款魚煲, 其實當時也心動想轉食雞煲, 因為我發現雞煲有其他配搭食材.例如花甲雞煲, 膏蟹雞煲, 也很吸引. 但店舖主打魚煲, 還是先試試.招牌烤魽魚 (香辣味) - 小辣 ($248) :店員推介招牌烤魽魚, 少骨易食, 的確上菜時的魚只有主骨一條, 很易夾到魚肉, 可以享受啖啖肉.選擇了香辣湯底, 聞到陣陣香料味, 辣度選擇小辣也可以接受, 越食會越出味, 所以中途我已經開始出汗.不過既香又辣魚肉, 卻令人忍不住停手, 所以友人叫了啤酒來解熱, 同時可以加少少湯中和辣味.湯底是用魚煲了長時間而成的精華, 奶白色的湯底味道已經好濃郁.  魽魚上枱時已經熟, 魚皮很香, 魚肉很滑也不腥, 肉都很多而且少骨易進食. 魚尾位置的肉也很滑.當香辣香料與魚湯滾起混成香辣魚時, 味道更濃更惹味. 還有豆卜, 苦瓜, 蘿蔔等等, 吸盡湯汁味道, 也很好食. 食到一半或八成時, 可以加湯再點配料打邊爐.雪花

同老公經過好多次，但因為次次都因為我唔食魚而卻步。今次成班同事去，冇機會話事，所以去左食。點左麻辣烤魚同麻辣雞煲。本住夾錢唔執輸嘅精神，食左一細啖魚，可能因為麻辣嘅關係，唔覺腥，仲好滑，至憎食魚嘅我都覺ok。而雞煲可以話係我最愛美食之一，雞好滑，麻辣超惹味，正到不得了！但食完有啲口乾。另外提醒大家，響英皇有派優惠，食夠400蚊就可以用1張減50蚊，多食多抵。仲有響facebook like仲可以野飲半價。

以四川魚鍋為招牌既食店好多唔同既魚類同味道選擇 而我揀左烤鉗魚 麻辣味 248 蚊將烤過既鉗魚放喺薄身既長方形煲上， 而入面放入充滿住四川麻辣既醬料。魚煲十分香 麻辣醬汁撲鼻而來 有辣椒 麻子 洋葱 芽菜等等 同魚一齊要黎撈飯好好食。 而主角鉗魚 肉質煙韌 充滿魚味 吸左麻辣汁十分惹味，而上層既豆豉亦同麻辣汁配塔得唔錯 又不會減低魚肉既鮮味， 而最邪惡係煲入面仲有青瓜 蘿白同豬皮 , 煲到變啡色盡吸哂辣汁 yummy食魚中段可以叫打邊爐料。 因為醬汁惹味 其實點食物尤其係爽汁既都一定好食。 好似金菇(半份 16 蚊) 芋絲 (半份15 蚊) ，手切雪花肥牛 118蚊 肉質夠滑 而牛肉味適中 脂肪比例高 所以比較林身 而鬼馬雙併( 72 蚊) 係炸過既油炸鬼上面釀左蝦滑 同墨魚滑， 由於係熟食 可以點以甜酸醬食，食落脆卜卜 , 或都放入麻辣湯底盡吸辣汁 林林地甘食都係一個好選擇！而估唔到食店都有中菜同海鮮推介， 而我只點左蒜蓉粉絲蒸扇貝(每隻48 蚊) 過下口癮扇貝好大 個殼直徑有多過半枝筷子甘長， 扇貝蒸得剛好熟 充滿鮮味 而粉絲切得比較碎咬落有口感 重點係蒜蓉汁都整得好出色， 濃蒜味

40文6粒雲吞。感覺有些掠水(個人認為)72文嘅鬼馬雙拼，油炸鬼入面的魚滑問蝦膠少得可憐。兩cm厚都無。248嘅招牌烤魽魚，條魚好瘦，每人兩啖都無。成鍋配料多過主角(魚）全程呆等多過食野。出現漏單同錯單。。。失望回歸。

同得舊同學食飯一定揀區內又坐得耐既地方，傾到夜一夜返屋企都方便。三坡坊多好野食，本身想食雞煲，但食下魚煲又幾好，叫左個多寶魚，朋友係愛魚之人，話多寶夠滑，烤活魚食一流，湯底就揀左最夾既酸菜。一大盤野上黎，估唔到係咁大條，先炸左一炸封住肉汁，慢慢滾都唔怕爛。飲啖湯底又幾香，酸酸地夾魚肉出色，至於主角真係好滑，雖然唔似啲大魚咁厚肉，但滑到值回票價！極速ko左條魚就開始打邊爐，醉雞份量少左啲，不過都算啖啖肉，酒味加上杞子好香。桂花蚌就唔使講，彈牙又唔腥好味。打邊爐去到尾整返個烏冬，係稻庭黎架！值得一讚！店家自制嘅辣椒好正！唔太辣又好惹味，大家都可以問佢拎少少試下，配可樂好正架！睇黎下次要試多啲海鮮至得。