汀汀烤活魚 (已結業)

同老公經過好多次，但因為次次都因為我唔食魚而卻步。今次成班同事去，冇機會話事，所以去左食。點左麻辣烤魚同麻辣雞煲。本住夾錢唔執輸嘅精神，食左一細啖魚，可能因為麻辣嘅關係，唔覺腥，仲好滑，至憎食魚嘅我都覺ok。而雞煲可以話係我最愛美食之一，雞好滑，麻辣超惹味，正到不得了！但食完有啲口乾。另外提醒大家，響英皇有派優惠，食夠400蚊就可以用1張減50蚊，多食多抵。仲有響facebook like仲可以野飲半價。