138
17
5
所有分店 (2)
電話號碼
23932800
61218000
開飯介紹
以傳統烤全魚作招徠,活魚每天從街市入貨,加入港人最愛的打邊爐元素,食得更豐富。請來四川師傅做顧問,用料、湯底是精心調配。老闆特別訂來長方型的爐,火力平均,湯汁夠多也可像麻辣燙「涮」不同配料,配充滿麻辣香的湯底,更加惹味。 繼續閱讀
營業時間
今日營業
17:00 - 03:00
星期一至日
17:00 - 03:00
付款方式
現金
其他資料
網上訂座
深夜營業
酒精飲品
賞訂座積分
電視播放
有關獎賞計劃
食評 (167)
等級1 2019-07-15
472 瀏覽
今晚同朋友聚會(3女2男) 經常火鍋放題 今次想試其他見好評幾多 評語不錯 就揀左烤魚.本想揀桂花魚 但話無貨 佢推薦另一種同價魚 忘記名字 話都係$348 我地揀左麻辣酸菜(+$18)另外點左半隻重慶雞煲(麻辣小辣)大家都話等魚同雞上左先再叫其他配料 怕會食吾哂魚一上 ⋯⋯ 好細條 吾知係品種問題還是⋯反正上枱果刻 大家已經開始剔配料而魚本身味道係吾錯 佢既麻辣好香 魚幾滑 但係真係幾啖無哂 好記掛大陸的太二和探魚雞煲無咩特別 同其他都差不多 但佢既小辣都是不辣的配料我地揀左⋯蝦滑($78) 吾抵 小竹笙($48) ok 份量正常 無特別萵筍 淮山($38) 份量都正常 無特別黑牛柏葉($48) 人地話10秒就夠 如果吾係會好’銀’ 難咬 但我地 10 20 30秒都試過 都係’銀’鳥冬($22) 吾抵 一細舊 一人一啖 完了等配料先係煎熬 好耐 眼見其他枱都有呢個問題 .... 佢吾似好多火鍋店好快上配料 成枱野甘 吾知係咪假期問題 最後我地本身叫左響鈴 蘿蔔 粟米 午餐肉 都cancel左 因為等太耐了 賣單每人$178 但我們肚子空空的 再去路德圍食糖水 但員工態度好是真的睇到好多好評都係有叫熟食小食果d 或者下次有機會再試試 繼續閱讀
(以上食評乃用戶個人意見 , 並不代表OpenRice之觀點。)
等級1 2019-06-24
520 瀏覽
半年前食過已經覺得真心差,今日有朋友睇完食評話好好,不想多講再試一次,自問本最人非常喜歡食烤魚,首先落單足足40分鐘先上條魚,都冇問題,真心講條魚細過食串燒既馬友,烤魚既水完全唔夠,伙記同你講條魚八成熟,但向上既全部係唔熱但下面好快已經燶味,成晚隔離左右就係一些小朋友,原來佢地黎呢到食野都係open rice既魔力,幾個係再話唔知想食乜,真心講呢間食烤魚真係好差,最好笑個伙記枱枱都同人講烤魚如果食麻辣一定要加酸菜先正宗,我真係眼都凸埋(加酸菜18元)唔係18元問題,我真係第一次聽,咁點解有人食麻辣有人食酸菜,原來加埋一齊先正宗,我真係覺得自己食咗咁多年烤魚真係錯晒。呢間真係烤魚店表表者 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-06
744 瀏覽
住在荃灣區都好耐了!發現荃灣三坡坊確確實實開了不少大大小小不同種類的食店。當中今晚品嚐了一間很特別及超好味的美食-汀汀烤活魚。老闆員工都很好。我們一班人坐下,老闆介紹了一度招牌菜烤魚鍋給我們品嚐。村料是一大條桂花魚開邊,桂魚炸至金黃色,再放回鍋內煮滾。烤魚有幾款任選擇。我們最後點了香辣烤桂花魚,尤於朋友怕辣,只是選了小辣- $366。魚肉爽滑又新鮮很鮮味,鍋內還有很多配料,豆卜,酸菜,芹菜,大蔥頭,芫茜。酸菜味道不會太酸或太咸。可以說是超棒。果然名不虛傳的烤活魚專門店呀。當然也少不了點一些小吃來配合我們這班酒鬼。椒鹽一口豆腐$42炸到外脆內軟,非常惹味。麻辣鴨舌也是必點小吃 $48,麻辣味道恰到好處除了小吃我們點了這裹超正的本地手切牛肉 $198,肉味濃厚,鮮牛肉味十足值得推薦。也有其他特級安格斯牛(小) $198可選擇。還有自家制的魚滑,黃金炸魚皮,蒜香皮蛋等等。今晚吃得很𣈱快啊! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-01
542 瀏覽
由於班波友住荃灣,今日就去左佢地地頭打波,打完之後佢帶左我地黎球場格離呢間野食烤魚,我地叫左烤桂花魚,同一般魚煲唔同既係佢地會先煎一煎香啲魚皮,先再放魚湯落去,食落又真係會香口好多。除左個煲之外,我地仲嗌左幾個小菜,分別係薑蔥爆蠔、黃金鮮魷同埋炒鵝腸,由於我地打完波唔想食咁飽所以冇嗌到飯,如果唔係呢幾個小菜已經好食到送幾碗飯,特別係佢個黃金鮮魷,佢個炸粉同咸蛋黃既比例控制得岩岩好,唔會落得太多咸蛋黃搞到個魷魚冇左脆個口感,所以我覺得佢地個黃金鮮魷係必嗌。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-03-30
254 瀏覽
荃灣越來越多好野食,今次揀咗三坡坊的汀汀烤魚打邊爐,貪佢平民地段,幾個男士可以飲啤酒暢所欲言。鍾意佢嘅烤魚喎有好多選擇,可以揀唔同嘅魚,唔同嘅調味配菜。今次揀咗酸辣烤龍躉鍋,條魚應該有兩斤幾重,所以一班兩味,片肉打邊爐後,原條做烤魚鍋時,仲好大條好多肉。欣賞佢個烤魚烤得好香脆,個魚頭勁好味食到啜啜聲。酸菜香辣程度啱啱好,唔會太鹹影響條魚嘅味道。碟牛肉非常大碟,質素甚高!大排檔嘅好處係成晚狂叫啤酒都唔會太貴! 繼續閱讀
(以上食評乃用戶個人意見 , 並不代表OpenRice之觀點。)