永興燒臘粉麵茶餐廳 (已結業)

11月29日, 今日同呀比一齊偷懶去將軍澳睇戲兼行下街~ 由於夜晚有飯局, 所以lunch想食light少少… 基本上茶餐廳都好少可以食light野, 不過呢度有個羅宋湯螺絲粉又好似幾健康咁~ ::: 羅宋湯螺絲粉 + 磨菇奄列 + 凍奶茶::: $32 + $2羅宋湯係幾正宗, 有香甜蕃茄同牛肉味之餘帶少少辣~ 亦都可以見到面頭有一點點嘅紅色油, 嗰d係番茄加肉後煲得耐而出嘅油, 其他蔬菜配料份量十足, 而且都煲到淋晒好入味. 螺絲粉仲保持到有彈性, 唔會過淋, 又夠鎖湯~ 好味! 食晒成碗都唔覺得好油膩~磨菇奄列都幾大塊, 蛋皮薄薄煎香~ 切開內裡真係內有乾坤, 除咗磨菇之外原來仲有白汁雞絲!白汁補充咗蛋汁嘅不足, 味道好豐富, 唯一要彈下嘅係d雞絲肥咁d…凍奶茶都好味! 奶同茶比例好~ 同埋夠濃! 不錯~::: 沙嗲牛肉炒河 + 凍奶茶 ::: $35 + $2午餐嘅選擇都幾多, 款款唔同有中西式, 仲跟埋湯添, 有白湯中湯揀, 夠晒多元化~白湯味道夠晒, 鹹鹹地係正宗港式茶餐廳嗰隻, 仲帶有少少粟米粒~ 不過稀就稀咗d, 煲杰少少會仲好. 沙嗲牛肉炒河略嫌炒得唔夠均勻, 河粉仲

經過新都城的另一邊，常看見一間茶餐廳，外面有一小間相連的麵包店，出售新鮮出爐的西式麵包。我一進去，既驚且喜，驚的是驚訝於麵包的價錢竟然如此便宜，喜的是麵包的份量不少，而且以後便能買到便宜的麵包作早餐了！我立刻買了一個叉燒包和一個火腿蛋包，叉燒包和火腿蛋包的麵包香甜鬆軟，叉燒包餡料更有不少，且叉燒粒味道新鮮而又不會太甜膩，至於火腿蛋包的味道則比較普通，火腿微鹹而蛋餅十分香甜，可惜我買的火腿蛋包焗焦了些許。但每個也不過是$4.5，十分抵食！

一年都唔寫一次食評，寫得多數都係真係極差頂唔緊開口鬧，但係今次想寫個小推介。半夜收工經過寶琳巴士總站，病病地口淡淡又唔想去翠華咁鬼悶，見到呢間一D都唔起眼既茶餐廳，第一時間當然係上黎check check，見到評論不多但寫得幾正面，就抱住不妨一試的心情入去。點左個豉椒牛仔骨煲再加一杯熱檸樂煲薑。牛仔骨夠入味，肥瘦適中，煙韌有咬口又唔會過熟，正﹗(我係牛仔骨fans，最愛觀塘「新南苑」同埋南山邨「品香樓」的黑椒牛仔骨)。最驚喜係果杯熱檸樂煲薑，一入口就知真係用幼薑絲足料去煲，正﹗(有d茶餐廳真係係咁以求其「叮」熱杯可樂再放d薑片加檸檬就算數架﹗)。而且埋單又唔貴，好食又有誠意，值得推介﹗註：唔係為左寫食評而寫，所以冇影相。

因為晚上約了家人在坑口吃晚飯，於是我和老公下午便到附近的寶琳遊逛‧臨行前，老公在網上找到這間永興燒臘茶餐廳好似唔錯，所以便走去試一下，老公叫了楊洲炒飯+羅宋湯，而我則叫了常餐(牛油麵包+雞絲奄烈+羅宋湯意粉及熱奶茶)，味道如下:楊洲炒飯: 好香，有鑊氣，唔油，而且材料豐富，很好味‧羅宋湯: 味道濃郁，好味‧牛油麵包: 可能是自家製的關係，十分軟熟，唔錯‧雞絲奄烈: 蛋內有很多雞絲，但是食起來，味道沒有什麼特別‧羅宋湯意粉: 意粉浸在湯中，充滿了濃郁的湯味，幾好味‧老公話若是用C型通心粉，味道好能更佳‧熱奶茶: 奶味需足，但是茶味唔夠厚，普通‧

昨日玩通宵，今朝才回家睡，很累!起身已是下午一時多，好肚餓，於是便相約女友到附近吃午餐。想了很久也想不到吃什麼，女友想吃翠華，但太多人了，於是放棄。我突然醒起很久沒去過的永興，於是便帶女友去試試看!女友是第一次到這茶餐廳，而我則是第二次!進了店內，差不多坐滿了食客，好不容易找到一個卡位坐下。看了看餐牌，便馬上落order!女友點了個常餐，羅宋湯螺絲粉配牛油方包、蘑菇奄列及熱阿華田，而我就點了個花生醬多士配薯條、甜栗米及熱奶茶不一會，先來了女友的羅宋湯螺絲粉，大大碗的(真的很大)，老遠已聞到那蕃茄香，女友吃了一啖，已瞪大雙眼對我說「好好味呀!」，當然我也不執輸搶吃一番!羅宋湯湯底蕃茄味濃郁，喝得到牛肉的鮮味，而且有大量煮到夠腍的薯仔、蕃茄、西芹及牛肉粒等等，材料份量十足。而螺絲粉煮得剛好，富彈性，不會過腍，連湯一起啜入口中，真是一流!!!!!比起我第一次在「吉祥」吃到的還要好味，正!!!!!!!最後當然是一滴不剩吧!!!!! 蘑菇奄列portion同樣是大，亦叫人讚歎!煎至金黃色的蛋，打開後才知道內裡乾坤! 除了蘑菇外，亦有豬肉粒，餡料非常豐滿

今晚到「永興」晚飯zb2友人說這間永興晚飯小菜很好味，我倒是第一次光臨，真係要試試係咪講到咁正!店內比想像中大及企理，亦有卡位及冷氣，環境算是不錯。因為與友人K遲了一點到達，所以其他人已點好了菜。首先有蝦仁炒蛋，用的是中蝦，口感很爽，有點鮮味，而蛋也炒得很滑，有蛋汁，很不錯。唯一要挑剔的是師傅並沒有挑走蝦腸~接著來的是晚飯小菜必點的椒鹽鮮魷，鮮魷炸至金黃色，而且粉漿不算厚，香脆可口，還有陣陣椒鹽香，不會太鹹，醮些喼汁，酸酸的，味道更佳!雖然這並不是我吃過最好食的椒鹽鮮魷，但這也是好味的!!然後再來一道清清的西蘭花斑塊，也是水準之作，雖然斑塊的肉質較散，但吃得出是新鮮的，幾有鮮味。而西蘭花亦炒得夠爽口，不會因火喉不足而太硬，亦不會因煮得太耐而變腍，算是不錯。最後來的海味什菜煲，材料很豐富，有蝦米、什菜、粉絲、草菇、魷魚等等......味道也是不錯!總括來說，今次也算是驚喜的發現，此店可算是同區茶餐廳之中最值得一試的一間!!!

每次回家下車均會見到有一條人龍在此茶餐廳外等候買出爐蛋撻外賣，證明此茶餐廳的一個賣點為出爐麵包和蛋撻。我們見四點半有點肚餓，所以想起也可以到此處吃吃下午茶之蛋撻和奶茶。當然此處之四寶粉麵也是其出名的招牌食物。所以我們兩種也照點是也。-蛋撻：本身熱辣辣，對我來說，無論是曲奇皮還是酥皮也是一樣的好食，不過此處以曲奇皮為主。下午茶餐收17元，兩個蛋撻加一杯飲品。我有時候更會取其新買的雜誌來看，消磨懶洋洋和熱辣辣的一個下午。-四寶粉麵： 其實您以為四寶，實在應該不止，因為我們每次也發現四粒丸子會多了一粒變成五粒，有可能是熟客吧（哈哈）。牛丸，魚蛋，包心丸（最正）和墨魚丸再配以紫菜是我最喜歡的組合，加上我自己不斷拼以辣椒醬和醋作為下午茶一個最佳的選擇。

Feb 15, 2008 (Fri)飯後同事仍想吃東西，去了她讚不絕口的麵包店。某日放工想來買包但已『全吉』身為愛包之人，雖然已飽，但都『買左返去先算』我們買了六個包，我的有吞拿魚包（＄４）及芝麻卷（＄３）由於太滯，我還是留待第二天早餐才吃其實沒有什麼特別，可能已隔夜，但我不太喜歡有洋蔥的吞拿魚包，而且吞拿魚較少，還是美心的好芝麻卷清清地又幾香同事說提子小麥包很好很多包店也加了價的時候這裡還未加價謝謝同事請食包:]

真係抵食及好味,二人世界餐\\\,2個小菜,2個飯,2個湯加一碟菜,$85.00,小菜份量唔細架, 我地兩個大人加2個小朋友都夠,每星期都有成20-30款小菜選擇,有炒,蒸及煲仔菜,係即整,味道真的好OK,以前因為有好多人食煙,所以覺得好食都唔係太鐘意來,現在禁煙後冇晒問題。

真係估唔到已經有將軍澳街坊評過呢間；這裏除了麵包蛋榚好吃(每晚六時後所有麵包西餅半價，日日都大排長龍)，晚飯小菜都唔錯。我一做無飯煮婦就會幫襯呢間的『二人世界套餐』，$80就有兩個小菜、一碟炒時菜、兩個白飯兩個湯；除佐好抵食之外，最重要當然係呢道的小菜真係好得，佢地的菜譜還會按時令定時會轉新款，不會食來食去都係果幾味。但我老公每次必食牛仔骨煲，因無論咖喱、黑椒、炆南瓜點煮都一樣好味，今次再叫多一個生蠔火腩煲，非常驚喜，簡直十個”讚”呀! 生蠔有成十隻(中型啦,不算大)，伴上半肥瘦火腩仔和爆得好香0既薑蔥，配合埋上還滾騰騰的薑蔥汁真係超級好味呀（我敢講好食過好多海鮮酒家）,呢個價錢食到呢的,超值! 難得這茶餐廳夥計招呼都不差，煲仔上時幫我們執靚張免我們燙到手，走時都有幾個人一齊講多謝哂，唔好理佢係咪係咁意叫下，多多少少也有留下好感!

由於開近我家,我常常幫襯這家賣的麵包。這兒的菠蘿包比金華更好吃!$2.5一個,大大個,表面十分香脆,包身軟熟,不太甜(小女子怕太甜的包),差不多每小時出爐,隔天叮熱來吃仍能保持水準!愛吃菠蘿包的你一定不能錯過。而且每天下午6時後買包有買一送一優惠,十分抵食。另外,這家的雞尾包又大個饀料又多,我朋友十分喜愛,我就一般了,因不太好甜,哈哈

我食過呢間野既福建炒飯...好好味呀...簡直一百分呀..!!!呢間野炒野夠晒鑊氣~行過都聞到香味架...!!!另外..佢有麵包賣架..價錢相當便宜...而且大件夾抵食...一個字...正... !!