永興燒臘粉麵茶餐廳 (已結業)

位於「將軍澳」「新都城中心」商場二期地下，小巴總站旁邊的港式茶餐廳「永興粉麵茶餐廳」，除了交通方便，就連食品價錢也遷就了我實際需要，點「咖喱牛腩飯」加「炸雞髀」價錢不算昂貴，只需要港幣一百元左右。不過「永興粉麵茶餐廳」有一點就教我摸不着頭腦，就是選擇享用白飯配小菜食品，白飯需要選擇跟餐湯一起以「套餐價」港幣十元價錢的「1人自選」「精選小菜套餐」。偏偏「永興粉麵茶餐廳」晚市沒有「咖喱牛腩飯」，結果我需要選擇「咖喱牛腩煲」加十元配套餐「白飯」，至於餐湯方面，我選擇了享用「忌廉湯」。「忌廉湯」味道果然名副其實，充滿來自「忌廉」的甜味，至於「忌廉湯」口感則偏向比較稀。至於主菜「咖喱牛腩煲」方面，「咖喱」汁味道偏向比較辣，「牛腩」實際口感軟腍程度尚可，可惜「馬鈴薯」口感煮得未夠腍。至於晚餐的「雞肉」方面，我選擇了港幣三十五元一隻，看似不算便宜的「炸雞髀」，但是實際上「永興粉麵茶餐廳」「炸雞髀」實際製成品，原來連着很多雞肉，口感也炸得很脆，果主要來自鹽的鹹味。至於餐廳實際環境方面，「永興粉麵茶餐廳」裡面雖然有電視機，不過恰巧電視機播放的新聞報導，在我光顧的時候已經接近完結，所以實際上對我的影響頗為

呢間茶記由我搬入到依家，應該都有20個年頭，真係由細幫襯到大，經常性要排隊等位，呢次就黎試試午餐。其實我讀完書出黎做野之後就極少再去食，除左行山食早餐之外，爸爸就食返至愛燒味，所以叫左燒肉飯，燒肉皮脆肉香，飯量好大，真係好夠飽肚！媽媽叫左常餐，呢個係豬扒公仔麵，配埋火腿奄列同方包，正正常常啦，不過媽媽話豬扒硬實，應該係佢冇落梳打粉醃淋嘅關係啦，麵底上枱時係幼身，冇浸淋到，要讚我就食個冬瓜鴨腿湯飯，呢樣真係好少好少係出面見到會做，佢嘅湯飯仲係湯同飯分開上，我就覺得做得好，有人會話咁樣唔正宗之類，不過分開上就唔洗食爛飯啦鴨腿幾好味，未至於煲湯肉咁柴，冬瓜都多，仲有隻大花菇，正！奶茶依舊有水準，茶香奶滑。其實以前幫襯開晚飯多，四人餐當年都係$176，三餸一菜一燒味盤，超抵。依家已經破$200，不過我覺得佢煮得有鑊氣有色香味，$200上都係抵食過快餐店，雖然招呼好一般，茶記想要咩服務水準呢！？

那天，我們一行 12人，行山後已經下午 4:00，由住將軍澳的一位朋友帶我們到將軍澳新都城中心二期地下的 <永興燒臘粉麵茶餐廳> 食下午茶！原來這間茶餐廳已屹立這裡十幾廿年！食物即叫即製，勝在熱辣辣！讓食客享用口感最好的美食！台式厚切吐司 (花生醬) 配沙律 $33最讚是沙律！配料十足又多款，包括：粉腍的薯仔、爽脆的蘋果、清爽的青瓜、香甜多汁的菠蘿、軟腍的紅蘿蔔...等！台式厚切吐司配花生醬，最驚喜的是塗得滿滿的花生醬，邪惡的美食我喜歡！ 吐司略脆，很不錯！熱好立克口味濃郁，不加糖都夠甜！吉列魚柳配薯條 $39這款等得最耐！由於，即叫即炸的關係，吉列魚柳及薯條，單看賣相都炸得金黃！  吉列魚柳鬆脆，薯條炸至恰到好處！粗薯條薯味濃厚！

放工太夜，近近地食完就算。都唔止第一次向同一個伙記落單，佢亦唔止一次成日落錯。上次叫凍奶茶少冰俾杯凍Ｏ茶，之後我次次叫都好鼻音叫＂奶＂茶去少冰落單。今次俾杯 3/4 冰我，我問佢有冇叫少冰，佢話有，唔關佢事，一係叫我自己攪溶佢，一係自己倒晒Ｄ冰佢，然後扮傻走咗。我由杯嘢嚟到食完個飯，半個鐘杯嘢仲係＂真多冰＂。我倒咗1/4杯冰加水，淡到同飲水差唔多。我出去埋單同個事頭婆講，佢扮撞聾乜都聽唔到。得！唔緊要，你地唔休做，生意多得濟做少幾個客冇所謂係咪？我睇你地以後仲可以做少幾多個客！不知所謂！

叫左個鯪魚球湯飯等左半粒鐘，問一問侍應有冇漏單，就一句撻埋來話鯪魚球即叫即炸架，唔係做好比你。我咩都冇講淨係講左句ok唔該，個位侍應就講左句粗口然後走左去。。。湯飯等同滾水落雜菜溝飯，鯪魚球得個咸字又霉又酸酸地咁。。。下次都係不了

今日突然間好想好想食出前一丁，所以走左佢近近地呢間茶記買左個外賣早餐，加四蚊轉出前一丁，一共39蚊，返到屋企食，頂，錢就俾左，面就無轉，仲係平時好難食個種公仔麵，太唔老實，唔會再幫襯

係將軍澳少有既唔係連鎖茶餐廳，好多伙計做左2好多年既茶記，感覺非常傳統，無論格局，落單出菜流程，員工制服務，裝修，都好有老香港既感覺。當然衛生感覺都好老香港平時都唔算太多人堂食，外賣好普遍，主要都係比附近住既人食喇，咁都開到好夜，宵夜都有食物方面，今次食左個牛扒，鬆肉粉feel好重，無乜牛味，但幾十蚊，差唔多質素喇，個賣相，厚度係唔錯既。另外佢有個焗豬手餐，唔建議大家叫，因為極咸，咸到入唔到口果隻，唔知廚師咁重手做乜，而且舊豬手肥膏好多，肉又乾又實。

將軍澳越黎越多食肆，但好食既就越黎越少～～難得呢間茶餐廳做到咁耐，又咁啱肚餓路過，梗係入去食番個下午茶，歎番杯滑滑奶茶先～～～呢度既餐牌一眼望哂，款式唔多，但勝在有懷舊風味～～茶餐廳奶茶基本上已經成為左香港既風味咁～～不過間間都各有特色～～呢杯奶茶夠哂滑，茶又冇苦澀味～～叫做唔錯架喇下次餓到死真係唔好叫佢，要等佢生炸架～～～超正既生炸雞髀拼粗薯條！！冇得輸既配搭呀～～香脆既雞皮，食落索索聲架～～雞肉有汁唔會乾身～～薯條炸得乾身，唔會一口油淋淋既感覺～～下午茶食呢個真係超滿足依然係手寫單黎架～～簡單易明～～～

紅日既早上 樓下既連鎖餐廳迫滿人 就諗住行遠少少黎到商場另一邊既茶記食個早餐 不過其實都一樣係咁多人入左間餐廳 叫左成5分鐘都無人落單 然後終於有個伙記肯幫我地落單 但係佢既態度真係非常惡劣 明明就係佢個餐牌寫得唔好 混洧視聽 但係點餐個時佢就對住我地勁躁底 係咁呼呼喝喝重覆咁話：任揀3樣 你中意食乜就揀乜叫左兩個早餐 盛惠七十大元 價錢同附近既食店其實係差唔多 但係食物既質素同份量都被比下去 雖然唔係話好難食 但就絕對唔可以話係好食個炒蛋話就話用咗北海道3.6牛乳去整 但係就1d都唔香滑 都幾令人失望粉麵既份量都比較少 唔好話男朋友食唔飽 連我都未食得飽飲品就正正常常啦而最令我不滿既就係 當個夥計抹緊隔離張枱既時候 佢大力一抹就將本身痴係隔離枱枱面既炒蛋碎飛落我隻手上面 感覺真係超嘔心 然後又無道歉

永興茶餐廳！數下手指都有7或8年真係N年無來食了！今日亞仔病要睇醫生，又未來過格離果間睇醫生，於是就帶佢去順便食個早餐，便望下有乜好食，雖然早餐都係大同小異，不過兩母子真係睇極都唔明點樣任選一款配炒滑蛋健康麥餐飽，是否選左邊一款呢？還是左右各選一款加埋右邊配蛋?都是問下侍應生最好，女侍應生都好禮貌講總之任選3款就得啊！笑咗不過食物算好味，特別鮮菇和健康麥餐飽原來個餐飽是本店自家做的，軟綿綿甜甜地有提子架有趣的餐牌炸菜肉絲鮮冬菇米粉配炒蛋鮮冬菇大大隻好入味好淋义燒牛肉通配煎蛋有4大舊义燒

其實只係一餐好平常既下午茶，不過估唔到會有驚喜出現。對於茶餐廳既環境其實就唔需要有太大期望既，不過其實茶餐廳尼講都算企理同乾淨。今次叫返個假日下午茶大餐啦！我地叫左兩個餐。首先係雪菜肉絲炆米。算不過不失啦，此終好耐冇食呢樣野，食落又幾滋味wo！重點係炸物併盤。呢個併盤真係咩都有，有薯條、魚柳、魷魚、春卷同沙律。總之就係咩都有，十分抵！不過其實一次過食咁多炸物就會有少少熱氣既，不這唔緊要啦，偶然放縱一次，冇緊要啦！

今日見有啲肚餓就近近地落左去樓下嗰間茶餐廳食飯佢啲消夜餐都幾吸引嘅,不過我好想食河粉又想食叉燒喎咁就問吓個店員,叫左叉燒炒河 食落味道夠火喉，分量又足夠 價錢都底食OK！ $47 仲可以叫師傅兜亂，唔洗自己撈 掂呀

我平時食野都求其嫁喇我叫左個椒鹽豬頸肉飯同切雞河加2杯凍檸茶真係好好好好好好難食 豬頸肉咸到我即刻吐左出黎 個湯底咸到好似飲鹽水甘（唔係誇張手法）平時都唔講粗口嫁我 但今次我點都要用粗口黎形容我哩一刻既心情（&$@？）可唔可以改善下食物既問題 出餐前請廚師試下味 將心比心

‼️有曱甴‼️衛生差 態度差今早喺寶琳永興買左個包食左兩啖 點知入面有成隻曱甴事後回店追究店員只冷淡回應 事情都未了解完就急住離開咁 俾返5蚊就當了事 完全冇歉意曱甴都算 唔付責任同草草了事令人最嬲

呢間茶餐廳既水準維持係中等水平，平時近近地都會黎呢間食。今日中午我去買左個牛腩瀨粉食，粉同埋牛腩都👌🏻，其實個湯底味道都唔錯，只係咸左d,希望下次再黎有改善。