永樂園餐廳

營業中

休息中

永樂園熱狗是好耐之前睇雜誌介紹呢到既熱狗，入面話過好好味，見有時間，所以去試下。麵包微脆，腸仔就幾好，秘制醬好好味，酸酸甜甜，整體黎講都ok ，

公司在附近，永樂園熱狗是我三年前首次移師中環工作的美食第一發現。每每都爆醬的熱狗，有時想食都會放工買一隻企響門口食。因為熱狗包烘得鬆化又脆，不得不趁熱食。佢個烘包機真係無得彈，有次外賣一隻去屯門俾表弟試下，個包唔熱都仲脆架，表弟仲勁讚個醬。醬汁偏油，但酸甜度適中好好味。唯一唔好係條腸皺皮兼細條，好似話係荷蘭貨，但唔吸引。p.s. 佢地d員工在lunch時係燥d架，因為佢地不時收到d無人聲玩電話。有次等飯盒時，真係d人不停打來唔出聲，個收銀就不停爆粗。人家咁忙仲玩電話，可能係對手想佔線等人地無得打電話落order。但平時都無咩野，個專整熱狗四眼叔叔會同你笑下，幾好人。

今日食LUNCH唔知食乜好,又唔係好肚餓,唔知食乜,諗起好耐無食HOT DOG, 就走鬼去買兩個HOT DOG + 多醬,有時我會食加腸,都係加多$2,今日唔想食太飽,所以食單腸,包包次次食都好軟淋淋,但今次唔夠熱,扣D分,腸我記得好耐之前食,好大LOOK,今次食好似短1/4, 最正都係個醬,所以一定要加多D,如果下次你唔想食飯又想平,HOT DOG可以諗下.

為左台中之旅,今日專程走到中環換台幣,既然一場黎到中環就黎永樂園朝聖;地方無需多講,好一間"香港8x"格局快餐店,收銀阿姐木無表情咁比張飛仔我,我都木無表情去取熱狗。終於見識到呢部有歷史既麵包爐,見住d麵包轉轉下都幾得意;拎住一隻聞名已久既熱狗王,即時係門口影番張相然後吃之......麵包烘得夠脆,齋食麵包我都應該可以食好幾個;醬汁酸酸甜甜係幾好味,但今次又唔係太多醬,起碼食到尾都無乜;腸仔幼幼一條,味道普普通通啦,幾樣加埋就叫做食得過lu。食食下突然諗番起讀中學時,日日小息食熱狗既情況....都幾十年前既事咯!!排隊期間,見到阿姐拎個紙盒出黎入熱狗,原來有客人一買12隻;有機會買一盒熱狗做手信都幾得意喎,好過次次買西餅丫=p

佢哋嘅熱狗好有細時食到嗰種傳统feel --- 特別係個沙律醬，加埋類似三花牌嘅熱狗腸，以前嘅感覺返晒嚟..但並唔係所有以前嘅回憶都是美好的...

好耐之前睇雜誌介紹過呢到o既熱狗，再加上好好好耐之前聽吳君如o係節目入面都話過好好味，見有d時間，所以由上環行到中環去試下。知道單腸一定唔夠，所以叫左雙腸，雙腸就剛剛好。麵包會再烘過，微脆，腸仔就普通到極點，聲稱"秘制"醬都幾ok，酸酸甜甜，但其實都唔係太秘制，同我食開o既三文治o既味差唔多，所以整體o黎講其實普普通通，唔會特別行去買

一向間唔中都會幫襯佢買早餐, 都維持左成4年, 中間仲經歷過佢3/4次加價, 但都照幫襯. 冇計, 真係好食. 第一次同佢寫食評, 當然要用我最愛o既豬扒飽了~同佢最出名o既熱狗一樣, 個飽係焊過, 外脆內軟, 十分之正, 而個醬當然又係用佢自製o既熱狗醬啦~~塊豬扒就冇乜特別, 間唔中仲頗乾(可能係"貨尾", 煎定左一段時間而未能製成飽...)但總括都係飽肚又味美, 加埋杯冬T, 真係朝早起動最佳燃料~

竟然一日內幫襯哂中環命脈地帶既兩間老茶。是日午茶有老細，個個叫緊熱9 既時候，我又搞搞震- 要熱狗醬多士。十幾人既下午茶餐，竟然o係15 分鐘內送到；對於日日有遲到無早到既外賣service，我地對今日既永樂園嘖嘖稱奇。呢期遇得醬爆多，今回又逃唔出佢手指罉：呢個熱狗醬多士係夾佢咱家調既熱狗醬。熱狗醬有少少酸瓜粒，用既應該唔係阿美利堅合眾國既蛋黃醬/沙律醬加芥辣。雖然張相show 唔到佢有幾醬爆，但以下description 可以：咬一啖，抹一下...咬多啖，抹多下；D 醬擠出o黎既濃度同程度，竟然仲「滋潤」過搽潤唇膏- 食得極其狼狽。都係o個句：多謝老細。

接線員工態度惡劣! 叫外賣送貨時態度差, 又不肯承擔責任, 完全不想做生意!! 從未遇見如此的惡劣服務接線員聽到本人要送外賣的地址後, 不斷說遠, 又說不能準時到達, 但我已經1小時半時落單的, 問她可以幾時, 又話答唔到, 更叫我留下電話, 稍後覆我, 我問為甚麼現在不能覆, 又問她的名字, 起碼稍後都能聯絡, 但她竟說自己是打工, 不必要問名字, 還叫我, 一就留電話, 二就轉頭再打過來, 我問咁究竟做唔做生意, 佢\話咁唔做喇!!!! 嘩~~~ 這算是甚麼員工呢???不知所謂!

以前係中環返工，成日會幫襯...不過而家轉左工..就好耐冇黎啦...尋日路經中環....諗起以前幫襯咁耐都未試過佢既熱狗...於是試下..下午茶餐....熱狗+奶茶,其實我都覺得名過於實....無我想像中咁好食...個醬係ok既....但條腸真係幾細杯奶茶ok啦...一般茶餐廳水準....反而我覺得佢既炒粉麵仲好食

星期六放工行過咪入去外賣部試下囉, 小妹今日因為冇乜mood 已經做左一日黑面神架啦, 點知個收銀阿姐塊面仲黑過我...我地兩個好似正副門咁, 不過算, 又唔係同佢做人世...反而個整熱狗既阿叔幾好人, 不過個熱狗就...個包個面烘得幾脆, 但敗筆在於個涵, 個腸細到同我手指尾差唔多大, 個tar tat sauce, 似沙律油似多過醬.油淋淋最後我都食剩一啖.雖然佢只$6, 但可唔可以俾心機做呢?仲要自稱係熱狗王喎...如果佢係王, 咁IKEA既熱狗咪係皇上皇?! 人地又平過你又好味過你喎...

今日同事請下午茶...終於忍唔住,食0左一個熱狗...唉...waste my quota!!!個包油油的...腸仔唔係廚師腸...個醬係creamy..不過唔夠味...>.<都係勝香園的朱扒脆脆好d...有誠意好多...

每一次在中環搞掂頭上果三千煩腦絲後,一定路過永樂園,熱狗打孖上.佢同老銅丹麥餅店唔同在,後者舊熱狗包係淋.永樂園係脆的.同埋個汁又不一樣,自溝他他汁,非常醒胃.一口氣鯨吞兩隻,絕對不成問題.尤其剪完髮已入夜,順便當食埋晚餐.$12搞掂.所費無幾.每一次也是一個人.每一次也會期望,有個很有性格的女子,企在我後面排隊買熱狗.順便搭埋訕.胡思亂想,老土到爆.

今早幫襯永樂園外賣部，買o左$6 熱狗。邊行邊食。熱狗飽少少暖，少少軟，唔甜。腸係用似三花牌荷蘭腸o個種雞肉腸，配落個Regular size 既飽飽度，偏細，但又係特色。熱狗醬相信係用卡夫三文治醬(唔係沙律醬，仲要係白色有酸青瓜o個隻) 混奶同少少芥辣整成。對於極好酸瓜既我而言，甜味夠，酸味夠，唯獨是o趙頭唔多夠。個熱狗係暖，係freshly made，但我嫌唔夠「熱辣辣」囉。呢間舖除o左熱狗出名之外，最具特色既係用特製飛仔來買野食。鍾意懷o下舊既朋友可以去過o下癮。

差不多一年無出食評，今日又浦番頭。新工作地點坐落中環，對於我呢類九龍人黎講，好壞參半。好處乃可以開發一下對中環各名店既認識，壞處則每日鬼死咁早就要長途拔涉起身番工，好惡頂。放工探一探路就搵到傳說中既熱狗王。熟手老伯伯取下新鮮焗製既熱狗包，再塗上特別調製沙津，最後純熟地表演拋腸入包，禮成。條包烘得脆卜卜，加上微酸醬汁，其實有無腸都一樣咁好食，何況條腸短到同我隻中指差不多，食左都唔覺落左胃。行過的一定要試，反正咁細隻熱狗，就算食完之後再食番正餐一樣咁開胃，再者咁細條腸都可以用黎做熱狗，兼且賣到出哂名，見識下都抵。0係中環食隻熱狗都只售$6，你重想點？