永樂園餐廳

營業中

休息中

熱狗嘛主角當然係條腸啦, 不過就令我幾失望. 入門口見佢有個爐不停烘住唔知係咪烘得過左火, 唔得皮脆肉香. 咬落去口感唔好, 而且味道好似那隻罐頭腸仔, size 都係大少少. 個包一前一後都係冇肉食.但佢個包就非常之好食, 脆卜卜暖暖地, 而且個醬雖然唔係沙律醬, 幾新穎, 唔知有冇食錯呢, 我覺得有d檸檬味喎.如果淨係俾條腸嘛, 我會俾><, 但個包拉回唔少分.下次要試下熱狗醬多士。

我不嬲都係中環返工,前幾年都有去食lunch既,現在已經bad list o左,都係買下早餐,而家搬埋office.都無去幫親,因為實在真係唔得,D免治牛飯最差,D炒野經已不恢當年,奶茶ok啦.D service 中下la,可能老"pat pat" (un 架啦)啦!! (but 有個女人真係要炒,好似趕客走咁)...

之前成日都睇到呢度D食家話"永樂園"D熱狗有幾好食,有幾正...跟住又睇到蘇絲黃個專欄又係勁讚呢度D熱狗...咁0岩星期六個日未食晏又路經呢度,就買0左個雙腸0既唻試0下...食之前望0下個飽,見到SAUCE係黃色0既,又無茄汁,而且D醬睇落去又好似好油膩咁...至於個個飽就好似"丹麥"個隻,又係暖暖地,脆脆地咁...一食落口,就覺得個飽原來好仲食過"丹麥"個個,比"丹麥" 個隻仲香仲脆,而個SAUCE原來係酸酸甜甜,又有D牛油味咁,但又唔覺得好膩,唔...好正!

果日行街行到好累，諗住落去basement坐低食番個熱狗啦，叫左個下午茶餐$18(凍飲另加2元，就算飲汽水都要加2元喎)，真笨！咪又係外賣果d熱狗！一模一様呀，陰公，外賣都係5.5咋，雙腸都係7.5咋！早知坐低食要貴得咁冇道理，我就唔落去食啦！

今日lunchtime買左個黎食,真係好好味啊,成日都經過見到呢間野,但係就無食過,真係一食即刻愛上啊..個汁酸酸地,又有d甜,岩晒我啊,我最中意佢個包,好美味~~~~~仲要$5.5一個我覺得好平啊~~~

永樂園食左廿幾年，Big Apple近兩、三年又周不時食，雖然有少少「compare apple with orange」的成份，但都可以講下兩者之比較：熱狗包：兩個都係烘熱的，雖大小有別，但算各有特色，所以打成平手。熱狗腸：永樂園是港式熱狗腸；Big Apple是大條牛肉腸或其他腸，照咁睇後者勝一籌。醬汁：永樂園是甜甜酸酸的自製沙律醬，雖然無得選擇，但無疑是佢地熱狗的靈魂，亦是行銷廿幾年的最強賣點；Big Apple的芥辣同茄汁就可以自己加，要幾多加幾多。配料又係可以自己加，如蕃茄、粟米、酸瓜等。呢一方面又係各有特色。價錢：永樂園當然係平D，行過買來當零食都得。

o個度d熱狗勁正！！！我每次去到o個頭附近，都一定走去幫襯佢，熱狗入面o既醬汁好味到難以形容....總之就一咬傾心啦！！！

呢度地下做外賣，地庫設堂食，但總覺得佢外賣好過堂食。堂食坐得迫，座位又不大好坐，食物只普通快餐廳水準。反而外賣唔錯，飯盒好多選擇，大部份都係22蚊，仲包飲品。炒粉麵好夠鑊氣，30蚊包飲品唔算好貴，午飯時間真係好多人買外賣的。所以而家來幫襯，唔係買熱狗，就係買外賣。

永樂園熱狗王簡直係我畢生至愛啦！有冇試過佢o既熱狗王醬多士丫，都過得去o架！Lunch落過去幾次幫襯（係中環黎講，哩度算係私竇煙格喇），Lunch Time多人到丫，三十幾蚊四款飯餐算係咁喇～但都係熱狗王至好，絲襪咖啡奶茶都唔差，檸啡好鬼濃．．．．

呢間ge熱狗係我食過最好食ge一間，最正斗ge就係熱狗裡面d醬汁，真係零舍不同！

以前呢度的熱狗真係幾出名，烘住的熱狗包同腸仔都係配角，反而個醬汁至係主角，酸酸甜甜加埋牛油好鬼正，在干諾道中果陣已經賣到開巷，曾幾何時真係半打半打咁買走。而家都有個阿嬸專責賣熱狗，間唔中都會整隻當下午茶的。記得襯熱食如果唔係會成隻扁曬唔好食。

招牌熱狗0甘出名絕對係有道理,首先個包本身食落口仲暖,皮有少少脆,食得出係新鮮貨.條腸雖然細,但夠熱,唔錯.最重要係個汁甜甜地,唔知點整,但真係好正,連包連腸一齊食,好掂!

去中環探人唔想兩梳蕉, 唔去蛇竇買蛋撻, 就會o係度買熱狗, 兩樣都咁上下受歡迎.唔知點解呢度D 熱狗咁得手, 落去幫襯食飯就麻麻, 茶餐廳行貨咁, 連焗飯呢D 豉油西餐廳o野都唔正, 都係齋買狗好囉!

你唔去食佢地既飯無所謂，但一定要試佢地既熱狗，因為暫時真係食過最正哩間，點解，唔係佢D包、唔係佢D肉腸、而係佢白色既醬汁，嘩，真係唔知佢地點整既，好味到爆炸!!! 真係一口氣食三四個都唔嫌多呀!!! 如果大家鍾意食熱狗既不妨買黎試下喎，而食飯就不過不失，一般西餐廳水準啦!! 但唔知點解佢地成日都好似唔開燈既，黑麻麻。

除o 左熱狗, 食得樂有沒有試過" 炸雞翼", 最衰係下午茶時間先有, 所以千尋專係老闆唔係度o 既時候" 蛇" 落去, 新鮮炸起係最正, 不過唔駛等o 岩時間, 因為係即叫即炸, 不過就晒時間o 的。