永樂園餐廳

營業中

休息中

d飲食雜誌成日都介紹呢度d熱狗好好食, 今日特登坐車黎買熱狗食, 叫左個孖腸熱狗$9 , 但坦白講食左之後係勁失望! 1. 個飽已經唔夠熱,2. 條孖腸就真係細到幾乎以為佢五記得放腸, 3.d醬多到浸哂個包, 好難食, 4. 條孖腸最不知所謂, 我去citysuper求其買鑵腸仔都好食過佢!!4.d阿姐好似五憂做甘, 甘既價錢絕對呃錢!都五知d人點解讚到甘犀利??????

這裏熱狗受歡迎的程度無用置疑. 但其實這裏的雪菜火鴨絲窩米, 都好受歡迎的!每次與兩三個朋友來食晏, 都"不自量力"地點一個窩米另加一/兩個炒粉麵飯(無理由亖四個人只點一個嘛). 但好多時都食剩....今次我想食粟米斑腩, 有人想食干炒牛河, 所以點要了一"碗"雪菜火鴨絲米.雪菜火鴨絲米如常般好味, 平時去酒樓好少食呢樣, 但來這裏就會想食. 雪菜火鴨絲好夠味, 米粉唔會過淋, 食都尾, d米粉都唔會脹晒. Good!!粟米斑腩的汁好杰, 而且好重忌廉味, 有點失望, 幸好斑腩炸漿唔厚, 雪味唔重, ok啦.干炒牛河的河粉煙煙的, 牛肉淋身(梳打牛感覺不大), 不太咸, 只係略油, 食完碟底滿是油, 但又真係幾好食架喎.... > <下次都係叫碗米算喇(雖然食窩米感覺high好多, 哈), 免得浪費兼可以食多兩款呢^^

個次係同d同事去h&m行街, 有d 肚餓, 係中環, 就諗到去呢度買雙腸飽食, 2個同事都讚好好味, 真係呀....d飽好fresh同埋d sauce好好味....一再回味呀.讚!!!^o^

3-Jul-2007招牌雙腸熱狗王: 一貫的好食。單腸就好像欠了些什麼似的。咸檸七: 已經篤好, 不過自己篤就開心D。凍檸茶: 一般。

補回星期六的食評。星期六永遠不夠時間用，但亦係最有Mood會四圍搵野食的。原本諗住去蘭芳園，但暖暖怕遠，怕我太餓又會發脾氣，所以見到此都幾好評的茶記，就選定這裡。原本好想好想試馳名的熱狗($8)，但又未食lunch，想食粉麵，唯有叫了雞扒烏冬，都算好味。但$24一個餐，好像貴了一點。下次有機會，一定要試hot dog.

雖然已吃過午飯，仍肚飽，不過行經時見只有兩、三人排隊，也就買隻熱狗王試試。麵包夠熱，皮也微脆，據稱是自家秘製的醬亦相當多，味道不錯卻說不上特別出色，反而感覺有點「漏」。若非阿蘇介紹過，也不會留意它擺放在門外的幾罐香腸，原來並非普通貨色，是荷蘭出品。不過恕我倆不識貨，說不出其優勝之處，如果是脆皮腸就更合心水。不過$7一隻，不算貴，值得買來過一過口癮。

7.14 (SAT) 朋友介紹：估唔到巷仔有咁正o既熱狗！包烘得脆脆地，醬好好味同埋特別，腸又唔係平日食開o個ｄ廚師腸！朋友叫"少醬"，佢唔想過漏，但我又覺ｏｋ！好正呀，highly recommmended！p.s.今日全日食o既都好好味:>

I'm agree the good comment for the Hot dog, but their chicken burger and pork chop burger also is very very good@! and always is my favorite foods when i visit. the chicken & pork chop are very crispy.

唔知點解,佢d包同腸仔都唔係咩高級貨色,但烘完出黎個包係脆o既同條腸好有風味加埋d醬就真係好夾.食兩隻雙腸就o岩o岩好~~~~~如果唔係加左價就更加好.

熱狗的醬最好食包有烘過令包面脆腸很幼, 食落去無咩味加價後熱狗7蚊一隻, 比較貴

去過西環big dog,睇埋舊文,卒之有機會去永樂園外賣,比較下!呢度係港式舊款快餐店格局,懷舊有feel,起碼俾左錢,係俾返幾張有寫價錢0既紙俾你,然後再去攞熱狗!講返熱狗,膽敢講可以話係"腸仔包",因為條腸真係細到手指尾咁(之前唔信),唔係女朋友話要食雙腸,我食左都唔覺有腸落肚!!(當然都只不過係2隻手指尾!)包係麵包舖買到0既一種,只係一個烘過0既包,無甚特別!至於醬汁,亦係多數人所談論0既,的確幾好味,唔係完全沙律醬,硬係覺得佢係混左d野,無論點,個醬係good0既!!由於我都比較鍾意食美式大熱狗,所以腸係主打!所以我先至話佢地果d係有醬汁腸仔包!亦係標題0既1/3熱狗,因為只欣賞醬汁!不過純屬個人喜好啦!另有話收銀果個不嬲都惡形惡相咁,可能我去時已經係放工時間,冇咁多人,而且過左成日,所以都冇哂氣焰!!整熱狗阿叔好敬業樂業,好有心機造包,都有講多謝幫襯!學前文話齋,冒名之人,唔駛特登去食囉!

從食評看過不少食家讚永樂園的熱狗(尤其是醬汁), 我最喜歡食熱狗, 趁著一眾同事們訂外賣下午茶時, 我就建議試試永樂園。外賣熱狗食到OFFICE時只是暖暖的,不過, 個醬真係好好味, 條腸仔比起平時食的熱狗腸幼, 不過, 味道真的不錯。永樂園熱狗,不愧為鎮店之寶。

真係唔知點解呢度d熱狗咁出名呢?兩星期前慕名而黎食下午茶,但係坦白講,非常非常失望!個飽唔夠熱,條腸就真係細到無人有,d醬算係ok但唔叫做好好食!服務人員d態度真係差差差!價錢唔係貴算ok啦!但係要我再去既話睇怕都無可能啦!

2007年4月20日。行完麥裏浩徑第三段去了太安樓食雞蛋仔和車仔麵之前,去了中環食永樂園熱狗。叫了雙腸，初時不知道它的熱狗腸是那麼幼，還以為少給了一條。麵包外皮是鬆脆的，那些沙律醬味道很懷舊，是我小時候吃過，久違了的味道。喜不喜歡，要看個人口味了。香腸則沒有想像中好味，但以$9的價錢來看，已是很不錯的了。

這裡的熱狗被人讚到天上有地下無，咁啱經過，問男友想唔想試，他說：「都好喎！」，便匆匆外賣了$9元的孖腸熱狗，睇吓有幾好味。雖知這裡的dressing出名，但我倆都認同份量多得誇張，導致熱狗濕立立，難以進食。個包亦不夠熱和脆，腸仔太短少，即便打孖上亦覺無肉食。腸仔太淋，層「衣」不夠爽，無哩口感。仍是一個不外如是的熱狗，可能我倆唔識食啦！