永樂園餐廳

營業中

休息中

去完勝香園食茄牛麵(除夕下午3時多，勁多人)再來試馳名熱狗王。普通熱狗$6，孖腸$8。說實話香腸size真的好細條，即是孖腸也僅僅算夠每一口包都有腸食。麵包幾新鮮鬆脆又烘得熱，醬汁味道不錯，反而香腸很一般，似小學去旅行開的罐頭腸。反正在中環可以一試，不值得千里迢迢去吃。總結- 港式熱狗。當然以$8的價錢你不能要求太多，等價交換嘛，西式熱狗又不會是$8啦。

好多人都話呢度熱狗王好正, 一於去食, 週六下午茶時間去, 係地庫坐滿晒人, 叫左個熱狗餐$18包一杯飲品, 朋友叫鐵板炸菜肉絲炒烏冬熱狗個飽係烘過, 有d脆同埋好軟熟, 但係個條腸好細條, 我初時以為係鬼佬個d大hot dog.....加埋一pat芥辣醬,番茄青瓜都無片, 真係唔係好掂鐵板炸菜肉絲炒烏冬重難頂, 油到無倫, 炸菜係幾夠味架, 但係油到咁, 見到都唔想食啊!!另外個d客人係度高談闊論, 雖然呢d係茶記特色, 但係好大聲好大聲個隻喎, 同埋超勁大煙, 好難頂....

10/12 5pm逛完一輪男友奶茶癮發作,本想去蘭芳園買,但被我逼佢黎呢間試,$8杯茶走,試左一啖,奶茶頗濃,但個人覺得奶味太濃,蓋過了茶香. 男友則頗欣賞!

12月3日15:00在麥奀(忠記)食完袖珍雲吞麵後，要到這裡補飛。熱狗飽：剛從旋轉烤箱內取出，外脆內軟。醬汁：酸甜的蛋黃醬汁，我味。腸：小小的香腸同樣在旋轉烤架上，香噴噴。HK$.6.-一隻真正熱辣辣的熱狗重想點？

今日返工前又同男友黎中環搵食,第1站黎左呢度食熱狗,某日無意間聽到蘇絲黃推介此店既熱狗.10:30左右見裏面都吾少人,我地外賣左1隻熱狗$6,麵包外脆內軟,果d熱狗醬的確幾正,但條腸呢...得中指到大,食落一d口感都無!不過$6,差不多啦!

The food here is just alrite and the service is not good. The ventilation here is poor as most customers are smoking. The waiters are not too friendly, especially a young and dark guy. He took all the orders wrong when I went there with my colleagues. The best dish here is the Fried Instant Noodles.

自從冇係中環返工之後都好少去食喇。果日咁o岩經過個度，明明唔係好餓但都忍唔住入去食番隻熱狗王。隻熱狗上檯時仍然熱辣辣，味道保持一貫水準，最正係隻熱狗醬，其他茶餐廳都食唔番呢隻味。呢道地方唔算好"四正"，但係呢度好有細個果陣d餐室風味，好正。P.S. 之前食過佢d 火腿通粉都唔錯^o^

I bought it for tea this afternoon. I think it's not as good as it was and it's more expensive now ($6). The sausage is not good, 毫無口感, 林'bad bad', 又唔香and the sauce is not as 香甜as before... um... it's not that worth wor...

由細食到大，明知條香腸都係一貫難食，但次次經過都忍唔住又食，個醬太吸引了，個飽就一時時好脆啦。若閣下為非吸煙者，建議唔好堂食，因為都幾煙霧彌漫下。媽咪推介佢地既凍奶茶、咖啡或鴛鴦，因為難得的滑，細細杯都成10蚊(好似係)，唔平架。自己飲過凍華田，都幾好飲，適合好甜者。

20050512 10.30am早上sick leave 中環睇醫生, 診所響"熱狗王"附近, 咁出名, 無理由唔去試下.要o左個熱狗+熱奶茶, 熱狗($17)細細隻, 醬汁好食, 包普通唔特別因為係來貨, 腸仔係淋身果o的小紅腸(一包包唔係一條粗果的紅腸), 唔值得特別o黎食, 奶茶普通, 不過中環o黎計好平, $7蚊杯咋wor.環境茶記o黎講算差, 幾污糟同埋好暗.呢度如果唔係咁橋幸開都幾難搵, 其實就係萬邦行隔離條巷入面.

早聞其出產的港式熱狗好食，今日要去灣仔一趟順道去埋中環一試。點知都令我幾失望，三種材料可以話係無一樣出色。飽- 縱然熱但唔算軟熟。腸仔- 太細條了，而且烘得唔夠香脆，亦沒有小紅腸的獨有味道。醬- 似乎係蛋黃醬溝出來的，唔o岩我口味，鍾意沙律醬加酸瓜粒多o的。試過一次夠了。

本人唔太鐘意...因為食熱狗我最鐘意食條腸仔,而呢度既腸仔好普遍...而且個汁太甜, 食落好似怪怪地,不過個包脆脆地就真係唔錯我媽咪之前買係$5 tim 架!! 其實個包好細個姐

今日冇時間食lunch 呢, 到tea time才有時間一點, 想起好耐冇食過永槳園了, 特登搭車落中環食熱狗!原來已經加價了(我以前好似食$5.5), 不過仍然好味, 個飽又暖又有少少脆, 條香腸就普通了一點, 但個淺黃色醬好好味~~整熱狗個叔叔都好有禮貌。

外賣熱狗細細隻,其實係好食在佢既汁料囉!當日我亦遇上極唔掂既收銀，不過佢係女人，唔係"失落"講果個，但態度一樣咁差，佢將0的找續拋在檯上就算（正確一點，係拋在佢自己面前幾寸既位置，我要伸手入去"撈"o的散銀出黎，唉．．．．）

前言：某日黃昏時份，到此店的快餐部（地舖）買了兩隻熱狗，食物和評語：港式熱狗（$5.5/隻），細細隻，其貌不揚。包乃港式脆皮餐包的質地，腸仔乃街邊魚旦檔兼賣的那種貨色，醬汁乃黃色甜酸沙律醬。若果真的要想其賣點，大概是那個麵包和腸仔都是烘得脆脆的，醬汁自家製，以及價格便宜！個人覺得一般而已，沒啥特別。（吃慣美式熱狗的我就不太欣賞。）註： a. 體積細，兩啖便吃完，不會太飽肚，可以當逛街小吃！（誠如KC 兄所言） b. 收銀員（穿白襯衣的中年男人，恐怕是店主或經理或話事人）態度欠佳，找續零錢時，以「拋」錢的形式交給我，挺「悔氣」。門口的師傅倒是客客氣氣，點頭微笑以表多謝。老實講，不少港式餐廳的收銀員態度惡劣，而待應倒是客客氣氣。相映成趣！到連鎖餅店買腸仔包，店員都識得講多謝啦！此店的收銀員態度如斯惡劣，再好吃的熱狗，都變得唔好吃！