水瓶座咖啡店 (已結業)

睇左website 覺得間響旺角好景3樓叫水瓶座既cafe睇落唔錯,今日同朋友2個人上去,一入去已經覺得裝修同睇相差好遠.不過既然入左去就試下.waiter帶左我地去對住balcony既卡位坐.我朋友點左個pasta加餐湯,我就點左芝士海鮮焗闊面加湯.食物價格大概係60蚊一個pasta,加8蚊有湯.對一間嚮旺角樓上cafe黎講我覺得係高,所以我對佢provide既食物都有一定要求.turn out我個芝士海鮮焗闊面d面根本唔係闊面,完全冇芝士味不特只,d海鮮係得蝦同青口(最大問題係我唔食青口亦都唔expect一個海鮮焗闊面只係得蝦同青口),我覺得佢根本係一個蝦青口焗意粉.咁都算勒,我最多唔食d青口,但係個味道係連大家樂/大快活,甚至乎茶餐廳既水準都無.係我一世人食過最難食既pasta.食食下有一堆人入左黎,成10幾人聚響個balcony到話係影相既.嚮我地隔離到門出出入入好嘈好disturbing.冇耐仲問都冇問就閂埋出面balcony個簷篷,反光大廈d光射晒入黎(我地就坐響窗邊),晒到爆眼都開唔到,我同個waiter講佢又話冇計淨係幫我地落個百葉簾.結果我地困左響黑盒冇view冇光既

之前唔好既野, 例如:個包同薯條好難食,家下變得好新鮮好脆.....但比之前貴左囉*_**但服務員始終係人客坐D果時,水都唔比杯個客飲. 呢個壞習慣一D都無改到,可惜!

係個頭開工,佢個巨型海報吸引左我好耐,加上睇到呢度既食評唔錯,今日決定一試......結果中午點幾,一入到去,個場都幾大,座位唔算迫,而且好靚,牆d公仔係用手畫,好有特式,印象唔錯。因為今日都幾好陽光,所以決定唔坐露天位,室內場係U形設計,由於唔想坐門口,揀左入面個邊。坐底5分鐘都未有menu,後來有個女仔發現我舉手先拎menu黎。我女友揀左吉列豬扒意粉,我揀左薄牛扒飯,但我要起身(1)搵人黎落order。我尊登考下個侍仔,問佢d三文治用咩餡,佢都答得出,good,加分!不過問佢house white wine係邊出就答唔到,that's fine,呢d係尊門野,未必一定識。好快,我杯熱檸茶已經黎左,港式食肆係咁架啦,有幾多間識後上丫,冇緊要。當我熱檸茶變暖時,個侍仔行埋黎話我個薄牛扒飯賣晒,我轉左咖喱雞球飯。(佢個廚房好遠?來回咁耐先知冇??)講講set位,我女友同我一樣落左湯羹，叉，飯羮，刀。意粉都要飯羮？？轉左咖喱雞球唔收返刀？？？女友既吉朱意粉黎先,冇沙律醬,吉列豬扒冇跟salad,我起身(2)問佢地拎。我女友食食下,我發現佢杯凍奶茶隻玻璃杯好花,我問個侍仔,係design定裂

上個星期同我個朋友慶祝生日，叫左個芝士海鮮闊麵，硯肉天使麱、真係好好味有個staff，應該係老闆；仲送左2件蛋糕，還幫我地影相，當晚3個麵+3杯飲品都係$180；都算平

見到樓下位charmato(非會員)的劣評，我想講話我最期日晚都幫襯過，原本佢地安排左我座卡位，但我想話座外面，佢地都肯幫我轉位，的servive 好好呀，員工講野的態度唔錯，幾有禮貌，食完個餐我想話要杯紅茶(係凈紅茶，餐牌無的)，都肯幫我問同落單，值得一讚。可惜當時環境太黑影唔到相，所以原本是無諗著講的反而我好好奇兩位果時做緊的乜，煲緊煙？

同男友行好景時見到o的宣傳單張,想起d飲食雜誌都有介紹過,話d裝修好靚好有情調同好有誠意咁,於是同男友躍躍欲試,反正大家行到好累想搵地方歇腳,順便食埋晚飯.我覺得其實唔係太難搵,但一去到門口睇睇餐牌,發現竟然無甜品一欄,即係無cake食,對於嗜甜品的我同男友有點卻步,但一場來到,門口張貼o既剪報亦講到好掂咁,都膽粗粗入去試下啦!點知入到去發覺o的裝修其實不外如是,o的waitress問我地想坐露天定入面,我地嫌出面d人太嘈,所以揀入面有流水景o個d卡座坐,點知坐左無幾耐,個waitress話我地張四人卡座已被人訂左,我話坐後面一張,但又畀人reserved,但我地見其實坐開o個張根本無被人訂到,都無放留位牌o既,另一張就有放,我覺得係佢地根本唔想畀我地坐4人位,但係o個d兩人位卡座好鬼窄好迫,根本唔會有人願意坐囉,而且o個時佢又唔係full,無論露天定入面都仲有大把位,佢開頭帶位又唔講明喎,又話畀我地自己揀,講大話,最後我地唯有出去露天,又係要坐張好細o既兩人檯.如果唔係我同男友都誤會大家好想幫襯,我地一早就掉頭走人,但既然揀左留低,就求其最低消費一人叫一杯飲品囉我地叫左一杯荔枝汁乳酸

同朋友去食過兩次，第一次朋友約我去好景商場，我仲以為自己聽錯，問左3次都以為比人玩緊，我心諗好景點會有餐廳。上到去，講真門口個賣相真係麻麻，十足十一般酒樓餐廳既後巷咁，不過最驚喜既係餐廳有一部份係露天，可惜望出去全是大廈，都幾驚樓上掉野落黎ga，裝修算唔錯，都幾好氣氛，拍拖去都唔錯ga，d野食都唔錯，我試過煙鴨胸沙侓，同天使面都幾好食，反而有好多選擇既咖啡就普普通通，而且個老闆好好服務，佢一定會埋黎同你傾下計，聽下意見，等你同佢做朋友，我覺得佢呢d服務態度真係掂喎!

我同男友係14/11/05去呢間餐廳既,初時唸住旺角好景商場應該唔會有咩好地方.點知我男友就帶我黎左呢間餐廳-1間唔錯既餐廳^.^環境出奇地靚,有室外室內兩部份.分紅色同黑色既兩部份.1.南瓜湯同素菜湯又香又濃,一定要試GOOD!!!!2.但蒜蓉包就麻麻地啦-.-3.鴨胸不單有咬口,連塊片都"趣"過人(配菜多款式又好味,但薯條就"林"晒唔好食)4.果杯檸蜜甜度岩岩好,不妨一試我地叫左兩個餐都係HK$150埋單,比左HK$200佢地,出奇地一毫子散銀都無找比我地,服務真係一流(後來發覺唔收加一添架!)D員工服務態度一流,而且好主動添!個廁所仲好乾淨添!可惜個門口太光猛,睇到個出口字樣總係怪怪地>_<

星期六同男朋友仔黎左依到食tea~~我叫左一個煙三文魚意粉,蜜桃乳酸，佢就叫左個奶醬土司同埋朱古力莫加咖啡~~~但都已經比我男朋友踏到一文不值la~~個煙三文魚意粉都ok~~但蜜桃乳酸就冇乜乳酸味,好似飲緊蜜桃汁咁~果個土司就等左差唔多成4,5個字先有~~~朱古力莫加咖啡就好似普通咖啡咁~~~唔值佢收果個價錢~~我地去果時,岩岩有一班人係房入面開緊party~~但可能冇乜隔音既設備~所以好嘈,再加上廚房亦都好嘈,嘈到我地都傾唔到計~~食完就即刻走lu~~~仲有上去果時都幾偏僻~~一上到去仲以為佢執左笠添呀~~因為如果係好景果到上去既話,係要經過一間吉鋪先過到去~~~

補完習老老堅持叫我出油麻地，古古怪怪咁，原來要黎呢度。如果叫我自己黎，一定搵唔倒，好新奇的位置，哈哈。老老reserve左露天位，好正，好多閃燈，又有韆鞦凳，仲有流水聲，好適合歇歇腳或一班friend打躉。食物係一般Caf擳品，唔有太高期望都可以。Waiter & waitress清一色好young，但服務都好好。老老同我影左好多相，而且仲扮去toilet，夾埋waitress送左花比我，好surprise。重有禮物比我，waiter又幫我地影左即影即有，勁開心!睇得出老老係百忙中抽空準備，花了不少心思，總之感激老老的心意啦!下次有一班friend玩，會book佢既private area

１）MenuI and my girdfriend had 2 set dinner meals of 4 meals, which were pretty nice. We two reckon roast duck breast meal is one of the best meal in that resturant. She liked prawn with chips. 2) The environmentI appreciate the interior design is comfortable and warm. The outdoor area is impressive. I haven't seen that at other Mong Kok cafe restaurants. Besides, their service is nice. I felt they have tried their best to do nice service for us. I would say there is a good place for a group of

本身對D食物冇咩期望..只係因為佢有個田園咁既室外+有個大千秋玩所以先去~~但去到因為太熱啦~都係DIT左去入面...佢分左2PART~出面係紅色做主色~感覺比較冇咁舒服~而我就SIT左去入面..係以黑白色為主~真係好舒服~又放D超柔和既MUSIC~真係好正既氣氛~只係太黑~想睇書祉玩下都比較辛苦~到左叫野食啦~見到個牌...我0係TEA時間去~D TEA都同LUNCH差唔多PRICE~只係TEA係小食...不過都算啦~預左CAFE既野係貴D~我叫左個肉丸拼薯條, 而我朋友就叫左個煙三文魚白汁意粉...仲有一杯野飲, 我就叫左檸蜜($24, 但跟餐唔洗加$$), 先講杯DRINK~好好飲呀~好香, 而我朋友叫既好似叫咩柚子蜜...佢都話好香好正~跟住我食一食D肉丸...嘩..好似食緊漢堡扒咁~真係好好食~~出奇丫~~而D薯條都炸到0岩0岩好~絕對食得過~我呢個餐都只係$36咋~不過唯一唔好既係...竟然冇晒茄汁又冇同我講~等我問既時候先話有個同事落左去BUY...~_~不過算啦~因為聽講呢間既WAITER同WAITRESS都係新手~咁都唔出奇既~而且~好食就得啦~而我朋友叫左個意粉..

食完快將閉幕既chef今次睇完網友既意見即刻去呢間新開既cafe睇睇佢中文名叫水瓶座老闆jacky話逢係水瓶座既人去都有小食送不過佢聽到我地兩個係專程睇完openrice而去既即刻都送左兩隻蜜糖雞翼俾我地又好好心機咁講解叫我地俾多d意見咁誠意可加不過上菜慢左少少可以改善最攪笑就係我地食左九十蚊佢地找錢找返一張十蚊紙想俾幾蚊貼士都唔得真係童叟無欺!講返食物叫左ceasar salad加三文魚好大碟食極都食唔完蝦粒素菜湯類似菠菜湯幾好set dinner 龍利柳個汁唔係一般好杰既芝士白汁而係酸酸地既好開胃亦唔滯雞翼岩岩煮起熱辣辣又夠蜜糖味宜家有八折非常抵弊在要穿過晒三層商場仲要經過一個吉舖都算幾隔涉老闆教我地下次搭車立上就方便d不過裝修好靚遲d開左露天果part好有可能成為旺角既新打躉場地!

昨夜在街接到傳單,上了去,幾攪笑,想不到從前賣四仔的好景三樓竟然有一間有design feel的cafe! 我們一行幾人的食物都真的不錯(相對價錢!), 唯一敗北是南瓜湯, 我們喝了兩口, 太咸... 老細似乎看出有問題, 立刻過來換了個推介的素菜湯, 好正! 他不斷說唔好意思, 因新來的幫廚落錯了salt... 不過真的很滿意他們的服務態度! 而且場內的音樂很正!

小妹於上星期去Cafe de Verseau 同d朋友慶祝生日, 食o左好多o野, 當中認為鴨胸飯最好食, 簡直令我喜出望外, 肉質嫩滑,外皮香口, 大大件怎有口感, 有大酒店既水準此外, 我亦怎為欣賞o個處d 璧畫, 尤其當中一幅有成十幾米長既白底黑圖案Wall-painting, 個構圖好Detail 又開心, 有太陽,小動物, 笑臉同羅馬柱, 只要細心d 睇, 必定有驚喜去開旺角/油麻地不坊上去explore 下(由於間Cafe 外面仲好似有renovation, 門口會難找d)