殿 大喜屋

營業中

休息中

大家好…好耐無見我喇…今次同我家姐食尼間野，真係巴西閉喇！第一個字就叫“殿”，尼個字吾係人人都可以有架！anyway吾講咁多廢話，即刻睇睇相先喇！其實重有好多相，但放吾到上黎總結一下我到底會吾會再黎呢？答案係………………………會既！但一定要係糧頭先囉…因為都吾平架！環境好靚，都幾多花款下但傳菜就真係有少少慢我比4星喇…

我成日都食日本放題，貪佢乜野都有，任食任叫，之前都食左好多間日本放題。但今次呢間殿大喜屋，俾到我殿堂級既感覺。相比普通版既大喜屋，呢度啲野食就新鮮啲，啲野食黎得快啲，座位亦都坐得闊落啲。先講炸物，款類很多，黎得好快，其中炸蠔同牛利都好出色，天婦羅都好好味。串燒都有好多款選擇，其中推介串燒雞翼，燒得好香，味道很好。刺身方面，三文魚都幾靚，唔會太肥。甜蝦都好好味。全部刺身都無雪得好耐既味道。雪糕有Mövenpick同Haagen-Dazs 選擇，淨係食雪糕都值回票價啦~~~~

6點20分開始打去預約，接左電話後就俾人轉左去聽音樂，聽左幾分鐘後俾佢cut埋線。再打返去就冇人聽。前後打左成個鐘，俾佢cut 左3次線。最後接電話既人態度超差。未試過嬲到Book左未食都要投訴！

之前想食勁耐，但因為價錢較貴，所以一直都冇食。但今日朋友聚會，先有機會食呢個高級放題。殿大喜屋。入到去，真係殿堂級。裝修勁靚，檯位舒服又大。好少放題刺身有拖羅。呢間真係有，叫左勁多拖羅。拖羅厚切油甜。呢個味道係上次去日本福岡食到既味道，好鮮甜。仲可以叫鮑魚仔黎食。鮑魚彈牙，新鮮，食左好多係咁encore。出邊仲有好多野食。巴馬火腿蜜瓜，軟殼蟹米紙卷。海蜇，見到都開心。火隻壽司都靚過人。和牛壽司好甜。鰻魚入口即化，太肥美高質啦！叫左碟薄燒和牛，好多牛肉。牛肉燒得半熟，牛肉新鮮，加埋汁同蒜，殿堂級真係殿堂級。貴既和牛口感係會滑啲香啲，食到真係hihi。係咁食牛肉，叫左個份生牛肉。原來生牛肉係可以咁甜，食完忍唔住encore。再食過蟹刺身，大大隻既蟹肉，好甜，未試過食放題齋食海鮮已經好飽。飲住被靚cocktail，唔洗加錢，慢慢食呢個天堂級放題，天堂享受呀！

一個月嚟咗兩次殿 大喜屋因為呢度可以任食池魚同埋拖羅，另外推薦甜蝦，赤蝦同埋赤貝，都好大只新鮮，好好食！但係幾次叫的拖羅口感唔一樣，有d好好食，有d就有筋難食。其他刺身就素質穩定~其他菜餚推薦：泰式生蝦，和牛薄燒，黑椒蜜汁一口牛，生牛肉他他牛肉做的好嫩，有牛肉味，good！北海道燒帆立貝：提早落單，因為呢個餸要等好耐，但係好好食，白汁好入味！小食同埋嘢飲係自助，小食有韓國泡菜，越南春卷，芝麻八爪魚，辣帶子唇邊，中華海草等服務方面換碟速度快，上菜速度都快，算係唔錯。餐廳用餐人多，要提早booking

今次同家人去食，提早15分鐘到達，要求坐卡位，卡位寬闊，坐得好舒服，刺身及羊架都係必食之選，但壽司就麻麻地，食飽後，最重要係甜品、雪糕任食，好暢快。下次都會去。

近來放題食物愈來愈豪華，花款層出不窮，而我卻獨愛大喜屋集團！每次去都是質素很好，這次終於一試號稱最高級的放題，殿大喜屋！幸好一早訂了位，早了到都已經有長長人龍等待入座。全部都以卡位形式，不會太過緊逼。自助吧的選擇很多，有前菜沙律區，即制手卷區。甜品櫃也有幾個之多，雪糕更是任食的！飲品的選擇也很多第一回見放題有清酒和梅酒任飲，真的是豪華級的放題！我則選了很小有的日式果汁酒先來的當然是刺身！想不到這裏竟會有拖羅刺身，新鮮肥美。油甘魚和帶子亦是我的最愛，十分鮮甜，件件厚切！新奇有趣的有椰子雞湯，雞湯很鮮味！用料十足，想不到放題中也可以嘗到。和牛薄燒也是推介之一，牛肉燒成大概七分熟。牛肉味很濃，帶點蔥花和蒜片的咸香，十分惹味。怎麼能小了壽司呢！最推介的一定是帶子鵝肝卷和黑松露油甘魚。一件一口，味道香濃，魚質肥美！玉子燒也是這裏獨有的食品，試了明太子和芝士味。明太子味道比較惹味，蛋味亦十分香濃。芝士味則有點太膩。一定要吃的是巨型海膽手卷！在手卷吧每人每次限取兩個。海膽的份量非常多，十分新鮮，看着師傅即時從一版版的海膽中取下即制。海膽很鮮甜，非常正！最後當然要吃雪糕！任食又是回本之選！我最愛的是日

朋友仔話放工見到呢度排晒長籠，好想知呢間放題係咪咁正，所以約埋一齊試下，我梗係奉陪啦!! 食物: 最愛三甲... 都係熟食類。 和牛薄燒薄薄地唔韌，肥瘦均勻，即叫即燒帶微溫，生熟度剛好，加埋個甜汁，真係超好食! 我地食完一次唔夠喉，再叫多兩碟! 羊鞍燒得幾好，重孑然粉香，帶少少羊腥味，肉冧唔會好韌又唔會好肥，外層燒到少少脆，不錯不錯。 芝士玉子燒最喜歡佢個size，一口多啲啲，唔會太多而覺膩，蛋幾滑，夾著半溶芝士，太邪惡了! 好在唔係好大件。壽司刺身整體都中上水平，特別深刻係手卷，三文魚真係好鬼厚!! 朋友覺得海膽手卷份量也超多! 好夠誠意!! 貝類刺身都鮮甜，帶子厚啲就更好了! 另外，幾欣賞壽司既擺位，擺到似魔法陣咁，好正，有心思! 仲有枱上既甜泰蝦汁，配生蝦啱晒。甜品: 多品牌 多種類呢度既甜品係以提供不同牌子取勝，有movenpick已經係超開心，仲要有少有既milktop，還有穩陣既Haagen Dazs...仲有韓國雪條，仲有雪糕球定雪芭... 最特別係連冰冰都有!!! 真係好多款揀! 作為雪糕die -hard fans，真係心花露放，想試晒咁多款.. 可惜今次已有8成飽

極上同樂天大喜屋都食左幾次，今次當然要使下大喜屋系列的殿堂，都係一樣只係得兩個時間揀，要返工嘅一定揀8:45啦去到前有訂位但都要排隊，夠鐘準時入場，即刻叫刺身先，拖羅冇筋，池魚新鮮，虾亦夠哂大隻！而話難得有嘅蟹腳就異常一般，冇味；鮑魚夠新鮮，另外仲食左他他牛同泰式生虾，不過都係去泰國菜店食啦壽司方面有好多款，冇食哂，但普遍嚟講飯唔會太多，適合食放題嘅心情同胃口……首推蟹膏軍艦同要喺外面排隊嘅海膽手卷，但冇其他人講到咁好熟食方面，試左扇貝，榴槤炸彈，多春魚，炸蠔，牛肉鍋……但燒🍍，雞亦串，啤酒蝦同燕窩炒蛋白都可以唔駛食了亦有得點沙冰，有2-3人先好試，都幾大碗的，而且外面亦有甜品櫃有10多款任揀，而雪糕就有haggen dazs柚子味，milk top嘅沖繩海鹽雪糕同牛奶雪條，亦有榴槤雪波，依個亦係可以最唔試的飲品方面有多款有酒精嘅雞尾酒，亦有冷熱清酒同梅酒，亦有不少飲品罐裝可以任拎任飲總括嚟講，飲品/甜品/刺身真係冇得輸，但連加一要339就有d貴，下次食返極上仲好🤔

I would like to have sushi, so I asked my colleague came here with me at lunch time, lucky she agreed this suggestion.There were many sets at lunch time. With salad, soft drinks, Chinese soups for all sets.I ordered a curry udon with Japanese pork, curry was thick, more like sauce instead of soup, udon was tasty. Also with different sushis in the sets, they were fatty and tasty.

今晚約o左個舊同事食飯, 揀o左呢間放題聚下。等埋同事收工, 所以就揀食第二輪。唔怪得叫殿大喜屋, 唔會坐得勁迫, 坐得幾舒服。一坐底即刻叫刺身, 款色好多, 但估唔到竟然有拖羅! 叫o左拖羅, 油甘魚, 池魚, 帶子等等。大部分刺身都好鮮切得都厚身, 之後都再encore, 回本必叫拖羅。落緊單o既時候侍應話有海膽手卷拎, 見到好多人去拎, 放題又無理由蝕俾佢, 當然要拎件試o剌。海膽係無腥無怪味, 而且仲鮮甜, 好正! 同朋友每人encore多一件!飲品選擇多, 特別係有自製有酒精飲品! 呢個飲落好易入口! 帶子燒味道有濃郁o既沙律醬味, 加o左青椒等都唔錯, 重口味可叫!雪花肥牛鍋都唔錯, 牛肉都有幾片, 葛粉都有入味, 仲可以食幾片菜, 當balance下食o甘多肉。要特別讚個燒薄和牛肉, 半生熟配埋個燒汁真係好食!食到最後唔少得甜品, 其中o既亮點係雪糕有Haagen dazs同movenpick!!! 雖然味道得1,2隻, 但都係回本之選, 同同事每人都食o左2杯番本!! 殿大喜屋仲有自助區俾你拎生果, 甜品同飲品, 選擇多!!

還記得小時候每次家人帶宅女去吃自助餐就會超興奮, 皆因除了有各式各樣美食可以自行選擇, 最重要當然是可以放肆地任吃刺身壽司啦! 所以當日式放題在香港開始流行時, 那時候真的常常會約朋友去吃, 吃到肚皮撐出來才罷休. 不過近年年紀開始大, 食量也隨著減少, 吃放題的機會便相對越來越少. 但最近看到友人吃過這家殿大喜屋說十分不錯, 心想反正今年還未吃過放題, 便馬上相約幾位同好, 齊齊來試試這家水準! 其實大喜屋在香港做放題都巳有好一段時間, 想當年單是尖沙咀一間大喜屋訂位就要等到2個月之後. 期後再在旺角開了樂天大喜屋及走水準再好一點的極尚大喜屋, 宅女之前試過吃幾次其實都不錯的, 就是甜品部份比較弱.而這家殿 大喜屋, 就標榜著在眾多間大喜屋放題之中水準最高, 食物種類也是最多的一間.由於怕沒座位, 所以宅女大約於一星期前打電話去訂位, 他們當天亦會再打電話來確認位子. 值得一讚是他們打來時剛好宅女在公司開會聽不到電話, 原來他們是會WHATSAPP客人確認的, 這點都幾方便. 餐廳位於尖沙咀的金巴利道, 即THE ONE對面. 只要坐電梯上一樓就可以. 來到門口發現等位的人超多.

坦白講，食放題係一種理性與耐力之爭，理性嘅係你知道到頂，耐力係到底你仲可以食幾多。記得盡可能都多啲人一齊食，可以試多幾款，呢間都幾值得你試多幾款。我地book咗8點9一輪，都有9成幾入座率，平日夜晚都有咁多人，真係唔係講笑。係樓下報到之後等排隊上，環境比我想像中企理，係可以清到俾下一場嚟講算係咁，意外地一行入有個vip房，目測都已經坐左十六，七人，呢個係幾難得。兩個小時角力開始。點哂嘢之後可以出去拎前菜同飲品，前菜有沙律菜同泡菜，仲有枝豆，超鍾意！飲品都多選擇，個個都拎茶。見到雪櫃已經勁想快啲到呢個環節。當然係刺身啦，必定點嘅係拖羅。9點3出邊有手卷攞，正喎！真係要拎佢海膽同三文魚，多到呢，同埋堅好食，三文魚又勁厚！不得不提一定要叫佢個薄牛肉，超好味！叫左三次，堅好味！有好多款酒揀，有清酒，有梅酒，啤酒任飲。食到飽飽地，有熱茶可以飲。雪榚當然要食佢個movenpick啦！超完美

又嚟到大喜屋系列！今次終於打大佬試最正嘅殿大喜屋！我地食六點個輪，五點九去到已經排哂長龍不過店員好體貼拎紙包飲品比客人飲住等入到去見到自助吧都好多野拎，第一樣令我雙眼發光嘅係清酒同梅酒任飲！我試咗梅酒，梅味都幾香甜同平時自己買嘅差唔多！任你自己拎，真心回本之選呢到最吸引我係刺身有拖羅任食！刺身件件厚切，個樣都好新鮮。拖羅入口即溶，仲魚油甘香重。帶子同油甘魚都係我至愛，夠哂肥美同鮮甜。最中意食火炙壽司！一定係食火炙三文魚同左口魚邊，兩者都有入口即溶嘅口感。蟹肉蒸蛋好滑，個醬汁有濃濃嘅蟹鮮。而且真係真材實料有蟹肉咖，放題有呢啲都幾驚喜。凍海鮮新奇大發現，有鮑魚仔！絕對又係回本必食呀！鮑魚仔真係隻隻原整無呃人，而且口感彈牙有鮮味。不得不提嘅仲有海膽手卷！超級多海膽，同平時係街鋪買個啲size⼀樣！海膽鋪滿整個手卷，食落creamy又鮮甜！我一個人都食咗兩個呀！最後雪糕仲要係任食，貴價雪糕款式又多！我就最中意movenpick! 好少食放題有咁正嘅雪糕食咖！

殿。大喜屋，其殿之名，果真名不虛傳，真材實料！首先嚟到已經覺得呢度嘅裝潢擺設已流露出高檔味道，大吊燈、大大張梳化櫈、而且空間感充足，食得舒服😬人多可要求坐呢張殿堂大枱，自成一角，唔錯架😬呢度收得咁嘅價格，都比番足料，就算平常所見嘅食物種類，呢度總有一d係高級d、少見d嘅嘢食，好似刺身類，呢度有拖羅、池魚；殿堂推介有生蝦、生牛肉他他；甚至有冰，夏日限定嘅綿綿冰，真係估佢唔到，搞搞新意思👍🏻各類別都重點推介幾樣必食item比大家☺️刺身類有拖羅、油甘、池魚凍海鮮類：珍珠鮑魚、松葉蟹腳壽司、卷物類：鵝肝帶子、黑松露油甘魚、燕窩魚籽花之戀、牛油果軟殻蟹卷殿堂推介類：泰式生蝦、生牛肉他他(伴意大利黑醋)特式刨冰類：推介日式抹茶白玉、港式雜果繽紛一品料理類：蒜麵豉炒虎蝦+啤酒啫哩啤酒啫哩，第一次見。如上圖，小小的一粒，淡淡啤酒味，整體幾特別，好味道。西蘭花鮑汁扒雜菌：日式熱清酒，中式西蘭花扒雜菌，呢個特別嘅配搭😆的確呢度坐爆客都唔覺好噪耳，兩個人慢慢飲食、開心吹水，2、3小時過得好快☺️自己任拎熱清酒，大推😙鐵板+蒸焗類：和牛薄燒、蟹肉日式蒸蛋蒸蛋，每次必食，太好味啦😋又滑、又香、又熱辣辣，抗拒唔到！