影片
更多
2017-08-05
767 瀏覽
朋友仔話放工見到呢度排晒長籠，好想知呢間放題係咪咁正，所以約埋一齊試下，我梗係奉陪啦!! 食物: 最愛三甲... 都係熟食類。 和牛薄燒薄薄地唔韌，肥瘦均勻，即叫即燒帶微溫，生熟度剛好，加埋個甜汁，真係超好食! 我地食完一次唔夠喉，再叫多兩碟! 羊鞍燒得幾好，重孑然粉香，帶少少羊腥味，肉冧唔會好韌又唔會好肥，外層燒到少少脆，不錯不錯。 芝士玉子燒最喜歡佢個size，一口多啲啲，唔會太多而覺膩，蛋幾滑，夾著半溶芝士，太邪惡了! 好在唔係好大件。壽司刺身整體都中上水平，特別深刻係手卷，三文魚真係好鬼厚!! 朋友覺得海膽手卷份量也超多! 好夠誠意!! 貝類刺身都鮮甜，帶子厚啲就更好了! 另外，幾欣賞壽司既擺位，擺到似魔法陣咁，好正，有心思! 仲有枱上既甜泰蝦汁，配生蝦啱晒。甜品: 多品牌 多種類呢度既甜品係以提供不同牌子取勝，有movenpick已經係超開心，仲要有少有既milktop，還有穩陣既Haagen Dazs...仲有韓國雪條，仲有雪糕球定雪芭... 最特別係連冰冰都有!!! 真係好多款揀! 作為雪糕die -hard fans，真係心花露放，想試晒咁多款.. 可惜今次已有8成飽
食物:
最愛三甲... 都係熟食類。
[一] 和牛薄燒
薄薄地唔韌，肥瘦均勻，即叫即燒帶微溫，生熟度剛好，加埋個甜汁，真係超好食! 我地食完一次唔夠喉，再叫多兩碟!
[二] 羊鞍
燒得幾好，重孑然粉香，帶少少羊腥味，肉冧唔會好韌又唔會好肥，外層燒到少少脆，不錯不錯。
[三] 芝士玉子燒
最喜歡佢個size，一口多啲啲，唔會太多而覺膩，蛋幾滑，夾著半溶芝士，太邪惡了! 好在唔係好大件。
壽司刺身
整體都中上水平，特別深刻係手卷，三文魚真係好鬼厚!! 朋友覺得海膽手卷份量也超多! 好夠誠意!! 貝類刺身都鮮甜，帶子厚啲就更好了! 另外，幾欣賞壽司既擺位，擺到似魔法陣咁，好正，有心思! 仲有枱上既甜泰蝦汁，配生蝦啱晒。
甜品: 多品牌 多種類
呢度既甜品係以提供不同牌子取勝，有movenpick已經係超開心，仲要有少有既milktop，還有穩陣既Haagen Dazs...仲有韓國雪條，仲有雪糕球定雪芭... 最特別係連冰冰都有!!! 真係好多款揀!
作為雪糕die -hard fans，真係心花露放，想試晒咁多款.. 可惜今次已有8成飽... 試唔晒呀... 可惜...
頭盤/飲品/生果/甜點cake都超多款，每項有4-6項以上，特別飲品有清酒， tequila，即磨咖啡(見到隔離枱飲，超香!)... 頭盤有米卷添...呢間放題款式大勝!
環境:
開頭排晒長龍，勁擔心會唔會無位...但原來裡面超大...好多位...應該可以容納150-200人呢...
經過見到，仲有有間神秘VIP房，好似坐到10幾20人，一大班人自己有獨立空間，放聲玩，盡情食，真係幾正。
整體望落座位之間都幾闊，坐得幾舒服，我同朋友4丁友，可以坐個似6人既卡位，真係點郁都得，哈哈。
服務:
下單上菜都合理時間，無漏單，以應付咁多客人算好有效率。最欣賞有位女職員收完碟，特意再將枱上食物放回中間位置，近我地一d, 方便我地慢慢食，服務細心!
張貼
