殿 大喜屋

營業中

休息中

一直很喜歡大喜屋系列,它的刺身是放題界裡,口感最好的. 殿比樂天大喜屋更高級,有海膽,清酒及名牌雪榚 星期五BOOK位,星期六只剩20:45 時段一坐低立即叫了刺身, 拖羅是必食, 三文魚十分肥美, 赤貝和蝦都很鮮甜 食完即刻再叫多round!!!到9點幾, 終於有海膽手卷拎, 需要排隊約5mins, 好味道, 真係足料半板新鮮海膽！蟹腳好正, 有埋較剪同鉗, 簡直比得上自助餐熟食一定要食燒芝士玉子, 芝士好香蛋亦好滑,比起市面上的玉子燒專門店更好食!忍唔住叫左4件 燉湯亦十分足料甜品非常多選擇, 好飽的我基於甜品是第二個胃, 拎了一小部分的甜品和雪糕~~~十分滿足不得不提,飲品選擇亦很多, 場內小食如泡菜,海哲,八爪魚是自助形式的，辣辣地好開胃

原本同人慶祝生日，開開心心食放題。點知俾佢搞到嬲嬲收場！入到去攞位，發覺好熱，問工作人員係咪壞冷氣？佢話整緊，入去坐住先。點知中伏！越坐越熱，熱到好似sauna房咁😤！有相為證，有人要除咗上衫喺度食嘢！問佢幾時整好，又唔答人！最後得知原來下午四時冷氣已開始壞。整咗兩個鐘都整唔掂，就唔好呃啲客入去食嘢，錢就照比！當日有小朋友有老人家，是但一個熱到暈低，邊個負責？我哋都係食到七點鬆啲，就頂唔順要走人。做生意要有良心！最差嘅係， 見唔到佢哋有打算通知晚上8:45果場啲客冇冷氣囉！

男朋友同我慶祝生日～訂左殿大喜屋6-8:30pm時段,兩個半鐘時間非常充足呀!全部都系卡位,坐位舒服。冷氣都幾凍,侍應教細左冷氣,仲有得借披肩,乾淨又厚又大張,真貼心!!落左order就出去拎d前菜,有爽口清甜萵筍,車厘茄,超級健康秋葵,半肥瘦有咸香既Parma Ham配上多汁哈密瓜!!熱清酒都有,勁呀!飲返枝先。梅酒都好飲呀,較甜,我中意加多d冰。16款汽水果汁,1款啤酒,自助橙/蘋果汁,仲有咖啡同茶!油甘魚,拖羅,北寄貝,北海道帶子,甜蝦刺身超新鮮,油分豐富,其中赤貝同赤蝦我地最印象深刻,太爽口應有的鮮甜都有,再叫一次!!Order好快到又唔會漏單,收Order紙也非常快!芝士玉子,熱熱的芝士汁包住香滑有蛋味既玉子,暖一暖肚。排隊每人每次限兩件手卷,鮮美既海膽色澤好,綿密Creamy。淡淡的黑松露飯包住三文魚腩,又厚又大條,食到最底都有,魚多過飯呀。海南椰子雞湯,出街食飯唔多唔少都掛住住家令湯,每盅都有椰肉,雞件,雪耳,味道鮮美清潤甘甜,養氣又補血,我地每人飲左兩盅呀!鐵板和牛薄燒,牛味濃,油脂分佈平均,又唔韌,高質呀。殿之霸王蟹,夠辣又惹味,新鮮蟹肉雖然無膏但爽口嫩滑。甜品時間～

7-7-2017今日係慶祝朋友生日，叫左好多食物，而食物質素係ok嘅，當中芝麻雞翼好出色，但係衛生同服務有待改進。重點黎啦，到我地食到咁上下，有位穿白色恤衫貌似主任/經理嘅男人同我地講舖頭要關門...我地果一刻呆左，心諗:蛋糕都未切，就要關門，跟住我地都耍冧話比一兩分鐘我地，我地切完食小小就走，好啦，果一兩分鐘嘅時間就全程黑面，好大力放d碟落黎，兩分鐘都無，我地就走啦，廢時阻人收工，而其他侍應，包括有位穿恤衫嘅女人都好有善。呢餐飯確實食得唔開心。我唔明白點解身為一個主任/經理嘅人EQ可以咁差？(我見到有三個白衫，兩男一女，我指係較年輕果位男人)另外就係點解唔提早十五分鐘通知客人要關門？第一句就話舖頭關門！！！完全反應唔切，真係好差。

同朋友即興諗住食午市放題星期日11點8仲諗住可能冇位點知一打去竟然有位就book咗兩位時段係12點到三點我哋12:50去到發現都有好多位可惜我地遲黎冇卡位坐二人枱比較細 放食物唔夠用飲品任飲 甜品任食仲要係h同m字頭的貴價雪糕！朋友飲蜜桃汁我飲茶整體服務都幾好：接單快，上菜快，收碟幾快刺身新鮮手卷唔會太多飯大力推薦海膽手卷同三文魚黑松露手卷呢兩樣要自己出去攞海膽多，三文魚又肥美！正少少美中不不足係帶子好細同薄但係蝦都鮮甜的

同事生日，特意同佢嚟慶生其實早幾個月自己生日，男友仔都係同我響度食生日飯之後就一直念念不忘，想搵機會再嚟正所謂機會嚟喇！飛雲～～🤣大家一坐低就即刻「做功課」，打開兩本order file係咁tick真係勤快過做功課我地點左呢啲～～嗰啲～～仲有呢啲同嗰啲～～

星期五黎左呢到食Lunch, 見佢有個88蚊任選2款，好似幾抵食咁，一於試下~88蚊有湯有白飯有野飲，不過野飲方面只係得蘋果汁/橙汁/紙包飲品，想飲熱野就只有咖啡，所以只好要蘋果汁。仲有沙律送，不過奇就奇在沙律點解會落呢隻酒樓食粥送嘅薄脆，係咩玩法？之後有個湯，竟然係中湯之紅蘿蔔粟米瘦肉煲椰子，個湯Okay 接受到，但係一間日式餐廳到飲中湯又係咩玩法﹖之後我地2個人都食88蚊呢個餐，所以共有4款野食，而我其中一款叫左壽司，好可惜，魚生刺身個樣又乾又細舊，不過係款式比較多，遜色左D~另外仲有薑汁燒豚肉，唔知係風口位定係點樣，一上檯一陣就凍晒，而豚肉食落口無薑汁味，係咩味都無，塊肉食落口好硬，仲乾過張紙。燒雞都好D，一樣係煮過龍，雞肉比較鞋身，好彩仲有個叉燒醬汁，算係咁啦。最後仲有個鹽燒鯖魚(無影相)，反而個鯖魚除左咸左少少之外，整體燒得唔錯，唔會太油，肉質又唔太鞋，反而呢個接受到。最後仲有甜品送，係和果子，個皮係透明皮入面係紅豆餡，唔會死甜，但皮都幾"煙un", 都okay 嘅。講份量呢到都算多，白飯仲可以任叫，服務方面都okay~88蚊一位，加埋一兩位都唔洗200蚊，不過係野食水準差左

正所謂一分錢一分貨 完全做唔到咁既價錢 完全令人失望我地簡左8點半時間食 第一次同女朋友去殿大喜屋食 第一輪既梗係食刺身啦 刺身認真麻麻太普通 完全冇鮮味係到 所以叫左一次就算 太伏最令人過份既就係蟹腳 我真係諗唔到點解蟹腳解都唔解凍就比個客食 食左落去覺得就似食緊蟹味既雪糕之後見到個食評話椰子燉雞湯係指完要叫 黎到飲左一淡同餐廳老火湯冇分別仲有個芝士五花腩完全食緊漢堡扒既味道冇分別 完全唔make sense 總結黎講佢地既熟食既水準非常之差 完全冇驚喜 失望多過驚喜 食評完全好似呃人 食物做唔到張相既效果 見到食評有海膽壽司 其實得海膽手卷仲要個手卷超多飯 食兩個已經飽哂 小弟平時好懶 懶得寫好評 依間亦都係我第二間忍唔到寫負評既放題

朋友俾我揀食呢間或平成二十二，兩間都未食過，睇相都係決定食殿。大喜屋先！好彩一早訂了位，準時即入去開餐，店員服務好好又快，我地一邊填單，佢地一邊收去廚房！轉個頭就有得食，呢個效率都已經勝過其他放題啦！而且環境寬闊，比其他放題都舒服。率先上刺身拼盤！我點左三十件三文魚刺身、三十件甜蝦.....朋友話我知佢唔食蝦.....我只好自己一口氣食晒三十件蝦先，因為一定要食晒，咪做大Sai 鬼！店員係咁同我換碟，都幾唔好意思！ 刺身鮮甜，但同平時的大喜屋分別不大。壽司比其他放題款色多，而且質素不差！期待的蟹腳好唔錯，有鮮味又有海水味，雖然比唔上酒店級，但放題級已經好食！海膽手卷一人一次可以攞兩件，仲分時段！我食左兩轉，海膽都算鮮，而且份量多，抵晒！北海道燒帆立貝、和牛薄燒、燒菠蘿、紫薯波波及榴連波波都值得食！甜品梗係唔少得！Häagen-Dazs™ 接骨花味正！Movenpic雪糕正！榴連雪球最好食！ 抵晒！

公司聚餐，因為人數不少，所以半個月前已經預約。一般是分兩個時段，但因為平日的關係，可讓我們預約七時半入座，很多放題店也做不到，這點很讚！一開始點了刺身，很新鮮！特別是拖羅、池魚和赤蝦，很有鮮味！赤蝦和大型連鎖的元X壽司的赤海蝦是一樣的！自助式：豐盛的海膽手卷，量多，鮮甜！三文魚手卷是厚切的！壽司也很出色到熱食：放題最鍾意的芝麻雞翼、香芋丸、榴連波波還有珍珠鮑魚仔、椰子雞湯、milk top雪糕、movenpick雪糕等...即使是自助自取的食物處，也有很多選擇，當月生日還有甜品送呢

大喜屋呢類放題一向係我至愛，今次來呢間有殿呢個字，價錢就再高點，但質素又真係幾好！影左其中幾款，其實仲有其他，都係好好味。油甘魚同另一種魚都好爽口，色澤好靚好新鮮，魚味十足，但又唔會有好腥既血味，反而海水鮮味十足。辣酒煮螺好多呀，粒粒肉都幾肥美，辣味都好入味所以都食得好滋味，但好怕辣就唔好拎喇因為太入味。蟹腳好多肉，好鮮甜唔係水蟹，我無限地食，煮得剛剛好熟，不過就唔算太熱食。芝士年糕好脆身，入面流d cheese出來，芝士香味十足，好夠熱力，做到內脆外軟。炸物的質素都幾唔錯好夠熱！甜品有好多選擇，我食左馬卡龍同 tiramisu ,馬卡龍冇死甜味，少少脆甜甜地，調味算做得唔錯。Tiramisu都幾香滑，好有香甜的咖啡味，不錯！

上月媽媽節至食過，今次輪到爸爸節了。準時1200到達，先黎刺身順住食，新鮮程度不在話下，拖羅入口即溶化令人失控。珍珠鮑魚仔夠彈牙，桌上提供鉸剪貼心易處理，令我松葉蟹腳追住食。和牛薄燒配醬汁，肉質非常嫩滑，醮醬汁食好滋味。鵝肝帶子壽司體積細細，過過口癮好滿足。鹽燒牛舌必食之選，簡單調味鹽跟黑椒，加上師傅功力燒到啱啱好，有油香又易咬。即炸吉列蠔醮專屬醬汁簡直一絕。排隊攞嘅海膽手卷用料豐富且新鮮，可惜飯比較多，一件好了。炒虎蝦拼啤酒啫喱，大大隻啖啖蝦肉口感Q彈，啤酒啫喱被面頭嘅山楂片蓋過吃不出啤酒味。甜品我選擇冰淇淋，吃盡品牌雪糕同日本直送牛奶冰條，濃厚牛乳味又唔太甜，激讚

返工上網睇，睇到尼間見甘多好評，即刻打電話book位，8點45果輪試一試。先講等位情況，真係準時先比你入，都真係好多人，吾緊要，有好野食最真。等一陣ok既。再講服務，侍應都還好，係執野既情況需有少少改善，吾好當睇吾到，要叫先執。當然最重要講野食………………少可有紅酒，白酒，冷熱清酒任飲突別手卷，黑松露三文魚腩手卷同海膽手卷，一流其他熱食都正，和牛薄燒，蟹肉蒸蛋，玉子燒，當然吾少得燕窩炒蛋白甘既價錢，食物，擺碟正啊會再去

朋友聚會大約10個人，一早比訂金book咗枱留咗間房俾我哋，三張細枱同一張大枱拼埋一齊，所以感覺好闊落。食得放題，食物種類都係甘上下，不外乎都係刺身、小食、甜品、燒物等。我哋都叫咗好多野，大部份來講都算新鮮同好食。刺身夠凍夠新鮮，椰子雞湯清清地都幾好飲，炸蠔都好味道，不足係外皮太厚啦，一咬落去成口都係油。榴槤炸彈同三文魚腩都好好食。海膽雖然要排隊拎，但其實時間唔耐好快已經有啦，有甜味新鮮好食。我哋叫叫下，叫到成張枱都係嘢食，真係見到都開心滿足丫。最記得係個芝士玉子好甜，咬完一啖已經唔想再食落去。我好鍾意食甜蝦，但係覺得呢度嘅甜蝦一般。水果種類多，最後梗係甜品時間啦，不過除咗個牛乳布甸之外，其餘都一般。雪糕常見既牌子係哂度，最好食係MikiTop。

2017 年的生日...在 520 出去食...位於尖沙咀的殿大喜屋...在家陪太子女温完習先出門...去到樓下登記等左五分鐘左右就安排入座了...一坐低...已經急不及待入紙了...皆因...温習用左好多精力...温到好餓了...來一盤刺身拼盤...殿大喜屋有我們一家喜歡食的赤貝...ENCORE 左好多次...大大片...一啖一滿足... 和牛薄燒...夠哂薄...和牛嫩滑唔會咬唔開... 芝麻雞翼同炸生蠔...超熱超脆...啖啖滿足...小女食左五隻...食到喉嚨乾一樣繼續食... 炸蝦天婦羅同炸南瓜天婦羅...一樣好熱...外表炸粉唔厚...唔怕一口粉... 海膽手卷...六點半開始即場製作...一人限拎兩件...鮮就一定唔夠鮮...不過...好彩冇腥臭味...可惜...飯就大舊左少少...同埋...飯太熱了... 明太子香葱玉子...香軟嫩滑...如果細件少少就好...食一件已經有點膩... 牛油果軟殻蟹卷...牛油果未有變色...食落好新鮮...軟殼蟹又香脆...整體配合好好呢... 北海道燒帆立貝...沙津稍為酸左少少了... 雪昆布松葉蟹膏軍艦...蟹膏鮮味配合蟹肉食岩